ເຊກາຣີຢາ 10:9 - ພຣະຄຳພີສັກສິ

⁹ ເຖິງ​ແມ່ນ​ເຮົາ​ໄດ້​ກະຈັດ​ກະຈາຍ​ພວກເຂົາ​ໄປ​ກໍຕາມ ໃນ​ທ່າມກາງ​ບັນດາ​ຊົນຊາດ​ທັງຫລາຍ​ນັ້ນ ແຕ່​ຈາກ​ທີ່​ຫ່າງໄກ​ພຸ້ນ​ພວກເຂົາ​ຍັງ​ຈະ​ລະນຶກ​ຄິດເຖິງ ແລະ​ຈົດຈຳ​ເຮົາ​ໄດ້​ຢູ່. ພວກເຂົາ​ຈະ​ລອດຊີວິດ​ມາ​ໄດ້​ພ້ອມ​ດ້ວຍ​ລູກໆ​ຂອງ​ພວກເຂົາ ແລະ​ຕ່າງ​ກໍ​ຈະ​ຫັນຕ່າວ​ຄືນມາ​ບ້ານ.

ເຊກາຣີຢາ 10:9 Jak'a apnaqawi uñst'ayäwi

ເນເຫມີຢາ 1:9

ແຕ່​ຖ້າ​ພວກເຈົ້າ​ກັບຄືນ​ມາ​ຫາ​ເຮົາ​ອີກ ແລະ​ປະຕິບັດ​ຕາມ​ສິ່ງ​ທີ່​ເຮົາ​ໄດ້​ສັ່ງ​ພວກເຈົ້າ ເຮົາ​ຈະ​ນຳ​ພວກເຈົ້າ​ກັບ​ມາ​ສູ່​ບ່ອນ​ທີ່​ເຮົາ​ໄດ້​ເລືອກໄວ້​ໃຫ້​ນາມຊື່​ຂອງເຮົາ​ສະຖິດຢູ່; ເຖິງແມ່ນ​ວ່າ​ພວກເຈົ້າ​ຈະ​ກະຈັດ​ກະຈາຍ​ກັນ​ໄປ​ຢູ່​ທົ່ວ​ທຸກ​ມູມໂລກ​ກໍຕາມ.’

ເອສະເທີ 8:17

ບໍ່​ວ່າ​ຢູ່​ໃນ​ເມືອງໃດ​ຫລື​ແຂວງໃດ​ກໍຕາມ ເມື່ອ​ຄຳ​ປະກາດ​ຂອງ​ກະສັດ​ໄດ້​ອ່ານ​ອອກ​ໄປ​ໃນ​ທຸກ​ບ່ອນ ຊາວຢິວ​ກໍ​ຖື​ເປັນ​ມື້​ຢຸດ​ພັກ​ທີ່​ຊົມຊື່ນ​ຍິນດີ ໂດຍ​ຈັດ​ໃຫ້​ມີ​ການ​ກິນລ້ຽງ ແລະ​ການ​ມ່ວນຊື່ນ. ຕາມ​ທີ່​ຈິງ​ແລ້ວ ໄດ້​ມີ​ຫລາຍ​ຄົນ​ໃນ​ຊາດ​ອື່ນໆ​ອີກ​ທີ່​ກາຍເປັນ​ຢິວ ເພາະ​ບັດນີ້​ພວກເຂົາ​ຕ່າງ​ກໍ​ຢ້ານກົວ​ພວກ​ຢິວ.

ເອຊາຢາ 44:21

ອົງພຣະ​ຜູ້​ເປັນເຈົ້າ​ກ່າວ​ວ່າ, “ຢາໂຄບ​ເອີຍ ຈົ່ງ​ພາກັນ​ຈົດຈຳ​ເລື່ອງນີ້. ອິດສະຣາເອນ​ເອີຍ ພວກເຈົ້າ​ເປັນ​ຜູ້ຮັບໃຊ້​ຂອງເຮົາ ເຮົາ​ໄດ້​ສ້າງ​ເຈົ້າ ເພື່ອ​ເປັນ​ຜູ້ຮັບໃຊ້​ຂອງເຮົາ; ອິດສະຣາເອນ​ເອີຍ ເຮົາ​ຈະ​ບໍ່​ລືມໄລ​ເຈົ້າ​ຈັກເທື່ອ.

ເອຊາຢາ 64:4

ບໍ່ມີ​ຜູ້ໃດ​ເຄີຍ​ໄດ້​ເຫັນ ແລະ​ເຄີຍ​ໄດ້ຍິນ​ເຖິງ​ພຣະເຈົ້າ​ດັ່ງ​ພຣະອົງ ຄື​ອົງ​ທີ່​ໄດ້​ເຮັດ​ພາລະກິດ​ເຊັ່ນນີ້​ສຳລັບ​ຄົນ​ທີ່​ມອບ​ຄວາມຫວັງ​ໄວ້​ກັບ​ພຣະອົງ.

ເອຊາຢາ 65:23

ພວກເຂົາ​ຈະ​ເຮັດ​ວຽກງານ​ໂດຍ​ບໍ່​ເສຍ​ປະໂຫຍດ ແລະ​ລູກຫລານ​ຈະ​ບໍ່​ປະສົບ​ກັບ​ໄພພິບັດ. ພຣະເຈົ້າຢາເວ​ຈະ​ອວຍພອນ​ພວກເຂົາ​ແລະ​ເຊື້ອສາຍ​ທຸກຍຸກ​ທຸກສະໄໝ.

ເອຊາຢາ 65:9

ເຮົາ​ຈະ​ອວຍພອນ​ຊາວ​ອິດສະຣາເອນ​ທີ່​ເປັນ​ຄົນ​ໃນ​ເຜົ່າຢູດາ ແລະ​ເຊື້ອສາຍ​ຂອງ​ພວກເຂົາ​ຈະ​ໄດ້​ດິນແດນ​ທີ່​ເທິງ​ພູເຂົາ​ຂອງເຮົາ​ເປັນ​ກຳມະສິດ. ປະຊາຊົນ​ທີ່​ເຮົາ​ໄດ້​ເລືອກເອົາ ຄື​ຜູ້​ທີ່​ບົວລະບັດ​ຮັບໃຊ້​ເຮົາ​ຈະ​ອາໄສ​ຢູ່​ໃນ​ທີ່ນັ້ນ.

ເຢເຣມີຢາ 31:27

ພຣະເຈົ້າຢາເວ​ກ່າວ​ວ່າ ເມື່ອ​ເວລາ​ນັ້ນ​ມາ​ເຖິງ ເຮົາ​ຈະ​ເຮັດ​ໃຫ້​ດິນແດນ​ອິດສະຣາເອນ​ແລະ​ຢູດາຍ ເຕັມ​ໄປ​ດ້ວຍ​ຜູ້ຄົນ​ແລະ​ຝູງສັດ.

ເຢເຣມີຢາ 51:50

ອົງພຣະ​ຜູ້​ເປັນເຈົ້າ​ກ່າວ​ແກ່​ປະຊາຊົນ​ຂອງ​ພຣະອົງ​ທີ່​ບາບີໂລນ​ວ່າ, “ພວກເຈົ້າ​ລອດ​ຈາກ​ຕາຍ​ແລ້ວ ຢ່າ​ລໍຖ້າ​ເລີຍ ແມ່ນ​ວ່າ​ພວກເຈົ້າ​ໄກ​ຈາກ​ບ້ານເກີດ​ເມືອງນອນ​ກໍຕາມ ຈົ່ງ​ຄິດເຖິງ​ພຣະເຈົ້າຢາເວ​ຂອງ​ພວກເຈົ້າ ແລະ​ຈົ່ງ​ລະນຶກເຖິງ​ນະຄອນ​ເຢຣູຊາເລັມ.

ເອເຊກຽນ 6:9

ບ່ອນ​ທີ່​ພວກເຂົາ​ຈະ​ໃຊ້​ຊີວິດ​ຢູ່​ເປັນ​ຊະເລີຍ​ໃນ​ຕ່າງຖິ່ນ. ໃນ​ທີ່ນັ້ນ ພວກເຂົາ​ຈະ​ລະນຶກເຖິງ​ເຮົາ ແລະ​ຮູ້​ວ່າ​ເຮົາ​ລົງໂທດ​ພວກເຂົາ​ໃຫ້​ໄດ້​ຮັບ​ການ​ອັບອາຍ​ຂາຍໜ້າ ກໍ​ເພາະ​ຈິດໃຈ​ທີ່​ຂາດ​ຄວາມເຊື່ອ​ຈຶ່ງ​ພາ​ໃຫ້​ຫ່າງເຫີນ​ຈາກ​ເຮົາ​ໄປ ແລະ​ພວກເຂົາ​ຮັກ​ຮູບເຄົາຣົບ​ຫລາຍກວ່າ​ຮັກ​ເຮົາ. ພວກເຂົາ​ຈະ​ກຽດຊັງ​ຕົນເອງ ເພາະ​ຄວາມ​ຊົ່ວຊ້າ ແລະ​ສິ່ງ​ເສື່ອມເສຍ​ທັງຫລາຍ​ທີ່​ພວກເຂົາ​ໄດ້​ເຮັດ.

ໂຮເສອາ 2:23

ເຮົາ​ຈະ​ໃຫ້​ປະຊາຊົນ​ຂອງເຮົາ​ຕັ້ງ​ຫຼັກແຫຼ່ງ​ຢູ່​ໃນ​ດິນແດນ ແລະ​ໃຫ້​ອຸດົມສົມບູນ​ຍິ່ງໆ​ຂຶ້ນ. ເຮົາ​ຈະ​ໃຫ້​ຄວາມຮັກ​ຕໍ່​ຜູ້​ທີ່​ຖືກ​ເອີ້ນ​ວ່າ, “ຂາດ​ຮັກ” ແລະ​ຜູ້​ທີ່​ຖືກ​ເອີ້ນ​ວ່າ, “ບໍ່ແມ່ນ​ປະຊາຊົນ​ຂອງເຮົາ” ດ້ວຍ. ເຮົາ​ຈະ​ກ່າວ​ວ່າ, “ພວກເຈົ້າ​ເປັນ​ປະຊາຊົນ​ຂອງເຮົາ.” ພວກເຂົາ​ຈະ​ຕອບ​ວ່າ, “ພຣະອົງ​ຊົງ​ເປັນ​ພຣະເຈົ້າ​ຂອງ​ພວກ​ຂ້ານ້ອຍ.”

ອາໂມດ 9:9

ເຮົາ​ຈະ​ອອກ​ຄຳສັ່ງ ແລະ​ຈະ​ຝັດຮ່ອນ​ພວກ​ອິດສະຣາເອນ ດັ່ງ​ຝັດຮ່ອນ​ເຂົ້າ​ຢູ່​ໃນ​ກະດົ້ງ. ເຮົາ​ຈະ​ຝັດຮ່ອນ​ພວກເຂົາ​ໃນ​ທ່າມກາງ​ຊົນຊາດ​ທັງຫລາຍ ເພື່ອ​ເອົາ​ຜູ້​ທີ່​ບໍ່ມີ​ຄຸນຄ່າ​ທຸກຄົນ​ອອກ​ໄປ.

ມີກາ 5:7

ປະຊາຊົນ​ອິດສະຣາເອນ​ຜູ້​ທີ່​ລອດຊີວິດ​ມາ​ໄດ້ ກໍ​ຈະ​ເປັນ​ດັ່ງ​ນໍ້າ​ຄ້າງ​ອັນ​ສົດຊື່ນ ທີ່​ອົງພຣະ​ຜູ້​ເປັນເຈົ້າ​ສົ່ງ​ລົງ​ມາ​ສຳລັບ​ຫລາຍ​ຊົນຊາດ ເໝືອນ​ຫ່າຝົນ​ທີ່​ຕົກ​ເທິງ​ພືດພັນ​ທີ່​ຫາກໍ່​ປົ່ງ​ໃໝ່. ພວກເຂົາ​ຈະ​ອາໄສ​ພຣະເຈົ້າ ແຕ່​ບໍ່ແມ່ນ​ອາໄສ​ມະນຸດ.

ກິດຈະການ 8:1

ໂຊໂລ​ກໍ​ເຫັນ​ພ້ອມ​ກັບ​ການ​ຂ້າ​ຊະເຕຟາໂນ. ໃນ​ວັນ​ນັ້ນ​ເອງ ໄດ້​ເກີດ​ມີ​ການ​ຂົ່ມເຫັງ​ຢ່າງ​ໜັກ ຕໍ່​ຄຣິສຕະຈັກ​ໃນ​ນະຄອນ​ເຢຣູຊາເລັມ ພວກ​ລູກສິດ​ທັງໝົດ ເວັ້ນ​ໄວ້​ແຕ່​ພວກ​ອັກຄະສາວົກ ຕ່າງ​ກໍໄດ້​ກະຈັດ​ກະຈາຍ​ໄປ​ທົ່ວ​ແຂວງ​ຢູດາຍ ແລະ​ແຂວງ​ຊາມາເຣຍ.

ກິດຈະການ 8:4

ພວກ​ຄົນ​ທີ່​ເຊື່ອ ທີ່​ໄດ້​ແຕກ​ກະຈັດ​ກະຈາຍ​ໄປ​ນັ້ນ ຕ່າງ​ກໍໄດ້​ປະກາດ​ຂ່າວປະເສີດ​ຕາມ​ບ່ອນ​ຕ່າງໆ.

ໂຣມ 11:24

ດ້ວຍວ່າ, ຖ້າ​ພຣະເຈົ້າ​ຊົງ​ຕັດ​ເຈົ້າ​ອອກ​ຈາກ​ຕົ້ນກອກ​ປ່າ ທີ່​ເປັນ​ໄມ້​ປ່າ​ຕາມ​ທຳມະຊາດ ແລະ​ຊົງ​ນຳ​ມາ​ຕໍ່​ເຂົ້າ​ກັບ​ຕົ້ນກອກ​ພັນ​ດີ ຊຶ່ງ​ຜິດ​ທຳມະຊາດ​ຂອງ​ມັນ​ແລ້ວ ການ​ທີ່​ຈະ​ເອົາ​ກິ່ງ​ເຫຼົ່ານັ້ນ​ທີ່​ເປັນ​ກິ່ງ​ເດີມ ມາ​ຕໍ່​ເຂົ້າ​ກັບ​ຕົ້ນ​ມັນ​ເອງ ກໍ​ຈະ​ງ່າຍ​ກວ່າ​ນັ້ນ​ຫລາຍ​ເທົ່າ​ໃດ​ໜໍ.