ຍອດເພງ 8:12 - ພຣະຄຳພີສັກສິ

¹² ສ່ວນ​ເຈົ້າໂຊໂລໂມນ​ນັ້ນ​ກໍ​ຍິນດີ​ຮັບ​ເອົາ ເງິນ​ພັນ​ຫລຽນ​ທີ່​ເປັນ​ຄ່າເຊົ່າ​ສວນ​ນັ້ນ ຄົນ​ເຮັດສວນ​ກໍໄດ້​ສ່ວນແບ່ງ ສອງຮ້ອຍ​ຫລຽນ​ເງິນ ແຕ່​ສຳລັບ​ຂ້ອຍເອງ ຂ້ອຍ​ມີ​ສວນອະງຸ່ນ​ຂອງຂ້ອຍ.

ຍອດເພງ 8:12 Jak'a apnaqawi uñst'ayäwi

ສຸພາສິດ 27:18

ຜູ້​ທີ່​ບົວລະບັດ​ຕົ້ນ​ໝາກເດື່ອເທດ ກໍ​ຈະ​ໄດ້​ກິນ​ໝາກ​ຂອງ​ມັນ. ຄົນ​ຮັບໃຊ້​ທີ່​ບົວລະບັດ​ນາຍ​ຂອງຕົນ​ກໍ​ຈະ​ໄດ້​ຮັບ​ກຽດ.

ສຸພາສິດ 4:23

ຈົ່ງ​ລະວັງ​ສິ່ງ​ທີ່​ເຈົ້າ​ຄິດ​ຢູ່ໃນໃຈ​ໃຫ້​ດີ ເພາະ​ຊີວິດ​ຂອງ​ຄົນ​ຖືກ​ຫລໍ່ຫລອມ​ຂຶ້ນ​ໂດຍ​ຄວາມ​ນຶກຄິດ.

ຍອດເພງ 1:6

ຂໍ​ຢ່າ​ສູ່​ດູຖູກ​ຂ້ອຍ​ຍ້ອນ​ຜິວພັນ​ຂ້ອຍ​ເທາະ ເພາະ​ຕາເວັນ​ເຮັດ​ໃຫ້​ຂ້ອຍ​ດຳແຫລ້​ທົ່ວ​ຜິວພັນ. ພວກອ້າຍ​ຂ້ອຍ​ໃຈຮ້າຍ​ໃຫ້​ຂ້ອຍ​ໃດ ຈຶ່ງ​ບັງຄັບ​ຂ້ອຍ​ໃຫ້​ທຳງານ​ໃນ​ສວນອະງຸ່ນ​ພຸ້ນ. ຂ້ອຍ​ບໍ່ມີ​ເວລາ​ທີ່​ຈະ​ຮັກສາ​ສວນອະງຸ່ນ​ຂອງຂ້ອຍ​ເອງ ຄື​ບໍ່ມີ​ເວລາ​ຮັກສາ​ຕົນຕົວ​ຂອງຂ້ອຍ.

ຍອດເພງ 2:3

ຕົ້ນໝາກຈອງ​ເກີດ​ຢູ່​ທ່າມກາງ​ຕົ້ນໄມ້​ປ່າ​ສັນໃດ ຄົນຮັກ​ຂອງນ້ອງ​ກໍ​ປະປົນ​ຢູ່​ກັບ​ຊາຍ​ອື່ນ​ສັນນັ້ນ. ຂ້ອຍ​ມັກ​ມາ​ນັ່ງ​ພັກ​ເຊົາ​ຢູ່​ໃຕ້​ຮົ່ມ​ຂອງມັນ ແລະ​ໝາກ​ຂອງມັນ​ກໍ​ຫວານ​ແລະ​ຣົດຊາດ​ກໍ​ແຊບ.

ຍອດເພງ 8:11

ກະສັດ​ໂຊໂລໂມນ​ມີ​ສວນອະງຸ່ນ​ແຫ່ງ​ໜຶ່ງ ໃນ​ສະຖານ​ທີ່​ເອີ້ນ​ວ່າ ບາອານຮາໂມນ. ເພິ່ນ​ໄດ້​ເອົາ​ບ່ອນນີ້​ໃຫ້​ຄົນ​ເຊົ່າ​ເຮັດ​ສວນ ແຕ່ລະຄົນ​ກໍໄດ້​ນຳ​ເງິນ​ພັນ​ຫລຽນ​ມາ​ຈ່າຍ​ໃຫ້.

ຍອດເພງ 8:13

ທີ່ຮັກ​ຂອງອ້າຍ​ເອີຍ ຂໍ​ໃຫ້​ອ້າຍ​ໄດ້ຍິນ ສຽງ​ຂອງນ້ອງ​ເວົ້າ​ຈາກ​ສວນ​ແດ່ ໝູ່ເພື່ອນ​ຂອງອ້າຍ​ນັ້ນ ກຳລັງ​ລໍ​ຟັງ​ນ້ອງ​ເວົ້າຈາ.

ກິດຈະການ 20:28

ທ່ານ​ທັງຫລາຍ ຈົ່ງ​ລະວັງ​ຕົວເອງ​ໃຫ້​ດີ ແລະ​ເຝົ້າ​ຮັກສາ​ຝູງແກະ ທີ່​ພຣະວິນຍານ​ບໍຣິສຸດເຈົ້າ​ໄດ້​ມອບ​ໄວ້​ໃຫ້​ພວກທ່ານ​ເປັນ​ຜູ້​ດູແລ, ຈົ່ງ​ບຳລຸງ​ລ້ຽງ​ຄຣິສຕະຈັກ​ຂອງ​ພຣະເຈົ້າ ທີ່​ພຣະອົງ​ເປັນ​ເຈົ້າ​ຂອງ ໂດຍ​ພຣະບຸດ​ໄດ້​ຊົງ​ໄຖ່​ມາ​ດ້ວຍ​ພຣະ​ໂລຫິດ​ຂອງ​ພຣະອົງ​ເອງ.

1 ໂກຣິນໂທ 6:20

ພຣະເຈົ້າ​ໄດ້​ຊົງ​ຊື້​ພວກເຈົ້າ​ມາ​ດ້ວຍ​ລາຄາ​ສູງ. ສະນັ້ນ ຈົ່ງ​ຖວາຍ​ພຣະ​ກຽດ​ແກ່​ພຣະເຈົ້າ​ດ້ວຍ​ຮ່າງກາຍ​ຂອງຕົນ.

2 ໂກຣິນໂທ 5:15

ແລະ​ພຣະອົງ​ໄດ້​ຕາຍ​ແທນ​ຄົນ​ທັງປວງ ເພື່ອ​ວ່າ​ພວກ​ທີ່​ມີ​ຊີວິດ​ຢູ່​ນັ້ນ ຈະ​ບໍ່​ໃຊ້​ຊີວິດ​ຢູ່​ເພື່ອ​ຕົນເອງ​ອີກ​ຕໍ່ໄປ, ແຕ່​ເພື່ອ​ພຣະອົງ​ຜູ້​ທີ່​ໄດ້​ຕາຍ ແລະ​ໄດ້​ເປັນ​ຄືນ​ມາ​ຈາກ​ຕາຍ ເພາະ​ເຫັນແກ່​ເຂົາ​ທັງຫລາຍ.

1 ເທສະໂລນິກ 2:19

ດ້ວຍວ່າ, ແມ່ນ​ສິ່ງໃດ​ຈະ​ເປັນ​ທີ່​ຫວັງໃຈ​ຂອງເຮົາ ຫລື​ທີ່​ຊົມຊື່ນ​ຍິນດີ ຫລື​ມົງກຸດ ອັນ​ໃຫ້​ມີ​ຄວາມ​ອວດອ້າງ ຊ້ອງ​ພຣະພັກ​ອົງ​ຣະເຢຊູເຈົ້າ​ຂອງ​ເຮົາ​ທັງຫລາຍ ເມື່ອ​ພຣະອົງ​ຈະ​ສະເດັດ​ມາ​ປາກົດ ບໍ່ແມ່ນ​ພວກເຈົ້າ​ດອກ​ຫລື?