ຍອດເພງ 5:4 - ພຣະຄຳພີສັກສິ

⁴ ຄົນຮັກ​ຂອງຂ້ອຍ​ເອົາ​ມື​ຈັບ​ທີ່​ໄລກອນ​ປະຕູ ຫົວໃຈ​ຂອງຂ້ອຍ​ເຕັ້ນ​ແຮງ​ເມື່ອ​ລາວ​ຢູ່​ໃກ້.

ຍອດເພງ 5:4 Jak'a apnaqawi uñst'ayäwi

ປະຖົມມະການ 43:30

ແລ້ວ​ໂຢເຊັບ​ກໍ​ຟ້າວ​ຍ່າງ​ອອກ​ໄປ​ທັນທີ ເພາະ​ເພິ່ນ​ຕື້ນຕັນ​ໃຈ​ຍ້ອນ​ວ່າ​ຮັກ​ນ້ອງຊາຍ​ຄີງໆ​ຂອງຕົນ. ເພິ່ນ​ເກືອບ​ຮ້ອງໄຫ້​ຕໍ່ໜ້າ​ພວກເຂົາ. ສະນັ້ນ ເພິ່ນ​ຈຶ່ງ​ເຂົ້າ​ໄປ​ລີ້​ຮ້ອງໄຫ້​ຢູ່​ໃນ​ຫ້ອງ​ສ່ວນຕົວ.

ປະຖົມມະການ 7:11

ເມື່ອ​ໂນອາ​ອາຍຸ​ໄດ້ 600 ປີ, ຄື​ໃນ​ວັນ​ທີ​ສິບເຈັດ​ຂອງ​ເດືອນ​ທີ​ສອງ ຟ້າ​ສະຫວັນ​ໄດ້​ຖອກ​ເທ​ຫ່າຝົນ​ລົງ​ມາ​ສູ່​ໂລກ; ນໍ້າ​ໃນ​ບໍ່ ໃນ​ເຫວ ແລະ​ໃນ​ຫ້ວຍຮ່ອງ​ກໍໄດ້​ພຸ່ງ​ຂຶ້ນ;

1 ກະສັດ 3:26

ຜູ້​ເປັນ​ແມ່​ແທ້​ມີ​ຈິດໃຈ​ເຕັມ​ໄປ​ດ້ວຍ​ຄວາມຮັກ​ຕໍ່​ລູກຊາຍ​ຂອງຕົນ ຈຶ່ງ​ໄດ້​ເວົ້າ​ກັບ​ກະສັດ​ວ່າ, “ຂ້າແດ່​ພະຣາຊາ ກະລຸນາ​ຢ່າ​ຂ້າ​ເດັກ​ນີ້​ເລີຍ ເອົາ​ໃຫ້​ນາງ​ສາ.” ແຕ່​ຍິງ​ຄົນ​ອື່ນ​ໄດ້​ບອກ​ວ່າ, “ຢ່າ​ເອົາ​ມັນ​ໃຫ້​ຜູ້ໃດ​ເລີຍ ຕັດ​ເປັນ​ສອງ​ຕ່ອນ​ສາ.”

ເພງ^ສັນລະເສີນ 110:3

ໃນ​ວັນ​ທີ່​ເຈົ້າ​ຕໍ່ສູ້​ເຫຼົ່າ​ສັດຕູ​ໝູ່ມານ ປະຊາຊົນ​ຈະ​ຂານ​ອາສາ​ເຂົ້າ​ຮັບໃຊ້​ເຈົ້າ. ຊາຍໜຸ່ມ​ຈະ​ມາ​ຫາ​ເຈົ້າ​ທີ່​ເນີນພູ​ສັກສິດ ດັ່ງ​ນໍ້າ​ຄ້າງ​ຢອດ​ລົງ​ໃນ​ຍາມ​ເຊົ້າຕູ່.

ຍອດເພງ 1:4

ຈົ່ງ​ມາ​ຮັບ​ເອົາ​ນ້ອງ ແລະ​ພາ​ພວກນ້ອງ​ໜີໄປ​ສາ ຈົ່ງ​ມາ​ເປັນ​ຣາຊາ​ແລະ​ພາເຂົ້າ​ໄປ​ຫ້ອງນອນ​ອ້າຍ. ເພາະ​ອ້າຍ ນ້ອງ​ຈະ​ຊົມຊື່ນ​ກັບ​ຄວາມສຸກ​ດ້ວຍກັນ ມາ​ເພາະ​ຮັກກັນ​ໃຫ້​ເມົາ​ກວ່າ​ລິດ​ເຫຼົ້າ​ອະງຸ່ນ​ເຖີດ. ສົມພໍແລ້ວ ສາວ​ທຸກຖ້ວນໜ້າ​ຈຶ່ງ​ພາກັນ​ຮັກ ຫລົງໄຫລ​ຮັກ​ອ້າຍ ຮັກ​ອ້າຍ​ແຕ່​ຜູ້ດຽວ.

ເຢເຣມີຢາ 31:20

ອິດສະຣາເອນ​ເອີຍ ເຈົ້າ​ຄື​ລູກ​ທີ່​ຮັກ​ຂອງເຮົາ ເປັນ​ເດັກນ້ອຍ​ທີ່​ເຮົາ​ຮັກແພງ​ຫລາຍ​ແທ້ໆ. ເມື່ອ​ເຮົາ​ເອີ່ຍ​ເຖິງ​ເຈົ້າ​ຄື​ເອີ່ຍ​ເຖິງ​ຊື່​ເຈົ້າ​ຍາມໃດ ເຮົາ​ກໍ​ມີ​ຄວາມຮັກ​ແລະ​ຄິດເຖິງ​ເຈົ້າ​ຍາມນັ້ນ; ຈິດໃຈ​ເຮົາ​ຄິດເຖິງ​ແຕ່​ເຈົ້າ​ຢູ່​ສະເໝີ​ມາ ເຮົາ​ບັງຄັບ​ເຮົາເອງ​ບໍ່​ໃຫ້​ເມດຕາ​ເຈົ້າ​ບໍ່ໄດ້.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ກິດຈະການ 16:14

ມີ​ຍິງ​ຄົນ​ໜຶ່ງ​ໃນ​ພວກ​ແມ່ຍິງ​ເຫຼົ່ານີ້​ຊື່​ວ່າ ລີເດຍ ນາງ​ມາ​ຈາກ​ເມືອງ​ທົວເຕຣາ ແລະ​ເປັນ​ແມ່ຄ້າ​ຂາຍ​ຜ້າ​ສີມ່ວງ​ອ່ອນ ແລະ​ທັງ​ເປັນ​ຜູ້​ຢຳເກງ​ພຣະເຈົ້າ​ດ້ວຍ, ເມື່ອ​ນາງ​ຟັງ​ພວກເຮົາ​ກ່າວ​ຢູ່ ອົງພຣະ​ຜູ້​ເປັນເຈົ້າ​ກໍ​ຊົງ​ເປີດ​ຈິດໃຈ​ຂອງ​ນາງ​ໃຫ້​ເອົາໃຈໃສ່​ຖ້ອຍຄຳ ທີ່​ໂປໂລ​ກຳລັງ​ກ່າວ​ນັ້ນ.

2 ໂກຣິນໂທ 8:16

ແຕ່​ຈົ່ງ​ໂມທະນາ​ຂອບພຣະຄຸນ​ພຣະເຈົ້າ ທີ່​ຊົງ​ບັນດານ​ໃຫ້​ຕີໂຕ​ມີ​ໃຈ​ກະຕື​ລືລົ້ນ​ສຳລັບ​ພວກເຈົ້າ​ດັ່ງ​ທີ່​ເຮົາ​ເອງ​ມີ​ຢູ່.

ຟີລິບປອຍ 2:13

ເພາະວ່າ​ແມ່ນ​ພຣະເຈົ້າ ເປັນ​ຜູ້​ຊົງ​ກະທຳ​ການ​ຢູ່​ພາຍໃນ​ເຈົ້າ​ທັງຫລາຍ​ໃຫ້​ມີ​ໃຈ​ປາຖະໜາ ແລະ​ໃຫ້​ເຮັດ​ໄປ​ເພື່ອ​ເປັນ​ທີ່​ພໍພຣະໄທ​ຂອງ​ພຣະອົງ.