ຍອດເພງ 5:3 - ພຣະຄຳພີສັກສິ

³ ນ້ອງ​ແກ້​ເສື້ອຜ້າ​ຂອງນ້ອງ​ອອກ​ແລ້ວເດ ເຫດໃດ​ນ້ອງ​ຈຶ່ງ​ຕ້ອງ​ນຸ່ງ​ເສື້ອ​ນ້ອງ​ຄືນ​ອີກ? ນ້ອງ​ຫາ​ກໍ​ລ້າງ​ຕີນ​ໃຫ້​ສະອາດ​ຕຽມ​ເຂົ້າ​ນອນ ເຫດໃດ​ນ້ອງ​ຈຶ່ງ​ຕ້ອງ​ເຮັດ​ໃຫ້​ຕີນ​ນ້ອງ​ເປື້ອນ​ອີກ?

ຍອດເພງ 5:3 Jak'a apnaqawi uñst'ayäwi

ປະຖົມມະການ 19:2

ແລະ​ເວົ້າ​ວ່າ, “ທ່ານເອີຍ ຂ້ານ້ອຍ​ຜູ້ຮັບໃຊ້​ຂອງທ່ານ. ຂໍ​ກະລຸນາ​ແວ່​ເຂົ້າ​ໄປ​ໃນ​ເຮືອນ​ຂອງ​ຂ້ານ້ອຍ​ກ່ອນ​ແດ່ທ້ອນ. ທ່ານ​ຈະ​ລ້າງ​ຕີນ ແລະ​ພັກ​ແຮມຄືນ​ກໍໄດ້. ພໍ​ຮຸ່ງ​ເຊົ້າ​ຂຶ້ນ​ມາ ທ່ານ​ຈຶ່ງ​ຄ່ອຍ​ເດີນທາງ​ໄປ​ຕໍ່.” ແຕ່​ພວກເພິ່ນ​ຕອບ​ວ່າ, “ບໍ່, ເຮົາ​ຈະ​ຄ້າງຄືນ​ທີ່​ສີ່​ແຍກ​ຂອງ​ເມືອງ​ນີ້.”

ສຸພາສິດ 13:4

ຄົນ​ຂີ້ຄ້ານ​ຈະ​ບໍ່ໄດ້​ສິ່ງ​ທີ່​ຕົນ​ໄຝ່ຝັນ, ແຕ່​ຄົນ​ດຸໝັ່ນ​ຈະ​ໄດ້​ຕາມ​ທີ່​ຕົນ​ຕ້ອງການ​ທັງນັ້ນ.

ສຸພາສິດ 22:13

ຄົນ​ຂີ້ຄ້ານ​ມັກ​ແຕ່​ຢູ່​ໃນ​ເຮືອນ ລາວ​ເວົ້າ​ບິດເບືອນ​ວ່າ​ມີ​ໂຕສິງ​ຢູ່​ນອກບ້ານ ແລະ​ສິງ​ອາດ​ຄຸບ​ກິນ​ລາວ​ຕາມ​ທາງ​ກໍໄດ້.

ສຸພາສິດ 3:28

ຢ່າ​ປ່ອຍ​ໃຫ້​ເພື່ອນບ້ານ​ຂອງເຈົ້າ​ລໍ​ຖ້າ​ຈົນເຖິງ​ມື້ອື່ນ ສິ່ງ​ທີ່​ເຈົ້າ​ຊ່ວຍ​ໄດ້​ໃນ​ທັນທີ​ທັນໃດ.

ມັດທາຍ 25:5

ຂະນະທີ່​ເຈົ້າບ່າວ​ຍັງ​ບໍ່​ມາ ພວກ​ຍິງ​ສາວ​ທັງໝົດ​ຕ່າງ​ກໍ​ເຫງົາ​ນອນ ແລະ​ຫລັບ​ໄປ.

ລູກາ 11:7

ຝ່າຍ​ມິດ​ສະຫາຍ​ທີ່​ຢູ່​ຂ້າງ​ໃນ ຈະ​ຕອບ​ອອກ​ມາ​ວ່າ, ‘ຢ່າ​ລົບກວນ​ເຮົາ​ເທາະ ປະຕູ​ກໍ​ອັດ​ແລ້ວ ແລະ​ພວກ​ລູກ​ຂອງເຮົາ ກໍ​ນອນ​ຢູ່​ກັບ​ເຮົາ​ໝົດ​ແລ້ວ ເຮົາ​ລຸກ​ຂຶ້ນ​ເອົາ​ໃຫ້​ເຈົ້າ​ບໍ່ໄດ້​ດອກ.’