ຍອດເພງ 4:5 - ພຣະຄຳພີສັກສິ

⁵ ນົມ​ທັງສອງ​ຂອງນ້ອງ ເປັນ​ດັ່ງ​ແບ້ນ້ອຍ​ສອງ​ໂຕ ດັ່ງ​ເຍືອງແຝດ​ຄູ່​ໜຶ່ງ ຊຶ່ງ​ກິນ​ຫຍ້າ​ຢູ່​ທົ່ງ​ດອກຊ້ອນ.

ຍອດເພງ 4:5 Jak'a apnaqawi uñst'ayäwi

ສຸພາສິດ 5:19

ຄື​ຜູ້​ທີ່​ເປັນ​ໜ້າຮັກ​ດັ່ງ​ກວາງແມ່ ແລະ​ງາມ​ສະຫງ່າ​ດັ່ງ​ເຍືອງຜາ. ຈົ່ງ​ໃຫ້​ສະເໜ່​ຂອງ​ນາງ​ເຮັດ​ໃຫ້​ເຈົ້າ​ມີ​ຄວາມ​ສຸກໃຈ ຈົ່ງ​ໃຫ້​ຄວາມຮັກ​ຂອງ​ນາງ​ຈັບໃຈ​ຂອງເຈົ້າ​ໄວ້.

ຍອດເພງ 1:13

ຄົນຮັກ​ຂອງນ້ອງ​ເປັນ​ດັ່ງ​ຢາງໄມ້​ຫອມ ໃນ​ຂະນະທີ່​ລາວ​ນອນ​ໝູນ​ເອິກ​ນ້ອງ​ຢູ່​ນັ້ນ.

ຍອດເພງ 2:16

ລາວ​ເປັນ​ທີ່ຮັກ​ຂອງຂ້ອຍ ຂ້ອຍ​ເປັນ​ທີ່ຮັກ​ຂອງ​ລາວ ລາວ​ລ້ຽງ​ຝູງສັດ​ຂອງ​ລາວ​ໃນ​ບ່ອນ​ທີ່​ມີ​ດອກ​ຊ້ອນ.

ຍອດເພງ 6:2

ຄົນຮັກ​ຂອງຂ້ອຍ​ໄດ້​ໜີໄປ​ທີ່​ສວນ​ຂອງ​ລາວ ບ່ອນ​ທີ່​ມີ​ຕົ້ນ​ຢາງຫອມ​ນາໆ​ຊະນິດ​ເກີດ​ທີ່​ນັ້ນ. ໃນ​ທີ່ນັ້ນ ລາວ​ກຳລັງ​ລ້ຽງ​ຝູງສັດ​ຂອງ​ລາວ ແລະ​ເກັບ​ເອົາ​ດອກ​ຊ້ອນ​ຢູ່​ໃນ​ທີ່ນັ້ນ​ດ້ວຍ.

ຍອດເພງ 6:3

ຄົນຮັກ​ນັ້ນ​ເປັນ​ຂອງຂ້ອຍ ຂ້ອຍ​ກໍ​ເປັນ​ຂອງ​ລາວ ລາວ​ລ້ຽງ​ຝູງສັດ​ຂອງຕົນ​ຢູ່​ທ່າມກາງ​ດອກ​ຊ້ອນ.

ຍອດເພງ 7:3

ນົມ​ທັງສອງ​ຂອງນ້ອງ​ງາມ​ດັ່ງ​ລູກກວາງ​ສອງ​ໂຕ ງາມ​ດັ່ງ​ເຍືອງ​ສອງ​ໂຕ​ທີ່​ເປັນ​ລູກ​ຝາແຝດ.

ຍອດເພງ 7:4

ລຳຄໍ​ນ້ອງ​ກໍ​ເປັນ​ດັ່ງ​ຫໍຄອຍ​ສູງ ຊຶ່ງ​ກ້ຽງ​ກົມ ແລະ​ຂາວ​ງາມ​ດັ່ງ​ງາ​ຊ້າງ. ຕາ​ນ້ອງ​ທັງສອງ​ເປັນ​ດັ່ງ​ສະ​ນໍ້າ​ທີ່​ເຮັດຊະໂບນ ທີ່​ຢູ່​ໃກ້​ປະຕູ​ເຂົ້າ​ໄປ​ສູ່​ເມືອງ​ໃຫຍ່​ນັ້ນ. ດັງ​ນ້ອງ​ກໍ​ງາມ​ດັ່ງ​ຫໍຄອຍ​ສູງ​ທີ່​ເລບານອນ ທີ່​ເປັນ​ບ່ອນ​ເຝົ້າຍາມ​ຢູ່​ກົງກັບ​ດາມັສກັດ​ພຸ້ນ.

ຍອດເພງ 7:7

ຊັດສ່ວນ​ນ້ອງ​ນາງ​ນັ້ນ​ກໍ​ງາມ​ສະຫງ່າ​ດັ່ງ​ຕົ້ນ​ຕານ ນົມ​ນ້ອງ​ທັງສອງ​ເປັນ​ດັ່ງ​ແຊງ​ໝາກຕານ​ອ້ອຍຕ້ອຍ.

ຍອດເພງ 8:1

ນ້ອງ​ຢາກ​ໃຫ້​ອ້າຍ​ເປັນ​ອ້າຍ​ຄີງໆ​ຂອງນ້ອງ​ຄົນໜຶ່ງ​ເດ ຄື​ຜູ້​ທີ່​ແມ່​ຂອງນ້ອງ​ເອງ​ໄດ້​ໃຫ້​ດູດ​ນົມ​ຈົນ​ໃຫຍ່. ຖ້າ​ນ້ອງ​ພົບ​ອ້າຍ​ຢູ່​ຕາມ​ຖະໜົນ​ຫົນທາງ ໃຜ​ກໍ​ຈະ​ບໍ່​ວ່າ​ຫຍັງໝົດ​ເມື່ອ​ນ້ອງ​ຈູບ​ອ້າຍ.

ຍອດເພງ 8:10

ນ້ອງເອງ​ນີ້ແຫລະ ທີ່​ເປັນ​ກຳແພງ​ເມືອງ ນົມ​ນ້ອງເອງ​ກໍ​ເປັນ​ຫໍຄອຍ​ສູງ​ຂອງ​ເມືອງ​ນັ້ນ. ຄົນຮັກ​ຂອງນ້ອງ​ຮູ້ວ່າ​ເມື່ອ​ນ້ອງ​ຢູ່​ກັບ​ລາວ ນ້ອງ​ມີ​ຄວາມ​ພໍໃຈ ແລະ​ມີ​ສັນຕິສຸກ​ທັງນັ້ນ.

1 ເປໂຕ 2:2

ຈົ່ງ​ເປັນ​ເໝືອນ​ດັ່ງ​ເດັກນ້ອຍໆ​ທີ່​ເກີດ​ໃໝ່ ຈົ່ງ​ຮ້ອນໃຈ​ປາຖະໜາ​ຫາ​ນໍ້ານົມ​ອັນ​ບໍຣິສຸດ​ຝ່າຍ​ຈິດ​ວິນຍານ ເພື່ອ​ວ່າ​ດ້ວຍ​ນໍ້ານົມ​ນັ້ນ ພວກເຈົ້າ​ຈະ​ໄດ້​ຈະເລີນ​ຂຶ້ນ​ເຖິງ​ຄວາມ​ພົ້ນ.