ຍອດເພງ 4:3 - ພຣະຄຳພີສັກສິ

³ ຮີມສົບ​ນ້ອງ​ກໍ​ເປັນ​ດັ່ງ​ໂບ​ສີ​ແດງເຂັ້ມ ຊຶ່ງ​ໜ້າຮັກ​ທີ່ສຸດ​ເມື່ອ​ເວລາ​ນ້ອງ​ເວົ້າ. ພວງແກ້ມ​ນ້ອງ​ທີ່​ຊ້ອນ​ຢູ່​ທາງ​ຫລັງ​ຜ້າປົກ ກໍ​ເບັ່ງບານ​ແດງ​ຜ່ອງໃສ​ເຕັມ​ໃບໜ້າ ເໝືອນ​ໝາກພິລາ​ເຄິ່ງໜ່ວຍ.

ຍອດເພງ 4:3 Jak'a apnaqawi uñst'ayäwi

ປະຖົມມະການ 32:10

ຂ້ານ້ອຍ​ບໍ່​ສົມຄວນ​ກັບ​ພຣະ​ກະລຸນາ ແລະ​ຄວາມ​ສັດຊື່​ທີ່​ພຣະອົງ​ໄດ້​ສຳແດງ​ຕໍ່​ຂ້ານ້ອຍ​ຜູ້ຮັບໃຊ້​ຂອງ​ພຣະອົງ​ເລີຍ. ຂ້ານ້ອຍ​ໄດ້​ຂ້າມ​ແມ່ນໍ້າ​ຈໍແດນ ມີ​ພຽງ​ໄມ້ເທົ້າ​ເທົ່ານັ້ນ; ແຕ່​ບັດນີ້ ຂ້ານ້ອຍ​ກັບ​ມາ​ພ້ອມ​ດ້ວຍ​ຈຳນວນ​ຄົນ​ແລະ​ຝູງສັດ​ສອງ​ໝວດ​ນີ້.

ເອຊະຣາ 9:6

ຂ້າພະເຈົ້າ​ກ່າວ​ວ່າ, “ຂ້າແດ່​ພຣະເຈົ້າ​ຂອງ​ຂ້ານ້ອຍ ຂ້ານ້ອຍ​ລະອາຍ​ທີ່​ຈະ​ເງີຍ​ໜ້າ​ຂຶ້ນ​ຕໍ່ໜ້າ​ພຣະອົງ. ບາບ​ຂອງ​ພວກ​ຂ້ານ້ອຍ​ສູງ​ຂຶ້ນ​ເໜືອ​ຫົວ​ແລ້ວ; ມັນ​ສູງ​ຈຸ​ຟ້າ​ສະຫວັນ.

ເພງ^ສັນລະເສີນ 119:13

ຂ້ານ້ອຍ​ຈະ​ປະກາດ​ເຖິງ​ກົດໝາຍ​ທີ່​ພຣະອົງ​ໄດ້​ຊົງ​ກ່າວ​ນັ້ນ​ທຸກປະການ.

ເພງ^ສັນລະເສີນ 37:30

ຄຳເວົ້າ​ອັນ​ສະຫລາດ​ເປັນ​ຄຳເວົ້າ​ຂອງ​ຄົນ​ຊອບທຳ ລາວ​ເວົ້າ​ແຕ່​ສິ່ງ​ທີ່​ຊອບທຳ​ແລະ​ຖືກຕ້ອງ.

ເພງ^ສັນລະເສີນ 45:2

ທ່ານ​ເປັນ​ຜູ້​ງາມເລີດ​ຮູບຮ່າງ​ໄດ້​ສັດສ່ວນ​ດີ ໃນ​ທ່າມກາງ​ຜູ້ຊາຍ​ທັງຫລາຍ​ນັ້ນ ທ່ານ​ເປັນ​ນັກ​ເວົ້າ​ທີ່​ມີ​ໂວຫານ​ດີ ເພາະ​ພຣະເຈົ້າ​ໄດ້​ອວຍພອນ​ທ່ານ​ມາ​ຕະຫລອດ.

ສຸພາສິດ 10:13

ປາກ​ຂອງ​ຄົນມີ​ປັນຍາ​ເວົ້າ​ມີ​ເຫດຜົນ, ແຕ່​ໄມ້ແສ້​ເໝາະ​ສຳລັບ​ຫລັງ​ຂອງ​ຄົນໂງ່ຈ້າ.

ສຸພາສິດ 31:26

ນາງ​ເວົ້າຈາ​ດ້ວຍ​ປັນຍາ​ອັນ​ສຸພາບ​ອ່ອນຫວານ.

ຍອດເພງ 1:5

ຂ້ອຍ​ເປັນ​ຄົນ​ດຳແຫລ້​ແຕ່ ສວຍງາມ ສາວ​ນະຄອນ​ເຢຣູຊາເລັມ​ເອີຍ ດຳ​ດັ່ງ​ຜ້າເຕັນ​ທີ່​ຖິ່ນ​ແຫ້ງແລ້ງ​ກັນດານ​ເກດາ​ນັ້ນ ແຕ່​ກໍ​ງາມ​ດັ່ງ​ຜ້າກັ້ງ ທີ່​ຫ້ອຍ​ໄວ້​ໃຫ້​ງາມຕາ ໃນ​ຣາຊວັງ​ຂອງ​ໂຊໂລໂມນ​ນັ້ນ.

ຍອດເພງ 4:11

ສຸດທີ່ຮັກ​ເອີຍ ເມື່ອ​ຈູບ​ນ້ອງ ກໍ​ມີ​ຣົດ​ນໍ້າເຜິ້ງ​ທີ່​ຮີມສົບ ລີ້ນ​ນ້ອງ​ເປັນ​ນໍ້ານົມ​ແລະ​ນໍ້າເຜິ້ງ​ສຳລັບ​ອ້າຍ. ເຄື່ອງນຸ່ງ​ທຸກໆ​ໂຕ​ທີ່​ນ້ອງ​ນາງ​ນຸ່ງ​ຖື ກໍ​ຄື​ກິ່ນ​ຫອມ​ຢາງໄມ້​ຈາກ​ເລບານອນ​ທັງສິ້ນ.

ຍອດເພງ 5:13

ແກ້ມ​ລາວ​ເປັນ​ຕາຮັກ​ງາມ​ດັ່ງ​ສວນ​ຜັກ ທີ່​ເຕັມ​ແຕ່​ເຄື່ອງເທດ ຂອງຫອມ​ນາໆ​ຊະນິດ​ດ້ວຍ. ສ່ວນ​ຮິມສົບ​ລາວ​ນັ້ນ ເປັນ​ດັ່ງ​ດອກ​ລີລາ​ເບັ່ງບານ ທີ່​ປຽກຊຸ່ມ​ດ້ວຍ​ນໍ້າຫອມ ຢາງໄມ້​ຫອມ​ຊັ້ນ​ດີເລີດ.

ຍອດເພງ 5:16

ປາກ​ລາວ​ຫວານຊື່ນ ເປັນ​ໜ້າ​ຈູບ​ອີ່ຫລີ ທຸກສິ່ງ​ໃນ​ຕົວ​ລາວ ເຮັດ​ໃຫ້​ຂ້ອຍ​ໄຝ່ຝັນ​ຫາ​ເລື້ອຍ. ຄົນຮັກ​ຂອງຂ້ອຍ ກໍ​ເປັນ​ດັ່ງນີ້ແຫລະ ເປັນ​ທັງ​ເພື່ອນແທ້ ແລະ​ທີ່ຮັກ​ຂອງຂ້ອຍ​ຄືກັນ.

ຍອດເພງ 6:7

ພວງແກ້ມ​ນ້ອງ​ທີ່​ຊ້ອນ​ຢູ່​ທາງຫລັງ​ຜ້າປົກ ກໍ​ເບັ່ງບານ​ແດງ​ຜ່ອງໃສ​ເຕັມ​ໃບໜ້າ.

ຍອດເພງ 7:9

ສ່ວນ​ປາກ​ນ້ອງ​ນັ້ນ​ເຮັດ​ໃຫ້​ອ້າຍ​ຊາບຊຶ້ງ ເໝືອນ​ດັ່ງ​ເຫຼົ້າ​ອະງຸ່ນ​ຊັ້ນດີ​ຢູ່​ໃນ​ປາກ. ຖ້າດັ່ງນັ້ນ ຂໍ​ໃຫ້​ເຫຼົ້າ​ອະງຸ່ນ​ໄຫລ​ສູ່​ຄົນຮັກ​ຂ້ອຍ​ໂດຍ​ກົງ ໂດຍ​ໃຫ້​ໄຫລ​ຕົງ​ໄປ​ສູ່​ຮີມສົບ​ແລະ​ສູ່​ແຂ້ວ​ດ້ວຍ.

ເອເຊກຽນ 16:63

ເຮົາ​ຈະ​ຍົກ​ຄວາມຜິດ​ທຸກຢ່າງ​ທີ່​ເຈົ້າ​ໄດ້​ເຮັດ, ແຕ່​ເຈົ້າ​ຈະ​ຈົດຈຳ​ມັນ​ໄວ້ ແລະ​ລະອາຍ​ໃຈ ຈົນ​ບໍ່​ກ້າ​ອ້າ​ປາກ​ເວົ້າ​ເຖິງ​ມັນ​ເລີຍ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ລະບຽບ^ພວກເລວີ 14:4

ເພິ່ນ​ຈະ​ສັ່ງ​ລາວ​ໃຫ້​ນຳ​ນົກ​ສອງ​ໂຕ​ທີ່​ບໍ່​ເປັນມົນທິນ​ມາ ເພື່ອ​ເຮັດ​ພິທີ​ຊຳລະ​ຕົວ ແລະ​ນຳ​ສິ່ງ​ເຫຼົ່ານີ້​ມາ​ດ້ວຍ​ຄື: ໄມ້​ສົນສີດາ​ແທ່ງ​ໜຶ່ງ, ດ້າຍ​ສີແດງ​ເສັ້ນ​ໜຶ່ງ ແລະ​ໃບ​ຫູສົບ​ມັດ​ໜຶ່ງ.

ລະບຽບ^ພວກເລວີ 14:6

ປະໂຣຫິດ​ຈະ​ເອົາ​ນົກ​ໂຕ​ທີ່​ຍັງ​ເປັນ​ຢູ່ ຈຸ່ມ​ລົງ​ໃນ​ຖ້ວຍ​ເລືອດ​ຂອງ​ນົກ​ໂຕ​ທີ່​ໄດ້​ຂ້າ​ນັ້ນ ພ້ອມ​ກັບ​ໄມ້​ສົນສີດາ, ດ້າຍ​ສີແດງ ແລະ​ໃບ​ຫູສົບ.

ຈົດບັນຊີ 19:6

ແລ້ວ​ໃຫ້​ເພິ່ນ​ເອົາ​ໄມ້​ສົນສີດາ​ຈຳນວນ​ໜຶ່ງ, ໃບ​ຕົ້ນ​ຫູສົບ​ມັດໜຶ່ງ ແລະ​ດ້າຍ​ສີແດງ​ເສັ້ນໜຶ່ງ​ຖິ້ມ​ໃສ່​ໄຟ.

ຈົດບັນຊີ 4:8

ພວກເຂົາ​ຈະ​ຕ້ອງ​ໃຊ້​ຜ້າ​ສີແດງເຂັ້ມ​ປົກ​ສິ່ງຂອງ​ທັງໝົດ​ເຫຼົ່ານີ້​ກ່ອນ ແລະ​ເອົາ​ໜັງ​ຢ່າງດີ​ປົກ​ອີກເທື່ອໜຶ່ງ ແລ້ວ​ຈຶ່ງ​ສອດ​ໄມ້​ຄານຫາມ​ໃສ່.

ມັດທາຍ 12:35

ຄົນ​ດີ​ກໍ​ເອົາ​ສິ່ງ​ດີ​ອອກ​ມາ​ຈາກ​ຄັງ​ແຫ່ງ​ຄວາມດີ​ຂອງຕົນ, ຄົນຊົ່ວ​ກໍ​ເອົາ​ສິ່ງ​ຊົ່ວ​ອອກ​ມາ​ຈາກ​ຄັງ​ແຫ່ງ​ຄວາມຊົ່ວ​ຂອງຕົນ.”

ລູກາ 4:22

ທຸກຄົນ​ກໍ​ກ່າວ​ຊົມເຊີຍ​ພຣະອົງ ແລະ​ປະທັບ​ໃຈ​ໃນ​ຖ້ອຍຄຳ​ອັນ​ອ່ອນຫວານ ຊຶ່ງ​ອອກ​ມາ​ຈາກ​ປາກ​ຂອງ​ພຣະອົງ ພວກເຂົາ​ຈຶ່ງ​ເວົ້າ​ວ່າ, “ລາວ​ບໍ່ແມ່ນ​ລູກຊາຍ​ຂອງ​ໂຢເຊັບ​ບໍ?”

ເອເຟໂຊ 4:29

ຢ່າ​ໃຫ້​ຄຳ​ຫຍາບ​ຊ້າ​ອອກ​ຈາກ​ປາກ​ຂອງ​ເຈົ້າ​ຈັກເທື່ອ, ແຕ່​ໃຫ້​ໃຊ້​ຄຳ​ເວົ້າ​ອັນ​ດີ​ທີ່​ຈະ​ຊ່ວຍ​ໃຫ້​ຈະເລີນ​ຂຶ້ນ ແລະ​ໃຫ້​ເໝາະສົມ​ກັບ​ຄວາມ​ຕ້ອງການ ເພື່ອ​ຖ້ອຍຄຳ​ທີ່​ພວກເຈົ້າ​ກ່າວ​ນັ້ນ ຈະ​ເປັນ​ຄຸນ​ປະໂຫຍດ​ແກ່​ຜູ້​ທີ່​ໄດ້ຍິນ​ໄດ້​ຟັງ.

ໂກໂລຊາຍ 4:6

ຈົ່ງ​ໃຫ້​ວາຈາ​ຂອງ​ເຈົ້າ​ທັງຫລາຍ ປະກອບ​ດ້ວຍ​ເມດຕາ​ຄຸນ​ຢູ່​ສະເໝີ ປະສົມ​ດ້ວຍ​ເກືອ ເພື່ອ​ເຈົ້າ​ທັງຫລາຍ​ຈະ​ໄດ້​ຮູ້​ວິທີ​ຕອບ​ທີ່​ຖືກ​ໃຈ​ແກ່​ທຸກຄົນ.

ເຮັບເຣີ 9:19

ເພາະວ່າ​ໂມເຊ​ໄດ້​ປະກາດ​ຄຳສັ່ງ​ທຸກ​ຂໍ້ ໃນ​ກົດບັນຍັດ​ແກ່​ໄພ່ພົນ​ທັງໝົດ​ແລ້ວ ເພິ່ນ​ກໍໄດ້​ເອົາ​ເລືອດ​ລູກ​ງົວເຖິກ​ແລະ​ເລືອດ​ແບ້ເຖິກ​ປົນ​ໃສ່​ນໍ້າ ແລ້ວ​ເອົາ​ຂົນແກະ​ສີແດງ​ແລະ​ໃບ​ຫູສົບ​ມັດ​ໜຶ່ງ ມາ​ຈຸ່ມ​ແລະ​ຊິດ​ໃສ່​ໜັງສື​ມ້ວນ​ນັ້ນ ແລະ​ຊິດ​ໃສ່​ໄພ່ພົນ​ທັງໝົດ.

ໂຢຊວຍ 2:18

ແຕ່​ເຈົ້າ​ຈະ​ຕ້ອງ​ເຮັດ​ດັ່ງນີ້: ເມື່ອ​ພວກຂ້ອຍ​ກັບ​ມາ​ບຸກໂຈມຕີ​ດິນແດນ​ຂອງ​ເຈົ້າ ໃຫ້​ເຈົ້າ​ເອົາ​ເຊືອກ​ສີແດງ​ນີ້ ຜູກ​ໃສ່​ປ່ອງຢ້ຽມ​ໄວ້​ໃນ​ບ່ອນ​ທີ່​ເຈົ້າ​ຢ່ອນ​ພວກຂ້ອຍ​ລົງ. ໃຫ້​ເອົາ​ພໍ່​ແມ່, ອ້າຍ​ເອື້ອຍ​ນ້ອງ ແລະ​ທຸກໆ​ຄອບຄົວ​ຂອງ​ເຈົ້າ​ທຸກຄົນ ມາ​ໂຮມກັນ​ຢູ່​ໃນ​ເຮືອນ​ຂອງເຈົ້າ.