ຍອດເພງ 3:2 - ພຣະຄຳພີສັກສິ

² ຂ້ອຍ​ໄດ້​ໄປ​ທ່ຽວ​ຊອກຫາ​ລາວ​ຢູ່​ໃນ​ເມືອງ ຕາມ​ຫົນທາງ ແລະ​ຕາມ​ຮ່ອມ​ຕາມແຈ​ດ້ວຍ. ຂ້ອຍ​ຊອກ​ຄົ້ນຫາ​ຜູ້ໜຶ່ງ​ທີ່​ຂ້ອຍ​ຮັກ​ຫລາຍ ຂ້ອຍ​ຊອກ​ແນມຫາ​ແຕ່​ກໍ​ບໍ່​ພົບ​ລາວ​ຊໍ້າ.

ຍອດເພງ 3:2 Jak'a apnaqawi uñst'ayäwi

ສຸພາສິດ 8:34

ຄົນ​ທີ່​ຟັງ​ເຮົາ​ນັ້ນ ລາວ​ຈະ​ມີ​ຄວາມສຸກ ຄື​ຜູ້​ທີ່​ຄອຍ​ຢູ່​ທີ່​ປະຕູ​ເຮືອນ​ຂອງເຮົາ​ທຸກໆ​ວັນ.

ຍອດເພງ 1:7

ໂອ ທີ່ຮັກ​ຂອງນ້ອງ ກະລຸນາ​ບອກ​ນ້ອງ​ໄດ້​ຫລື​ບໍ່ ວ່າ​ອ້າຍ​ຈະ​ພາ​ຝູງສັດ​ຂອງ​ອ້າຍ​ໄປ​ກິນ​ຫຍ້າ​ຢູ່​ທີ່ໃດ? ເວລາ​ແສງ​ແດດກ້າ​ຕາເວັນ​ທ່ຽງ​ຫວນ​ມາ ອ້າຍ​ຈະ​ພາ​ຝູງສັດ​ໄປ​ພັກຜ່ອນ​ຢູ່ໃສ​ກັນແທ້? ເປັນຫຍັງ​ນໍ​ຈຶ່ງ​ຈະ​ໃຫ້​ແຕ່​ນ້ອງ​ຊອກຫາ​ອ້າຍ​ເດ? ຄື​ຢູ່​ໃນ​ທ່າມກາງ​ຝູງແກະ​ທີ່​ຄົນອື່ນ​ເຂົາ​ເຝົ້າລ້ຽງ.

ຍອດເພງ 3:3

ຄົນ​ຍາມ​ທີ່​ເລາະລຽບ​ໄດ້​ເຫັນ​ຂ້ອຍ​ໃນ​ເມືອງ ຂ້ອຍ​ຖາມ​ພວກ​ເຂົາເຈົ້າ​ວ່າ, “ເຫັນ​ຄົນຮັກ​ຂອງຂ້ອຍ​ບໍ?”

ຍອດເພງ 5:5

ຂ້ອຍ​ພ້ອມ​ແລ້ວ​ທີ່​ຈະ​ໃຫ້​ລາວ​ເຂົ້າ​ມາ​ຂ້າງ​ໃນ ມື​ຂ້ອຍ​ເຕັມ​ດ້ວຍ​ນໍ້າຫອມ​ຂອງ​ຢາງໄມ້ ນີ້ວມື​ຂ້ອຍ​ກໍ​ຖືກ​ໂອບ​ດ້ວຍ​ນໍ້າມັນ​ຫອມ ຂະນະທີ່​ຂ້ອຍ​ຈັບ​ໄລກອນ​ປະຕູ​ຢູ່​ນັ້ນ.

ເອຊາຢາ 64:7

ບໍ່ມີ​ຜູ້ໃດ​ທີ່​ພາວັນນາ​ອະທິຖານ​ຮ້ອງຫາ​ນາມຊື່​ຂອງ​ພຣະອົງ; ບໍ່ມີ​ຜູ້ໃດ​ໄປ​ຂໍ​ໃຫ້​ພຣະອົງ​ຊ່ວຍເຫລືອ. ພຣະອົງ​ໄດ້​ລີ້​ພຣະອົງ​ເອງ​ແລະ​ໄດ້​ປະຖິ້ມ ພວກ​ຂ້ານ້ອຍ ກໍ​ເພາະ​ການບາບ​ຂອງ​ພວກ​ຂ້ານ້ອຍ.

ເຢເຣມີຢາ 5:1

ຊາວ​ເຢຣູຊາເລັມ​ເອີຍ ຈົ່ງ​ແລ່ນ​ຜ່ານ​ຫົນທາງ​ເຖີດ ຈົ່ງ​ເບິ່ງ​ອ້ອມໆ​ຂ້າງ ຈົ່ງ​ສັງເກດ​ເບິ່ງເອງ​ເຖີດ ຈົ່ງ​ຄົ້ນເບິ່ງ​ບ່ອນ​ຕ່າງໆ ຕາມ​ຕະຫລາດ​ເບິ່ງດຸ ເຈົ້າ​ພົບ​ຜູ້ໜຶ່ງ​ຜູ້ໃດ​ບໍ​ທີ່​ເຮັດ​ໃນ​ສິ່ງ​ທີ່​ຖືກຕ້ອງ ແລະ​ສະແຫວງ​ຫາ​ຄວາມຈິງ​ຕໍ່​ພຣະເຈົ້າ? ຖ້າ​ພົບ ອົງພຣະ​ຜູ້​ເປັນເຈົ້າ​ຈະ​ຍົກໂທດ​ໃຫ້​ຄົນ​ເມືອງນີ້.

ໂຢຮັນ 1:6

ພຣະເຈົ້າ​ໄດ້​ໃຊ້​ຜູ້ໜຶ່ງ​ມາ ຊື່​ວ່າ, “ໂຢຮັນ”

ໂຣມ 13:11

ນອກ​ນີ້​ພວກເຈົ້າ​ຮູ້​ວ່າ, ບັດນີ້​ເຖິງ​ເວລາ​ແລ້ວ ທີ່​ພວກເຈົ້າ​ຄວນ​ຈະ​ຕື່ນ​ຈາກ​ຫລັບ. ດ້ວຍວ່າ, ເວລາ​ທີ່​ພວກເຮົາ​ຈະ​ພົ້ນ​ນັ້ນ ກໍ​ໃກ້​ກວ່າ​ເວລາ​ທີ່​ພວກເຮົາ​ໄດ້​ເຊື່ອ​ໃນ​ຕອນ​ທຳອິດ​ນັ້ນ.

1 ໂກຣິນໂທ 15:34

ຈົ່ງ​ກັບຄືນ​ມາ​ສູ່​ນິໄສ​ອັນ​ຖືກຕ້ອງ ແລະ​ເຊົາ​ເຮັດ​ບາບ​ສາ, ການ​ທີ່​ເຮົາ​ເວົ້າ​ດັ່ງນີ້ ກໍ​ເພື່ອ​ພວກເຈົ້າ​ຈະ​ລະອາຍ​ໃຈ ເພາະ​ມີ​ບາງຄົນ​ໃນ​ພວກເຈົ້າ​ຍັງ​ບໍ່​ຮູ້​ພຣະເຈົ້າ.

ເອເຟໂຊ 5:14

ດ້ວຍເຫດນີ້​ຈຶ່ງ​ມີ​ຄຳ​ກ່າວ​ວ່າ, “ຄົນ​ທີ່​ນອນ​ຫລັບ​ເອີຍ, ຈົ່ງ​ຕື່ນ​ຂຶ້ນ​ເຖີດ, ຈົ່ງ​ຟື້ນ​ຂຶ້ນ​ມາ​ຈາກ​ຄວາມ​ຕາຍ ແລະ​ພຣະຄຣິດ​ຈະ​ສ່ອງ​ສະຫວ່າງ​ໃສ່​ເຈົ້າ.”