ຍອດເພງ 2:7 - ພຣະຄຳພີສັກສິ

⁷ ສາວ​ນະຄອນ​ເຢຣູຊາເລັມ​ເອີຍ ຈົ່ງ​ສັນຍາ​ກັບ​ຂ້ອຍ​ເຖີດ ໃນ​ນາມ​ກວາງ​ແລະ​ເຍືອງ​ເຖິກ​ທີ່​ວ່ອງໄວ​ໃຈ​ກ້າ ຈົ່ງ​ສາບານ​ໄວ້​ວ່າ​ພວກເຈົ້າ​ຈະ​ບໍ່​ກຸກກວນ ຄວາມຮັກ​ຂອງ​ພວກຂ້ອຍ.

ຍອດເພງ 2:7 Jak'a apnaqawi uñst'ayäwi

ປະຖົມມະການ 49:21

ເນັບທາລີ ເປັນ​ດັ່ງ​ກວາງນ້ອຍ​ຮອຍ​ງາມ​ຍ່າງ​ສະຫງ່າ ແລ່ນ​ລ່າເລີງ​ເລາະ​ຫລິ້ນ​ເສລີ​ແທ້​ຕາມ​ພົງໄພ; ດັ່ງ​ພັນ​ໄມ້​ດີ​ມີ​ເຊື້ອ​ງາມ​ງ່າ​ງາມ​ຕາ ເກີດ​ລູກ​ມາ​ຊ່າງ​ໜ້າ​ຊົມ ຊື່ນ​ອາຣົມ​ສົມໃຈ​ແທ້.

ເພງ^ສັນລະເສີນ 18:33

ພຣະອົງ​ເຮັດ​ໃຫ້​ຂ້ານ້ອຍ​ຍ່າງ​ຄ່ອງແຄ້ວ​ດັ່ງ​ໂຕກວາງ ພຣະອົງ​ຊົງ​ຮັກສາ​ໃຫ້​ຂ້ານ້ອຍ​ປອດໄພ​ຢູ່​ເທິງ​ພູສູງ.

ສຸພາສິດ 5:19

ຄື​ຜູ້​ທີ່​ເປັນ​ໜ້າຮັກ​ດັ່ງ​ກວາງແມ່ ແລະ​ງາມ​ສະຫງ່າ​ດັ່ງ​ເຍືອງຜາ. ຈົ່ງ​ໃຫ້​ສະເໜ່​ຂອງ​ນາງ​ເຮັດ​ໃຫ້​ເຈົ້າ​ມີ​ຄວາມ​ສຸກໃຈ ຈົ່ງ​ໃຫ້​ຄວາມຮັກ​ຂອງ​ນາງ​ຈັບໃຈ​ຂອງເຈົ້າ​ໄວ້.

ສຸພາສິດ 6:5

ຈົ່ງ​ອອກ​ໜີ​ຈາກ​ບ້ວງແຮ້ວ​ດັ່ງ​ນົກ​ຫລື​ກວາງ​ທີ່​ກຳລັງ​ປົບໜີ​ຈາກ​ນາຍພານ.

ຍອດເພງ 1:5

ຂ້ອຍ​ເປັນ​ຄົນ​ດຳແຫລ້​ແຕ່ ສວຍງາມ ສາວ​ນະຄອນ​ເຢຣູຊາເລັມ​ເອີຍ ດຳ​ດັ່ງ​ຜ້າເຕັນ​ທີ່​ຖິ່ນ​ແຫ້ງແລ້ງ​ກັນດານ​ເກດາ​ນັ້ນ ແຕ່​ກໍ​ງາມ​ດັ່ງ​ຜ້າກັ້ງ ທີ່​ຫ້ອຍ​ໄວ້​ໃຫ້​ງາມຕາ ໃນ​ຣາຊວັງ​ຂອງ​ໂຊໂລໂມນ​ນັ້ນ.

ຍອດເພງ 2:17

ຈົນເຖິງ​ຍາມ​ເຊົ້າຕູ່​ເມື່ອ​ມີ​ລົມ​ພັດ​ວີວ​ມາ ຄວາມ​ມືດໜາ​ກໍ​ຂ້ອນ​ຫາຍ​ຈືດຈາງ​ໄປສິ້ນ. ສຸດທີ່ຮັກ​ເອີຍ ມາ​ເຖີດ ຈົ່ງ​ກັບ​ມາ​ດັ່ງ​ເຍືອງ​ເຖິກ ດັ່ງ​ກວາງໜຸ່ມເຖິກ​ທີ່​ເທິງ​ພູ​ເບັດເອ​ພຸ້ນ.

ຍອດເພງ 2:9

ຄົນ​ຮັກ​ຂອງຂ້ອຍ​ເປັນ​ດັ່ງ​ກວາງໜຸ່ມ ແລະ​ເຍືອງ​ເຖິກ ຫັ້ນເດ ລາວ​ຢືນ​ຜົກ​ຢູ່​ທາງ​ດ້ານຫລັງ​ກຳແພງ​ພຸ້ນ ລາວ​ແນມໄປ​ທາງ​ປ່ອງຢ້ຽມ​ແລະ​ກວດເບິ່ງ​ທຸກ​ທາງ ຕາມ​ປ່ອງຢ້ຽມ​ຜ່ານ​ຕາໜ່າງ​ຄອຍ​ຜົກ​ຈອບເບິ່ງ.

ຍອດເພງ 3:5

ສາວ​ນະຄອນ​ເຢຣູຊາເລັມ​ເອີຍ ຈົ່ງ​ສັນຍາ​ຂ້ອຍ​ເຖີດ ໃນ​ນາມ​ກວາງ ແລະ​ເຍືອງ​ເຖິກ​ທີ່​ວ່ອງໄວ​ໃຈ​ກ້າ ຈົ່ງ​ສາບານ​ໄວ້​ວ່າ​ພວກເຈົ້າ​ຈະ​ບໍ່​ກຸກກວນ ຄວາມຮັກ​ຂອງ​ພວກຂ້ອຍ.

ຍອດເພງ 5:16

ປາກ​ລາວ​ຫວານຊື່ນ ເປັນ​ໜ້າ​ຈູບ​ອີ່ຫລີ ທຸກສິ່ງ​ໃນ​ຕົວ​ລາວ ເຮັດ​ໃຫ້​ຂ້ອຍ​ໄຝ່ຝັນ​ຫາ​ເລື້ອຍ. ຄົນຮັກ​ຂອງຂ້ອຍ ກໍ​ເປັນ​ດັ່ງນີ້ແຫລະ ເປັນ​ທັງ​ເພື່ອນແທ້ ແລະ​ທີ່ຮັກ​ຂອງຂ້ອຍ​ຄືກັນ.

ຍອດເພງ 8:14

ທີ່ຮັກ​ຂອງນ້ອງ​ເອີຍ ຈົ່ງ​ມາ​ຫາ​ນ້ອງ​ເຖີດ ມາ​ດັ່ງ​ເຍືອງ​ເຖິກ ແລະ​ດັ່ງ​ກວາງໜຸ່ມ​ຢູ່​ເທິງ​ພູເຂົາ ບ່ອນ​ທີ່​ມີ​ຕົ້ນ​ກະຖິນເທດ​ເກີດຂຶ້ນ.

ຍອດເພງ 8:4

ລູກສາວ​ນະຄອນ​ເຢຣູຊາເລັມ​ເອີຍ ຈົ່ງ​ສາບານ​ກັບ​ຂ້ອຍ​ເຖີດ ວ່າ​ພວກເຈົ້າ​ຈະ​ບໍ່​ກຸກກວນ​ຄວາມຮັກ​ຂອງ​ພວກຂ້ອຍ.

ຮາບາກຸກ 3:19

ອົງພຣະ​ຜູ້​ເປັນເຈົ້າ ພຣະເຈົ້າຢາເວ ຊົງ​ເປັນ​ກຳລັງ​ຂອງ​ຂ້ານ້ອຍ. ພຣະອົງ​ເຮັດ​ໃຫ້​ຂ້ານ້ອຍ​ແລ່ນ​ທຸ່ນທ່ຽງ​ເໝືອນ​ດັ່ງ​ກວາງ ແລະ​ຮັກສາ​ຂ້ານ້ອຍ​ໃຫ້​ປອດໄພ ຢູ່​ທີ່​ເທິງ​ພູ​ທັງຫລາຍ​ນັ້ນ.

ມັດທາຍ 26:63

ແຕ່​ພຣະເຢຊູເຈົ້າ​ມິດງຽບ​ຢູ່ ແລ້ວ​ມະຫາ​ປະໂຣຫິດ​ໄດ້​ເວົ້າ​ຕໍ່​ພຣະອົງ​ອີກ​ວ່າ, “ໃນ​ນາມ​ຂອງ​ພຣະເຈົ້າ​ອົງ​ຊົງ​ຊີວິດ​ຢູ່ ໃຫ້​ເຈົ້າ​ສາບານ​ວ່າ, ‘ເຈົ້າ​ເປັນ​ພຣະຄຣິດ​ພຣະບຸດ​ຂອງ​ພຣະເຈົ້າ.”’