ຍອດເພງ 2:5 - ພຣະຄຳພີສັກສິ

⁵ ຂໍ​ໃຫ້​ຂ້ອຍ​ໄດ້​ກິນ​ໝາກອະງຸ່ນ ເພື່ອ​ໃຫ້​ມີ​ແຮງ​ຂຶ້ນ ແລະ​ໃຫ້​ຂ້ອຍ​ໄດ້​ກິນ​ໝາກຈອງ ເພື່ອ​ໃຫ້​ໄດ້​ຊື່ນໃຈ​ຂຶ້ນ ເພາະ​ຂ້ອຍ​ປ່ວຍ​ເປັນ​ໂຣກ​ຄວາມຮັກ.

ຍອດເພງ 2:5 Jak'a apnaqawi uñst'ayäwi

2 ຊາມູເອນ 6:19

ແລະ​ແຈກ​ອາຫານ​ໃຫ້​ແກ່​ທຸກຄົນ. ເພິ່ນ​ໄດ້​ແຈກ​ໃຫ້​ຊາວ​ອິດສະຣາເອນ​ທັງ​ຊາຍ​ແລະ​ຍິງ​ດັ່ງນີ້: ເຂົ້າຈີ່​ຜູ້ລະ​ກ້ອນ ຊີ້ນປີ້ງ​ຜູ້ລະ​ຕ່ອນ ແລະ​ໝາກອະງຸ່ນ​ແຫ້ງ. ແລ້ວ​ແຕ່ລະຄົນ​ກໍ​ກັບເມືອ​ບ້ານ​ເຮືອນ​ຂອງ​ໃຜ​ລາວ.

1 ຂ່າວຄາວ 16:3

ແລະ​ແຈກ​ຢາຍ​ອາຫານ​ໃຫ້​ພວກເຂົາ​ທຸກຄົນ. ເພິ່ນ​ໄດ້​ເອົາ​ເຂົ້າຈີ່​ຢາຍ​ໃຫ້​ຜູ້ຊາຍ ແລະ​ຜູ້ຍິງ​ໃນ​ຊາດ​ອິດສະຣາເອນ ຄົນລະ​ກ້ອນ, ຊີ້ນ​ປີ້ງ​ຄົນລະ​ຕ່ອນ, ແລະ​ໝາກອະງຸ່ນ​ແຫ້ງ.

ເພງ^ສັນລະເສີນ 63:8

ຂ້ານ້ອຍ​ຕິດພັນ​ຢູ່​ກັບ​ພຣະອົງ​ສະເໝີ ແລະ​ມື​ຂອງ​ພຣະອົງ​ກໍ​ຮັກສາ​ຂ້ານ້ອຍ​ໄວ້​ໃຫ້​ປອດໄພ.

ຍອດເພງ 5:8

ສາວ​ນະຄອນ​ເຢຣູຊາເລັມ​ເອີຍ ຈົ່ງ​ສັນຍາ​ຂ້ອຍ​ເຖີດ ຖ້າ​ພົບ​ຄົນຮັກ​ທີ່​ຂ້ອຍ​ເວົ້າ​ເຖິງ ກໍ​ຂໍ​ໃຫ້​ບອກ​ລາວ​ດ້ວຍ. ຈົ່ງ​ບອກ​ໃຫ້​ລາວ​ຮູ້ວ່າ​ຂ້ອຍ​ອິດອ່ອນ​ຈິດໃຈ ຍ້ອນ​ຂ້ອຍ​ຫລົງໄຫລ​ຢູ່​ໃນ​ຄວາມຮັກ​ລາວ​ນັ້ນ.

ຍອດເພງ 7:8

ອ້າຍ​ຈະ​ຄ່ອຍ​ປີນ​ກະດືບ​ຂຶ້ນ​ໄປ​ຕາມ​ລຳ​ຕົ້ນ​ຕານ ອ້າຍ​ຈະ​ໃຊ້​ມື​ຈັບ​ໝາກຕານ​ທັງແຊງ​ໄວ້. ສຳລັບ​ອ້າຍ ນົມ​ນ້ອງ​ນັ້ນ​ເປັນ​ດັ່ງ​ພົ້ວ​ໝາກອະງຸ່ນ ສ່ວນ​ລົມຫາຍໃຈ ກໍ​ສໍ່າ​ກິ່ນ​ໝາກຈອງ​ຫອມຫວນ​ຍິ່ງ.

ໂຮເສອາ 3:1

ພຣະເຈົ້າຢາເວ​ໄດ້ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ໄປ ແລະ​ສະແດງ​ຄວາມຮັກ​ກັບ​ຍິງ​ຄົນ​ໜຶ່ງ​ອີກ ທີ່​ມີ​ຄົນຮັກ​ແລ້ວ ແຕ່​ໄປ​ຫລີ້ນຊູ້. ໃຫ້​ເຈົ້າ​ຮັກ​ນາງ​ດັ່ງ​ພຣະເຈົ້າຢາເວ​ຮັກ​ປະຊາຊົນ​ອິດສະຣາເອນ ເຖິງ​ແມ່ນ​ວ່າ​ພວກເຂົາ​ຫັນ​ໄປ​ຫາ​ພະອື່ນ ແລະ​ນິຍົມກັນ​ຖວາຍ​ໝາກອະງຸ່ນ​ແຫ້ງ ແກ່​ຮູບເຄົາຣົບ​ທັງຫລາຍ​ກໍຕາມ.”

ລູກາ 24:32

ພວກເພິ່ນ​ຈຶ່ງ​ເວົ້າ​ກັນ​ວ່າ, “ເມື່ອ​ພຣະອົງ​ກຳລັງ​ເວົ້າ​ນຳ​ພວກເຮົາ​ຕາມ​ທາງ ແລະ​ໄດ້​ອະທິບາຍ​ພຣະຄຳພີ​ໃຫ້​ພວກເຮົາ​ຟັງ​ນັ້ນ ໃຈ​ຂອງ​ພວກເຮົາ​ກໍ​ຮ້ອນຮົນ​ເໝືອນ​ໄຟ​ພາຍ​ໃນ​ພວກເຮົາ​ບໍ່ແມ່ນ​ບໍ?”

ຟີລິບປອຍ 1:23

ເຮົາ​ລັ່ງເລ​ໃຈ​ຢູ່​ໃນ​ລະຫວ່າງ​ສອງ​ຝ່າຍ​ນີ້ ຄື​ວ່າ​ເຮົາ​ມີ​ຄວາມ​ປາຖະໜາ​ທີ່​ຈະ​ຈາກ​ໄປ ເພື່ອ​ຢູ່​ກັບ​ພຣະຄຣິດ ຊຶ່ງ​ປະເສີດ​ຫລາຍກວ່າ,