ຍອດເພງ 1:2 - ພຣະຄຳພີສັກສິ

² ຂໍ​ໃຫ້​ຮີມສົບ​ອ້າຍ​ໄດ້​ຈູບ​ຮີມສົບ​ນ້ອງ​ຫລາຍທີ ຄວາມຮັກ​ທີ່​ອ້າຍ​ມີ​ດີກວ່າ​ເຫຼົ້າ​ອະງຸ່ນ​ຕັ້ງ​ຫລາຍເທົ່າ.

ຍອດເພງ 1:2 Jak'a apnaqawi uñst'ayäwi

ປະຖົມມະການ 29:11

ແລ້ວ​ລາວ​ກໍ​ຈູບ​ນາງ​ພ້ອມ​ທັງ​ຮ້ອງໄຫ້​ດ້ວຍ​ຄວາມ​ຊົມຊື່ນ​ຍິນດີ.

ປະຖົມມະການ 45:15

ແລ້ວ​ທັງໆ​ທີ່​ຍັງ​ຮ້ອງໄຫ້​ຢູ່​ນັ້ນ ເພິ່ນ​ກອດ​ແລະ​ຈູບ​ພວກອ້າຍ​ທຸກໆ​ຄົນ. ຫລັງຈາກ​ນັ້ນ ອ້າຍ​ແລະ​ນ້ອງ​ກໍ​ໂອ້​ລົມ​ກັນ​ກັບ​ໂຢເຊັບ.

ເພງ^ສັນລະເສີນ 36:7

ຂ້າແດ່​ພຣະເຈົ້າ ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ນັ້ນ​ກໍ​ປະເສີດ​ຍິ່ງ ມະນຸດ​ພົບພໍ້ ການ​ຄຸ້ມຄອງ​ໃຕ້​ຮົ່ມ​ປີກ​ຂອງ​ພຣະອົງ.

ຍອດເພງ 1:4

ຈົ່ງ​ມາ​ຮັບ​ເອົາ​ນ້ອງ ແລະ​ພາ​ພວກນ້ອງ​ໜີໄປ​ສາ ຈົ່ງ​ມາ​ເປັນ​ຣາຊາ​ແລະ​ພາເຂົ້າ​ໄປ​ຫ້ອງນອນ​ອ້າຍ. ເພາະ​ອ້າຍ ນ້ອງ​ຈະ​ຊົມຊື່ນ​ກັບ​ຄວາມສຸກ​ດ້ວຍກັນ ມາ​ເພາະ​ຮັກກັນ​ໃຫ້​ເມົາ​ກວ່າ​ລິດ​ເຫຼົ້າ​ອະງຸ່ນ​ເຖີດ. ສົມພໍແລ້ວ ສາວ​ທຸກຖ້ວນໜ້າ​ຈຶ່ງ​ພາກັນ​ຮັກ ຫລົງໄຫລ​ຮັກ​ອ້າຍ ຮັກ​ອ້າຍ​ແຕ່​ຜູ້ດຽວ.

ຍອດເພງ 2:4

ລາວ​ພາ​ຂ້ອຍ​ໄປ​ໃນ​ຫ້ອງ​ຫໍໂຮງ ທີ່​ມີ​ງານກິນລ້ຽງ​ໃຫຍ່ ຊຶ່ງ​ມີ​ປ້າຍ​ຂຽນ​ໄວ້​ວ່າ ແດ່​ທີ່ຮັກ​ຂອງຮຽມ

ຍອດເພງ 4:10

ຄວາມຮັກ​ຂອງນ້ອງ ເຮັດ​ໃຫ້​ອ້າຍ​ຊື່ນໃຈ ຄູ່ຮັກ​ຂອງອ້າຍ ເຈົ້າສາວ​ຂອງອ້າຍ​ເອີຍ ຄວາມຮັກ​ຂອງນ້ອງ ກໍດີກວ່າ​ເຫຼົ້າ​ອະງຸ່ນ ກິ່ນໂຕ​ນ້ອງ ຫອມຫວນ​ກວ່າ​ນໍ້າຫອມ​ໃດໆ​ທັງສິ້ນ.

ຍອດເພງ 5:16

ປາກ​ລາວ​ຫວານຊື່ນ ເປັນ​ໜ້າ​ຈູບ​ອີ່ຫລີ ທຸກສິ່ງ​ໃນ​ຕົວ​ລາວ ເຮັດ​ໃຫ້​ຂ້ອຍ​ໄຝ່ຝັນ​ຫາ​ເລື້ອຍ. ຄົນຮັກ​ຂອງຂ້ອຍ ກໍ​ເປັນ​ດັ່ງນີ້ແຫລະ ເປັນ​ທັງ​ເພື່ອນແທ້ ແລະ​ທີ່ຮັກ​ຂອງຂ້ອຍ​ຄືກັນ.

ຍອດເພງ 7:12

ພວກເຮົາ​ຈະ​ລຸກ​ແຕ່​ເຊົ້າ​ເພື່ອ​ໄປ​ເບິ່ງ​ເຄືອ​ອະງຸ່ນ ເບິ່ງ​ວ່າ​ເຄືອ​ອະງຸ່ນ​ປົ່ງ​ຍອດ​ແລ້ວ​ຫລື​ບໍ່ ເລາະ​ເບິ່ງ​ຕົ້ນໄມ້ ເບິ່ງ​ຕົ້ນ​ໝາກພີລາ​ທີ່ນັ້ນ​ຄືກັນ ແລະ​ນ້ອງ​ຈະ​ມອບ​ຄວາມຮັກ​ໃຫ້​ແກ່​ອ້າຍ​ທີ່ນັ້ນ.

ຍອດເພງ 7:6

ນ້ອງ​ນາງ​ຊ່າງ​ງາມແທ້ ນ້ອງ​ນາງ​ຊ່າງ​ງາມຫລາຍ ຄວາມຮັກ​ຂອງ​ນາງ ຊ່າງ​ພາ​ໃຫ້​ຍິນດີ​ຢ່າງ​ເຕັມ​ລົ້ນ.

ຍອດເພງ 7:9

ສ່ວນ​ປາກ​ນ້ອງ​ນັ້ນ​ເຮັດ​ໃຫ້​ອ້າຍ​ຊາບຊຶ້ງ ເໝືອນ​ດັ່ງ​ເຫຼົ້າ​ອະງຸ່ນ​ຊັ້ນດີ​ຢູ່​ໃນ​ປາກ. ຖ້າດັ່ງນັ້ນ ຂໍ​ໃຫ້​ເຫຼົ້າ​ອະງຸ່ນ​ໄຫລ​ສູ່​ຄົນຮັກ​ຂ້ອຍ​ໂດຍ​ກົງ ໂດຍ​ໃຫ້​ໄຫລ​ຕົງ​ໄປ​ສູ່​ຮີມສົບ​ແລະ​ສູ່​ແຂ້ວ​ດ້ວຍ.

ເອຊາຢາ 25:6

ທີ່​ເທິງ​ພູເຂົາ​ຊີໂອນ​ບ່ອນ​ນີ້ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຈະ​ຕຽມ​ງານກິນລ້ຽງ​ໃຫຍ່​ສຳລັບ​ຊົນຊາດ​ທັງໝົດ​ໃນ​ໂລກ ຄື​ການ​ກິນລ້ຽງ​ໃຫຍ່​ທີ່​ມີ​ອາຫານ​ບໍຣິບູນ​ທີ່ສຸດ ແລະ​ມີ​ເຫຼົ້າ​ອະງຸ່ນ​ທີ່​ດີເລີດ.

ມັດທາຍ 26:26

ໃນ​ລະຫວ່າງ​ອາຫານ​ວັນ​ນັ້ນ ພຣະເຢຊູເຈົ້າ​ໄດ້​ຈັບ​ເອົາ​ເຂົ້າຈີ່​ຂຶ້ນ​ມາ ແລະ​ໂມທະນາ​ຂອບພຣະຄຸນ ພຣະອົງ​ຫັກ​ເຂົ້າຈີ່​ນັ້ນ ແລະ​ຍື່ນໃຫ້​ພວກ​ສາວົກ ໂດຍ​ກ່າວ​ແກ່​ພວກເພິ່ນ​ວ່າ, “ຈົ່ງ​ຮັບ​ກິນ​ເຖີດ ນີ້​ແຫຼະ ແມ່ນ​ກາຍ​ຂອງເຮົາ.”

ລູກາ 15:20

ດັ່ງນັ້ນ ລາວ​ຈຶ່ງ​ລຸກ​ຂຶ້ນ ຄືນ​ເມືອ​ຫາ​ພໍ່​ຂອງຕົນ. ຂະນະທີ່​ຍັງ​ຢູ່​ຫ່າງໄກ​ຈາກ​ບ້ານ​ພໍສົມຄວນ ພໍ່​ກໍ​ແນມ​ເຫັນ​ລາວ ແລ້ວ​ມີ​ຄວາມ​ເມດຕາ​ສົງສານ ຈຶ່ງ​ແລ່ນ​ອອກ​ໄປ​ກອດ​ລູກ​ໄວ້​ດ້ວຍ​ຄວາມ​ຮັກແພງ.

ກິດຈະການ 21:7

ພວກເຮົາ​ໄດ້​ສືບຕໍ່​ເດີນທາງ​ໂດຍ​ລົງ​ເຮືອ​ຈາກ​ເມືອງ​ຕີເຣ ໄປ​ເຖິງ​ເມືອງ​ປະໂຕເລມາຍ, ໃນ​ເມືອງ​ນີ້ ພວກເຮົາ​ໄດ້​ໄປ​ຄຳນັບ​ທັກທາຍ​ຄົນ​ທີ່ເຊື່ອ ແລະ ພັກ​ຢູ່​ນຳ​ພວກເຂົາ​ໜຶ່ງ​ວັນ.

1 ເປໂຕ 5:14

ຈົ່ງ​ທັກທາຍ​ກັນ​ດ້ວຍ​ການ​ຈູບ​ທີ່​ສະແດງ​ເຖິງ​ຄວາມຮັກ. ຂໍ​ສັນຕິສຸກ ຈົ່ງ​ມີ​ແກ່​ເຈົ້າ​ທັງຫລາຍ​ທີ່​ຢູ່​ໃນ​ພຣະຄຣິດ​ເທີ້ນ.