ນາງຣຸດ 4:14 - ພຣະຄຳພີສັກສິ

¹⁴ ພວກຜູ້ຍິງ​ຈຶ່ງ​ເວົ້າ​ກັບ​ນາງ​ນາໂອມີ​ວ່າ, “ສັນລະເສີນ​ພຣະເຈົ້າຢາເວ ພຣະອົງ​ໄດ້​ໂຜດ​ໃຫ້​ເຈົ້າ​ມີ​ຫລານຊາຍ​ມື້ນີ້​ເພື່ອ​ຈະ​ເບິ່ງແຍງ​ເຈົ້າ. ຂໍ​ໃຫ້​ເດັກ​ຄົນນີ້​ກາຍເປັນ​ຜູ້​ມີ​ຊື່ສຽງ​ໃນ​ຊາດ​ອິດສະຣາເອນ​ເທີ້ນ.

ນາງຣຸດ 4:14 Jak'a apnaqawi uñst'ayäwi

ປະຖົມມະການ 12:2

ເຮົາ​ຈະ​ໃຫ້​ເຈົ້າ​ມີ​ເຊື້ອສາຍ​ຫລາຍ ແລະ​ພວກເຂົາ​ຈະ​ກາຍເປັນ​ຊົນຊາດ​ໃຫຍ່. ເຮົາ​ຈະ​ອວຍພອນ​ເຈົ້າ ແລະ​ໃຫ້​ເຈົ້າ​ມີ​ຊື່ສຽງ ແລະ​ເຈົ້າ​ຈະ​ໄດ້​ເປັນ​ທໍ່​ພຣະພອນ​ໃຫ້​ແກ່​ຊົນຊາດ​ອື່ນໆ​ເທິງ​ແຜ່ນດິນ​ໂລກ.

ປະຖົມມະການ 24:27

ລາວ​ເວົ້າ​ວ່າ, “ສັນລະເສີນ​ພຣະເຈົ້າຢາເວ ພຣະເຈົ້າ​ຂອງ​ອັບຣາຮາມ​ນາຍ​ຂອງ​ຂ້ານ້ອຍ; ພຣະອົງ​ຮັກສາ​ຄຳສັນຍາ​ທີ່​ມີ​ຕໍ່​ນາຍ​ຂອງ​ຂ້ານ້ອຍ​ຢ່າງ​ສັດຊື່. ພຣະເຈົ້າຢາເວ​ໄດ້​ນຳພາ​ຂ້ານ້ອຍ​ມາ​ເຖິງ​ບ້ານ​ຍາດຕິ​ພີ່ນ້ອງ​ຂອງ​ເພິ່ນ.”

ປະຖົມມະການ 29:35

ຕໍ່ມາ ນາງ​ກໍ​ຖືພາ​ອີກ​ແລະ​ໄດ້​ລູກຊາຍ​ຜູ້​ທີ​ສີ່. ນາງ​ຈຶ່ງ​ເວົ້າ​ວ່າ, “ເທື່ອ​ນີ້​ຂ້ອຍ​ຈະ​ສັນລະເສີນ​ພຣະເຈົ້າຢາເວ.” ສະນັ້ນ ນາງ​ຈຶ່ງ​ໃສ່​ຊື່​ໃຫ້​ເດັກນ້ອຍ​ນີ້​ວ່າ ຢູດາ. ແລ້ວ​ນາງ​ກໍ​ເຊົາ​ມີ​ລູກ.

ລູກາ 1:58

ເມື່ອ​ເພື່ອນບ້ານ​ໃກ້ຄຽງ​ກັບ​ຍາດຕິພີ່ນ້ອງ​ຂອງ​ນາງ​ໄດ້ຍິນ​ວ່າ ອົງພຣະ​ຜູ້​ເປັນເຈົ້າ​ໄດ້​ໃຫ້​ຄວາມ​ເມດຕາປານີ​ແກ່​ນາງ​ຢ່າງ​ຫລວງຫລາຍ ພວກເຂົາ​ຕ່າງ​ກໍ​ຊົມຊື່ນ​ຍິນດີ​ນຳ​ນາງ.

ໂຣມ 12:15

ຈົ່ງ​ຊົມຊື່ນ​ຍິນດີ ກັບ​ຜູ້​ທີ່​ຊົມຊື່ນ​ຍິນດີ ຈົ່ງ​ຮ້ອງໄຫ້​ກັບ​ຜູ້​ທີ່​ຮ້ອງໄຫ້.

1 ໂກຣິນໂທ 12:26

ຖ້າ​ອະໄວຍະວະ​ອັນ​ໜຶ່ງ​ເຈັບ ອະໄວຍະວະ​ທັງໝົດ​ກໍ​ເຈັບ​ດ້ວຍກັນ ຖ້າ​ອະໄວຍະວະ​ອັນ​ໜຶ່ງ​ໄດ້​ຮັບ​ກຽດ ອະໄວຍະວະ​ທັງໝົດ​ກໍ​ຊົມຊື່ນ​ຍິນດີ​ດ້ວຍ​ກັນ.

1 ເທສະໂລນິກ 5:18

ຈົ່ງ​ໂມທະນາ​ຂອບພຣະຄຸນ​ພຣະເຈົ້າ​ໃນ​ທຸກສິ່ງ ເພາະ​ນີ້​ແຫຼະ ແມ່ນ​ສິ່ງ​ທີ່​ພຣະເຈົ້າ​ພໍພຣະໄທ ຊຶ່ງ​ປາກົດ​ໃນ​ພຣະເຢຊູ​ຄຣິດເຈົ້າ ສຳລັບ​ເຈົ້າ​ທັງຫຼາຍ.

2 ເທສະໂລນິກ 1:3

ພີ່ນ້ອງ​ທັງຫລາຍ​ເອີຍ ພວກເຮົາ​ຕ້ອງ​ໂມທະນາ​ຂອບພຣະຄຸນ​ພຣະເຈົ້າ​ຢູ່​ຕະຫລອດ​ເວລາ ກ່ຽວກັບ​ເລື່ອງ​ພວກເຈົ້າ ຊຶ່ງ​ເປັນ​ສິ່ງ​ທີ່​ສົມຄວນ​ສຳລັບ​ພວກເຮົາ ເພາະ​ຄວາມເຊື່ອ​ຂອງ​ພວກເຈົ້າ​ຈະເລີນ​ຫລາຍ​ຂຶ້ນ ແລະ​ຄວາມຮັກ​ຂອງ​ພວກເຈົ້າ​ທຸກຄົນ​ທີ່​ມີ​ແກ່​ກັນແລະກັນ ກໍ​ທະວີ​ຂຶ້ນ​ຫລາຍກວ່າ​ເກົ່າ.