ນາງຣຸດ 4:12 - ພຣະຄຳພີສັກສິ

¹² ຂໍ​ໃຫ້​ລູກ​ທີ່​ພຣະເຈົ້າຢາເວ​ໂຜດ​ໃຫ້​ເຈົ້າ​ຈາກ​ຍິງ​ຄົນ​ນີ້ ຈົ່ງ​ເປັນ​ດັ່ງ​ຄົນ​ໃນ​ຄອບຄົວ​ຂອງ​ເປເຣັດ ຜູ້​ທີ່​ເປັນ​ລູກຊາຍ​ຂອງ​ຢູດາ​ແລະ​ນາງ​ຕາມາ​ນັ້ນ​ເທີ້ນ.”

ນາງຣຸດ 4:12 Jak'a apnaqawi uñst'ayäwi

ປະຖົມມະການ 38:29

ແຕ່​ເດັກນ້ອຍ​ຫົດ​ມື​ເຂົ້າ​ຄືນ ແລະ​ນ້ອງ​ຂອງ​ລາວ​ຈຶ່ງ​ເກີດ​ກ່ອນ. ແລ້ວ​ນາງ​ຜະດຸງຄັນ​ກໍ​ເວົ້າ​ວ່າ, “ອ້າວ! ຊ່າງ​ແຫກ​ອອກ​ມາ​ໄດ້.” ສະນັ້ນ ເດັກນ້ອຍ​ຜູ້​ນີ້​ຈຶ່ງ​ມີ​ຊື່​ວ່າ ເປເຣັດ.

ປະຖົມມະການ 46:12

ຢູດາ​ແລະ​ພວກ​ລູກຊາຍ​ຂອງຕົນ: ເອຣະ, ໂອນານ, ເຊລາ, ເປເຣັດ ແລະ​ເຊຣາ. (ສ່ວນ​ເອຣະ​ກັບ​ໂອນານ ລູກຊາຍ​ສອງ​ຄົນ​ຂອງ​ຢູດາ​ນັ້ນ ຕາຍ​ທີ່​ການາອານ) ພ້ອມ​ດ້ວຍ​ລູກຊາຍ​ຂອງ​ເປເຣັດ​ຊື່​ວ່າ ເຮຊະໂຣນ ແລະ​ຮາມູນ.

1 ຂ່າວຄາວ 2:4

ລູກຊາຍ​ສອງ​ຄົນ​ທີ່​ເກີດ​ຈາກ​ນາງ​ຕາມາ​ລູກໃພ້​ຂອງຕົນ ມີ​ດັ່ງນີ້: ເປເຣັດ​ແລະ​ເຊຣາ.

ມາລາກີ 2:15

ພຣະເຈົ້າ​ບໍ່ໄດ້​ເຮັດ​ໃຫ້​ເຈົ້າ​ມີ​ເນື້ອກາຍ ແລະ​ມີ​ຈິດໃຈ​ເປັນ​ອັນໜຶ່ງ​ອັນ​ດຽວກັນ​ກັບ​ນາງ​ບໍ? ຄວາມປະສົງ​ຂອງ​ພຣະອົງ​ກ່ຽວກັບ​ເລື່ອງ​ນີ້​ແມ່ນ​ຫຍັງ? ກໍ​ເພື່ອ​ຢາກ​ໃຫ້​ພວກເຈົ້າ​ນັ້ນ​ມີ​ລູກ ທີ່​ເປັນ​ປະຊາຊົນ​ຂອງ​ພຣະເຈົ້າ​ຢ່າງ​ແທ້ຈິງ. ດັ່ງນັ້ນ ຈົ່ງ​ໃຫ້​ແນ່ໃຈ​ວ່າ​ຜູ້ໃດ​ຜູ້ໜຶ່ງ​ໃນ​ພວກເຈົ້າ ບໍ່ໄດ້​ລະເມີດ​ຄຳສັນຍາ​ທີ່​ມີ​ຕໍ່​ເມຍ​ຂອງຕົນ.

ນາງຣຸດ 4:18

ເຊື້ອສາຍ​ຂອງ​ດາວິດ​ນັບ​ແຕ່​ເປເຣັດ ມີ​ດັ່ງນີ້: ເປເຣັດ, ເຮຊະໂຣນ, ຣາມ, ອຳມີນາດາບ, ນາໂຊນ, ສານໂມນ, ໂບອາດ, ໂອເບັດ, ເຢຊີ, ດາວິດ.

1 ຊາມູເອນ 2:20

ແລ້ວ​ເອລີ​ກໍ​ອວຍພອນ​ເອນການາ​ກັບ​ເມຍ​ຂອງ​ລາວ ໂດຍ​ກ່າວ​ແກ່​ເອນການາ​ວ່າ, “ຂໍ​ພຣະເຈົ້າຢາເວ​ໂຜດ​ໃຫ້​ເຈົ້າ​ມີ​ລູກ​ຄົນອື່ນ​ກັບ​ເມຍ​ຜູ້​ນີ້ ເພື່ອ​ແທນ​ຜູ້​ທີ່​ເຈົ້າ​ໄດ້​ຖວາຍ​ແກ່​ພຣະເຈົ້າຢາເວ​ນັ້ນ​ເທີ້ນ.” ຫລັງຈາກ​ນັ້ນ ພວກເຂົາ​ກໍ​ພາກັນ​ກັບ​ເມືອ.