ນາງຣຸດ 4:1 - ພຣະຄຳພີສັກສິ

¹ ໂບອາດ​ໄດ້​ໄປ​ບ່ອນ​ປະຊຸມ​ທີ່​ປະຕູ​ເມືອງ​ແລະ​ນັ່ງ​ຢູ່​ທີ່​ນັ້ນ. ແລ້ວ​ພີ່ນ້ອງ​ຜູ້​ໃກ້ຊິດ​ຂອງ​ເອລີເມເຫຼັກ ທີ່​ໂບອາດ​ກ່າວ​ເຖິງ​ນັ້ນ​ກໍ​ຍ່າງ​ຜ່ານ​ມາ. ໂບອາດ​ຈຶ່ງ​ເອີ້ນ​ໃສ່​ວ່າ, “ເພື່ອນ​ເອີຍ ເຊີນ​ມາ​ນັ່ງ​ທີ່ນີ້​ກ່ອນ.” ລາວ​ຈຶ່ງ​ເຂົ້າ​ໄປ​ນັ່ງ.

ນາງຣຸດ 4:1 Jak'a apnaqawi uñst'ayäwi

ປະຖົມມະການ 19:1

ເມື່ອ​ເທວະດາ​ສອງ​ຕົນ ໄດ້​ເຂົ້າ​ໄປ​ຮອດ​ເມືອງ​ໂຊໂດມ​ໃນ​ຕອນ​ຄໍ່າ​ຂອງ​ມື້​ນັ້ນ ແລະ​ໂລດ​ກໍ​ກຳລັງ​ນັ່ງ​ຢູ່​ທີ່​ປະຕູ​ເມືອງ. ໃນທັນໃດ​ທີ່​ເຫັນ​ເທວະດາ​ນັ້ນ ເພິ່ນ​ກໍ​ຟ້າວ​ລຸກ​ຂຶ້ນ​ອອກ​ໄປ​ຕ້ອນຮັບ​ທັນທີ

ປະຖົມມະການ 23:10

ສ່ວນ​ເອຟະໂຣນ​ເອງ​ກໍ​ນັ່ງ​ຮ່ວມ​ປະຊຸມ​ກັບ​ຊາວ​ຮິດຕີ​ຄົນອື່ນໆ ທີ່​ທາງ​ປະຕູເຂົ້າ​ເມືອງ; ລາວ​ຕອບ​ໃຫ້​ທຸກຄົນ​ໃນ​ທີ່ນັ້ນ​ໄດ້ຍິນ​ວ່າ,

ປະຖົມມະການ 34:20

ແລ້ວ​ຮາໂມ​ກັບ​ລູກຊາຍ​ຂອງຕົນ​ກໍ​ໄປ​ບ່ອນ​ປະຊຸມ​ທີ່​ປະຕູ​ເມືອງ ແລະ​ເວົ້າ​ກັບ​ຊາວ​ເມືອງ​ວ່າ,

2 ຊາມູເອນ 15:2

ອັບຊາໂລມ​ຈະ​ຕ້ອງ​ລຸກ​ແຕ່​ເຊົ້າ ແລະ​ໄປ​ຢືນ​ຢູ່​ທີ່​ທາງ​ປະຕູ​ກຳແພງ​ເມືອງ. ເມື່ອໃດ​ເຫັນ​ຄົນ​ທີ່​ມີ​ເລື່ອງ​ຜິດຖຽງກັນ ເພື່ອ​ຈະ​ໄປ​ຫາ​ກະສັດ​ຕັດສິນ​ຄວາມ​ໃຫ້ ອັບຊາໂລມ​ຈະ​ຕ້ອງ​ໄປ​ເອີ້ນ​ຄົນ​ນັ້ນ​ມາ ແລະ​ຖາມ​ລາວ​ວ່າ, “ເຈົ້າ​ມາ​ແຕ່​ໃສ?” ແລະ​ຫລັງຈາກ​ຄົນ​ນັ້ນ​ໄດ້​ບອກ​ລາວ​ເຖິງ​ເຜົ່າ​ທີ່​ຕົນ​ສັງກັດ​ຢູ່​ແລ້ວ

2 ຂ່າວຄາວ 18:9

ກະສັດ​ທັງສອງ​ທີ່​ນຸ່ງ​ເຄື່ອງ​ເຕັມຍົດ ໄດ້​ນັ່ງ​ເທິງ​ບັນລັງ​ຂອງຕົນ​ທີ່​ລານ​ຟາດເຂົ້າ​ນອກ​ປະຕູ​ນະຄອນ​ຊາມາເຣຍ ແລະ​ຜູ້ທຳນວາຍ​ກໍ​ກຳລັງ​ທຳນວາຍ​ຢູ່​ຕໍ່ໜ້າ​ພວກເພິ່ນ.

ພຣະທຳ​ໂຢບ 29:7

ເທື່ອໃດ​ທີ່​ເຖົ້າແກ່​ໃນ​ເມືອງ​ນັດພົບ​ປະຊຸມກັນ ເທື່ອນັ້ນ​ຂ້ອຍ​ກໍ​ມີໜ້າ​ຢູ່ນຳ​ໃນ​ທີ່​ປະຊຸມ​ຜູ້ໜຶ່ງ.

ພຣະທຳ​ໂຢບ 31:21

ຖ້າ​ຂ້ອຍ​ຍົກ​ແຂນ​ຂຶ້ນ​ຕໍ່ສູ້​ເດັກ​ກຳພ້າ​ຜູ້ໜຶ່ງ ເພາະ​ເຫັນ​ວ່າ​ຂ້ອຍ​ມີ​ກຳລັງ​ເອົາ​ຊະນະ​ພວກເຂົາ​ໄດ້

ເພງ^ສັນລະເສີນ 69:12

ຄົນ​ເວົ້າ​ເລື່ອງ​ຂ້ານ້ອຍ​ນັ້ນ​ຕາມ​ຫົນທາງ ແລະ​ຄົນ​ຂີ້ເຫລົ້າ​ກໍ​ແຕ່ງເພງ​ຮ້ອງ​ສຽດສີ​ໃສ່​ຂ້ານ້ອຍ.

ສຸພາສິດ 31:23

ຜົວ​ຂອງ​ນາງ​ເປັນ​ຜູ້​ທີ່​ມີ​ຊື່ສຽງ ແລະ​ເປັນ​ຜູ້ໜຶ່ງ​ໃນ​ບັນດາ​ຜູ້ນຳ​ຂອງ​ປະຊາຊົນ.

ເອຊາຢາ 55:1

ອົງພຣະ​ຜູ້​ເປັນເຈົ້າ​ກ່າວ​ວ່າ​ດັ່ງນີ້: “ເຊີນ​ທຸກໆ​ຄົນ​ມາ ຈົ່ງ​ເຊີນ​ມາ​ເທີ້ນ ຜູ້​ທີ່​ຫິວນໍ້າ ນໍ້າ​ມີ​ໃຫ້​ດື່ມ​ຢູ່​ທີ່​ນີ້​ເດ ຜູ້​ທີ່​ບໍ່ມີ​ເງິນ ເຊີນ​ມາ ຈົ່ງ​ຊື້​ເຂົ້າ​ກິນ​ເຖີດ ຈົ່ງ​ເຊີນ​ມາ​ຊື້​ເຫຼົ້າ​ອະງຸ່ນ​ແລະ​ນໍ້ານົມ​ດື່ມ ໂດຍ​ບໍ່​ຕ້ອງ​ເສຍຄ່າ​ຫຍັງໝົດ.

ເຢເຣມີຢາ 32:10

ຂ້າພະເຈົ້າ​ໄດ້​ເຊັນ​ຊື່ ແລະ​ປະທັບຕາ​ໜັງສື​ໃບຕາດິນ ໂດຍ​ມີ​ພະຍານ​ຮູ້ເຫັນ​ນຳ​ດ້ວຍ​ແລະ​ຊັ່ງ​ເງິນ​ຈ່າຍ​ໃຫ້.

ອາໂມດ 5:15

ຈົ່ງ​ກຽດຊັງ​ຄວາມຊົ່ວ ຈົ່ງ​ຮັກ​ແຕ່​ຄວາມດີ ແລະ​ໃຫ້ການ​ຢ່າງ​ສັດຊື່​ໃນ​ສານ. ບາງທີ​ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ອາດ​ຈະ​ເມດຕາ​ປະຊາຊົນ​ໂຢເຊັບ ທີ່​ຍັງ​ລອດຊີວິດ​ຢູ່​ໃນ​ປະເທດ​ຊາດ​ນີ້​ກໍໄດ້.

ເຊກາຣີຢາ 2:6

ພຣະເຈົ້າຢາເວ​ກ່າວ​ວ່າ, “ເຮົາ​ໄດ້​ກະຈັດ​ກະຈາຍ​ພວກເຈົ້າ​ໄປ​ທົ່ວ​ທຸກ​ທິດ​ທຸກ​ທາງ. ແຕ່​ບັດນີ້ ພວກເຈົ້າ​ຜູ້​ທີ່​ເປັນ​ຊະເລີຍ​ໃນ​ຕ່າງຖິ່ນ​ເອີຍ ຈົ່ງ​ປົບໜີ​ຈາກ​ບາບີໂລນ ແລະ​ກັບຄືນ​ມາ​ທີ່​ນະຄອນ​ເຢຣູຊາເລັມ​ເຖີດ. ພຣະເຈົ້າຢາເວ​ກ່າວ​ດັ່ງນັ້ນແຫລະ

ພຣະບັນຍັດສອງ 16:18

“ຈົ່ງ​ແຕ່ງຕັ້ງ​ບັນດາ​ຜູ້​ຕັດສິນຄວາມ ແລະ​ເຈົ້າໜ້າທີ່​ອື່ນໆ​ໃນ​ເມືອງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້. ຄົນ​ເຫຼົ່ານັ້ນ​ຕ້ອງ​ຕັດສິນ​ຄະດີ​ຂອງ​ປະຊາຊົນ​ຢ່າງ​ທ່ຽງທຳ.

ພຣະບັນຍັດສອງ 17:5

ຈົ່ງ​ນຳ​ຄົນ​ນັ້ນ​ອອກ​ໄປ​ນອກ​ເມືອງ ແລະ​ເອົາ​ກ້ອນຫີນ​ແກວ່ງ​ໃສ່​ໃຫ້​ຕາຍ.

ພຣະບັນຍັດສອງ 21:19

ພໍ່​ແມ່​ຕ້ອງ​ນຳ​ລູກຊາຍ​ຂອງ​ຕົນ​ໄປ​ຫາ​ພວກ​ຜູ້ນຳ​ໃນ​ເມືອງ​ທີ່​ຕົນ​ອາໄສ​ຢູ່ ແລະ​ນຳ​ລາວ​ຂຶ້ນ​ສານ.

ພຣະບັນຍັດສອງ 25:7

ແຕ່​ຖ້າ​ອ້າຍ​ຫລື​ນ້ອງ​ຂອງ​ຜູ້​ຕາຍ​ນັ້ນ​ບໍ່​ຍອມ​ແຕ່ງງານ​ກັບ​ນາງ ກໍ​ໃຫ້​ນາງ​ໄປ​ຫາ​ຜູ້ປົກຄອງເມືອງ ແລະ​ເວົ້າ​ວ່າ, ‘ອ້າຍ​ຫລື​ນ້ອງ​ທາງ​ຜົວ​ຂອງ​ຂ້ານ້ອຍ​ບໍ່ໄດ້​ເຮັດ​ຕາມ​ໜ້າທີ່​ຂອງຕົນ; ເຂົາ​ບໍ່​ຍອມ​ສືບ​ເຊື້ອສາຍ​ໃຫ້​ອ້າຍ​ຫລື​ນ້ອງ​ຂອງຕົນ ໃນ​ທ່າມກາງ​ປະຊາຊົນ​ຊາດ​ອິດສະຣາເອນ.’

ໂຢຊວຍ 20:4

ລາວ​ແລ່ນ​ເຂົ້າ​ໄປ​ໃນ​ເມືອງໃດ​ເມືອງໜຶ່ງ​ໃນ​ເມືອງ​ເຫຼົ່ານີ້​ໄດ້ ຄື​ໄປ​ທີ່​ສານ​ບ່ອນ​ຕັດສິນ​ຄວາມ​ທີ່​ປະຕູ​ເຂົ້າ​ເມືອງ ແລະ​ອະທິບາຍ​ເຫດການ​ທີ່​ເກີດຂຶ້ນ​ແກ່​ພວກຜູ້ນຳ. ແລ້ວ​ພວກຜູ້ນຳ​ກໍ​ຈະ​ອະນຸຍາດ​ໃຫ້​ລາວ​ເຂົ້າ​ໄປ​ໃນ​ເມືອງ ທັງ​ຫາ​ບ່ອນ​ໃຫ້​ລາວ​ຢູ່​ໃນ​ເມືອງ​ຕໍ່ໄປ​ດ້ວຍ.

ນາງຣຸດ 3:12

ເປັນ​ຄວາມຈິງ​ແທ້ ທີ່​ຂ້ອຍ​ເປັນ​ພີ່ນ້ອງ​ຜູ້​ໃກ້ຊິດ​ຂອງ​ເຈົ້າ ແລະ ທັງ​ມີ​ໜ້າທີ່​ຮັບຜິດຊອບ​ເບິ່ງແຍງ​ເຈົ້າ. ແຕ່​ຍັງ​ມີ​ຊາຍ​ຢູ່​ອີກ​ຄົນໜຶ່ງ ທີ່​ເປັນ​ພີ່ນ້ອງ​ຜູ້​ໃກ້ຊິດ​ກັບ​ເຈົ້າ​ຫລາຍກວ່າ​ຂ້ອຍ.

ນາງຣຸດ 3:18

ນາງ​ນາໂອມີ​ເວົ້າ​ກັບ​ນາງຣຸດ​ວ່າ, “ບັດນີ້​ຣຸດ​ເອີຍ ຈົ່ງ​ອົດທົນ​ເບິ່ງ​ຈົນກວ່າ​ລູກ​ຈະ​ຮູ້​ວ່າ ເລື່ອງ​ນີ້​ຈະ​ເປັນ​ໄປ​ຢ່າງໃດ? ມື້ນີ້ ໂບອາດ​ຈະ​ຢູ່​ຢ່າງ​ບໍ່​ສະບາຍ​ໃຈ ຈົນກວ່າ​ລາວ​ຈະ​ຈັດການ​ກັບ​ເລື່ອງນີ້​ໃຫ້​ຮຽບຮ້ອຍ​ສາກ່ອນ.”