ນາງຣຸດ 3:7 - ພຣະຄຳພີສັກສິ

⁷ ເມື່ອ​ໂບອາດ​ກິນ​ແລະ​ດື່ມ​ແລ້ວ ເພິ່ນ​ກໍ​ມີ​ອາຣົມ​ດີ. ສະນັ້ນ ເພິ່ນ​ຈຶ່ງ​ໄປ​ນອນ​ຢູ່​ໃກ້​ກອງ​ເຂົ້າເດືອຍ. ນາງຣຸດ​ຄ່ອຍ​ຢ່ອງ​ເຂົ້າ​ໄປ​ຢ່າງ​ມິດໆ, ເປີດ​ຜ້າ​ຫົ່ມ​ຂຶ້ນ ແລະ​ນອນ​ຢູ່​ທີ່​ຕີນ​ຂອງ​ເພິ່ນ.

ນາງຣຸດ 3:7 Jak'a apnaqawi uñst'ayäwi

ປະຖົມມະການ 43:34

ຄົນ​ຮັບໃຊ້​ເລີ່ມ​ຢາຍ​ອາຫານ​ຕັ້ງແຕ່​ໂຕະ​ຂອງ​ໂຢເຊັບ​ໄປ ແລະ​ເບັນຢາມິນ​ໄດ້​ຮັບ​ອາຫານ​ຫລາຍກວ່າ​ຜູ້​ອື່ນ​ຫ້າ​ເທົ່າ. ດັ່ງນັ້ນ ພວກເຂົາ​ຈຶ່ງ​ກິນ​ແລະ​ດື່ມ​ກັບ​ໂຢເຊັບ​ຢ່າງ​ມ່ວນຊື່ນ​ເບີກບານ.

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

1 ກະສັດ 21:7

ນາງ​ເຢເຊເບນ​ຕອບ​ວ່າ, “ອ້າຍ​ເປັນ​ກະສັດ​ບໍ່ແມ່ນ​ບໍ? ລຸກ​ຂຶ້ນ​ຈາກ​ຕຽງ​ດຽວນີ້ ເຮັດ​ໃຫ້​ໃຈ​ສະບາຍ​ແລະ​ກິນ​ເຂົ້າ​ສາ. ນ້ອງ​ຈະ​ເອົາ​ສວນອະງຸ່ນ​ຂອງ​ນາໂບດ​ຊາວ​ຢິດຊະເຣນ​ໃຫ້​ອ້າຍ​ດອກ.”

ເອສະເທີ 1:10

ໃນ​ມື້​ທີ​ເຈັດ​ຂອງ​ງານ​ກິນລ້ຽງ ກະສັດ​ມີ​ອາຣົມ​ເບີກບານ​ມ່ວນຊື່ນ ຍ້ອນ​ເຫຼົ້າ​ອະງຸ່ນ​ທີ່​ເພິ່ນ​ໄດ້​ດື່ມ. ສະນັ້ນ ເພິ່ນ​ຈຶ່ງ​ເອີ້ນ​ເອົາ​ຊາຍ​ຕອນ​ເຈັດ​ຄົນ ທີ່​ເປັນ​ຄົນ​ຮັບໃຊ້​ສ່ວນຕົວ​ຂອງຕົນ​ມາ ດັ່ງນີ້: ເມຮູມານ, ບີຊະທາ, ຮັກໂບນາ, ບິກທາ, ອາບາທາ, ເຊທາເຣ ແລະ​ກາກກັດ.

ເພງ^ສັນລະເສີນ 104:15

ເພື່ອ​ວ່າ​ພວກເຂົາ​ຈະ​ໄດ້​ປູກຝັງ​ຕາມ​ຜືນ​ແຜ່ນດິນ ແລະ​ຜະລິດ​ເຫຼົ້າ​ອະງຸ່ນ​ທີ່​ໃຫ້​ຄວາມ​ມ່ວນຊື່ນ ນໍ້າມັນ​ໝາກກອກເທດ​ທີ່​ໃຫ້​ຄວາມ​ຊື່ນບານ ແລະ​ເຂົ້າ​ທີ່​ໃຫ້​ພວກເຂົາ​ມີ​ເຫື່ອແຮງ​ຂຶ້ນໃໝ່.

ປັນຍາຈານ 10:19

ການ​ກິນລ້ຽງ​ເຮັດ​ໃຫ້​ມີ​ຄວາມສຸກ ແລະ​ເຫຼົ້າ​ອະງຸ່ນ​ກໍ​ເຮັດ​ໃຫ້​ໂຮຮ້ອງ, ແຕ່​ທັງສອງ​ຢ່າງ​ນັ້ນ​ເປັນ​ໄປ​ບໍ່ໄດ້ ຖ້າ​ບໍ່ມີ​ເງິນ.

ປັນຍາຈານ 2:24

ຄວາມສຸກ​ຢ່າງ​ດຽວ​ຂອງ​ມະນຸດ​ກໍ​ຄື​ກິນ​ແລະ​ດື່ມ ແລະ​ສະໜຸກ​ຢູ່​ກັບ​ສິ່ງ​ທີ່​ຕົນ​ຫາ​ມາ​ໄດ້. ຢ່າງໃດ​ກໍຕາມ ຂ້າພະເຈົ້າ​ຍັງ​ສຳນຶກ​ໄດ້​ວ່າ ສິ່ງ​ເຫຼົ່ານີ້​ແມ່ນ​ລ້ວນແຕ່​ມາ​ຈາກ​ພຣະເຈົ້າ​ທັງສິ້ນ.

ປັນຍາຈານ 8:15

ສະນັ້ນ ຂ້າພະເຈົ້າ​ຈຶ່ງ​ແນ່ໃຈ​ໄດ້​ວ່າ ມະນຸດ​ຄວນ​ເຮັດ​ໃຫ້​ຕົນ​ສະໜຸກ​ສະໜານ ເພາະ​ຄວາມສຸກ​ຢ່າງດຽວ​ທີ່​ມະນຸດ​ມີ​ຢູ່​ໃຕ້​ດວງ​ຕາເວັນ​ຄື: ກິນ​ແລະ​ດຶ່ມ​ແລະ​ເຮັດ​ໃຫ້​ຕົນ​ສະໜຸກ​ສະໜານ ຢ່າງໜ້ອຍ​ລາວ​ກໍ​ເຮັດ​ສິ່ງ​ນີ້​ໄດ້ ໃນ​ຂະນະທີ່​ບຸກບືນ​ເຮັດ​ວຽກ​ຕະຫລອດ​ຊີວິດ ທີ່​ພຣະເຈົ້າ​ປະທານ​ໃຫ້​ແກ່​ຕົນ​ຢູ່ໃຕ້​ດວງຕາເວັນ.

ປັນຍາຈານ 9:7

ສະນັ້ນ ຈົ່ງ​ກິນ​ອາຫານ​ທີ່​ເຈົ້າ​ມີ​ແລະ​ມີ​ຄວາມສຸກ​ສາເຖີດ; ດື່ມ​ເຫຼົ້າ​ອະງຸ່ນ​ແລະ​ເບີກບານ​ໃຈ​ສາເຖີດ. ສຳລັບ​ພຣະເຈົ້າ​ແລ້ວ ສິ່ງ​ເຫຼົ່ານີ້​ລ້ວນແຕ່​ເປັນ​ການ​ຖືກຕ້ອງ​ທັງສິ້ນ.

1 ໂກຣິນໂທ 10:31

ເຫດສະນັ້ນ ເມື່ອ​ເຈົ້າ​ທັງຫລາຍ​ຈະ​ກິນ ຈະ​ດື່ມ ຫລື​ຈະ​ເຮັດ​ສິ່ງໃດ​ກໍດີ ຈົ່ງ​ເຮັດ​ທຸກສິ່ງ​ເພື່ອ​ຖວາຍ​ພຣະກຽດ​ແດ່​ພຣະເຈົ້າ.

ເອເຟໂຊ 5:18

ແລະ​ຢ່າ​ເມົາ​ເຫລົ້າແວງ ຊຶ່ງ​ພາ​ໃຫ້​ເສຍ​ຄົນ ແຕ່​ຈົ່ງ​ເຕັມ​ລົ້ນ​ດ້ວຍ​ພຣະວິນຍານ​ກໍດີກວ່າ.

ພວກ^ຜູ້ປົກຄອງ 19:22

ໃນ​ຂະນະທີ່​ພວກເຂົາ​ກຳລັງ​ລົມກັນ​ຢ່າງ​ມ່ວນຊື່ນ​ຢູ່​ນັ້ນ ໄດ້​ມີ​ພວກ​ນັກເລງ​ມາ​ລ້ອມ​ເຮືອນ​ໄວ້​ແລະ​ໃຊ້​ກຳປັ້ນ​ຕີ​ປະຕູ​ເຮືອນ. ພວກເຂົາ​ຮ້ອງ​ບອກ​ຊາຍ​ແກ່​ຜູ້ນັ້ນ​ວ່າ, “ຈົ່ງ​ນຳ​ເອົາ​ຊາຍ​ທີ່​ມາ​ຄ້າງ​ຢູ່​ໃນ​ເຮືອນ​ຂອງ​ເຈົ້າ​ອອກ​ມາ ເພາະ​ພວກຂ້ອຍ​ຢາກ​ຮ່ວມເພດ​ກັບ​ລາວ.”

ພວກ^ຜູ້ປົກຄອງ 19:6

ດັ່ງນັ້ນ ຊາຍ​ທັງສອງ​ຈຶ່ງ​ນັ່ງ​ລົງ​ກິນ​ແລະ​ດື່ມ​ນຳ​ກັນ. ແລ້ວ​ຜູ້​ເປັນ​ພໍ່​ຂອງ​ຍິງ​ນັ້ນ​ກໍ​ເວົ້າ​ກັບ​ລາວ​ອີກ​ວ່າ, “ນອນ​ຄ້າງຄືນ​ຢູ່​ທີ່ນີ້​ອີກສາ ເຮັດ​ໃຫ້​ສະບາຍ​ໃຈ​ກ່ອນ​ຈຶ່ງ​ກັບ​ເມືອ.”

ພວກ^ຜູ້ປົກຄອງ 19:9

ເທື່ອໜຶ່ງ​ອີກ ເມື່ອ​ຊາຍ​ເລວີ​ກັບ​ເມຍນ້ອຍ ແລະ​ຄົນ​ຮັບໃຊ້​ຂອງຕົນ​ກຳລັງ​ຈະ​ອອກ​ໄປ​ນັ້ນ ຜູ້​ເປັນ​ພໍ່ເຖົ້າ​ຈຶ່ງ​ເວົ້າ​ວ່າ, “ເບິ່ງດູ ດຽວ​ນີ້​ມັນ​ກໍ​ໃກ້​ຈະ​ຄໍ່າ​ຢູ່​ແລ້ວ ເຈົ້າ​ພັກ​ຢູ່​ນີ້​ອີກ​ຈັກ​ຄືນ​ຄົງ​ຈະ​ເປັນ​ການ​ດີກວ່າ ເພາະ​ມັນ​ໃກ້​ຈະ​ມືດ​ແລ້ວ. ຈົ່ງ​ຢູ່​ທີ່​ນີ້​ແລະ​ເຮັດ​ໃຫ້​ໃຈ​ສະບາຍ​ກ່ອນ ແລະ​ມື້ອື່ນ​ຈຶ່ງ​ກັບ​ເມືອ​ແຕ່​ເດິກໆ​ກໍໄດ້.”

ນາງຣຸດ 3:6

ດັ່ງນັ້ນ ນາງຣຸດ​ຈຶ່ງ​ເຂົ້າ​ໄປ​ທີ່​ລານ​ຟາດເຂົ້າ ແລະ​ເຮັດ​ຕາມ​ທີ່​ຍ່າ​ໄດ້​ບອກ​ນັ້ນ​ທຸກຢ່າງ.

ນາງຣຸດ 3:8

ໃນ​ຕອນ​ກາງຄືນ ເມື່ອ​ໂບອາດ​ຮູ້​ເມື່ອ​ແລະ​ພິກຕົວ ເພິ່ນ​ກໍ​ປະຫລາດ​ໃຈ​ທີ່​ເຫັນ​ຍິງ​ຄົນ​ໜຶ່ງ​ນອນ​ຢູ່​ທີ່​ຕີນ​ຂອງຕົນ.