ນາງຣຸດ 3:3 - ພຣະຄຳພີສັກສິ

³ ສະນັ້ນ ເຈົ້າ​ຈົ່ງ​ອາບນໍ້າ, ທາ​ນໍ້າຫອມ ແລະ​ນຸ່ງ​ເຄື່ອງ​ໂຕ​ຈົບງາມ​ທີ່ສຸດ ແລ້ວ​ໃຫ້​ເຈົ້າ​ໄປ​ໃນ​ລານ​ບ່ອນ​ທີ່​ເພິ່ນ​ກຳລັງ​ຟາດເຂົ້າ​ນັ້ນ ແຕ່​ຢ່າ​ໃຫ້​ເພິ່ນ​ຮູ້​ວ່າ​ເຈົ້າ​ຢູ່​ທີ່​ນັ້ນ ຈົນກວ່າ​ເພິ່ນ​ກິນ​ແລະ​ດື່ມ​ແລ້ວ.

ນາງຣຸດ 3:3 Jak'a apnaqawi uñst'ayäwi

2 ຊາມູເອນ 12:20

ກະສັດ​ດາວິດ​ຈຶ່ງ​ລຸກ​ຂຶ້ນ​ຈາກ​ພື້ນ​ຫ້ອງ ໄປ​ອາບນໍ້າ, ຫວີຜົມ ແລະ​ປ່ຽນ​ເຄື່ອງນຸ່ງຫົ່ມ. ແລ້ວ​ເພິ່ນ​ກໍ​ໄປ​ນະມັດສະການ​ພຣະເຈົ້າຢາເວ​ທີ່​ພຣະວິຫານ. ເມື່ອ​ເພິ່ນ​ກັບຄືນ​ມາ​ວັງ​ແລ້ວ ເພິ່ນ​ກໍ​ຖາມ​ຫາ​ອາຫານ​ແລະ​ກິນ​ໃນທັນທີ​ໂລດ ເມື່ອ​ພວກເຂົາ​ຍົກ​ມາ​ໃຫ້​ເພິ່ນ.

2 ຊາມູເອນ 14:2

ສະນັ້ນ ລາວ​ຈຶ່ງ​ສົ່ງ​ຄົນ​ໄປ​ນຳ​ເອົາ​ຍິງ​ຊາວ​ເມືອງ​ເຕກົວ​ຄົນ​ໜຶ່ງ​ມາ. ຍິງ​ຄົນ​ນີ້​ເປັນ​ຄົນ​ສະຫລາດ. ເມື່ອ​ນາງ​ມາ​ຮອດ ໂຢອາບ​ຈຶ່ງ​ບອກ​ນາງ​ວ່າ, “ໃຫ້​ເຈົ້າ​ທຳທ່າ​ໄວ້ທຸກ ແລະ​ຢ່າ​ຫວີຜົມ. ໃຫ້​ເຮັດ​ຄື​ຄົນ​ທີ່​ໄວ້ທຸກ​ມາ​ແຕ່​ດົນນານ​ແລ້ວ.

ເອສະເທີ 5:1

ໃນ​ວັນ​ທີ​ສາມ ທີ່​ຣາຊີນີ​ເອສະເທີ​ຖືສິນ​ອົດອາຫານ ຣາຊີນີ​ໄດ້​ນຸ່ງ​ຊຸດ​ຣາຊີນີ​ອອກ​ໄປ​ຢືນ​ຢູ່​ໃນ​ເດີ່ນ​ຂອງ​ວັງ ແລະ​ຫັນໜ້າ​ໄປ​ທາງ​ຫ້ອງ​ບັນລັງ. ສ່ວນ​ກະສັດ​ກໍ​ນັ່ງ​ເທິງ​ບັນລັງ​ຂ້າງ​ໃນ ແລະ​ຫັນໜ້າ​ໄປ​ສູ່​ທາງ​ເຂົ້າ.

ເພງ^ສັນລະເສີນ 104:15

ເພື່ອ​ວ່າ​ພວກເຂົາ​ຈະ​ໄດ້​ປູກຝັງ​ຕາມ​ຜືນ​ແຜ່ນດິນ ແລະ​ຜະລິດ​ເຫຼົ້າ​ອະງຸ່ນ​ທີ່​ໃຫ້​ຄວາມ​ມ່ວນຊື່ນ ນໍ້າມັນ​ໝາກກອກເທດ​ທີ່​ໃຫ້​ຄວາມ​ຊື່ນບານ ແລະ​ເຂົ້າ​ທີ່​ໃຫ້​ພວກເຂົາ​ມີ​ເຫື່ອແຮງ​ຂຶ້ນໃໝ່.

ປັນຍາຈານ 9:8

ຈົ່ງ​ເຮັດ​ໃຫ້​ໃຈ​ເບີກບານ ແລະ​ມີ​ຄວາມສຸກ​ຢູ່​ສະເໝີ.

ເອເຊກຽນ 16:9

ແລ້ວ​ເຮົາ​ໄດ້​ເອົາ​ນໍ້າ​ມາ​ລ້າງ​ເລືອດ​ອອກ​ຈາກ​ຕົວ​ເຈົ້າ. ເຮົາ​ໄດ້​ເອົາ​ນໍ້າມັນ​ໝາກກອກເທດ​ທາ​ເຈົ້າ.

ມັດທາຍ 6:17

ເມື່ອ​ເຈົ້າ​ຖືສິນ​ອົດອາຫານ​ນັ້ນ ຈົ່ງ​ລ້າງ​ໜ້າ​ແລະ​ຫວີຜົມ,

ນາງຣຸດ 3:2

ເຈົ້າ​ຄົງ​ຮູ້​ດີ​ແລ້ວ​ວ່າ​ໂບອາດ​ຜູ້​ທີ່​ເຈົ້າ​ໄປ​ເກັບ​ເອົາ​ຮວງເຂົ້າ ຕົກ​ເຮ່ຍ​ນຳ​ພວກ​ຄົນງານ​ຜູ້ຍິງ​ຂອງ​ເພິ່ນ​ນັ້ນ​ເປັນ​ພີ່ນ້ອງ​ຂອງເຮົາ. ບັດນີ້ ໃຫ້​ເຈົ້າ​ຟັງ​ແມ່​ໃຫ້​ດີ ແລງ​ມື້ນີ້​ໂບອາດ​ຈະ​ໄປ​ຟາດເຂົ້າ.

ນາງຣຸດ 3:4

ແຕ່​ຢ່າ​ລືມ​ສັງເກດ​ເບິ່ງ​ບ່ອນ​ທີ່​ເພິ່ນ​ເຂົ້າ​ໄປ​ນອນ. ເວລາ​ເພິ່ນ​ນອນ​ຫລັບ​ແລ້ວ ໃຫ້​ເຈົ້າ​ເຂົ້າ​ໄປ​ເປີດ​ຜ້າຫົ່ມ​ທີ່​ຕີນ​ຂອງ​ເພິ່ນ​ແລະ​ນອນ​ຢູ່​ທີ່​ນັ້ນ. ເພິ່ນ​ຈະ​ບອກ​ວ່າ​ເຈົ້າ​ຄວນ​ຈະ​ເຮັດ​ຢ່າງໃດ​ໃນ​ຂັ້ນ​ຕໍ່ໄປ.”