ນາງຣຸດ 3:18 - ພຣະຄຳພີສັກສິ

¹⁸ ນາງ​ນາໂອມີ​ເວົ້າ​ກັບ​ນາງຣຸດ​ວ່າ, “ບັດນີ້​ຣຸດ​ເອີຍ ຈົ່ງ​ອົດທົນ​ເບິ່ງ​ຈົນກວ່າ​ລູກ​ຈະ​ຮູ້​ວ່າ ເລື່ອງ​ນີ້​ຈະ​ເປັນ​ໄປ​ຢ່າງໃດ? ມື້ນີ້ ໂບອາດ​ຈະ​ຢູ່​ຢ່າງ​ບໍ່​ສະບາຍ​ໃຈ ຈົນກວ່າ​ລາວ​ຈະ​ຈັດການ​ກັບ​ເລື່ອງນີ້​ໃຫ້​ຮຽບຮ້ອຍ​ສາກ່ອນ.”

ນາງຣຸດ 3:18 Jak'a apnaqawi uñst'ayäwi

ເອຊາຢາ 28:16

ບັດນີ້ ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້: “ເຮົາ​ກຳລັງ​ວາງ​ຮາກຖານ​ໃນ​ພູເຂົາ​ຊີໂອນ​ຢ່າງ​ໝັ້ນຄົງ​ແລະ​ແຂງແຮງ. ໃນ​ທີ່ນັ້ນ ເຮົາ​ກຳລັງ​ວາງ​ຫີນ​ເສົາ​ເອກ ຊຶ່ງ​ມີ​ຂຽນ​ຖ້ອຍຄຳ​ໃສ່​ເທິງ​ວ່າ ‘ຄວາມເຊື່ອ​ທີ່​ໝັ້ນຄົງ​ກໍ​ອົດທົນ​ດົນນານ.’

ເອຊາຢາ 30:7

ຄວາມ​ຊ່ວຍເຫລືອ​ທີ່​ເອຢິບ​ໃຫ້​ນັ້ນ​ບໍ່ມີ​ປະໂຫຍດ. ສະນັ້ນ ເຮົາ​ຈຶ່ງ​ໄດ້​ໃສ່​ຊື່​ຫລິ້ນໆ​ໃຫ້​ແກ່​ເອຢິບ​ວ່າ, ‘ມັງກອນ​ບໍ່ມີ​ພິດ.”’

ນາງຣຸດ 3:17

ແລະ​ເວົ້າ​ຕໍ່ໄປ​ວ່າ, “ເພິ່ນ​ຍັງ​ບອກ​ລູກ​ວ່າ​ລູກ​ບໍ່ຄວນ​ກັບ​ມາ​ຫາ​ແມ່​ມືເປົ່າ; ສະນັ້ນ ເພິ່ນ​ຈຶ່ງ​ເອົາ​ເຂົ້າ​ທັງໝົດ​ນີ້​ໃຫ້​ລູກ.”

ນາງຣຸດ 4:1

ໂບອາດ​ໄດ້​ໄປ​ບ່ອນ​ປະຊຸມ​ທີ່​ປະຕູ​ເມືອງ​ແລະ​ນັ່ງ​ຢູ່​ທີ່​ນັ້ນ. ແລ້ວ​ພີ່ນ້ອງ​ຜູ້​ໃກ້ຊິດ​ຂອງ​ເອລີເມເຫຼັກ ທີ່​ໂບອາດ​ກ່າວ​ເຖິງ​ນັ້ນ​ກໍ​ຍ່າງ​ຜ່ານ​ມາ. ໂບອາດ​ຈຶ່ງ​ເອີ້ນ​ໃສ່​ວ່າ, “ເພື່ອນ​ເອີຍ ເຊີນ​ມາ​ນັ່ງ​ທີ່ນີ້​ກ່ອນ.” ລາວ​ຈຶ່ງ​ເຂົ້າ​ໄປ​ນັ່ງ.