ນາງຣຸດ 3:14 - ພຣະຄຳພີສັກສິ

¹⁴ ດັ່ງນັ້ນ ນາງຣຸດ​ຈຶ່ງ​ນອນ​ຢູ່​ທີ່​ນັ້ນ​ທີ່​ຕີນ​ຂອງ​ໂບອາດ; ແຕ່​ກ່ອນ​ແຈ້ງ​ພໍເຫັນຮຸ່ງ ນາງ​ຈຶ່ງ​ລຸກ​ຂຶ້ນ​ຈາກ​ໄປ ເພາະ​ໂບອາດ​ບໍ່​ຢາກ​ໃຫ້​ຜູ້ໃດ​ຜູ້ໜຶ່ງ​ຮູ້​ວ່າ ນາງ​ນອນ​ຢູ່​ໃນ​ທີ່ນັ້ນ.

ນາງຣຸດ 3:14 Jak'a apnaqawi uñst'ayäwi

ປັນຍາຈານ 7:1

ຊື່ສຽງ​ດີ​ກໍດີກວ່າ​ນໍ້າຫອມ​ທີ່​ດີເລີດ ແລະ​ມື້​ຕາຍ​ກໍດີກວ່າ​ມື້​ເກີດ.

ໂຣມ 12:17

ຢ່າ​ເຮັດ​ຊົ່ວ​ຕອບ​ແທນ​ການ​ຊົ່ວ​ແກ່​ຜູ້ໃດ​ຜູ້ໜຶ່ງ ຈົ່ງ​ພະຍາຍາມ​ເຮັດ​ໃນ​ສິ່ງ​ທີ່​ຄົນ​ທັງຫລາຍ​ເຫັນ​ວ່າ​ດີ.

ໂຣມ 14:16

ດັ່ງນັ້ນ ຢ່າ​ເຮັດ​ໃຫ້​ສິ່ງ​ທີ່​ເຈົ້າ​ຖື​ວ່າ​ດີ​ນັ້ນ ເປັນ​ສິ່ງ​ທີ່​ຄົນອື່ນ​ຕຳໜິ​ໄດ້.

1 ໂກຣິນໂທ 10:32

ຢ່າ​ເປັນ​ຕົ້ນ​ເຫດ ທີ່​ເຮັດ​ໃຫ້​ພວກ​ຢິວ ພວກ​ຕ່າງຊາດ ຫລື​ຄຣິສຕະຈັກ​ຂອງ​ພຣະເຈົ້າ​ສະດຸດ​ໃຈ.

2 ໂກຣິນໂທ 8:21

ພວກເຮົາ​ມີ​ຈຸດປະສົງ​ເຮັດ​ທຸກສິ່ງ​ໃຫ້​ຖືກຕ້ອງ ບໍ່ແມ່ນແຕ່​ຕໍ່ສາຍຕາ​ຂອງ​ອົງພຣະ​ຜູ້​ເປັນເຈົ້າ​ເທົ່ານັ້ນ, ແຕ່​ຕໍ່ສາຍຕາ​ຂອງ​ມະນຸດ​ດ້ວຍ.

1 ເທສະໂລນິກ 5:22

ແລະ​ຈົ່ງ​ລະເວັ້ນ​ຈາກ​ຄວາມຊົ່ວ​ທຸກ​ຊະນິດ.

1 ເປໂຕ 2:12

ຈົ່ງ​ດຳເນີນ​ຊີວິດ​ອັນ​ດີງາມ​ຢູ່​ໃນ​ທ່າມກາງ​ຄົນ​ຕ່າງ​ຄວາມເຊື່ອ ເພື່ອ​ວ່າ​ເມື່ອ​ພວກເຈົ້າ​ຖືກ​ກ່າວຫາ​ວ່າ​ເປັນ​ຄົນ​ເຮັດ​ຊົ່ວ​ນັ້ນ, ພວກເຂົາ​ກໍ​ຈະ​ໄດ້​ເຫັນ​ຄຸນຄວາມດີ​ຂອງ​ພວກເຈົ້າ ຈະ​ໄດ້​ສັນລະເສີນ​ພຣະເຈົ້າ ໃນ​ວັນ​ທີ່​ພຣະອົງ​ສະເດັດ​ມາ​ປາກົດ.

ນາງຣຸດ 3:15

ໂບອາດ​ບອກ​ນາງ​ວ່າ, “ຈົ່ງ​ແກ້​ເສື້ອ​ຊັ້ນນອກ​ຂອງ​ເຈົ້າ​ພື​ອອກ.” ນາງຣຸດ​ກໍ​ເຮັດ​ຕາມ​ແລະ​ເພິ່ນ​ໄດ້​ຖອກ​ເຂົ້າເດືອຍ​ໃສ່​ເກືອບ​ເຖິງ​ຊາວ​ກິໂລກຼາມ ແລະ​ຊ່ວຍ​ຍົກ​ເຂົ້າ​ນັ້ນ​ໃສ່​ບ່າ​ໃຫ້​ນາງຣຸດ​ແບກເມືອ​ໃນເມືອງ.