ນາງຣຸດ 3:10 - ພຣະຄຳພີສັກສິ

¹⁰ ເພິ່ນ​ກ່າວ​ວ່າ, “ຂໍ​ພຣະເຈົ້າຢາເວ​ອວຍພອນ​ເຈົ້າ​ເຖີດ ເຈົ້າ​ສະແດງ​ຄວາມ​ສັດຊື່​ຕໍ່​ຄອບຄົວ​ໃນຄັ້ງນີ້ ກໍ​ຍິ່ງໃຫຍ່​ກວ່າ​ທີ່​ເຈົ້າ​ໄດ້​ປະຕິບັດ​ຕໍ່​ຍ່າ​ຂອງ​ເຈົ້າ. ເຈົ້າ​ອາດ​ຊອກຫາ​ຊາຍໜຸ່ມ​ທີ່​ຮັ່ງມີ​ຫລື​ຍາກຈົນ​ກໍໄດ້ ແຕ່​ເຈົ້າ​ບໍ່ໄດ້​ເຮັດ.

ນາງຣຸດ 3:10 Jak'a apnaqawi uñst'ayäwi

ປະຖົມມະການ 24:31

ແລະ​ເວົ້າ​ວ່າ “ທ່ານ​ຜູ້​ມີ​ພຣະພອນ​ເອີຍ ເຊີນ​ໄປ​ທີ່​ເຮືອນ​ຂອງ​ຂ້ານ້ອຍ​ເທີ້ນ. ເປັນຫຍັງ​ຈຶ່ງ​ຢືນ​ຢູ່​ທີ່​ນີ້? ຢູ່​ທີ່​ເຮືອນ​ຂອງ​ຂ້ານ້ອຍ​ມີ​ບ່ອນ​ສຳລັບ​ທ່ານ​ແລະ​ມີ​ທີ່​ພັກ​ສຳລັບ​ໂຕ​ອູດ​ຂອງທ່ານ​ດ້ວຍ.”

ນາງຣຸດ 1:8

ນາງ​ນາໂອມີ​ໄດ້​ເວົ້າ​ກັບ​ພວກ​ລູກໃພ້​ຂອງຕົນ​ວ່າ, “ຈົ່ງ​ກັບ​ຄືນ​ເມືອ​ຢູ່​ນຳ​ແມ່​ຂອງ​ພວກເຈົ້າ​ສາ. ຂໍ​ໃຫ້​ພຣະເຈົ້າຢາເວ​ເມດຕາ​ຕໍ່​ພວກເຈົ້າ​ທັງສອງ​ດັ່ງ​ທີ່​ພວກເຈົ້າ​ໄດ້ເຮັດ​ຕໍ່​ຜູ້​ທີ່​ຕາຍ​ໄປ​ແລ້ວ ແລະ​ຕໍ່​ຂ້ອຍ​ດ້ວຍ.

ນາງຣຸດ 2:11

ໂບອາດ​ຕອບ​ນາງ​ວ່າ, “ຂ້ອຍ​ໄດ້ຍິນ​ເຖິງ​ທຸກໆ​ສິ່ງ​ທີ່​ເຈົ້າ​ໄດ້​ປະຕິບັດ​ຕໍ່​ແມ່ຍ່າ​ຂອງ​ເຈົ້າ ເມື່ອ​ຜົວ​ຂອງ​ເຈົ້າ​ຕາຍໄປ. ຂ້ອຍ​ຮູ້​ວ່າ​ເຈົ້າ​ໄດ້​ຈາກ​ພໍ່​ແມ່ ແລະ​ບ້ານເກີດ​ເມືອງນອນ​ຂອງ​ເຈົ້າ ມາ​ຢູ່​ກັບ​ຄົນ​ທີ່​ເຈົ້າ​ບໍ່ເຄີຍ​ຮູ້ຈັກ​ມາ​ກ່ອນ.

ນາງຣຸດ 2:20

ນາງ​ນາໂອມີ​ຈຶ່ງ​ເວົ້າ​ວ່າ, “ຂໍ​ພຣະເຈົ້າຢາເວ​ອວຍພອນ​ໂບອາດ​ເທີ້ນ ດ້ວຍວ່າ, ພຣະອົງ​ຮັກສາ​ຄຳສັນຍາ​ຂອງ​ພຣະອົງ​ທີ່​ມີ​ໄວ້​ກັບ​ຜູ້​ທີ່​ຍັງ​ມີ​ຊີວິດ​ຢູ່ ແລະ​ທັງ​ຜູ້​ທີ່​ໄດ້​ຕາຍໄປ​ແລ້ວ​ດ້ວຍ.” ນາງ​ນາໂອມີ​ເວົ້າ​ຕໍ່ໄປ​ອີກ​ວ່າ, “ຊາຍ​ຜູ້ນັ້ນ​ເປັນ​ພີ່ນ້ອງ​ທີ່​ໃກ້ຊິດ​ກັບ​ພວກເຮົາ ເປັນ​ຜູ້ໜຶ່ງ​ທີ່​ມີ​ໜ້າທີ່​ຮັບຜິດຊອບ​ເບິ່ງແຍງ​ພວກເຮົາ.”

ນາງຣຸດ 2:4

ເວລາ​ຕໍ່ມາ ໂບອາດ​ເອງ​ໄດ້​ມາ​ຈາກ​ເມືອງ​ເບັດເລເຮັມ ເພື່ອ​ຖາມ​ຄວາມສຸກ​ທຸກ​ຂອງ​ຄົນງານ. ເພິ່ນ​ເວົ້າ​ວ່າ, “ຂໍ​ພຣະເຈົ້າຢາເວ​ສະຖິດ​ຢູ່​ນຳ​ພວກເຈົ້າ​ເທີ້ນ.” ພວກເຂົາ​ຕອບ​ວ່າ, “ຂໍ​ພຣະເຈົ້າຢາເວ​ອວຍພອນ​ທ່ານ​ເຖີດ.”

ນາງຣຸດ 3:9

ເພິ່ນ​ຈຶ່ງ​ຖາມ​ວ່າ, “ເຈົ້າ​ແມ່ນ​ໃຜ?” ນາງ​ຕອບ​ວ່າ, “ທ່ານເອີຍ ຂ້ານ້ອຍ​ແມ່ນ​ຣຸດ ເພາະ​ທ່ານ​ເປັນ​ຍາດຕິພີ່ນ້ອງ​ຜູ້​ໃກ້ຊິດ ທ່ານ​ຈຶ່ງ​ມີ​ໜ້າທີ່​ເບິ່ງແຍງ​ຂ້ານ້ອຍ. ດັ່ງນັ້ນ ຂໍ​ທ່ານ​ຈົ່ງ​ແຕ່ງງານ​ກັບ​ຂ້ານ້ອຍ​ເທີ້ນ.”

1 ຊາມູເອນ 15:13

ເມື່ອ​ຊາມູເອນ​ໄປ​ຮອດ ກະສັດ​ໂຊນ​ໄດ້​ສະແດງ​ຄວາມ​ຄຳນັບ​ຕໍ່​ເພິ່ນ ແລະ​ເວົ້າ​ວ່າ, “ທ່ານ​ຊາມູເອນ​ເອີຍ ຂໍ​ພຣະເຈົ້າຢາເວ​ອວຍພອນ​ທ່ານ​ເທີ້ນ ຂ້າພະເຈົ້າ​ໄດ້​ປະຕິບັດ​ຕາມ​ຄຳສັ່ງ​ຂອງ​ພຣະເຈົ້າຢາເວ​ແລ້ວ.”