ນາງຣຸດ 2:20 - ພຣະຄຳພີສັກສິ

²⁰ ນາງ​ນາໂອມີ​ຈຶ່ງ​ເວົ້າ​ວ່າ, “ຂໍ​ພຣະເຈົ້າຢາເວ​ອວຍພອນ​ໂບອາດ​ເທີ້ນ ດ້ວຍວ່າ, ພຣະອົງ​ຮັກສາ​ຄຳສັນຍາ​ຂອງ​ພຣະອົງ​ທີ່​ມີ​ໄວ້​ກັບ​ຜູ້​ທີ່​ຍັງ​ມີ​ຊີວິດ​ຢູ່ ແລະ​ທັງ​ຜູ້​ທີ່​ໄດ້​ຕາຍໄປ​ແລ້ວ​ດ້ວຍ.” ນາງ​ນາໂອມີ​ເວົ້າ​ຕໍ່ໄປ​ອີກ​ວ່າ, “ຊາຍ​ຜູ້ນັ້ນ​ເປັນ​ພີ່ນ້ອງ​ທີ່​ໃກ້ຊິດ​ກັບ​ພວກເຮົາ ເປັນ​ຜູ້ໜຶ່ງ​ທີ່​ມີ​ໜ້າທີ່​ຮັບຜິດຊອບ​ເບິ່ງແຍງ​ພວກເຮົາ.”

ນາງຣຸດ 2:20 Jak'a apnaqawi uñst'ayäwi

2 ຊາມູເອນ 2:5

ເພິ່ນ​ຈຶ່ງ​ສົ່ງ​ບາງຄົນ​ໄປ​ທີ່​ນັ້ນ ເພື່ອ​ນຳ​ຂ່າວ​ໄປ​ບອກ​ຊາວ​ຢາເບັດ​ກີເລອາດ​ວ່າ, “ຂໍ​ໃຫ້​ພຣະເຈົ້າຢາເວ​ອວຍພອນ​ພວກທ່ານ ສຳລັບ​ຄວາມ​ຈົງຮັກ​ພັກດີ ທີ່​ມີ​ຕໍ່​ກະສັດ​ຂອງ​ພວກທ່ານ​ໂດຍ​ໄດ້​ຝັງ​ຊາກສົບ​ຂອງ​ເພິ່ນ​ໄວ້.

2 ຊາມູເອນ 9:1

ມີ​ມື້​ໜຶ່ງ ກະສັດ​ດາວິດ​ໄດ້​ຖາມ​ວ່າ, “ມີ​ຜູ້ໃດ​ແດ່​ໃນ​ຄອບຄົວ​ຂອງ​ໂຊນ ທີ່​ຍັງ​ມີ​ຊີວິດ​ຢູ່? ຖ້າ​ມີ ເຮົາ​ຈະ​ໃຫ້​ຄວາມ​ເມດຕາ​ຊ່ວຍເຫລືອ​ລາວ​ເພື່ອ​ເຫັນ​ແກ່​ໂຢນາທານ.”

ພຣະທຳ​ໂຢບ 19:25

ແຕ່​ຂ້ອຍ​ຮູ້​ຜູ້ໜຶ່ງ​ຢູ່​ໃນ​ສະຫວັນ​ສະຖານ ຜູ້​ທີ່​ຈະ​ມາ​ໃນທີ່ສຸດ ປ້ອງກັນ​ຊີວິດ​ຂ້ອຍ​ໄວ້.

ສຸພາສິດ 17:17

ເພື່ອນມິດ​ສະແດງ​ຄວາມຮັກ​ຕໍ່​ກັນ​ຢູ່​ທຸກ​ເວລາ ເປັນ​ອ້າຍ​ເອື້ອຍ​ນ້ອງ​ກັນ​ຕ້ອງ​ແບ່ງປັນ​ຄວາມສຸກ​ທຸກ.

ລະບຽບ^ພວກເລວີ 25:25

ຖ້າ​ຄົນ​ອິດສະຣາເອນ​ຜູ້ນັ້ນ​ຍາກຈົນ ແລະ​ຖືກ​ບັງຄັບ​ໃຫ້​ຂາຍ​ທີ່ດິນ​ຂອງຕົນ​ໄປ ພີ່ນ້ອງ​ຜູ້​ໃກ້ຊິດ​ລາວ​ສາມາດ​ຊື້​ທີ່ດິນ​ຄືນ​ໄດ້.

ຟີລິບປອຍ 4:10

ໃນ​ອົງພຣະ​ຜູ້​ເປັນເຈົ້າ​ຂອງເຮົາ​ນັ້ນ ເຮົາ​ຊົມຊື່ນ​ຍິນດີ​ຫລາຍ ເພາະ​ໃນ​ທີ່ສຸດ ພວກເຈົ້າ​ກໍໄດ້​ລະນຶກເຖິງ​ເຮົາ​ອີກ ເຮົາ​ບໍ່ໄດ້​ໝາຍຄວາມວ່າ​ພວກເຈົ້າ​ເຊົາ​ເປັນ​ຫ່ວງ​ເຮົາ​ແລ້ວ ແຕ່​ພວກເຈົ້າ​ຍັງ​ບໍ່ໄດ້​ມີ​ໂອກາດ​ສະແດງ​ອອກ​ເທົ່ານັ້ນ.

ນາງຣຸດ 2:21

ແລ້ວ​ນາງຣຸດ​ຊາວ​ໂມອາບ​ກໍ​ເວົ້າ​ວ່າ, “ນອກຈາກນີ້​ເພິ່ນ​ຍັງ​ບອກ​ໃຫ້​ລູກ​ເກັບ​ເອົາ​ຮວງເຂົ້າ​ນຳ​ພວກ​ຄົນງານ​ຂອງ​ເພິ່ນ ຈົນ​ພວກເຂົາ​ກ່ຽວເຂົ້າ​ແລ້ວ.”

ນາງຣຸດ 3:12

ເປັນ​ຄວາມຈິງ​ແທ້ ທີ່​ຂ້ອຍ​ເປັນ​ພີ່ນ້ອງ​ຜູ້​ໃກ້ຊິດ​ຂອງ​ເຈົ້າ ແລະ ທັງ​ມີ​ໜ້າທີ່​ຮັບຜິດຊອບ​ເບິ່ງແຍງ​ເຈົ້າ. ແຕ່​ຍັງ​ມີ​ຊາຍ​ຢູ່​ອີກ​ຄົນໜຶ່ງ ທີ່​ເປັນ​ພີ່ນ້ອງ​ຜູ້​ໃກ້ຊິດ​ກັບ​ເຈົ້າ​ຫລາຍກວ່າ​ຂ້ອຍ.

ນາງຣຸດ 4:14

ພວກຜູ້ຍິງ​ຈຶ່ງ​ເວົ້າ​ກັບ​ນາງ​ນາໂອມີ​ວ່າ, “ສັນລະເສີນ​ພຣະເຈົ້າຢາເວ ພຣະອົງ​ໄດ້​ໂຜດ​ໃຫ້​ເຈົ້າ​ມີ​ຫລານຊາຍ​ມື້ນີ້​ເພື່ອ​ຈະ​ເບິ່ງແຍງ​ເຈົ້າ. ຂໍ​ໃຫ້​ເດັກ​ຄົນນີ້​ກາຍເປັນ​ຜູ້​ມີ​ຊື່ສຽງ​ໃນ​ຊາດ​ອິດສະຣາເອນ​ເທີ້ນ.

ນາງຣຸດ 4:4

ຂ້ອຍ​ຄິດ​ວ່າ​ເຈົ້າ​ຄວນ​ຮູ້​ໃນ​ເລື່ອງ​ນີ້. ບັດນີ້ ຖ້າ​ເຈົ້າ​ຕ້ອງການ​ທົ່ງນາ​ນັ້ນ ໃຫ້​ເຈົ້າ​ຊື້​ເອົາ​ຊ້ອງໜ້າ​ພວກ​ທີ່​ນັ່ງ​ຢູ່​ນີ້. ແຕ່​ຖ້າ​ເຈົ້າ​ບໍ່​ຕ້ອງການ​ຊື້​ກໍ​ໃຫ້​ເວົ້າ​ມາ​ໂລດ ຍ້ອນ​ສິດທິ​ໃນ​ການ​ຊື້​ທົ່ງນາ​ນີ້​ເປັນ​ຂອງ​ເຈົ້າ​ກ່ອນ ແລ້ວ​ຈຶ່ງ​ເປັນ​ຂອງຂ້ອຍ.” ຊາຍ​ຄົນ​ນີ້​ຈຶ່ງ​ຕອບ​ວ່າ, “ຂ້ອຍ​ຈະ​ຊື້​ທົ່ງນາ​ນັ້ນ.”

ນາງຣຸດ 4:6

ຊາຍ​ຄົນ​ນັ້ນ​ຈຶ່ງ​ຕອບ​ວ່າ, “ໃນ​ກໍລະນີ​ເຊັ່ນນີ້ ຂ້ອຍ​ຂໍ​ສະຫລະ​ສິດ​ທີ່​ຈະ​ຊື້​ນາ​ທົ່ງ​ນັ້ນ ເພາະ​ເຮັດ​ໃຫ້​ພວກ​ລູກ​ຂອງຂ້ອຍ​ບໍ່ໄດ້​ຮັບ​ສ່ວນ​ນຳ. ໃຫ້​ເຈົ້າ​ຊື້​ເອົາ​ສາ ຂ້ອຍ​ບໍ່​ຊື້​ດອກ.”