ນາງຣຸດ 2:14 - ພຣະຄຳພີສັກສິ

¹⁴ ຍາມ​ກິນ​ເຂົ້າ ໂບອາດ​ກໍ​ບອກ​ນາງ​ວ່າ, “ຈົ່ງ​ໄປ​ເອົາ​ເຂົ້າ​ມາ​ຈໍ້າ​ນໍ້າແຈ່ວ​ກິນ​ແມ.” ດັ່ງນັ້ນ ນາງຣຸດ​ຈຶ່ງ​ໄປ​ນັ່ງ​ກັບ​ພວກ​ຄົນງານ ແລະ​ໂບອາດ​ກໍ​ຍື່ນ​ເຂົ້າຂົ້ວ​ບາງສ່ວນ​ໃຫ້​ນາງ​ກິນ. ນາງ​ກິນ​ຈົນ​ອີ່ມ​ແລະ​ຈົນ​ເຫຼືອ.

ນາງຣຸດ 2:14 Jak'a apnaqawi uñst'ayäwi

2 ຊາມູເອນ 17:28

ພວກເຂົາ​ເຫຼົ່ານີ້​ໄດ້​ນຳ​ເອົາ​ຖ້ວຍ, ໝໍ້​ດິນ, ເຄື່ອງຢູ່​ເຄື່ອງນອນ ແລະ​ອາຫານ​ການກິນ​ມາ​ໃຫ້​ກະສັດ​ດາວິດ​ກັບ​ພັກພວກ​ຂອງ​ເພິ່ນ ເຊັ່ນ: ເຂົ້າ​ສາລີ, ເຂົ້າເດືອຍ, ແປ້ງ, ເຂົ້າຂົ້ວ, ໝາກຖົ່ວ, ນໍ້າເຜິ້ງ, ເນີຍ​ແຂງ, ນໍ້ານົມ​ຂຸ້ນ ແລະ​ແກະ. ພວກເຂົາ​ຮູ້​ວ່າ​ກະສັດ​ກັບ​ຄົນ​ຂອງ​ເພິ່ນ​ຕ້ອງ​ຫິວເຂົ້າ​ຫິວນໍ້າ ແລະ​ອິດເມື່ອຍ​ໃນ​ການ​ເດີນທາງ​ຜ່ານ​ຖິ່ນ​ແຫ້ງແລ້ງ​ກັນດານ.

ເພງ^ສັນລະເສີນ 23:5

ພຣະອົງ​ຈັດ​ງານລ້ຽງ​ໃຫຍ່​ສຳລັບ​ຂ້ານ້ອຍ ບ່ອນ​ສັດຕູ​ທັງໝົດ​ເຫັນ​ຂ້ານ້ອຍ​ໄດ້ ພຣະອົງ​ຕ້ອນຮັບ​ຂ້ານ້ອຍ​ດັ່ງ​ແຂກ​ຜູ້​ສຳຄັນ ແລະ​ຈອກ​ຂອງ​ຂ້ານ້ອຍ​ກໍ​ລົ້ນໄຫລ​ຢູ່.

ເອຊາຢາ 32:8

ແຕ່​ຄົນ​ທີ່​ມີ​ກຽດ​ກະທຳ​ຢ່າງ​ສັດຊື່ ແລະ​ຕັ້ງ​ໝັ້ນຄົງ​ຢູ່​ໃນ​ຄວາມ​ຖືກຕ້ອງ.

ເອຊາຢາ 58:7

ຈົ່ງ​ແບ່ງປັນ​ອາຫານ​ໃຫ້​ແກ່​ຜູ້​ທີ່​ອຶດຫິວ ແລະ​ໃຫ້​ທີ່ພັກ​ແກ່​ຜູ້​ທີ່​ຍາກຈົນ​ຂາດ​ບ່ອນ​ພັກພາ​ອາໄສ. ຈົ່ງ​ຫາ​ເຄື່ອງນຸ່ງຫົ່ມ​ໃຫ້​ແກ່​ຜູ້​ທີ່​ບໍ່ມີ ແລະ​ຢ່າ​ລະເລີຍ​ໃນ​ການ​ຊ່ວຍເຫລືອ​ເພື່ອນມະນຸດ.

ມັດທາຍ 14:20

ພວກເຂົາ​ໄດ້​ກິນ​ອີ່ມ​ທຸກຄົນ ແລ້ວ​ພວກ​ສາວົກ​ກໍ​ເກັບ​ຕ່ອນ​ທີ່​ເຫຼືອ​ນັ້ນ ໄດ້​ອີກ​ສິບສອງ​ກະບຸງ.

ພຣະບັນຍັດສອງ 11:15

ທັງ​ຫຍ້າ​ສຳລັບ​ຝູງສັດ​ດ້ວຍ. ພວກເຈົ້າ​ຈະ​ມີ​ອາຫານ​ກິນ​ຕາມ​ຄວາມ​ຕ້ອງການ.

ພຣະບັນຍັດສອງ 8:10

ພວກເຈົ້າ​ຈະ​ມີ​ທຸກສິ່ງ​ທີ່​ພວກເຈົ້າ​ຕ້ອງການ​ກິນ ແລະ​ພວກເຈົ້າ​ກໍ​ຈະ​ໂມທະນາ​ຂອບພຣະຄຸນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ສຳລັບ​ດິນແດນ​ອັນ​ອຸດົມສົມບູນ​ແລະ​ຮັ່ງມີ ທີ່​ພຣະອົງ​ໄດ້​ມອບ​ໃຫ້​ພວກເຈົ້າ.”

ນາງຣຸດ 2:13

ນາງຣຸດ​ຕອບ​ວ່າ, “ທ່ານເອີຍ ທ່ານ​ດີ​ຕໍ່​ຂ້ານ້ອຍ​ຢ່າງ​ເຫລືອຫລາຍ. ທ່ານ​ເວົ້າຈາ​ອ່ອນຫວານ​ກັບ​ຂ້ານ້ອຍ ຊຶ່ງ​ເຮັດ​ໃຫ້​ຂ້ານ້ອຍ​ມີ​ກຳລັງໃຈ​ຂຶ້ນ ເຖິງ​ແມ່ນ​ວ່າ​ຂ້ານ້ອຍ​ເອງ​ບໍ່ມີ​ຄຸນຄ່າ​ເທົ່າທຽມ​ກັບ​ຄົນ​ຮັບໃຊ້​ຜູ້ໜຶ່ງ​ຂອງທ່ານ​ກໍຕາມ.”

ນາງຣຸດ 2:15

ຫລັງຈາກ​ນາງຣຸດ​ອອກ​ໄປ​ເກັບ​ເອົາ​ຮວງເຂົ້າ​ແລ້ວ ໂບອາດ​ກໍ​ສັ່ງ​ພວກ​ຄົນງານ​ວ່າ, “ຈົ່ງ​ອະນຸຍາດ​ໃຫ້​ນາງ​ເກັບ​ເອົາ​ຮວງເຂົ້າ​ຕາມ​ບ່ອນ​ທີ່​ວາງ​ມັດ​ເຂົ້າ​ໄວ້​ໄດ້ ແລະ​ຢ່າ​ເວົ້າຫຍັງ​ໃຫ້​ນາງ​ເດີ. ນອກຈາກນີ້ ໃຫ້​ພວກເຈົ້າ​ດຶງ​ເອົາ​ຮວງເຂົ້າ​ອອກ​ຈາກ​ມັດ ແລະ​ປະ​ໄວ້​ໃຫ້​ນາງ​ເກັບ​ເອົາ.”

ນາງຣຸດ 2:18

ນາງ​ນຳ​ເອົາ​ເຂົ້າ​ນັ້ນ​ກັບ​ເມືອ​ໃນເມືອງ ເພື່ອ​ໃຫ້​ຍ່າ​ເບິ່ງ​ວ່າ​ຕົນ​ເກັບ​ໄດ້​ຫລາຍ​ເທົ່າໃດ. ນາງ​ຍັງ​ໄດ້​ເອົາ​ອາຫານ​ທີ່​ເຫຼືອ​ກິນ​ນັ້ນ​ໃຫ້​ຍ່າ​ດ້ວຍ.

1 ຊາມູເອນ 17:17

ມື້ໜຶ່ງ ເຢຊີ​ໄດ້​ເວົ້າ​ກັບ​ດາວິດ​ວ່າ, “ຈົ່ງ​ເອົາ​ເຂົ້າຂົ້ວ​ສິບ​ກິໂລກຼາມ​ກັບ​ເຂົ້າຈີ່​ສິບ​ກ້ອນ​ນີ້ ໄປ​ໃຫ້​ພວກ​ອ້າຍ​ຂອງ​ເຈົ້າ​ຢູ່​ໃນ​ຄ້າຍ

1 ຊາມູເອນ 25:18

ແລ້ວ​ອາບີກາຍ​ກໍ​ຟ້າວ​ຕຽມ​ເອົາ​ເຂົ້າຈີ່​ສອງຮ້ອຍ​ກ້ອນ, ເຫຼົ້າ​ອະງຸ່ນ​ສອງ​ຖົງ​ໜັງ, ແກະ​ເຜົາ​ຫ້າ​ໂຕ, ເຂົ້າ​ຂົ້ວ​ຫ້າ​ກະຖັງ, ໝາກອະງຸ່ນ​ແຫ້ງ​ຮ້ອຍ​ມັດ ແລະ​ເຂົ້າໜົມ​ໝາກເດື່ອ​ສອງຮ້ອຍ​ກ້ອນ​ບັນທຸກ​ໃສ່​ຫລັງ​ລໍ​ໄປ.