ນາງຣຸດ 1:6 - ພຣະຄຳພີສັກສິ

⁶ ຕໍ່ມາ ນາງ​ນາໂອມີ​ໄດ້ຍິນ​ວ່າ ພຣະເຈົ້າຢາເວ​ໄດ້​ອວຍພອນ​ປະຊາຊົນ​ຂອງ​ພຣະອົງ​ໂດຍ​ໃຫ້​ມີ​ການ​ເກັບກ່ຽວ​ໄດ້​ດີ. ສະນັ້ນ ນາງ​ພ້ອມ​ລູກໃພ້​ທັງສອງ​ຈຶ່ງ​ຕຽມຕົວ​ໜີໄປ​ຈາກ​ດິນແດນ​ໂມອາບ.

ນາງຣຸດ 1:6 Jak'a apnaqawi uñst'ayäwi

ປະຖົມມະການ 21:1

ພຣະເຈົ້າຢາເວ​ໄດ້ມາ​ຢ້ຽມຢາມ​ນາງ​ຊາຣາ ເໝືອນດັ່ງ​ທີ່​ພຣະອົງ​ໄດ້​ກ່າວໄວ້, ແລະ​ພຣະເຈົ້າຢາເວ​ໄດ້​ກະທຳ​ແກ່​ນາງ​ຊາຣາ​ຕາມ​ທີ່​ຊົງ​ສັນຍາ​ໄວ້;

ປະຖົມມະການ 28:20

ແລ້ວ​ຢາໂຄບ​ກໍ​ໄດ້​ສາບານ​ວ່າ, “ຖ້າ​ພຣະເຈົ້າ​ສະຖິດ​ຢູ່​ກັບ​ຂ້ານ້ອຍ ແລະ​ປົກປັກ​ຮັກສາ​ຂ້ານ້ອຍ​ໃນ​ການ​ເດີນທາງ ແລະ​ໃຫ້​ອາຫານ​ແລະ​ເຄື່ອງນຸ່ງຫົ່ມ

ປະຖົມມະການ 48:15

ແລ້ວ​ເພິ່ນ​ກໍ​ອວຍພອນ​ແກ່​ໂຢເຊັບ ວ່າ: “ຂໍ​ພຣະເຈົ້າ​ອົງ​ທີ່​ພໍ່​ຂອງ​ຂ້ານ້ອຍ​ຄື​ອີຊາກ​ແລະ​ອັບຣາຮາມ ຜູ້​ທີ່​ບາກບັ່ນ​ຮັບໃຊ້​ພຣະອົງ ອວຍພອນ​ເດັກນ້ອຍ​ເຫຼົ່ານີ້ ຂໍ​ພຣະເຈົ້າ​ອົງ​ທີ່​ນຳພາ​ຂ້ານ້ອຍ​ທຸກ​ມື້ນີ້​ແລະ​ທຸກ​ເວລາ; ຈົ່ງ​ອວຍພອນ​ເຂົາ​ເຫຼົ່ານີ້​ເທີ້ນ

ປະຖົມມະການ 50:25

ແລ້ວ​ໂຢເຊັບ​ກໍ​ໃຫ້​ປະຊາຊົນ​ຂອງຕົນ​ສາບານ​ຕໍ່​ຕົນ​ວ່າ, “ຈົ່ງ​ສາບານ​ຕໍ່​ຂ້ອຍ​ວ່າ ເມື່ອ​ພຣະເຈົ້າ​ໄດ້​ນຳພາ​ພວກເຈົ້າ​ອອກ​ໄປ​ສູ່​ດິນແດນ​ນັ້ນ​ແລ້ວ ພວກເຈົ້າ​ຈະ​ຕ້ອງ​ເອົາ​ຊາກສົບ​ຂອງຂ້ອຍ​ອອກ​ໄປ​ນຳ.”

ເພງ^ສັນລະເສີນ 102:14

ພວກ​ຜູ້ຮັບໃຊ້​ຂອງ​ພຣະອົງ​ຮັກ​ເມືອງ​ນີ້​ຫລາຍ ແມ່ນ​ວ່າ​ຖືກ​ທຳລາຍ​ມາ​ແລ້ວ​ກໍຕາມ, ແຕ່​ເຂົາ​ເຫຼົ່ານັ້ນ​ກໍ​ຍັງ​ເມດຕາ​ສົງສານ ເຖິງ​ວ່າ​ເປັນ​ເມືອງ​ຮົກຮ້າງ​ເພພັງ​ກໍຕາມ.

ເພງ^ສັນລະເສີນ 111:5

ພຣະອົງ​ໂຜດ​ອາຫານ​ໃຫ້​ຜູ້​ທີ່​ຢຳເກງ​ພຣະອົງ ແລະ​ບໍ່​ໃຫ້​ລືມ​ພັນທະສັນຍາ​ຂອງ​ພຣະອົງ​ຈັກເທື່ອ.

ເພງ^ສັນລະເສີນ 132:15

ເຮົາ​ຈະ​ຈັດຫາ​ໃຫ້​ພູເຂົາ​ຊີໂອນ​ຕາມ​ທີ່​ຕ້ອງການ ຄົນ​ທຸກຈົນ​ຈະ​ມີ​ອາຫານ​ກິນ​ອີ່ມທ້ອງ.

ເພງ^ສັນລະເສີນ 145:15

ທຸກໆ​ສິ່ງ​ທີ່​ມີ​ຊີວິດ​ຢູ່​ກໍ​ເບິ່ງ​ພຣະອົງ​ດ້ວຍ​ຄວາມຫວັງ ລໍຖ້າ​ພຣະອົງ​ໃຫ້​ອາຫານ​ຕາມ​ທີ່​ຕ້ອງການ​ນັ້ນ.

ເພງ^ສັນລະເສີນ 146:7

ພຣະອົງ​ຕັດສິນ​ເຂົ້າຂ້າງ​ຜູ້​ທີ່​ຖືກ​ຂົ່ມເຫັງ ແລະ​ໂຜດ​ອາຫານ​ໃຫ້​ແກ່​ຜູ້​ທີ່​ອຶດຫິວ. ພຣະເຈົ້າຢາເວ​ປົດປ່ອຍ​ນັກໂທດ​ໃຫ້​ເປັນ​ອິດສະຫລະ​ເສລີ.

ເພງ^ສັນລະເສີນ 147:14

ພຣະອົງ​ຮັກສາ​ຊາຍແດນ​ຂອງເຈົ້າ​ໃຫ້​ປອດໄພ ແລະ​ໃຫ້​ເຈົ້າ​ອີ່ມໜຳ​ສຳລານ​ດ້ວຍ​ເຂົ້າບາເລ​ອັນ​ດີເລີດ.

ອົບພະຍົບ 3:16

ບັດນີ້ ເຈົ້າ​ຈົ່ງ​ໄປ​ປະຊຸມ​ກັບ​ບັນດາ​ຜູ້ນຳ​ຂອງ​ຊົນຊາດ​ອິດສະຣາເອນ ແລະ​ບອກ​ພວກເຂົາ​ວ່າ, ‘ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ ພຣະເຈົ້າ​ຂອງ​ອັບຣາຮາມ, ອີຊາກ ແລະ​ຢາໂຄບ ໄດ້​ປາກົດ​ແກ່​ຂ້ອຍ. ແລະ​ກ່າວ​ວ່າ: ເຮົາ​ໄດ້​ມາ​ຫາ​ພວກເຈົ້າ ແລະ​ໄດ້​ເຫັນ​ສິ່ງ​ທີ່​ຊາວ​ເອຢິບ​ໄດ້​ເຮັດ​ຕໍ່​ພວກເຈົ້າ.

ອົບພະຍົບ 4:31

ດັ່ງນັ້ນ ພວກເຂົາ​ຈຶ່ງ​ເຊື່ອ ແລະ​ເມື່ອ​ໄດ້ຍິນ​ວ່າ ພຣະເຈົ້າຢາເວ​ໄດ້​ມາ​ຫາ​ພວກເຂົາ ແລະ​ທັງ​ຮູ້​ວ່າ ພຣະອົງ​ໄດ້​ເຫັນ​ພວກເຂົາ​ຖືກ​ກົດຂີ່​ຢ່າງ​ໂຫດຮ້າຍ​ທາລຸນ​ຢ່າງ​ໃດ ພວກເຂົາ​ຈຶ່ງ​ໄດ້​ພາກັນ​ຂາບລົງ​ແລະ​ນ້ອມ​ນະມັດສະການ.

ສຸພາສິດ 30:8

ຂໍ​ຢ່າ​ໃຫ້​ຂ້ານ້ອຍ​ເປັນ​ຄົນ​ຂີ້ຕົວະ ແລະ​ຂໍ​ຢ່າ​ໃຫ້​ຂ້ານ້ອຍ​ເປັນ​ຄົນ​ຮັ່ງມີ ຫລື​ເປັນ​ຄົນທຸກ. ສະນັ້ນ ໂຜດ​ໃຫ້​ຂ້ານ້ອຍ​ມີ​ອາຫານ​ຕາມ​ຄວາມ​ເໝາະສົມ.

ເອຊາຢາ 55:10

“ຖ້ອຍຄຳ​ຂອງເຮົາ​ເປັນ​ດັ່ງ​ນໍ້າ​ຝົນ ແລະ​ຫິມະ ຊຶ່ງ​ລົງ​ມາ​ຈາກ​ສະຫວັນ​ເບື້ອງເທິງ ແລະ​ຫົດ​ແຜ່ນດິນ​ໂລກ​ໃຫ້​ຊຸ່ມເຢັນ ຊຶ່ງ​ເຮັດ​ໃຫ້​ເຄື່ອງ​ປູກ​ງອກງາມ​ໃຫຍ່ຂຶ້ນ ທັງ​ຈັດຫາ​ໃຫ້​ມີ​ແນວພືດ​ສຳລັບ​ປູກຝັງ ທັງ​ໃຫ້​ມີ​ເຂົ້າຈີ່​ກິນ​ດ້ວຍ.

ເຢເຣມີຢາ 29:10

ພຣະເຈົ້າຢາເວ​ກ່າວ​ວ່າ, ‘ເມື່ອ​ຢູ່​ນະຄອນ​ບາບີໂລນ​ຄົບ​ເຈັດສິບ​ປີ ແລ້ວ​ເຮົາ​ກໍ​ຈະ​ສະແດງ​ຄວາມ​ຫ່ວງໃຍ​ຂອງເຮົາ​ສຳລັບ​ພວກເຈົ້າ ທັງ​ຈະ​ຮັກສາ​ຄຳສັນຍາ​ຂອງເຮົາ​ທີ່​ວ່າ ຈະ​ນຳ​ພວກເຈົ້າ​ກັບຄືນ​ມາ​ສູ່​ບ້ານເກີດ​ເມືອງນອນ.

ໂຢເອນ 2:19

ພຣະເຈົ້າຢາເວ​ຕອບ​ພວກເຂົາ​ວ່າ, “ບັດນີ້ ເຮົາ​ຈະ​ໃຫ້​ພວກເຈົ້າ​ມີ ເຂົ້າ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ ແລະ​ພວກເຈົ້າ​ຈະ​ກິນ​ຢ່າງ​ອີ່ມໜຳ​ສຳລານ ຊົນຊາດ​ອື່ນ​ຈະ​ບໍ່​ຫຍໍ້ຫຍັນ​ພວກເຈົ້າ​ຕໍ່ໄປ​ອີກ.

ເຊຟານີຢາ 2:7

ຊາວ​ຢູດາ​ຜູ້​ທີ່​ລອດຊີວິດ​ຈະ​ຄຸ້ມຄອງ​ດິນແດນ​ຂອງ​ພວກເຈົ້າ. ພວກເຂົາ​ຈະ​ລ້ຽງ​ຝູງແກະ​ຢູ່​ທີ່​ນັ້ນ ແລະ​ນອນ​ຢູ່​ຕາມ​ເຮືອນ ໃນ​ເມືອງ​ອາຊະເກໂລນ. ພຣະເຈົ້າຢາເວ ພຣະເຈົ້າ​ຂອງ​ພວກເຂົາ ຈະ​ສະຖິດ​ຢູ່​ນຳ​ພວກເຂົາ ແລະ​ຈະ​ເຮັດ​ໃຫ້​ພວກເຂົາ​ຈະເລີນ​ຮຸ່ງເຮືອງ​ຂຶ້ນອີກ.

ມັດທາຍ 6:11

ຂໍ​ຊົງ​ໂຜດ​ປະທານ​ເຂົ້າຈີ່​ປະຈຳ​ວັນ ໃຫ້​ແກ່​ຂ້ານ້ອຍ​ທັງຫລາຍ ໃນ​ກາລະ​ວັນ​ນີ້

ລູກາ 1:68

“ຈົ່ງ​ສັນລະເສີນ​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ອິດສະຣາເອນ ດ້ວຍວ່າ, ພຣະອົງ​ໄດ້​ຊົງ​ຢ້ຽມຢາມ ແລະ ໄດ້​ຊົງ​ໄຖ່​ເອົາ​ພົນລະເມືອງ​ ຂອງ​ພຣະອົງ

ລູກາ 19:44

ພວກເຂົາ​ຈະ​ທຳລາຍ​ເຈົ້າ ແລະ​ລູກ​ທັງຫລາຍ​ທີ່​ຢູ່​ນຳ​ເຈົ້າ​ໃຫ້​ລົງ​ພຽງ​ດິນ. ພວກເຂົາ​ຈະ​ບໍ່​ປະ​ກ້ອນຫີນ​ໃຫ້​ຊ້ອນ​ທັບ​ກັນ​ໄວ້​ພາຍ​ໃນ​ເຈົ້າ ເພາະວ່າ​ເຈົ້າ​ບໍ່​ຮູ້​ເວລາ​ທີ່​ພຣະເຈົ້າ​ໄດ້​ມາ​ຢ້ຽມຢາມ​ເຈົ້າ.”

1 ຕີໂມທຽວ 6:8

ແຕ່​ຖ້າ​ພວກເຮົາ​ມີ​ອາຫານ​ການກິນ​ກັບ​ເຄື່ອງນຸ່ງຫົ່ມ ກໍ​ຄວນ​ພໍໃຈ​ໃນ​ສິ່ງ​ເຫຼົ່ານີ້.

1 ເປໂຕ 2:12

ຈົ່ງ​ດຳເນີນ​ຊີວິດ​ອັນ​ດີງາມ​ຢູ່​ໃນ​ທ່າມກາງ​ຄົນ​ຕ່າງ​ຄວາມເຊື່ອ ເພື່ອ​ວ່າ​ເມື່ອ​ພວກເຈົ້າ​ຖືກ​ກ່າວຫາ​ວ່າ​ເປັນ​ຄົນ​ເຮັດ​ຊົ່ວ​ນັ້ນ, ພວກເຂົາ​ກໍ​ຈະ​ໄດ້​ເຫັນ​ຄຸນຄວາມດີ​ຂອງ​ພວກເຈົ້າ ຈະ​ໄດ້​ສັນລະເສີນ​ພຣະເຈົ້າ ໃນ​ວັນ​ທີ່​ພຣະອົງ​ສະເດັດ​ມາ​ປາກົດ.

ນາງຣຸດ 1:5

ມາໂລນ​ແລະ​ກີລີໂອນ​ກໍໄດ້​ຕາຍໄປ​ເຊັ່ນກັນ ນາງ​ນາໂອມີ​ຈຶ່ງ​ຢູ່​ຜູ້​ດຽວ​ໂດຍ​ບໍ່ມີ​ຜົວ​ແລະ​ບໍ່ມີ​ລູກ.

ນາງຣຸດ 1:7

ພວກເຂົາ​ກັບ​ຄືນ​ເມືອ​ສູ່​ດິນແດນ​ຢູດາຍ, ແຕ່​ໃນ​ຂະນະທີ່​ເດີນທາງ​ກັບ​ເມືອ​ນັ້ນ

1 ຊາມູເອນ 2:21

ພຣະເຈົ້າຢາເວ​ໄດ້​ອວຍພອນ​ນາງ​ຮັນນາ ແລະ​ນາງ​ໄດ້​ມີ​ລູກຊາຍ​ຕື່ມ​ອີກ​ສາມ​ຄົນ​ແລະ​ລູກສາວ​ສອງ​ຄົນ. ສ່ວນ​ເດັກຊາຍ​ຊາມູເອນ​ນັ້ນ​ກໍ​ເຕີບໃຫຍ່​ຂຶ້ນ​ໃນ​ການ​ບົວລະບັດ​ຮັບໃຊ້​ພຣະເຈົ້າຢາເວ.