ໂຣມ 2:22 - ພຣະຄຳພີສັກສິ

²² ເຈົ້າ​ບອກ​ວ່າ, “ຢ່າ​ຫລິ້ນຊູ້” ແຕ່​ເຈົ້າ​ຍັງ​ຫລິ້ນຊູ້​ຢູ່​ຫລື​ບໍ່? ເຈົ້າ​ກຽດຊັງ​ຮູບ​ເຄົາຣົບ ແຕ່​ເຈົ້າ​ຍັງ​ປຸ້ນ​ວິຫານ​ຢູ່​ຫລື​ບໍ່?

ພຣະຄຳພີລາວສະບັບສະໄໝໃໝ່

²² ພວກເຈົ້າ​ຜູ້​ກ່າວ​ວ່າ​ຢ່າ​ຫລິ້ນຊູ້ ແຕ່​ພວກເຈົ້າ​ເອງ​ຍັງ​ຫລິ້ນຊູ້​ຢູ່​ບໍ? ພວກເຈົ້າ​ຜູ້​ກຽດຊັງ​ຮູບເຄົາລົບ ແຕ່​ພວກເຈົ້າ​ເອງ​ຍັງ​ປຸ້ນ​ວິຫານ​ຢູ່​ບໍ?

ໂຣມ 2:22 Jak'a apnaqawi uñst'ayäwi

ເພງ^ສັນລະເສີນ 50:17

ເຈົ້າ​ປະຕິເສດ​ເຮົາ ກ່າວ​ຕຳໜິ​ຕິຕຽນ ແລະ​ບໍ່​ຍອມຮັບ​ຂໍ້ຄຳສັ່ງ​ຂອງເຮົາ​ດ້ວຍ.

ເຢເຣມີຢາ 5:7

ພຣະເຈົ້າຢາເວ​ຖາມ​ວ່າ, “ເປັນຫຍັງ​ເຮົາ​ຈຶ່ງ​ຍົກໂທດ​ໃຫ້​ປະຊາຊົນ​ຂອງ​ເຮົາ​ນໍ? ພວກເຂົາ​ປະຖິ້ມ​ເຮົາ​ໄປ​ຂາບໄຫວ້​ພະ​ທີ່​ບໍ່ແມ່ນ​ພຣະເຈົ້າ. ເຮົາ​ລ້ຽງ​ພວກເຂົາ​ຈົນ​ອີ່ມ ແຕ່​ກໍ​ນອກ​ໃຈ​ເຮົາ ແລະ​ມົ້ວສຸມ​ຢູ່​ກັບ​ພວກ​ຍິງ​ແມ່ຈ້າງ.

ເຢເຣມີຢາ 9:2

ຂ້ານ້ອຍ​ຢາກ​ມີ​ບ່ອນ​ໜຶ່ງ​ໃນ​ຖິ່ນ​ແຫ້ງແລ້ງ​ກັນດານ ບ່ອນ​ທີ່​ຂ້ານ້ອຍ​ຫລົບ​ໜີ​ຈາກ​ປະຊາຊົນ​ຂອງ​ຂ້ານ້ອຍ​ໄດ້. ພວກເຂົາ​ລ້ວນແລ້ວ​ແຕ່​ເປັນ​ຄົນ​ຫລີ້ນຊູ້​ກັນ​ທັງໝົດ ເປັນ​ປະຊາຊົນ​ອັນ​ແໜ້ນໜາ​ທີ່​ກະບົດ​ຄົດລ້ຽວ.

ເອເຊກຽນ 22:11

ບາງຄົນ​ກໍ​ຫລີ້ນຊູ້​ສູ່​ຜົວ​ເມຍ​ເຂົາ ແລະ​ຄົນອື່ນໆ​ອີກ​ກໍ​ລໍ້ລວງ​ຫລີ້ນ​ລູກໃພ້ ຫລື​ລູກສາວ​ຕ່າງ​ແມ່​ຂອງຕົນ.

ມາລາກີ 1:14

“ຂໍ​ໃຫ້​ຄຳສາບແຊ່ງ​ຕົກ​ຖືກ​ຄົນ​ຂີ້ໂກງ ຜູ້​ຖວາຍ​ສັດ​ທີ່​ໜ້າຂີ້ດຽດ​ແກ່​ເຮົາ ເມື່ອ​ຢູ່​ໃນ​ຝູງ​ມີ​ສັດ​ໂຕດີ​ທີ່​ຕົນ​ໄດ້​ສັນຍາ​ວ່າ​ຈະ​ຖວາຍ​ໃຫ້​ແກ່​ອົງພຣະ​ຜູ້​ເປັນເຈົ້າ ດ້ວຍວ່າ, ເຮົາ​ເປັນ​ກະສັດ​ຜູ້​ຍິ່ງໃຫຍ່ ແລະ​ນາມຊື່​ຂອງເຮົາ​ເປັນ​ທີ່​ຢຳເກງ​ໃນ​ທ່າມກາງ​ບັນດາ​ປະຊາຊາດ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ມາລາກີ 1:8

ເມື່ອ​ພວກເຈົ້າ​ນຳ​ສັດ​ຕາບອດ ຫລື​ສັດ​ເຈັບໂຊ ຫລື​ສັດ​ຂາ​ພິການ ມາ​ຖວາຍ​ແກ່​ເຮົາ ພວກເຈົ້າ​ຄິດວ່າ​ເປັນ​ການ​ຖືກຕ້ອງ​ແລ້ວ​ບໍ? ຈົ່ງ​ລອງ​ນຳ​ສັດ​ເຊັ່ນນັ້ນ​ໄປ​ໃຫ້​ຜູ້ປົກຄອງ​ຂອງ​ພວກເຈົ້າ​ເບິ່ງດູ ເພິ່ນ​ຈະ​ພໍໃຈ​ນຳ​ພວກເຈົ້າ​ບໍ? ຫລື​ພວກເຈົ້າ​ຈະ​ໄດ້​ຮັບ​ຄວາມດີ​ຄວາມຊອບ​ຫຍັງ​ແດ່​ຈາກ​ເພິ່ນ?” ພຣະເຈົ້າຢາເວ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ມາລາກີ 3:8

ເຮົາ​ຂໍ​ຖາມ​ພວກເຈົ້າ​ວ່າ​ເປັນ​ການ​ຖືກຕ້ອງ​ບໍ​ທີ່​ມະນຸດ​ສໍ້ໂກງ​ພຣະເຈົ້າ? ແນ່ນອນ​ບໍ່​ເປັນ​ການ​ຖືກຕ້ອງ, ແຕ່​ພວກເຈົ້າ​ຕ່າງ​ກໍ​ສໍ້ໂກງ​ເຮົາ. ພວກເຈົ້າ​ຖາມ​ວ່າ, ‘ສໍ້ໂກງ​ຢ່າງໃດ?’ ກໍ​ສໍ້ໂກງ​ໃນ​ເລື່ອງ​ໜຶ່ງສ່ວນສິບ ແລະ​ເຄື່ອງຖວາຍ​ຕ່າງໆ​ນັ້ນ​ແຫຼະ.

ມັດທາຍ 12:39

ພຣະອົງ​ຕອບ​ພວກເຂົາ​ວ່າ, “ຄົນ​ສະໄໝ​ຊົ່ວ ແລະ​ຄິດ​ທໍລະຍົດ​ຕໍ່​ພຣະເຈົ້າ​ສະແຫວງ​ຫາ​ໝາຍສຳຄັນ​ການ​ອັດສະຈັນ ແລະ​ຈະ​ບໍ່​ຊົງ​ໂຜດ​ໃຫ້​ແກ່​ພວກເຂົາ ເວັ້ນ​ໄວ້​ແຕ່​ໝາຍສຳຄັນ​ຂອງ​ຜູ້ທຳນວາຍ​ໂຢນາ.

ມັດທາຍ 16:4

ຄົນ​ໃນ​ຍຸກ​ນີ້​ຊົ່ວຊ້າ ແລະ​ກະບົດ​ຕໍ່​ພຣະເຈົ້າ ຈະ​ບໍ່​ຊົງ​ໂຜດ​ໝາຍສຳຄັນ​ການ​ອັດສະຈັນ​ໃຫ້​ພວກເຂົາ ນອກຈາກ​ໝາຍສຳຄັນ​ຂອງ​ໂຢນາ.” ແລ້ວ​ພຣະອົງ​ຈຶ່ງ​ສະເດັດ​ໜີ​ຈາກ​ພວກເຂົາ​ໄປ.

ມາຣະໂກ 11:17

ແລ້ວ​ພຣະອົງ​ກໍໄດ້​ສັ່ງສອນ​ພວກເຂົາ​ວ່າ, “ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, ‘ພຣະວິຫານ​ຂອງເຮົາ​ຈະ​ເອີ້ນ​ວ່າ ເປັນ​ສະຖານທີ່​ພາວັນນາ​ອະທິຖານ​ສຳລັບ​ຄົນ​ທຸກ​ຊາດ’, ແຕ່​ພວກເຈົ້າ​ເຮັດ​ໃຫ້​ເປັນ​ຖໍ້າ​ຂອງ​ໂຈນ.”

ກິດຈະການ 19:37

ພວກເຈົ້າ​ໄດ້​ນຳ​ເອົາ​ຄົນ​ເຫຼົ່ານີ້​ມາ ໂດຍ​ທີ່​ພວກເຂົາ​ບໍ່ໄດ້​ເປັນ​ຄົນ​ປຸ້ນ​ວິຫານ ຫລື​ເວົ້າ​ໝິ່ນປະໝາດ​ເທບທິດາ​ຂອງ​ພວກເຮົາ.

ໂຣມ 12:9

ຈົ່ງ​ຮັກ​ດ້ວຍ​ໃຈຈິງ ຈົ່ງ​ກຽດຊັງ​ສິ່ງ​ທີ່​ຊົ່ວຮ້າຍ ຈົ່ງ​ຍຶດໝັ້ນ​ໃນ​ສິ່ງ​ທີ່​ດີ

ຢາໂກໂບ 4:4

ໂອ ຄົນ​ຫລິ້ນຊູ້​ເອີຍ, ພວກເຈົ້າ​ບໍ່​ຮູ້​ຫລື​ວ່າ ການ​ເປັນ​ມິດ​ຕໍ່​ໂລກ ກໍ​ຄື​ການ​ເປັນ​ສັດຕູ​ຕໍ່​ພຣະເຈົ້າ? ສະນັ້ນ ຜູ້ໃດ​ທີ່​ຢາກ​ເປັນ​ມິດ​ຕໍ່​ໂລກ ກໍ​ເປັນ​ສັດຕູ​ຕໍ່​ພຣະເຈົ້າ.