ໂຣມ 13:3 - ພຣະຄຳພີສັກສິ

³ ດ້ວຍວ່າ, ພວກ​ຜູ້ປົກຄອງ​ນັ້ນ ບໍ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ການ​ດີ, ແຕ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ການ​ຊົ່ວ, ເຈົ້າ​ບໍ່​ຢາກ​ຢ້ານ​ຜູ້​ມີ​ສິດ​ອຳນາດ​ບໍ? ຖ້າດັ່ງນັ້ນ ໃຫ້​ເຈົ້າ​ເຮັດ​ແຕ່​ການ​ດີ ແລະ​ເຈົ້າ​ກໍ​ຈະ​ໄດ້​ຮັບ​ຄຳ​ຊົມເຊີຍ​ຈາກ​ເພິ່ນ.

ພຣະຄຳພີລາວສະບັບສະໄໝໃໝ່

³ ດ້ວຍວ່າ ພວກ​ຜູ້ປົກຄອງ​ນັ້ນ​ບໍ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ຖືກ ແຕ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ຜິດ. ເຈົ້າ​ຢາກ​ຈະ​ພົ້ນ​ຈາກ​ຄວາມຢ້ານ​ຕໍ່​ຜູ້​ມີ​ອຳນາດ​ແມ່ນ​ບໍ? ດັ່ງນັ້ນ ກໍ​ຈົ່ງ​ເຮັດ​ແຕ່​ສິ່ງ​ທີ່​ຖືກຕ້ອງ ແລ້ວ​ເຈົ້າ​ກໍ​ຈະ​ໄດ້​ຮັບ​ການຍ້ອງຍໍ.

ໂຣມ 13:3 Jak'a apnaqawi uñst'ayäwi

ສຸພາສິດ 14:35

ກະສັດ​ພໍໃຈ​ນຳ​ຂ້າຣາຊການ​ທີ່​ມີ​ຄວາມ​ສາມາດ, ແຕ່​ຜູ້​ທີ່​ຫລົ້ມເຫລວ​ຈະ​ຖືກ​ລົງໂທດ.

ສຸພາສິດ 20:2

ຈົ່ງ​ຢ້ານ​ກະສັດ​ໂກດຮ້າຍ​ດັ່ງ​ຢ້ານ​ໂຕສິງ​ຮ້ອງ​ແຜດສຽງ ເຮັດ​ໃຫ້​ເພິ່ນ​ໂກດຮ້າຍ​ກໍ​ສໍ່າກັບ​ຂ້າ​ຕົວ​ຕາຍ.

ໂຣມ 13:2

ເຫດສະນັ້ນ ຜູ້ໃດ​ທີ່​ຕໍ່ຕ້ານ​ອຳນາດ​ການ​ປົກຄອງ ກໍ​ຕໍ່ຕ້ານ​ຜູ້​ທີ່​ພຣະເຈົ້າ​ໄດ້​ແຕ່ງຕັ້ງ​ຂຶ້ນ ແລະ​ຜູ້ໃດ​ທີ່​ກະທຳ​ເຊັ່ນນັ້ນ ຈະ​ຖືກ​ພິພາກສາ​ລົງໂທດ.

ໂຣມ 13:4

ເພາະ​ຜູ້ປົກຄອງ​ນັ້ນ ເປັນ​ຜູ້ຮັບໃຊ້​ຂອງ​ພຣະເຈົ້າ ເພື່ອ​ໃຫ້​ເກີດຜົນ​ປະໂຫຍດ​ສຳລັບ​ເຈົ້າ, ແຕ່​ຖ້າ​ເຈົ້າ​ເຮັດ​ການ​ຊົ່ວ ເຈົ້າ​ຈົ່ງ​ຢ້ານ​ເພິ່ນ ເພາະ​ຜູ້ປົກຄອງ​ນັ້ນ ບໍ່ໄດ້​ຖື​ດາບ​ໄວ້​ລ້າໆ, ແຕ່​ເພິ່ນ​ເປັນ​ຜູ້ຮັບໃຊ້​ຂອງ​ພຣະເຈົ້າ ເພື່ອ​ດຳເນີນ​ການ​ຕັດສິນ​ລົງໂທດ​ແກ່​ທຸກຄົນ​ທີ່​ເຮັດ​ການ​ຊົ່ວ.

ພຣະບັນຍັດສອງ 25:1

“ຖ້າ​ວ່າ​ຄົນ​ອິດສະຣາເອນ​ເປັນຄວາມກັນ​ຈົນເຖິງ​ສານ ແລະ​ສານ​ຕັດສິນ​ວ່າ​ຝ່າຍ​ໜຶ່ງ​ຖືກ​ແລະ​ອີກ​ຝ່າຍ​ໜຶ່ງ​ຜິດ.