ພຣະນິມິດ 7:4 - ພຣະຄຳພີສັກສິ

⁴ ແລະ​ຂ້າພະເຈົ້າ​ໄດ້ຍິນ​ວ່າ ຈຳນວນ​ຜູ້​ທີ່​ໄດ້​ຮັບ​ການ​ປະທັບຕາ​ຂອງ​ພຣະເຈົ້າ​ໃສ່​ໜ້າຜາກ​ນັ້ນ ມີ​ແສນ​ສີ່ໝື່ນ​ສີ່ພັນ​ຄົນ. ຄົນ​ເຫຼົ່ານີ້​ມາ​ຈາກ​ສິບສອງ​ຕະກຸນ​ໃນ​ພວກ​ອິດສະຣາເອນ.

ພຣະຄຳພີລາວສະບັບສະໄໝໃໝ່

⁴ ແລ້ວ​ຂ້າພະເຈົ້າ​ໄດ້​ຍິນ​ຈຳນວນ​ຂອງ​ບັນດາ​ຜູ້​ທີ່​ໄດ້​ຮັບ​ການ​ປະທັບຕາ​ມີ​ຄື: ໜຶ່ງແສນສີ່ສິບສີ່ພັນ​ຄົນ​ຈາກ​ທຸກ​ເຜົ່າ​ຂອງ​ອິດສະຣາເອນ.

ພຣະນິມິດ 7:4 Jak'a apnaqawi uñst'ayäwi

ປະຖົມມະການ 15:5

ພຣະອົງ​ພາ​ເພິ່ນ​ຍ່າງ​ອອກ​ໄປ​ຂ້າງ​ນອກ ແລະ​ບອກ​ວ່າ, “ຈົ່ງ​ນັບ​ດວງດາວ​ໃນ​ທ້ອງຟ້າ​ທີ່​ເຈົ້າ​ເຫັນ​ເບິ່ງດູ ເຈົ້າ​ຈະ​ມີ​ເຊື້ອສາຍ​ຫລວງຫລາຍ​ເໝືອນ​ດັ່ງ​ດວງດາວ​ເຫຼົ່ານັ້ນ.”

ອົບພະຍົບ 28:21

ແກ້ວ​ແຕ່ລະ​ຢ່າງ​ໃນ​ຈຳນວນ​ສິບສອງ​ຊະນິດ​ນັ້ນ ຈົ່ງ​ໃຫ້​ຈາລຶກ​ຊື່​ລູກຊາຍ​ຂອງ​ຢາໂຄບ​ໃສ່ ຊຶ່ງ​ໝາຍເຖິງ​ສິບສອງ​ເຜົ່າ​ຂອງ​ຊາດ​ອິດສະຣາເອນ.

ເອເຊກຽນ 47:13

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ຕໍ່ໄປນີ້​ແມ່ນ​ອານາເຂດ​ຂອງ​ດິນແດນ​ທີ່​ຈະ​ຕ້ອງ​ແບ່ງປັນ​ກັນ​ໃນ​ທ່າມກາງ​ສິບສອງ​ເຜົ່າ ລວມ​ທັງ​ເຜົ່າ​ຂອງ​ໂຢເຊັບ ທີ່​ຈະ​ຕ້ອງ​ໄດ້​ຮັບ​ສອງ​ສ່ວນ.

ເອເຊກຽນ 48:19

ຜູ້ໃດ​ຜູ້ໜຶ່ງ​ທີ່​ຢູ່​ໃນ​ເມືອງ​ບໍ່​ວ່າ​ມາ​ຈາກ​ເຜົ່າໃດ​ກໍດີ ໃຫ້​ປູກຝັງ​ກິນ​ໃນ​ທີ່ດິນ​ນັ້ນ​ໄດ້.

ເຊກາຣີຢາ 9:1

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າຢາເວ: ພຣະອົງ​ໄດ້​ວາງ​ກົດ​ລົງໂທດ​ດິນແດນ​ຮັດຣັກ​ແລະ​ນະຄອນ​ດາມັສກັດ. ບໍ່ແມ່ນແຕ່​ເຜົ່າ​ທັງຫລາຍ​ໃນ​ຊາດ​ອິດສະຣາເອນ ທີ່​ເປັນ​ຂອງ​ພຣະເຈົ້າຢາເວ​ເທົ່ານັ້ນ; ແຕ່​ເມືອງເອກ​ຂອງ​ຊີເຣຍ​ກໍ​ເປັນ​ຂອງ​ພຣະອົງ​ດ້ວຍ.

ມັດທາຍ 19:28

ພຣະເຢຊູເຈົ້າ​ຊົງ​ຕອບ​ພວກ​ສາວົກ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ເມື່ອ​ບຸດ​ມະນຸດ​ນັ່ງ​ເທິງ​ບັນລັງ​ອັນ​ຮຸ່ງເຮືອງ​ຂອງຕົນ​ໃນ​ໂລກ​ໃໝ່​ແລ້ວ ພວກເຈົ້າ​ຜູ້​ຕາມ​ເຮົາ​ມາ​ກໍ​ຈະ​ໄດ້​ນັ່ງ​ເທິງ​ບັນລັງ​ສິບສອງ​ບ່ອນ ເພື່ອ​ພິພາກສາ​ພວກ​ອິດສະຣາເອນ​ສິບສອງ​ຕະກຸນ​ເໝືອນກັນ.

ລູກາ 14:22

ຫລັງຈາກ​ນັ້ນ​ບໍ່​ດົນ ຄົນ​ຮັບໃຊ້​ກໍ​ມາ​ບອກ​ວ່າ, ‘ທ່ານເອີຍ, ຂ້ານ້ອຍ​ໄດ້​ປະຕິບັດ​ຕາມ​ທີ່​ທ່ານ​ສັ່ງ​ແລ້ວ ແຕ່​ຍັງ​ມີ​ບ່ອນ​ຫວ່າງ​ຢູ່.’

ລູກາ 22:30

ເພື່ອ​ພວກເຈົ້າ​ຈະ​ກິນ​ແລະ​ດື່ມ​ທີ່​ໂຕະ​ຂອງເຮົາ ໃນ​ອານາຈັກ​ຂອງເຮົາ ແລະ​ເພື່ອ​ພວກເຈົ້າ​ຈະ​ໄດ້​ນັ່ງ​ເທິງ​ບັນລັງ ເພື່ອ​ພິພາກສາ​ຕັດສິນ​ຊາດ​ອິດສະຣາເອນ​ທັງ​ສິບສອງ​ເຜົ່າ​ນັ້ນ.”

ກິດຈະການ 26:7

ປະຊາຊົນ​ຂອງ​ພວກ​ຂ້ານ້ອຍ​ທັງ​ສິບສອງ​ເຜົ່າ ຫວັງ​ໄດ້​ຮັບ​ຕາມ​ທີ່​ພຣະເຈົ້າ​ໄດ້​ສັນຍາ​ໄວ້​ນັ້ນ ຈຶ່ງ​ນະມັດສະການ​ພຣະເຈົ້າ​ດ້ວຍ​ໃຈ​ຮ້ອນຮົນ​ທັງເວັນ​ທັງຄືນ, ກະສັດ​ອັກຄຼີປາ​ທີ່​ນັບຖື ຍ້ອນ​ຄວາມຫວັງ​ອັນນີ້ ທີ່​ພວກ​ຢິວ​ກ່າວຫາ​ຂ້ານ້ອຍ.

ໂຣມ 9:27

ເອຊາຢາ​ປະກາດ​ກ່ຽວກັບ​ຊາດ​ອິດສະຣາເອນ​ວ່າ, “ເຖິງ​ແມ່ນ​ລູກ​ຂອງ​ຊາວ​ອິດສະຣາເອນ​ຈະ​ມີ​ຫລາຍ​ດັ່ງ​ເມັດ​ຊາຍ​ທີ່​ແຄມ​ທະເລ ແຕ່​ມີ​ໜ້ອຍ​ຄົນ​ຈະ​ໄດ້​ພົ້ນ,

ຢາໂກໂບ 1:1

ຈາກ ຢາໂກໂບ, ຜູ້​ຮັບໃຊ້​ຂອງ​ພຣະເຈົ້າ ແລະ​ຂອງ​ອົງ​ພຣະເຢຊູ​ຄຣິດເຈົ້າ. ເຖິງ​ຄົນ​ສິບສອງ​ຕະກຸນ​ທີ່​ກະຈັດ​ກະຈາຍ​ຢູ່​ນັ້ນ.

ພຣະນິມິດ 14:1

ແລ້ວ​ຂ້າພະເຈົ້າ​ກໍໄດ້​ຫລຽວ​ເບິ່ງ ແລະ​ເຫັນ​ພຣະ​ເມສານ້ອຍ​ຢືນ​ຢູ່​ເທິງ​ພູເຂົາ​ຊີໂອນ ແລະ​ຜູ້​ທີ່​ຢູ່​ກັບ​ພຣະອົງ​ແສນ​ສີ່ໝື່ນ​ສີ່ພັນ​ຄົນ ຊຶ່ງ​ເປັນ​ພວກ​ທີ່​ມີ​ພຣະນາມ​ຂອງ​ພຣະອົງ ແລະ​ພຣະນາມ​ພຣະບິດາ​ຂອງ​ພຣະອົງ ຂຽນ​ໄວ້​ທີ່​ໜ້າຜາກ​ຂອງ​ພວກເຂົາ.

ພຣະນິມິດ 14:3

ຄົນ​ເຫຼົ່ານັ້ນ​ຮ້ອງເພງ​ບົດ​ໃໝ່​ຕໍ່ໜ້າ​ພຣະຣາຊບັນລັງ ຕໍ່ໜ້າ​ສິ່ງທີ່ມີ​ຊີວິດ​ທັງ​ສີ່ ຕໍ່ໜ້າ​ພວກ​ຜູ້​ອາວຸໂສ ບໍ່ມີ​ຜູ້ໃດ​ສາມາດ​ຮຽນຮູ້​ເພງ​ບົດ​ນັ້ນ​ໄດ້ ເວັ້ນ​ແຕ່​ຄົນ​ແສນ​ສີ່ໝື່ນ​ສີ່ພັນ​ນັ້ນ ທີ່​ໄດ້​ຊົງ​ໄຖ່​ໄວ້​ແລ້ວ​ຈາກ​ແຜ່ນດິນ​ໂລກ.

ພຣະນິມິດ 7:5

ຈາກ​ຕະກຸນ​ຢູດາ ມີ​ໜຶ່ງໝື່ນ​ສອງພັນ​ຄົນ, ຈາກ​ຕະກຸນ​ຣູເບັນ ມີ​ໜຶ່ງໝື່ນ​ສອງພັນ​ຄົນ, ຈາກ​ຕະກຸນ​ກາດ ມີ​ໜຶ່ງໝື່ນ​ສອງພັນ​ຄົນ,

ພຣະນິມິດ 9:16

ຂ້າພະເຈົ້າ​ໄດ້ຍິນ​ວ່າ ມີ​ພົນ​ທະຫານ​ມ້າ​ຢູ່​ສອງຮ້ອຍ​ລ້ານ​ຄົນ.