ພຣະນິມິດ 18:12 - ພຣະຄຳພີສັກສິ

¹² ສິນຄ້າ​ເຫຼົ່ານັ້ນ​ຄື: ຄຳ, ເງິນ, ເພັດພອຍ​ຕ່າງໆ​ແລະ​ໄຂ່ມຸກ, ຜ້າປ່ານ​ເນື້ອລະອຽດ, ຜ້າ​ສີມ່ວງ, ຜ້າ​ໄໝ​ແລະ​ຜ້າ​ສີແດງເຂັ້ມ, ໄມ້​ຫອມ​ທຸກ​ຊະນິດ, ເຄື່ອງໃຊ້​ຕ່າງໆ​ທີ່​ເຮັດ​ດ້ວຍ​ງາ​ຊ້າງ ແລະ​ເຮັດ​ດ້ວຍ​ໄມ້​ອັນ​ມີຄ່າ, ເຮັດ​ດ້ວຍ​ທອງສຳຣິດ ເຮັດ​ດ້ວຍ​ເຫຼັກ ແລະ​ເຮັດ​ດ້ວຍ​ຫີນອ່ອນ,

ພຣະຄຳພີລາວສະບັບສະໄໝໃໝ່

¹² ສິນຄ້າ​ເຫລົ່ານັ້ນ​ຄື: ຄຳ, ເງິນ, ອັນຍະມະນີ ແລະ ໄຂ່ມຸກ, ຜ້າຝ້າຍລິນິນ​ເນື້ອລະອຽດດີ, ຜ້າສີມ່ວງ, ຜ້າໄໝ ແລະ ຜ້າ​ສີແດງເຂັ້ມ, ໄມ້ຫອມ​ທຸກ​ຊະນິດ ແລະ ຜະລິດຕະພັນ​ທຸກ​ຊະນິດ​ທີ່​ເຮັດ​ດ້ວຍ​ງາຊ້າງ, ໄມ້​ລາຄາ​ແພງ, ທອງສຳລິດ, ເຫລັກ ແລະ ຫີນອ່ອນ,

ພຣະນິມິດ 18:12 Jak'a apnaqawi uñst'ayäwi

2 ຂ່າວຄາວ 2:8

ຂ້າພະເຈົ້າ​ຮູ້​ວ່າ ຊ່າງ​ຕັດໄມ້​ຂອງທ່ານ​ມີ​ສີມື​ດີ​ສໍ່າໃດ. ດັ່ງນັ້ນ ຈົ່ງ​ສົ່ງ​ໄມ້ແປກ, ໄມ້​ສົນ ແລະ​ໄມ້ດູ່​ຈາກ​ເລບານອນ ມາ​ໃຫ້​ຂ້າພະເຈົ້າ.

ນາຮູມ 2:9

ຈົ່ງ​ປຸ້ນ​ເອົາ​ເງິນ​ເຖີດ ຈົ່ງ​ປຸ້ນ​ເອົາ​ຄຳ​ໄປ ເພາະ​ຊັບສົມບັດ​ກໍ​ມີ​ເຕັມ​ທົ່ວໄປ​ໃນ​ເມືອງ​ນີ້.

ພຣະນິມິດ 17:3

ເທວະດາ​ຕົນ​ນັ້ນ​ໄດ້​ຍົກ​ຂ້າພະເຈົ້າ​ເຂົ້າ​ໄປ​ໃນ​ຖິ່ນແຫ້ງແລ້ງ​ກັນດານ ໂດຍ​ພຣະວິນຍານ. ໃນ​ທີ່ນັ້ນ ຂ້າພະເຈົ້າ​ໄດ້​ເຫັນ​ແມ່ຍິງ​ຄົນ​ໜຶ່ງ ນັ່ງ​ຢູ່​ເທິງ​ຫລັງ​ສັດຮ້າຍ​ສີແດງເຂັ້ມ​ໂຕໜຶ່ງ ຊຶ່ງ​ມີ​ຫລາຍຊື່​ທີ່​ເປັນ​ຄຳ​ໝິ່ນປະໝາດ​ເຕັມ​ໄປ​ທັງ​ຕົວ, ມັນ​ມີ​ເຈັດ​ຫົວ ແລະ​ສິບ​ເຂົາ.

ພຣະນິມິດ 17:4

ຍິງ​ຜູ້ນັ້ນ ນຸ່ງ​ເຄື່ອງ​ສີມ່ວງ​ອ່ອນ​ແລະ​ສີແດງເຂັ້ມ ແລະ​ປະດັບ​ຕົວ​ດ້ວຍ​ເຄື່ອງ​ຄຳ, ເພັດພອຍ ແລະ​ໄຂ່ມຸກ. ໃນ​ມື​ຂອງ​ນາງ​ມີ​ຈອກ​ຄຳ ທີ່​ເຕັມ​ແຕ່​ມົນທິນ​ອັນ​ໜ້າຂີ້ດຽດ ເປັນ​ຜົນ​ແຫ່ງ​ການ​ຜິດ​ສິນທຳ​ທາງ​ເພດ​ຂອງ​ນາງ.

ພຣະນິມິດ 18:15

ບັນດາ​ພໍ່ຄ້າ​ທີ່​ໄດ້​ຮັ່ງມີ​ຈາກ​ການ​ຄ້າຂາຍ​ໃນ​ນະຄອນ​ນີ້ ຕ່າງ​ກໍ​ຈະ​ຢືນ​ຢູ່​ຫ່າງໆ ເພາະ​ຢ້ານ​ໄດ້​ຮັບ​ສ່ວນ​ທົນທຸກ​ທໍລະມານ​ກັບ​ນາງ ພວກເຂົາ​ຈະ​ຮ້ອງໄຫ້​ແລະ​ໂສກເສົ້າ