ພຣະນິມິດ 17:16 - ພຣະຄຳພີສັກສິ

¹⁶ ເຂົາ​ທັງ​ສິບ​ກັບ​ສັດຮ້າຍ​ທີ່​ທ່ານ​ໄດ້​ເຫັນ​ນັ້ນ, ຈະ​ພາກັນ​ກຽດຊັງ​ຍິງໂສເພນີ ຈະ​ເຮັດ​ໃຫ້​ມັນ​ຂາດ​ມິດ​ສະຫາຍ​ແລະ​ເປືອຍກາຍ ຈະ​ກັດ​ກິນ​ຊີ້ນ​ແລະ​ຈະ​ເອົາ​ໄຟ​ເຜົາ​ມັນ​ເສຍ.

ພຣະຄຳພີລາວສະບັບສະໄໝໃໝ່

¹⁶ ສັດຮ້າຍ ແລະ ເຂົາ​ສິບ​ອັນ​ທີ່​ທ່ານ​ໄດ້​ເຫັນ​ນັ້ນ​ຈະ​ກຽດຊັງ​ຍິງໂສເພນີ. ພວກເຂົາ​ຈະ​ນຳ​ນາງ​ໄປ​ສູ່​ຄວາມຈິບຫາຍ ແລະ ປ່ອຍ​ໃຫ້​ນາງ​ເປືອຍ​ກາຍ, ພວກເຂົາ​ຈະ​ກິນ​ຊີ້ນ​ຂອງ​ນາງ ແລະ ເຜົາ​ນາງ​ດ້ວຍ​ໄຟ.

ພຣະນິມິດ 17:16 Jak'a apnaqawi uñst'ayäwi

ພຣະທຳ​ໂຢບ 31:31

ທຸກໆ​ຄົນ​ທີ່​ເຮັດ​ວຽກ​ໃຫ້​ຂ້ອຍ​ພວກເຂົາ​ຮູ້​ເລື່ອງນີ້​ດີ ວ່າ​ຂ້ອຍ​ມີ​ໃຈ​ຕ້ອນຮັບ​ຄົນ​ແປກໜ້າ​ຢູ່​ເລື້ອຍໆ.

ເພງ^ສັນລະເສີນ 27:2

ເມື່ອ​ຄົນຊົ່ວ​ໂຈມຕີ​ທັງ​ຫາ​ທາງ​ທີ່​ຈະ​ສັງຫານ ພວກເຂົາ​ກໍ​ຈະ​ຖືກ​ຕ້ານທານ​ໂດຍ​ເຕະ​ສະດຸດ​ລົ້ມ.

ດານີເອນ 7:5

ສັດ​ໂຕ​ທີ​ສອງ​ເບິ່ງ​ຄ້າຍ​ຄື​ໝີ ທີ່​ກຳລັງ​ຢືນ​ຢູ່​ດ້ວຍ​ຂາ​ຫລັງ​ຂອງ​ມັນ. ປາກ​ມັນ​ຄາບ​ກະດູກ​ສາມ​ຊີກ​ໄວ້ ແລະ​ມີ​ສຽງ​ໜຶ່ງ​ບອກ​ມັນ​ວ່າ, “ຈົ່ງ​ກິນ​ຊີ້ນ​ຕໍ່ໄປ​ໃຫ້​ຫລາຍໆ.”

ລະບຽບ^ພວກເລວີ 21:9

ຖ້າ​ລູກສາວ​ຂອງ​ປະໂຣຫິດ​ເປັນ​ໂສເພນີ ນາງ​ກໍ​ເຮັດ​ໃຫ້​ພໍ່​ຂອງຕົນ​ໄດ້​ຮັບ​ຄວາມ​ອັບອາຍ​ຂາຍໜ້າ; ນາງ​ຈະ​ຕ້ອງ​ຖືກ​ເຜົາ​ທັງເປັນ.

ພຣະນິມິດ 12:3

ມີ​ໝາຍສຳຄັນ​ອີກ​ຢ່າງ​ໜຶ່ງ​ປາກົດ​ໃນ​ສະຫວັນ​ດັ່ງນີ້: ມີ​ພະຍານາກ​ໃຫຍ່​ສີແດງ​ໂຕໜຶ່ງ ມີ​ເຈັດ​ຫົວ ສິບ​ເຂົາ ຢູ່​ເທິງ​ຫົວ​ນັ້ນ​ມີ​ມົງກຸດ​ເຈັດ​ອັນ.

ພຣະນິມິດ 16:12

ແລ້ວ​ເທວະດາ​ຕົນ​ທີ​ຫົກ ກໍໄດ້​ຖອກ​ຂັນ​ຂອງຕົນ​ໃສ່​ແມ່ນໍ້າ​ໃຫຍ່​ເອີຟຣັດ ແມ່ນໍ້າ​ນັ້ນ​ໄດ້​ແຫ້ງ​ໄປ ເພື່ອ​ຕຽມ​ຫົນທາງ​ໄວ້​ໃຫ້​ບັນດາ​ກະສັດ ທີ່​ມາ​ຈາກ​ທິດ​ຕາເວັນອອກ.

ພຣະນິມິດ 17:10

ຊຶ່ງ​ຫ້າ​ອົງ​ໄດ້​ລ່ວງ​ໄປ​ແລ້ວ ອົງ​ໜຶ່ງ​ຊົງ​ກຳລັງ​ເປັນ​ຢູ່ ແລະ​ອີກ​ອົງ​ໜຶ່ງ​ຍັງ​ບໍ່ໄດ້​ສະເດັດ​ມາ. ເມື່ອ​ສະເດັດ​ມາ​ແລ້ວ​ຈະ​ຕ້ອງ​ດຳລົງ​ຢູ່​ຊົ່ວ​ຂະນະ​ໜຶ່ງ.

ພຣະນິມິດ 18:19

ພວກເຂົາ​ໄດ້​ເອົາ​ຂີ້ຝຸ່ນ​ດິນ​ໃສ່​ຫົວ​ຂອງຕົນ ພ້ອມ​ທັງ​ຮ້ອງໄຫ້​ແລະ​ໂສກເສົ້າ ເອີ່ຍ​ຂຶ້ນ​ວ່າ, “ວິບັດ ວິບັດ​ແລ້ວ ມະຫາ​ນະຄອນ​ນີ້ ຊຶ່ງ​ໄດ້​ເຮັດ​ໃຫ້​ຄົນ​ທັງໝົດ​ທີ່​ມີ​ເຮືອ​ກຳປັ່ນ​ເດີນ​ທະເລ ເປັນ​ຄົນ​ຮັ່ງມີ​ດ້ວຍ​ຊັບສົມບັດ​ຂອງ​ນາງ, ພາຍ​ໃນ​ຊົ່ວໂມງ​ດຽວ ກໍ​ຖືກ​ຊົງ​ທຳລາຍ​ເສຍ​ໄປ​ໝົດ.”

ພຣະນິມິດ 18:8

ຍ້ອນ​ການ​ນີ້ ໄພພິບັດ​ຕ່າງໆ ຂອງ​ນະຄອນ​ນັ້ນ ຈະ​ຕົກ​ຖືກ​ນາງ​ໃນ​ວັນ​ດຽວ ຄື​ຄວາມ​ຕາຍ, ຄວາມ​ໂສກເສົ້າ ແລະ​ຄວາມ​ອຶດຢາກ. ແລະ​ໄຟ​ເຜົາຜານ​ນາງ​ໃຫ້​ຈິບຫາຍ ເພາະ​ອົງພຣະ​ຜູ້​ເປັນເຈົ້າ ພຣະເຈົ້າ ຜູ້​ຊົງ​ຕັດສິນ​ລົງໂທດ​ນະຄອນ​ນັ້ນ ຊົງ​ປະກອບ​ດ້ວຍ​ພຣະ​ກຳລັງ.”

ພຣະນິມິດ 19:18

ເພື່ອ​ຈະ​ໄດ້​ມາ​ກິນ​ຊີ້ນ​ຂອງ​ບັນດາ​ກະສັດ, ຊີ້ນ​ບັນດາ​ແມ່ທັບ ແລະ​ບັນດາ​ທະຫານ, ຊີ້ນ​ຂອງ​ມ້າ​ກັບ​ຊີ້ນ​ຂອງ​ທະຫານ​ມ້າ, ຊີ້ນ​ຂອງ​ປະຊາຊົນ​ທັງຫລາຍ, ບໍ່​ວ່າ​ເປັນ​ຂ້ອຍໃຊ້ ຫລື​ເປັນ​ອິດສະຫລະ, ທັງ​ຜູ້ໃຫຍ່​ແລະ​ຜູ້ນ້ອຍ.”