ພຣະນິມິດ 17:10 - ພຣະຄຳພີສັກສິ

¹⁰ ຊຶ່ງ​ຫ້າ​ອົງ​ໄດ້​ລ່ວງ​ໄປ​ແລ້ວ ອົງ​ໜຶ່ງ​ຊົງ​ກຳລັງ​ເປັນ​ຢູ່ ແລະ​ອີກ​ອົງ​ໜຶ່ງ​ຍັງ​ບໍ່ໄດ້​ສະເດັດ​ມາ. ເມື່ອ​ສະເດັດ​ມາ​ແລ້ວ​ຈະ​ຕ້ອງ​ດຳລົງ​ຢູ່​ຊົ່ວ​ຂະນະ​ໜຶ່ງ.

ພຣະຄຳພີລາວສະບັບສະໄໝໃໝ່

¹⁰ ທັງ​ຍັງ​ໝາຍ​ເຖິງ​ກະສັດ​ເຈັດ​ອົງ. ຫ້າ​ອົງ​ໄດ້​ລ່ວງ​ໄປ​ແລ້ວ, ອົງ​ໜຶ່ງ​ເປັນ​ຢູ່ ແລະ ອີກ​ອົງ​ໜຶ່ງ​ຍັງ​ບໍ່​ມາ, ແຕ່​ເມື່ອ​ມາ​ແລ້ວ​ຈະ​ຕ້ອງ​ຢູ່​ພຽງ​ຊົ່ວຂະນະໜຶ່ງ.

ພຣະນິມິດ 17:10 Jak'a apnaqawi uñst'ayäwi

ເອຊາຢາ 23:15

ເມື່ອ​ເວລາ​ນັ້ນ​ມາ​ເຖິງ ເມືອງ​ຕີເຣ​ຈະ​ຖືກ​ລືມໄລ​ເປັນ​ເວລາ​ເຈັດສິບ​ປີ ຄື​ຊົ່ວຊີວິດ​ຂອງ​ກະສັດ​ຜູ້ໜຶ່ງ. ເມື່ອ​ປີ​ເຫຼົ່ານັ້ນ​ໄດ້​ຜ່ານພົ້ນ​ໄປ​ແລ້ວ ເມືອງ​ຕີເຣ​ຈະ​ເປັນ​ດັ່ງ​ຍິງໂສເພນີ​ທີ່​ຮ້ອງເພງ​ວ່າ:

ພຣະນິມິດ 10:11

ແລ້ວ​ຂ້າພະເຈົ້າ​ກໍໄດ້​ຮັບ​ຄຳສັ່ງ​ວ່າ, “ເຈົ້າ​ຕ້ອງ​ປະກາດ​ຖ້ອຍຄຳ​ຂອງ​ພຣະເຈົ້າ​ອີກເທື່ອໜຶ່ງ ກ່ຽວກັບ​ບັນດາ​ຊົນຊາດ​ທັງຫລາຍ, ບັນດາ​ປະຊາຊາດ, ພາສາ ແລະ​ກະສັດ​ທັງຫລາຍ.”

ພຣະນິມິດ 13:12

ມັນ​ໄດ້​ໃຊ້​ສິດ​ອຳນາດ​ອັນ​ຍິ່ງໃຫຍ່​ຂອງ​ສັດຮ້າຍ​ໂຕ​ທຳອິດ ຢູ່​ຕໍ່ໜ້າ​ສັດຮ້າຍ​ໂຕ​ທຳອິດ​ນັ້ນ ມັນ​ບັງຄັບ​ໃຫ້​ໂລກ​ແລະ​ຄົນ​ທັງໝົດ​ທີ່​ຢູ່​ໃນ​ໂລກ ຂາບໄຫວ້​ສັດຮ້າຍ​ໂຕ​ທຳອິດ ທີ່​ມີ​ບາດແຜ​ເຖິງ​ແກ່​ຄວາມ​ຕາຍ ແຕ່​ໄດ້​ຮັບ​ການ​ປິ່ນປົວ​ໃຫ້​ຫາຍ​ດີ​ແລ້ວ​ນັ້ນ.

ພຣະນິມິດ 13:3

ຫົວ​ໜຶ່ງ​ໃນ​ບັນດາ​ຫົວ​ຂອງ​ສັດຮ້າຍ ເບິ່ງ​ເໝືອນ​ກັບ​ວ່າ ຖືກ​ຟັນ​ເຖິງ​ແກ່​ຄວາມ​ຕາຍ​ແລ້ວ, ແຕ່​ບາດແຜ​ອັນ​ໜ້າ​ຈະ​ຕາຍ​ນັ້ນ ໄດ້​ຮັບ​ການ​ປິ່ນປົວ​ໃຫ້​ຫາຍ​ດີ​ແລ້ວ. ຄົນ​ທັງ​ໂລກ​ຕ່າງ​ກໍ​ປະຫລາດ​ໃຈ​ແລະ​ໄດ້​ຕິດຕາມ​ສັດຮ້າຍ​ໂຕ​ນີ້.

ພຣະນິມິດ 17:11

ສັດຮ້າຍ​ທີ່​ໄດ້​ເປັນ​ຢູ່​ໃນ​ຄາວກ່ອນ ແຕ່​ບັດນີ້​ບໍ່ໄດ້​ເປັນ​ຢູ່​ນັ້ນ ກໍ​ເປັນ​ອົງ​ທີ​ແປດ ແຕ່​ຍັງ​ເປັນ​ອົງ​ໜຶ່ງ​ໃນ​ເຈັດ​ອົງ​ນັ້ນ ແລະ​ຈະ​ໄປ​ສູ່​ຄວາມ​ຈິບຫາຍ.

ພຣະນິມິດ 17:16

ເຂົາ​ທັງ​ສິບ​ກັບ​ສັດຮ້າຍ​ທີ່​ທ່ານ​ໄດ້​ເຫັນ​ນັ້ນ, ຈະ​ພາກັນ​ກຽດຊັງ​ຍິງໂສເພນີ ຈະ​ເຮັດ​ໃຫ້​ມັນ​ຂາດ​ມິດ​ສະຫາຍ​ແລະ​ເປືອຍກາຍ ຈະ​ກັດ​ກິນ​ຊີ້ນ​ແລະ​ຈະ​ເອົາ​ໄຟ​ເຜົາ​ມັນ​ເສຍ.