ພຣະນິມິດ 16:16 - ພຣະຄຳພີສັກສິ

¹⁶ ແລະ​ວິນຍານ​ເຫຼົ່ານັ້ນ ໄດ້​ພາ​ກະສັດ​ທັງຫລາຍ​ມາ​ຊຸມນຸມ​ກັນ​ໃນ​ບ່ອນ​ໜຶ່ງ ຕາມ​ພາສາ​ເຮັບເຣີ​ເອີ້ນ​ວ່າ, “ອາມາເຄໂດນ.”

ພຣະຄຳພີລາວສະບັບສະໄໝໃໝ່

¹⁶ ແລ້ວ​ພວກເຂົາ​ໄດ້​ເຕົ້າໂຮມ​ບັນດາ​ກະສັດ​ມາ​ຊຸມນຸມກັນ​ໃນ​ບ່ອນ​ທີ່​ພາສາ​ເຮັບເຣີ​ເອີ້ນວ່າ​ອາມາເຄໂດນ.

ພຣະນິມິດ 16:16 Jak'a apnaqawi uñst'ayäwi

2 ຂ່າວຄາວ 35:22

ແຕ່​ໂຢສີຢາ​ຕັ້ງໃຈ​ທີ່​ຈະ​ສູ້ຮົບ. ເພິ່ນ​ບໍ່​ຍອມ​ຟັງ​ສິ່ງ​ທີ່​ພຣະເຈົ້າ​ໄດ້​ກ່າວ​ຜ່ານ​ທາງ​ກະສັດ​ເນໂກ; ດັ່ງນັ້ນ ເພິ່ນ​ຈຶ່ງ​ປອມຕົວ​ເຂົ້າ​ສູ້ຮົບ​ທີ່​ທົ່ງພຽງ​ຂອງ​ເມືອງ​ເມກິດໂດ.

ເຊກາຣີຢາ 12:11

ໃນ​ເວລາ​ນັ້ນ ການ​ໄວ້ທຸກ​ໃນ​ນະຄອນ​ເຢຣູຊາເລັມ​ຈະ​ໜັກ​ຫລາຍ ເທົ່າ​ກັບ​ການ​ໄວ້ທຸກ​ໃຫ້​ແກ່​ຮາດັດຣິມໂມນ ຢູ່​ໃນ​ທົ່ງພຽງ​ຂອງ​ເມກິດໂດ.

ໂຢຮັນ 19:13

ພໍ​ປີລາດ​ໄດ້ຍິນ​ດັ່ງນັ້ນ, ເພິ່ນ​ກໍ​ພາ​ພຣະເຢຊູເຈົ້າ​ອອກ​ມາ​ທາງ​ນອກ ເພິ່ນ​ໄດ້​ນັ່ງ​ບັນລັງ​ສານ​ຕັດສິນ​ບ່ອນ​ທີ່​ຄົນ​ເອີ້ນ​ວ່າ ລານຫີນ. (ພາສາ​ເຮັບເຣີ​ເອີ້ນ​ວ່າ, “ຄັບບາທາ.”)

ໂຢຮັນ 19:17

ດັ່ງນັ້ນ ພວກເຂົາ​ຈຶ່ງ​ຄຸມ​ພຣະເຢຊູເຈົ້າ​ອອກ​ໄປ ພຣະອົງ​ແບກ​ໄມ້ກາງແຂນ​ຂອງ​ພຣະອົງ​ອອກ​ໄປ ໃນ​ບ່ອນ​ທີ່​ມີ​ຊື່​ວ່າ ກະໂຫລກ​ຫົວ. (ພາສາ​ເຮັບເຣີ​ເອີ້ນ​ວ່າ ໂຄລະໂຄທາ.)

ໂຢຮັນ 5:2

ໃນ​ນະຄອນ​ເຢຣູຊາເລັມ​ໃກ້​ແຄມ​ປະຕູ​ແກະ​ມີ​ສະນໍ້າ​ໜ່ວຍ​ໜຶ່ງ ຕາມ​ພາສາ​ເຮັບເຣີ​ເອີ້ນ​ສະນັ້ນ​ວ່າ, ເບັດຊະທາ ທີ່​ມີ​ສາລາ​ຫ້າ​ຫລັງ​ອ້ອມ​ຢູ່.

ກິດຈະການ 26:14

ເມື່ອ​ທຸກຄົນ​ລົ້ມ​ລົງ​ທີ່​ພື້ນດິນ ແລະ​ຂ້ານ້ອຍ​ໄດ້ຍິນ​ສຽງ​ໜຶ່ງ​ກ່າວ​ເປັນ​ພາສາ​ເຮັບເຣີ​ວ່າ, ‘ໂຊໂລ ໂຊໂລ​ເອີຍ ເປັນຫຍັງ​ເຈົ້າ​ຈຶ່ງ​ຂົ່ມເຫັງ​ເຮົາ? ເຈົ້າ​ເຮັດ​ໃຫ້​ເຈັບ​ຕົວ​ເອງ​ລ້າໆ ດັ່ງ​ສັດ​ທີ່​ລູ່​ໃສ່​ໄມ້ແສ້​ຂອງ​ຜູ້​ເປັນ​ນາຍ.’

ພຣະນິມິດ 17:14

ກະສັດ​ທັງຫລາຍ​ນັ້ນ​ຈະ​ສູ້ຮົບ​ກັບ​ພຣະ​ເມສານ້ອຍ ແລະ​ພຣະ​ເມສານ້ອຍ​ຈະ​ມີ​ໄຊຊະນະ ເພາະວ່າ​ພຣະອົງ​ເປັນ​ອົງ​ພຣະຜູ້​ເປັນເຈົ້າ​ເໜືອ​ເຈົ້ານາຍ​ທັງຫລາຍ ແລະ​ເປັນ​ມະຫາ​ກະສັດ​ເໜືອ​ກະສັດ​ທັງຫລາຍ ຝ່າຍ​ບັນດາ​ຄົນ​ທີ່​ຢູ່​ກັບ​ພຣະອົງ ເປັນ​ຜູ້​ທີ່​ພຣະອົງ​ໄດ້​ຊົງ​ເອີ້ນ​ເອົາ​ແລະ​ຊົງ​ເລືອກ​ໄວ້ ກັບ​ທັງ​ເປັນ​ຜູ້​ສັດຊື່ ກໍ​ຈະ​ມີໄຊ​ດ້ວຍ​ກັນ​ກັບ​ພຣະອົງ.”

ພຣະນິມິດ 9:11

ພວກ​ມັນ​ມີ​ກະສັດ​ອົງ​ໜຶ່ງ​ຄຸ້ມຄອງ ກະສັດ​ອົງ​ນັ້ນ ຄື​ບໍລິວານ​ຂອງ​ເຫວເລິກ​ນັ້ນ ຕາມ​ພາສາ​ເຮັບເຣີ​ເອີ້ນ​ວ່າ ອາບັດໂດນ ຊື່​ພາສາ​ກຣີກ​ເອີ້ນ​ວ່າ ອາໂປລິໂອນ (ໝາຍຄວາມວ່າ “ຜູ້​ທຳລາຍ”).

ພວກ^ຜູ້ປົກຄອງ 4:7

ຝ່າຍ​ເຮົາ​ຈະ​ເຮັດ​ໃຫ້​ສີເສຣາ​ແມ່ທັບ​ຂອງ​ກະສັດ​ຢາບິນ ພ້ອມ​ດ້ວຍ​ລົດຮົບ​ແລະ​ທະຫານ​ຂອງ​ລາວ ອອກ​ໄປ​ສູ້ຮົບ​ເຈົ້າ​ຢູ່​ທີ່​ຫ້ວຍນໍ້າ​ກີໂຊນ ແຕ່​ເຮົາ​ຈະ​ໃຫ້​ເຈົ້າ​ຮົບ​ຊະນະ​ລາວ.”’

ພວກ^ຜູ້ປົກຄອງ 5:19

ທີ່​ຕາອານັກ​ນັ້ນ​ໃກ້​ກັບ​ນໍ້າຫ້ວຍ​ເມກິດໂດ ບັນດາ​ກະສັດ​ໄດ້​ມາ​ເຮັດ​ເສິກ​ເພື່ອ​ສູ້ຮົບ; ບັນດາ​ກະສັດ​ການາອານ​ໄດ້​ສູ້ຮົບ​ຕົບຕີ ແຕ່​ພວກເຂົາ​ບໍ່ໄດ້​ຢຶດ​ເຄື່ອງ​ເປັນ​ເງິນ​ໄປ​ດ້ວຍ.