ພຣະນິມິດ 14:5 - ພຣະຄຳພີສັກສິ

⁵ ຈະ​ຫາ​ຄວາມ​ຕົວະ​ໃນ​ປາກ​ຂອງ​ພວກເຂົາ​ກໍ​ບໍ່​ພົບ ພວກເຂົາ​ບໍ່ມີ​ຈຸດ​ດ່າງ​ພອຍ​ແລ້ວ.

ພຣະຄຳພີລາວສະບັບສະໄໝໃໝ່

⁵ ບໍ່​ມີ​ຄຳຕົວະ​ອອກ​ຈາກ​ປາກ​ຂອງ​ພວກເຂົາ, ພວກເຂົາ​ບໍ່ມີຕຳໜິ​ເລີຍ.

ພຣະນິມິດ 14:5 Jak'a apnaqawi uñst'ayäwi

ເພງ^ສັນລະເສີນ 32:2

ຄວາມສຸກ​ເປັນ​ຂອງ​ຜູ້​ທີ່​ພຣະເຈົ້າຢາເວ​ບໍ່​ຕໍ່ວ່າ​ເພາະ​ເຮັດ​ຜິດ ແລະ​ເປັນ​ຂອງ​ຜູ້​ທີ່​ພົ້ນ​ຈາກ​ການ​ຫລອກລວງ​ທັງ​ສິ້ນ.

ເພງ^ສັນລະເສີນ 34:13

ເຫດສະນັ້ນ ຈົ່ງ​ລະເວັ້ນ​ຈາກ​ການເວົ້າ​ຊົ່ວຊ້າ ຢ່າ​ໃຫ້​ຄຳເວົ້າ​ຕົວະ​ອອກ​ຈາກ​ປາກ​ຂອງ​ເຈົ້າ​ຈັກເທື່ອ.

ເພງ^ສັນລະເສີນ 55:11

ສ່ວນ​ການ​ທຳລາຍ​ນັ້ນ​ກໍ​ມີ​ຢູ່​ທຸກ​ແຫ່ງຫົນ ການ​ຂົ່ມຂູ່ ແລະ​ການ​ຫລອກລວງ​ກໍ​ມີ​ໄປ​ທົ່ວ​ຕາມ​ທ້ອງ​ຖະໜົນ.

ສຸພາສິດ 8:8

ທຸກໆ​ສິ່ງ​ທີ່​ເຮົາ​ເວົ້າ ລ້ວນແຕ່​ເປັນ​ຄວາມຈິງ ບໍ່ມີ​ຄຳໃດ ທີ່​ບິດເບືອນ​ແລະ​ລໍ້ລວງ​ຈັກດີ້.

ຍອດເພງ 4:7

ສຸດທີ່ຮັກ​ຂອງອ້າຍ ນ້ອງ​ນາງ​ຊ່າງ​ງາມຫລາຍ​ແທ້ ງາມ​ຄົບຖ້ວນ​ທຸກປະການ​ຈົນ​ຫາ​ທີ່ຕິ​ບໍ່ໄດ້.

ເອຊາຢາ 53:9

ທ່ານ​ຖືກ​ວາງ​ໄວ້​ໃນ​ອຸບມຸງ​ກັບ​ຄົນ​ຊົ່ວຊາມ ທ່ານ​ຖືກ​ຝັງ​ໄວ້​ກັບ​ຄົນຮັ່ງມີ​ເປັນດີ​ດ້ວຍ ເຖິງ​ວ່າ​ທ່ານ​ບໍ່ເຄີຍ​ກໍ່​ໂທດກຳ​ໄວ້​ເລີຍ​ກໍຕາມ ທ່ານ​ບໍ່ເຄີຍ​ເວົ້າຕົວະ​ແລະ​ຫລອກລວງ​ຜູ້ໃດ​ຈັກເທື່ອ.”

ດານີເອນ 6:4

ແລ້ວ​ຜູ້​ກວດກາ ແລະ​ເຈົ້າແຂວງ​ຄົນອື່ນໆ ກໍ​ພະຍາຍາມ​ຊອກ​ຈັບ​ຜິດ​ດານີເອນ​ໃນ​ການ​ບໍລິຫານ​ອານາຈັກ; ແຕ່​ພວກເຂົາ​ຈັບ​ຜິດ​ບໍ່ໄດ້ ເພາະ​ດານີເອນ​ເປັນ​ຄົນ​ສັດຊື່​ທີ່ສຸດ​ແລະ​ບໍ່ໄດ້​ເຮັດ​ໃນ​ສິ່ງ​ທີ່​ຜິດ ຫລື​ໃນ​ສິ່ງ​ທີ່​ເສື່ອມເສຍ​ໃດໆ​ເລີຍ.

ໂຮເສອາ 10:2

ບັດນີ້ ຄົນ​ທີ່​ມີ​ຈິດໃຈ​ລໍ້ລວງ​ກໍ​ຕ້ອງ​ທົນທຸກ​ຍ້ອນ​ບາບ​ຂອງຕົນ. ພຣະເຈົ້າຢາເວ​ຈະ​ມ້າງ​ແທ່ນບູຊາ ແລະ​ທຳລາຍ​ເສົາ​ສັກສິດ​ຂອງ​ພວກເຂົາ​ຖິ້ມ.

ເຊຟານີຢາ 3:13

ປະຊາຊົນ​ອິດສະຣາເອນ​ຜູ້​ທີ່​ລອດຊີວິດ ຈະ​ບໍ່​ເຮັດ​ຜິດ​ຕໍ່​ຜູ້ໃດ, ຈະ​ບໍ່​ເວົ້າຕົວະ, ທັງ​ຈະ​ບໍ່​ຊອກຫາ​ຫລອກລວງ​ຜູ້ໃດ​ດ້ວຍ. ພວກເຂົາ​ຈະ​ຈະເລີນ​ຮຸ່ງເຮືອງ​ແລະ​ໝັ້ນຄົງ ຄື​ບໍ່​ຢ້ານກົວ​ຜູ້ໃດ.”

ມາລາກີ 2:6

ພວກເຂົາ​ໄດ້​ສອນ​ສິ່ງ​ທີ່​ຖືກຕ້ອງ​ແລະ​ບໍ່ໄດ້​ສອນ​ສິ່ງ​ທີ່​ຜິດ. ພວກເຂົາ​ໄດ້​ດຳເນີນ​ຊີວິດ​ທີ່​ຮວມເຂົ້າ​ກັບ​ເຮົາ​ຢ່າງ​ສະໜິດ; ພວກເຂົາ​ບໍ່ໄດ້​ເຮັດ​ໃນ​ສິ່ງ​ທີ່​ຖືກຕ້ອງ​ເທົ່ານັ້ນ, ແຕ່​ພວກເຂົາ​ຍັງ​ໄດ້​ຊ່ວຍ​ຄົນອື່ນໆ ຕັ້ງ​ຫລວງຫລາຍ​ໃຫ້​ເຊົາ​ເຮັດ​ຊົ່ວ.

ມັດທາຍ 12:34

ພວກ​ຊາດ​ງູ​ຮ້າຍ​ເອີຍ, ພວກເຈົ້າ​ຈະ​ເວົ້າ​ຄວາມດີ​ໄດ້​ແນວ​ໃດ ເມື່ອ​ພວກເຈົ້າ​ເປັນ​ຄົນຊົ່ວ? ດ້ວຍວ່າ, ໃຈ​ເຕັມ​ລົ້ນ​ດ້ວຍ​ສິ່ງໃດ ປາກ​ກໍ​ເວົ້າ​ສິ່ງ​ນັ້ນ​ອອກ​ມາ.

ລູກາ 23:4

ແລ້ວ​ປີລາດ​ກໍ​ເວົ້າ​ກັບ​ພວກ​ຫົວໜ້າ​ປະໂຣຫິດ ແລະ​ປະຊາຊົນ​ວ່າ, “ເຮົາ​ບໍ່​ເຫັນ​ຄວາມຜິດ​ໃນ​ຊາຍ​ຜູ້​ນີ້​ຈັກ​ປະການ.”

ໂຢຮັນ 1:47

ເມື່ອ​ພຣະເຢຊູເຈົ້າ​ຫລຽວ​ເຫັນ​ນະທານາເອັນ ກຳລັງ​ມາ​ຫາ​ພຣະອົງ ຈຶ່ງ​ເວົ້າ​ຕໍ່​ລາວ​ວ່າ, “ຜູ້​ນີ້​ແຫຼະ ເປັນ​ຄົນ​ອິດສະຣາເອນ​ແທ້ ໃນ​ຕົວ​ລາວ​ບໍ່ມີ​ກົນອຸບາຍ​ເລີຍ.”

ເອເຟໂຊ 5:27

ເພື່ອ​ພຣະອົງ​ນັ້ນ​ຈະ​ໄດ້​ຮັບ​ຄຣິສຕະຈັກ​ສຳລັບ​ພຣະອົງ​ເອງ ຄື​ຄຣິສຕະຈັກ​ທີ່​ມີ​ສະຫງ່າຣາສີ ບໍ່ມີ​ຈຸດ​ດ່າງພອຍ ຫລື​ຮອຍ​ຫ່ຽວແຫ້ງ ແລະ​ສິ່ງ​ອື່ນໆ​ໃນ​ທຳນອງ​ນັ້ນ ເພື່ອ​ຄຣິສຕະຈັກ​ຈະ​ບໍຣິສຸດ​ບໍ່ມີ​ຕຳໜິ.

ໂກໂລຊາຍ 1:22

ແຕ່​ບັດນີ້ ໂດຍ​ຄວາມ​ຕາຍ​ທາງ​ດ້ານ​ຮ່າງກາຍ ຄື​ເນື້ອໜັງ​ຂອງ​ພຣະອົງ ພຣະເຈົ້າ​ໄດ້​ຊົງ​ເຮັດ​ໃຫ້​ພວກເຈົ້າ​ເປັນ​ມິດ​ກັບ​ພຣະອົງ ເພື່ອ​ໃຫ້​ເປັນ​ຜູ້​ບໍຣິສຸດ ແລະ​ບໍ່ມີ​ທີ່​ຕິຕຽນ​ຢູ່​ຊ້ອງໜ້າ​ພຣະອົງ.

ເຮັບເຣີ 9:14

ຫລາຍກວ່າ​ນັ້ນ​ຈັກ​ພຽງໃດ ພຣະ​ໂລຫິດ​ຂອງ​ພຣະຄຣິດ ຜູ້​ໄດ້​ຊົງ​ຖວາຍ​ພຣະອົງ​ເອງ​ແດ່​ພຣະເຈົ້າ ໂດຍ​ພຣະວິນຍານ​ຜູ້​ຊົງ​ຕັ້ງ​ຢູ່​ເປັນນິດ ເປັນ​ເຄື່ອງ​ບູຊາ​ປາສະຈາກ​ຕຳໜິ ກໍ​ຈະ​ຊົງ​ຊຳລະ​ໃຈ​ສຳນຶກ​ຜິດແລະຊອບ​ຂອງ​ເຮົາ​ທັງຫລາຍ ໃຫ້​ພົ້ນ​ຈາກ​ກິດຈະການ​ທີ່​ນຳ​ໄປ​ສູ່​ຄວາມ​ຕາຍ ເພື່ອ​ຫັນ​ໄປ​ຮັບໃຊ້​ພຣະເຈົ້າ​ຜູ້​ຊົງພຣະຊົນ​ຢູ່.

1 ເປໂຕ 1:19

ແຕ່​ຊົງ​ໄຖ່​ດ້ວຍ​ພຣະ​ໂລຫິດ ອັນ​ຊົງ​ມີຄ່າ​ຂອງ​ພຣະຄຣິດ ເໝືອນ​ດັ່ງ​ເລືອດ​ລູກແກະ ທີ່​ບໍ່ມີ​ຕຳໜິ​ຫລື​ຮອຍ​ດ່າງ.

1 ເປໂຕ 2:22

ພຣະອົງ​ບໍ່ໄດ້​ເຮັດ​ບາບ​ຈັກ​ປະການ ແລະ​ຄວາມ​ຕົວະ​ຈາກ​ປາກ​ຂອງ​ພຣະອົງ​ກໍ​ບໍ່ມີ.

1 ເປໂຕ 3:10

ເພາະວ່າ “ຜູ້​ທີ່​ຢາກ​ຮັບ​ຊີວິດ​ອັນ​ດີ ແລະ ປາຖະໜາ​ທີ່​ຈະ​ເຫັນ​ວັນ​ສະໜຸກ ກໍ​ໃຫ້​ຜູ້ນັ້ນ​ຫ້າມ​ລີ້ນ​ຂອງຕົນ​ ບໍ່​ໃຫ້​ເວົ້າ​ຄວາມຊົ່ວ ແລະ ຫ້າມ​ປາກ​ບໍ່​ໃຫ້​ກ່າວ ຄຳ​ອຸບາຍ​ລໍ້ລວງ.

ຢູດາ 1:24

ອັນ​ໜຶ່ງ ຂໍ​ພຣະກຽດ, ພຣະ​ເດຊານຸພາບ, ພຣະ​ອານຸພາບ ແລະ​ສັກດາ​ນຸພາບ​ຈົ່ງ​ມີ​ແດ່​ພຣະອົງ ຜູ້​ທີ່​ສາມາດ​ປ້ອງກັນ​ຮັກສາ​ພວກເຈົ້າ​ໄວ້​ບໍ່​ໃຫ້​ສະດຸດ​ລົ້ມ​ລົງ ແລະ​ນຳ​ພວກເຈົ້າ​ມາ​ຢູ່​ຊ້ອງ​ພຣະພັກ​ອັນ​ສະຫງ່າຣາສີ​ຂອງ​ພຣະອົງ ຢ່າງ​ຜູ້​ທີ່​ບໍ່ມີ​ຄວາມຜິດ ແຕ່​ມີ​ຄວາມ​ຍິນດີ​ອັນ​ເຫລືອລົ້ນ.