ພຣະນິມິດ 14:15 - ພຣະຄຳພີສັກສິ

¹⁵ ໃນ​ຂະນະ​ນັ້ນ ມີ​ເທວະດາ​ຕົນ​ໜຶ່ງ​ອີກ ອອກ​ມາ​ຈາກ​ພຣະວິຫານ ຮ້ອງ​ສຽງດັງ​ໃສ່​ຜູ້​ທີ່​ນັ່ງ​ຢູ່​ເທິງ​ເມກ​ນັ້ນ​ວ່າ, “ຈົ່ງ​ໃຊ້​ກ່ຽວ​ຂອງ​ພຣະອົງ​ກ່ຽວ​ສາ ເພາະ​ເຖິງ​ເວລາ​ກ່ຽວ​ແລ້ວ. ດ້ວຍວ່າ, ຜົນ​ທີ່​ແຜ່ນດິນ​ໂລກ ກໍ​ສຸກ​ພໍ​ເກັບກ່ຽວ​ແລ້ວ.”

ພຣະຄຳພີລາວສະບັບສະໄໝໃໝ່

¹⁵ ແລ້ວ​ເທວະດາ​ອີກ​ຕົນ​ໜຶ່ງ​ກໍ​ອອກມາ​ຈາກ​ວິຫານ ແລະ ຮ້ອງ​ບອກ​ຜູ້​ນັ່ງ​ຢູ່​ເທິງ​ເມກ​ນັ້ນ​ດ້ວຍ​ສຽງ​ອັນ​ດັງ​ວ່າ, “ໃຊ້​ກ່ຽວ​ຂອງ​ພຣະອົງ ແລະ ກ່ຽວ​ສາ, ເພາະວ່າ​ເວລາ​ເກັບກ່ຽວ​ໄດ້​ມາ​ເຖິງ​ແລ້ວ, ເພາະ​ຜົນ​ທີ່​ຈະ​ເກັບກ່ຽວ​ຈາກ​ແຜ່ນດິນໂລກ​ກໍ​ສຸກ​ແລ້ວ”.

ພຣະນິມິດ 14:15 Jak'a apnaqawi uñst'ayäwi

ປະຖົມມະການ 15:6

ອັບຣາມ​ໄວ້ວາງໃຈ​ໃນ​ພຣະເຈົ້າຢາເວ ແລະ​ດ້ວຍເຫດນັ້ນ ພຣະອົງ​ຈຶ່ງ​ພໍໃຈ​ແລະ​ຮັບ​ວ່າ​ເພິ່ນ​ເປັນ​ຄົນ​ຊອບທຳ.

ເອຊາຢາ 62:1

ນະຄອນ​ເຢຣູຊາເລັມ​ເອີຍ ດ້ວຍ​ຄວາມຮັກ​ທີ່​ມີ​ຕໍ່​ເຈົ້າ ເຮົາ​ຈະ​ບໍ່​ຍອມ​ມິດງຽບ​ໄປ​ຈັກເທື່ອ ຈົນກວ່າ​ນະຄອນ​ນີ້​ຈະ​ໄດ້​ມີໄຊ​ແລະ​ພົ້ນໄພ ຄື​ຄວາມມີໄຊ​ສ່ອງແຈ້ງ​ດັ່ງ​ໂຄມໄຟ​ຍາມ​ຄໍ່າ​ມືດ.

ເຢເຣມີຢາ 51:33

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ກ່າວ​ວ່າ, “ໃນ​ບໍ່​ຊ້າ ສັດຕູ​ກໍ​ຈະ​ຟັນ​ແລະ​ຢຽບຢໍ່າ​ພວກເຂົາ​ລົງ ດັ່ງ​ຢຽບ​ເມັດ​ເຂົ້າ​ຢູ່​ທີ່​ລານ​ຟາດເຂົ້າ.”

ໂຢເອນ 3:13

ຈົ່ງ​ກ່ຽວ​ພວກເຂົາ​ດັ່ງ​ກ່ຽວ​ເຂົ້າ​ໃນ​ລະດູ​ມັນ​ສຸກ ຈົ່ງ​ບີບ​ພວກເຂົາ​ດັ່ງ​ບີບ​ໝາກອະງຸ່ນ​ເຖີດ ໃນ​ເຄື່ອງ​ບີບ​ອະງຸ່ນ​ທີ່​ເຕັມ​ລົ້ນ​ຈົນ​ໄຫລ​ອອກ​ມາ ເພາະວ່າ​ພວກເຂົາ​ຕ່າງ​ກໍ​ຊົ່ວຊ້າ​ຫລາຍ​ແທ້ໆ.”

ມັດທາຍ 13:30

ປະ​ໃຫ້​ມັນ​ໃຫຍ່​ຂຶ້ນ​ນຳ​ກັນ ຈົນກວ່າ​ເຖິງ​ລະດູ​ເກັບກ່ຽວ ແລ້ວ​ເຮົາ​ກໍ​ຈະ​ສັ່ງ​ໃຫ້​ພວກ​ຄົນງານ​ເກັບກ່ຽວ​ເຂົ້າ​ນົກ​ກ່ອນ ໂຮມ​ເປັນ​ມັດ​ແລະ​ເຜົາ​ໄຟ​ຖິ້ມ​ເສຍ, ສ່ວນ​ເຂົ້າ​ດີ​ນັ້ນ​ໃຫ້​ໂຮມ​ໄວ້​ໃສ່​ເລົ້າ​ຂອງເຮົາ.”’

ມັດທາຍ 13:39

ແລະ ສັດຕູ​ຜູ້​ທີ່​ຫວ່ານ​ເຂົ້າ​ນົກ​ແມ່ນ​ມານຮ້າຍ ລະດູ​ເກັບກ່ຽວ​ແມ່ນ​ຄາວ​ສຸດ​ໂລກ ແລະ​ຜູ້​ເກັບກ່ຽວ​ແມ່ນ​ຝູງ​ເທວະດາ.

ມັດທາຍ 23:32

ເຫດສະນັ້ນ ຈົ່ງ​ເຮັດ​ສິ່ງ​ທີ່​ບັນພະບຸລຸດ​ຂອງ​ພວກເຈົ້າ​ໄດ້​ເຮັດ​ນັ້ນ ໃຫ້​ສຳເລັດ​ຄົບຖ້ວນ​ສາ.

ມາຣະໂກ 4:29

ຄັນ​ເມັດ​ເຂົ້າ​ສຸກ​ແລ້ວ ລາວ​ກໍ​ໃຊ້​ຄົນ​ໄປ​ກ່ຽວ ເພາະ​ເວລາ​ເກັບກ່ຽວ​ໄດ້​ມາ​ເຖິງ​ແລ້ວ.”

1 ເທສະໂລນິກ 2:16

ໂດຍ​ທີ່​ພວກເຂົາ​ໄດ້​ຫ້າມປາມ​ພວກເຮົາ ບໍ່​ໃຫ້​ກ່າວ​ແກ່​ຄົນຕ່າງຊາດ ເພື່ອ​ຄົນ​ເຫຼົ່ານັ້ນ​ຈະ​ພົ້ນ​ໄດ້ ເພື່ອ​ການ​ຜິດບາບ​ທີ່​ພວກເຂົາ​ເຮັດ​ມາ​ນັ້ນ ຈະ​ຄົບຖ້ວນ ແຕ່​ໃນ​ສຸດທ້າຍ ຄວາມ​ໂກດຮ້າຍ​ຂອງ​ພຣະເຈົ້າ​ໄດ້​ຕົກ​ໃສ່​ພວກເຂົາ​ແລ້ວ.

ພຣະນິມິດ 11:19

ແລ້ວ​ວິຫານ​ຂອງ​ພຣະເຈົ້າ​ໃນ​ສະຫວັນ​ກໍ​ໄຂ​ອອກ ແລະ​ຫີບ​ພັນທະສັນຍາ ກໍ​ປາກົດ​ໃຫ້​ເຫັນ​ຢູ່​ໃນ​ທີ່ນັ້ນ ແລ້ວ​ມີ​ຟ້າ​ແມບເຫຼື້ອມ, ສຽງ​ແຕກ​ສະໜັ່ນ, ຟ້າຮ້ອງ​ຢູ່​ບໍ່​ຂາດ​ໄລຍະ, ແຜ່ນດິນ​ໄຫວ ແລະ​ໝາກເຫັບ​ຕົກ​ຢ່າງ​ຫລວງຫລາຍ.

ພຣະນິມິດ 13:12

ມັນ​ໄດ້​ໃຊ້​ສິດ​ອຳນາດ​ອັນ​ຍິ່ງໃຫຍ່​ຂອງ​ສັດຮ້າຍ​ໂຕ​ທຳອິດ ຢູ່​ຕໍ່ໜ້າ​ສັດຮ້າຍ​ໂຕ​ທຳອິດ​ນັ້ນ ມັນ​ບັງຄັບ​ໃຫ້​ໂລກ​ແລະ​ຄົນ​ທັງໝົດ​ທີ່​ຢູ່​ໃນ​ໂລກ ຂາບໄຫວ້​ສັດຮ້າຍ​ໂຕ​ທຳອິດ ທີ່​ມີ​ບາດແຜ​ເຖິງ​ແກ່​ຄວາມ​ຕາຍ ແຕ່​ໄດ້​ຮັບ​ການ​ປິ່ນປົວ​ໃຫ້​ຫາຍ​ດີ​ແລ້ວ​ນັ້ນ.

ພຣະນິມິດ 14:14

ແລ້ວ​ຂ້າພະເຈົ້າ​ກໍໄດ້​ຫລຽວ​ເບິ່ງ ແລະ​ເຫັນ​ເມກ​ສີ​ຂາວ ເທິງ​ເມກ​ນັ້ນ​ມີ​ຜູ້ໜຶ່ງ​ນັ່ງ​ເໝືອນ​ບຸດ​ມະນຸດ ຫົວ​ສວມ​ມົງກຸດ​ຄຳ ແລະ​ມື​ຖື​ກ່ຽວ​ດວງ​ຄົມ.

ພຣະນິມິດ 14:16

ດັ່ງນັ້ນ ທ່ານ​ທີ່​ນັ່ງ​ຢູ່​ເທິງ​ເມກ ຈຶ່ງ​ແກວ່ງ​ກ່ຽວ​ລົງ​ເທິງ​ແຜ່ນດິນ​ໂລກ ແລະ​ແຜ່ນດິນ​ໂລກ​ກໍ​ມີ​ການ​ເກັບກ່ຽວ.

ພຣະນິມິດ 14:17

ແລ້ວ​ຂ້າພະເຈົ້າ​ກໍ​ເຫັນ​ເທວະດາ​ຕົນ​ໜຶ່ງ​ອີກ ອອກ​ມາ​ຈາກ​ພຣະວິຫານ​ໃນ​ສະຫວັນ ຖື​ກ່ຽວ​ດວງ​ຄົມ​ເໝືອນກັນ.

ພຣະນິມິດ 14:18

ໃນ​ຂະນະ​ນັ້ນ ມີ​ເທວະດາ​ຕົນ​ອື່ນ​ອີກ ລົງ​ມາ​ຈາກ​ແທ່ນບູຊາ ເປັນ​ຜູ້​ມີ​ໜ້າທີ່​ກຳກັບ​ໄຟ, ເທວະດາ​ຕົນ​ນີ້​ໄດ້​ຮ້ອງ​ສຽງດັງ ບອກ​ເທວະດາ​ຕົນ​ທີ່​ຖື​ກ່ຽວ​ດວງ​ຄົມ​ນັ້ນ​ວ່າ, “ຈົ່ງ​ໃຊ້​ກ່ຽວ​ດວງ​ຄົມ​ຂອງທ່ານ ກ່ຽວ​ພວງ​ໝາກອະງຸ່ນ ຈາກ​ສວນອະງຸ່ນ​ທີ່​ແຜ່ນດິນ​ໂລກ ເພາະ​ໝາກອະງຸ່ນ​ສຸກ​ແລ້ວ.”

ພຣະນິມິດ 15:6

ແລ້ວ​ເທວະດາ​ເຈັດ​ຕົນ ທີ່​ຖື​ໄພພິບັດ​ເຈັດ​ຢ່າງ​ນັ້ນ ໄດ້​ອອກ​ມາ​ຈາກ​ພຣະວິຫານ ທຸກ​ຕົນ​ນຸ່ງ​ຜ້າປ່ານ​ເນື້ອລະອຽດ​ເສາະໃສ ແລະ​ໃສ່​ສາຍ​ຮັດ​ໜ້າເອິກ​ທີ່​ເຮັດ​ດ້ວຍ​ຄຳ.

ພຣະນິມິດ 16:17

ແລ້ວ​ເທວະດາ​ຕົນ​ທີ​ເຈັດ ກໍໄດ້​ຖອກ​ຂັນ​ຂອງຕົນ​ໃນ​ອາກາດ ມີ​ສຽງ​ໜຶ່ງ​ດັງ​ແຮງ​ມາ​ຈາກ​ບັນລັງ​ໃນ​ພຣະວິຫານ ກ່າວ​ວ່າ, “ສຳເລັດ​ແລ້ວ.”

ພຣະນິມິດ 6:10

ພວກເຂົາ​ໄດ້​ເປັ່ງ​ສຽງ​ຮ້ອງ​ຂຶ້ນ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ອົງ​ຊົງຣິດ​ອຳນາດ​ຍິ່ງໃຫຍ່ ຜູ້​ບໍຣິສຸດ​ແລະ​ທ່ຽງແທ້, ຍັງ​ດົນ​ປານໃດ​ໜໍ ພຣະອົງ​ຈຶ່ງ​ຈະ​ຕັດສິນ​ລົງໂທດ​ຄົນ​ທັງຫລາຍ​ເທິງ​ແຜ່ນດິນ​ໂລກ​ນີ້ ທີ່​ໄດ້​ສັງຫານ​ພວກ​ຂ້ານ້ອຍ​ນັ້ນ?”