ພຣະນິມິດ 12:1 - ພຣະຄຳພີສັກສິ

¹ ມີ​ໝາຍສຳຄັນ​ອັນ​ໃຫຍ່​ປາກົດ​ຂຶ້ນ​ໃນ​ສະຫວັນ ຄື​ຍິງ​ຜູ້ໜຶ່ງ ມີ​ດວງອາທິດ​ປົກຄຸມ​ຕົວ​ເໝືອນ​ນຸ່ງ​ເສື້ອຜ້າ ມີ​ດວງເດືອນ​ຢູ່​ໃຕ້​ຕີນ ແລະ​ມີ​ດາວ​ສິບສອງ​ດວງ​ເປັນ​ມົງກຸດ​ສວມ​ຢູ່​ເທິງ​ຫົວ.

ພຣະຄຳພີລາວສະບັບສະໄໝໃໝ່

¹ ມີ​ໝາຍສຳຄັນ​ອັນ​ຍິ່ງໃຫຍ່​ປາກົດ​ຂຶ້ນ​ໃນ​ສະຫວັນ​ຄື: ຍິງ​ຄົນ​ໜຶ່ງ​ມີ​ດວງອາທິດ​ປົກຄຸມ​ໂຕ​ເໝືອນ​ນຸ່ງ​ເສື້ອຜ້າ, ມີ​ດວງຈັນ​ຢູ່​ໃຕ້​ຕີນ ແລະ ມີ​ດາວ​ສິບສອງ​ດວງ​ເປັນ​ມົງກຸດ​ສວມ​ຢູ່​ເທິງ​ຫົວ​ຂອງ​ນາງ.

ພຣະນິມິດ 12:1 Jak'a apnaqawi uñst'ayäwi

2 ຂ່າວຄາວ 32:31

ແລະ​ແມ່ນແຕ່​ຄະນະທູດ​ຊາວ​ບາບີໂລນ​ກໍ​ຍັງ​ມາ​ສອບຖາມ​ເພິ່ນ ກ່ຽວກັບ​ເຫດການ​ອັນ​ເປັນ​ໝາຍສຳຄັນ​ທີ່​ເກີດຂຶ້ນ​ໃນ​ດິນແດນ​ຂອງ​ເພິ່ນ. ພຣະເຈົ້າ​ໄດ້​ປ່ອຍ​ໃຫ້​ເພິ່ນ​ດຳເນີນ​ການ​ໂດຍ​ຕົນເອງ ເພື່ອ​ລອງ​ເບິ່ງ​ນິໄສ​ໃຈຄໍ​ຂອງ​ເພິ່ນ.

ເພງ^ສັນລະເສີນ 104:2

ພຣະອົງ​ຫຸ້ມຫໍ່​ພຣະອົງ​ເອງ​ດ້ວຍ​ແສງ​ຣັດສະໝີ ພຣະອົງ​ກາງ​ຟ້າ​ສະຫວັນ​ດັ່ງ​ກາງ​ຜ້າເຕັນ.

ເພງ^ສັນລະເສີນ 84:11

ພຣະເຈົ້າຢາເວ ພຣະເຈົ້າ​ເປັນ​ຕາເວັນ​ແລະ​ເປັນ​ໂລ້ກຳບັງ ຊົງ​ປະທານ​ພຣະຄຸນ​ແລະ​ສະຫງ່າຣາສີ. ດ້ວຍ​ຄວາມ​ເມດຕາ​ແລະ​ກຽດສັກສີ ພຣະເຈົ້າຢາເວ​ໃຫ້​ຂອງ​ດີ ແກ່​ຜູ້​ທີ່​ເດີນ​ຕາມ​ທາງ​ອັນ​ຊອບທຳ​ຢ່າງ​ບໍ່​ອັ້ນ.

ຍອດເພງ 6:10

ຍິງສາວ​ຄົນນີ້​ເປັນ​ຜູ້ໃດ​ກັນ​ນໍ? ເປັນ​ຄົນ​ເບີກບານ​ໃຈ​ດັ່ງ​ຮຸ່ງ​ອາລຸນ​ຕອນເຊົ້າ; ນາງ​ຊ່າງ​ງາມແທ້​ແລະ​ບໍຣິສຸດ​ຜຸດຜ່ອງ ດັ່ງ​ຕາເວັນ​ແລະ​ດວງເດືອນ​ສ່ອງແຈ້ງ​ເຫລື້ອມໃສ.

ເອຊາຢາ 61:10

ຂ້ານ້ອຍ​ຈະ​ຊົມຊື່ນ​ຍິນດີ​ໃນ​ພຣະເຈົ້າຢາເວ ຈິດໃຈ​ຂອງຂ້ານ້ອຍຈະ​ຊື່ນບານ​ໃນ​ພຣະເຈົ້າ​ຂອງ​ຂ້ານ້ອຍ ເພາະ​ພຣະອົງ​ໄດ້ເອົາ​ເສື້ອຜ້າແຫ່ງ​ຄວາມພົ້ນ​ມາໃຫ້​ນຸ່ງ ພຣະອົງ​ໄດ້ເອົາ​ເສື້ອ​ແຫ່ງ​ຄວາມຊອບທຳ​ໃຫ້​ຂ້ານ້ອຍຮົ່ມໄວ້ ເໝືອນດັ່ງ​ເຈົ້າບ່າວ​ຕົບແຕ່ງ​ຕົວ​ຄື​ປະໂຣຫິດ ແລະ​ເໝືອນດັ່ງ​ເຈົ້າສາວ​ປະດັບ​ຕົວ​ດ້ວຍ​ເພັດພອຍ.

ເອຊາຢາ 62:3

ເຈົ້າ​ຈະ​ເປັນ​ດັ່ງ​ມົງກຸດ​ອັນ​ງົດງາມ​ໃນ​ມື​ຂອງ​ພຣະເຈົ້າຢາເວ ແລະ​ເປັນ​ມົງກຸດ​ໃນ​ມື​ຂອງ​ພຣະເຈົ້າ​ຂອງ​ເຈົ້າ,

ເຊກາຣີຢາ 9:16

ເມື່ອ​ວັນ​ນັ້ນ​ມາ​ເຖິງ ພຣະເຈົ້າຢາເວ ພຣະເຈົ້າ​ຂອງ​ພວກເຂົາ​ຈະ​ຊ່ວຍ​ພວກເຂົາ ໃຫ້​ພົ້ນ​ອັນຕະລາຍ​ດັ່ງ​ຝູງແກະ​ທີ່​ມີ​ຜູ້ລ້ຽງ. ພວກເຂົາ​ຈະ​ສ່ອງໄສ​ແຈ້ງ​ຢູ່​ໃນ​ດິນແດນ​ຂອງ​ພຣະອົງ ດັ່ງ​ເພັດພອຍ​ຢູ່​ໃນ​ມົງກຸດ​ນັ້ນ.

ມາລາກີ 4:2

ແຕ່​ສຳລັບ​ພວກ​ທີ່​ຢຳເກງ​ນາມ​ຂອງເຮົາ ເຮົາ​ຈະ​ນຳ​ຄວາມພົ້ນ​ມາ​ໃຫ້​ພວກເຂົາ ດ້ວຍ​ອານຸພາບ​ອັນ​ຮຸ່ງເຮືອງ​ຂອງເຮົາ ດັ່ງ​ດວງຕາເວັນ​ຂຶ້ນ ແລະ​ຈະ​ນຳ​ເອົາ​ການ​ປິ່ນປົວ​ມາ​ສູ່​ພວກເຂົາ ດັ່ງ​ແສງ​ດວງອາທິດ. ພວກເຈົ້າ​ຈະ​ເປັນ​ອິດສະຫລະ​ເສລີ​ແລະ​ມີ​ຄວາມສຸກ ດັ່ງ​ລູກ​ງົວ​ທີ່​ອອກ​ມາ​ຈາກ​ຄອກ.

ມັດທາຍ 12:38

ແລ້ວ​ທຳມະຈານ​ແລະ​ພວກ​ຟາຣີຊາຍ​ບາງຄົນ ກໍ​ເວົ້າ​ວ່າ, “ອາຈານ​ເຈົ້າ​ເອີຍ, ພວກເຮົາ​ຢາກ​ເຫັນ​ທ່ານ​ເຮັດ​ໝາຍສຳຄັນ​ການ​ອັດສະຈັນ.”

ມັດທາຍ 24:30

ເມື່ອນັ້ນ ໝາຍສຳຄັນ​ແຫ່ງ​ບຸດ​ມະນຸດ​ກໍ​ຈະ​ປາກົດ​ຂຶ້ນ​ໃນ​ທ້ອງຟ້າ ແລະ​ມະນຸດ​ທຸກ​ຊາດ​ເທິງ​ແຜ່ນດິນ​ໂລກ​ກໍ​ຈະ​ຕີ​ເອິກ​ຮ້ອງໄຫ້​ຄໍ່າຄວນ ແລະ​ເຫັນ​ບຸດ​ມະນຸດ​ກຳລັງ​ມາ​ເທິງ​ເມກ​ໃນ​ສະຫວັນ​ດ້ວຍ​ຣິດທານຸພາບ ແລະ​ສະຫງ່າຣາສີ​ອັນ​ຍິ່ງໃຫຍ່.

ມາຣະໂກ 13:25

ດວງດາວ​ທັງຫລາຍ​ຈະ​ຕົກລົງ​ຈາກ​ສະຫວັນ ແລະ ບັນດາ​ສິ່ງ​ທີ່​ມີ​ອຳນາດ​ໃນ​ຟ້າ​ສະຫວັນ​ກໍ​ຈະ​ສັ່ນ​ສະທ້ານ​ຫວັ່ນໄຫວ.

ລູກາ 21:11

ຈະ​ເກີດ​ແຜ່ນດິນ​ໄຫວ​ອັນ​ໃຫຍ່ ແລະ​ການ​ອຶດຢາກ​ພ້ອມ​ທັງ​ໂຣກ​ລະບາດ​ຢ່າງ​ຮ້າຍແຮງ ຈະ​ເກີດຂຶ້ນ​ໃນ​ທຸກ​ແຫ່ງຫົນ ຈະ​ເກີດ​ມີ​ສິ່ງ​ແປກ​ປະຫລາດ​ກັບ​ສິ່ງ​ໜ້າຢ້ານ​ທີ່ສຸດ​ຈາກ​ຟ້າສະຫວັນ.

ລູກາ 21:25

“ຈະ​ມີ​ໝາຍສຳຄັນ​ໃນ​ດວງອາທິດ, ດວງຈັນ ແລະ​ດວງດາວ​ທັງປວງ ແລະ​ຈະ​ມີ​ຄວາມ​ທຸກຮ້ອນ​ເທິງ​ແຜ່ນດິນ​ໂລກ​ຕາມ​ປະເທດ​ຕ່າງໆ ຊຶ່ງ​ມີ​ຄວາມ​ສະຫງົນ​ສົນເທ ເພາະ​ສຽງ​ກ້ອງ​ອັນ​ໃຫຍ່ຫລວງ​ຂອງ​ທະເລ​ແລະ​ຟອງຄື້ນ.

ໂຢຮັນ 3:29

ເຈົ້າສາວ​ຍ່ອມ​ເປັນ​ຂອງ​ເຈົ້າບ່າວ, ແຕ່​ພໍ​ໄດ້ຍິນ​ສຽງ​ເຈົ້າບ່າວ ເພື່ອນ​ຂອງ​ເຈົ້າບ່າວ​ທີ່​ຢືນ​ຟັງ​ຢູ່ ກໍ​ດີໃຈ​ຢ່າງ​ເຕັມປ່ຽມ ຢ່າງ​ນັ້ນ​ແຫຼະ ຄວາມ​ຍິນດີ​ຂອງເຮົາ​ກໍ​ຄົບຖ້ວນ​ແລ້ວ.

ກິດຈະການ 2:19

ເຮົາ​ຈະ​ບັນດານ​ໃຫ້ ມີ​ການ​ອັດສະຈັນ​ໃນ​ທ້ອງຟ້າ​ເບື້ອງເທິງ ແລະ​ໝາຍສຳຄັນ​ໃນ​ໂລກ​ເບື້ອງ​ລຸ່ມ ຈະ​ມີ​ເລືອດ ມີ​ໄຟ ແລະ​ມີ​ອາຍຄວັນ,

ໂຣມ 13:14

ແຕ່​ຈົ່ງ​ປະດັບ​ຕົວ​ດ້ວຍ​ອົງ​ພຣະເຢຊູ​ຄຣິດເຈົ້າ ແລະ​ຢ່າ​ຈັດ​ຫາ​ອັນ​ໃດ​ເພື່ອ​ສະໜອງ​ຕັນຫາ​ຂອງ​ເນື້ອກາຍ.

ໂຣມ 3:22

ຄື​ຄວາມ​ຊອບທຳ​ທີ່​ມາ​ຈາກ​ພຣະເຈົ້າ ຊຶ່ງ​ຊົງ​ປະທານ​ແກ່​ຜູ້​ທີ່​ເຊື່ອ​ທຸກຄົນ ດ້ວຍ​ອາໄສ​ຄວາມເຊື່ອ​ໃນ​ພຣະເຢຊູ​ຄຣິດເຈົ້າ ເພາະວ່າ ຄົນ​ທັງຫລາຍ​ສະເໝີ​ກັນ​ທຸກຄົນ.

2 ໂກຣິນໂທ 11:2

ເຮົາ​ຫວງແຫນ​ພວກເຈົ້າ ຕາມ​ຢ່າງ​ທີ່​ພຣະເຈົ້າ​ຫວງແຫນ ເພາະ​ພວກເຈົ້າ​ເປັນ​ດັ່ງ​ເຈົ້າສາວ​ບໍຣິສຸດ ທີ່​ເຮົາ​ສັນຍາ​ໝັ້ນໝາຍ​ໄວ້​ໃຫ້​ແຕ່ງງານ​ກັບ​ຊາຍ​ຄົນ​ດຽວ​ເທົ່ານັ້ນ ຄື​ແກ່​ພຣະຄຣິດ.

ຄາລາເຕຍ 3:27

ເພາະວ່າ ຄົນ​ໃດ​ໃນ​ພວກເຈົ້າ​ໄດ້​ຮັບ​ບັບຕິສະມາ​ໃນ​ພຣະຄຣິດ​ແລ້ວ ຄົນ​ນັ້ນ​ກໍໄດ້​ສວມ​ຊີວິດ​ຂອງ​ພຣະອົງ.

ຄາລາເຕຍ 4:26

ແຕ່​ນະຄອນ​ເຢຣູຊາເລັມ​ທີ່​ຢູ່​ເບື້ອງ​ເທິງ​ນັ້ນ ເປັນ​ອິດສະຫລະ ແລະ​ນາງ​ກໍ​ເປັນ​ແມ່​ຂອງ​ພວກເຮົາ.

ຄາລາເຕຍ 6:14

ສຳລັບ​ເຮົາ​ແລ້ວ, ເຮົາ​ຂໍ​ອວດອ້າງ​ແຕ່​ເລື່ອງ​ໄມ້ກາງແຂນ​ຂອງ​ອົງ​ພຣະເຢຊູ​ຄຣິດເຈົ້າ​ເທົ່ານັ້ນ ຍ້ອນ​ເລື່ອງ​ໄມ້ກາງແຂນ​ຂອງ​ພຣະອົງ​ນີ້​ແຫຼະ ໂລກ​ຈຶ່ງ​ຕາຍ​ແລ້ວ​ສຳລັບ​ເຮົາ ແລະ​ເຮົາ​ກໍ​ຕາຍ​ແລ້ວ​ສຳລັບ​ໂລກ.

ເອເຟໂຊ 5:32

ຂໍ້​ເລິກລັບ​ອັນ​ໃຫຍ່​ນີ້ ຂ້າພະເຈົ້າ​ເຂົ້າໃຈ​ວ່າ ໝາຍເຖິງ​ພຣະຄຣິດ​ກັບ​ຄຣິສຕະຈັກ.

ພຣະນິມິດ 1:20

ນີ້​ແມ່ນ​ຄວາມ​ເລິກລັບ​ຂອງ​ດາວ​ທັງ​ເຈັດ ທີ່​ເຈົ້າ​ເຫັນ​ຢູ່​ໃນ​ມື​ຂວາ​ຂອງເຮົາ ແລະ​ຄັນ​ຕະກຽງ​ຄຳ​ທັງ​ເຈັດ​ນັ້ນ ກໍ​ຄື​ດາວ​ເຈັດ​ດວງ​ນັ້ນ ໄດ້​ແກ່​ເທວະດາ​ແຫ່ງ​ຄຣິສຕະຈັກ​ທັງ​ເຈັດ ແລະ​ຄັນ​ຕະກຽງ​ຄຳ​ເຈັດ​ອັນ ໄດ້​ແກ່​ຄຣິສຕະຈັກ​ທັງ​ເຈັດ.”

ພຣະນິມິດ 11:19

ແລ້ວ​ວິຫານ​ຂອງ​ພຣະເຈົ້າ​ໃນ​ສະຫວັນ​ກໍ​ໄຂ​ອອກ ແລະ​ຫີບ​ພັນທະສັນຍາ ກໍ​ປາກົດ​ໃຫ້​ເຫັນ​ຢູ່​ໃນ​ທີ່ນັ້ນ ແລ້ວ​ມີ​ຟ້າ​ແມບເຫຼື້ອມ, ສຽງ​ແຕກ​ສະໜັ່ນ, ຟ້າຮ້ອງ​ຢູ່​ບໍ່​ຂາດ​ໄລຍະ, ແຜ່ນດິນ​ໄຫວ ແລະ​ໝາກເຫັບ​ຕົກ​ຢ່າງ​ຫລວງຫລາຍ.

ພຣະນິມິດ 12:3

ມີ​ໝາຍສຳຄັນ​ອີກ​ຢ່າງ​ໜຶ່ງ​ປາກົດ​ໃນ​ສະຫວັນ​ດັ່ງນີ້: ມີ​ພະຍານາກ​ໃຫຍ່​ສີແດງ​ໂຕໜຶ່ງ ມີ​ເຈັດ​ຫົວ ສິບ​ເຂົາ ຢູ່​ເທິງ​ຫົວ​ນັ້ນ​ມີ​ມົງກຸດ​ເຈັດ​ອັນ.

ພຣະນິມິດ 15:1

ແລ້ວ​ຂ້າພະເຈົ້າ​ໄດ້​ເຫັນ​ໝາຍສຳຄັນ​ອັນ​ໃຫຍ່ຫລວງ ແລະ​ໜ້າ​ອັດສະຈັນ​ໃນ​ສະຫວັນ​ອີກ​ຢ່າງ​ໜຶ່ງ ຄື​ມີ​ເທວະດາ​ເຈັດ​ຕົນ​ຖື​ໄພ​ອັນຕະລາຍ​ເຈັດ​ຢ່າງ ເປັນ​ໄພ​ອັນຕະລາຍ​ຄັ້ງ​ສຸດທ້າຍ ເພາະວ່າ​ຄວາມ​ໂກດຮ້າຍ​ຂອງ​ພຣະເຈົ້າ​ກໍ​ເປັນ​ການ​ສິ້ນສຸດ​ລົງ.

ພຣະນິມິດ 21:14

ກຳແພງ​ນະຄອນ​ນັ້ນ ໄດ້​ຖືກ​ສ້າງ​ຂຶ້ນ​ເທິງ​ຫີນ​ສິບສອງ​ກ້ອນ​ເປັນ​ຮາກຖານ ຫີນ​ແຕ່ລະ​ກ້ອນ ໄດ້​ຈາລຶກ​ຊື່​ອັກຄະສາວົກ​ສິບສອງ​ຄົນ​ຂອງ​ພຣະ​ເມສານ້ອຍ.

ພຣະນິມິດ 21:23

ນະຄອນ​ນັ້ນ ບໍ່​ຕ້ອງການ​ແສງ​ສະຫວ່າງ​ຂອງ​ດວງອາທິດ ຫລື​ດວງຈັນ, ເພາະວ່າ​ພຣະ​ຣັດສະໝີ​ຂອງ​ພຣະເຈົ້າ ຊົງ​ເປັນ​ແສງ​ສະຫວ່າງ​ຂອງ​ນະຄອນ​ນັ້ນ ແລະ​ພຣະ​ເມສານ້ອຍ ຊົງ​ເປັນ​ໂຄມໄຟ​ຂອງ​ນະຄອນ​ນັ້ນ.