ພຣະນິມິດ 10:9 - ພຣະຄຳພີສັກສິ

⁹ ຂ້າພະເຈົ້າ​ຈຶ່ງ​ໄປ​ຫາ​ເທວະດາ​ຕົນ​ນັ້ນ ແລະ​ຂໍ​ເອົາ​ໜັງສື​ມ້ວນ​ນ້ອຍ​ນັ້ນ. ເພິ່ນ​ໄດ້​ຕອບ​ຂ້າພະເຈົ້າ​ວ່າ, “ເອົາ​ໄປ​ກິນ​ສາ ມັນ​ຈະ​ເຮັດ​ໃຫ້​ທ້ອງ​ຂອງ​ເຈົ້າ​ຂົມ, ແຕ່​ໃນ​ປາກ​ຂອງ​ເຈົ້າ​ຈະ​ຫວານ​ດັ່ງ​ນໍ້າເຜີ້ງ.”

ພຣະຄຳພີລາວສະບັບສະໄໝໃໝ່

⁹ ດັ່ງນັ້ນ ຂ້າພະເຈົ້າ​ຈຶ່ງ​ໄດ້​ໄປ ແລະ ຂໍ​ໜັງສືມ້ວນ​ນ້ອຍ​ຈາກ​ເທວະດາ​ນັ້ນ. ເພິ່ນ​ໄດ້​ກ່າວ​ກັບ​ຂ້າພະເຈົ້າ​ວ່າ, “ຈົ່ງ​ຮັບ​ເອົາ​ໜັງສືມ້ວນ​ນ້ອຍ ແລະ ກິນ​ໜັງສືມ້ວນ​ນ້ອຍ​ນີ້. ໜັງສືມ້ວນ​ນ້ອຍ​ນີ້​ຈະ​ເຮັດ​ໃຫ້​ທ້ອງ​ຂອງ​ເຈົ້າ​ຂົມ, ‘ແຕ່​ເມື່ອ​ຢູ່​ໃນ​ປາກ​ຂອງ​ເຈົ້າ​ຈະ​ຫວານ​ເໝືອນດັ່ງ​ນ້ຳເຜິ້ງ’”.

ພຣະນິມິດ 10:9 Jak'a apnaqawi uñst'ayäwi

ພຣະທຳ​ໂຢບ 23:12

ຂ້ອຍ​ເຮັດ​ຕາມ​ເລື້ອຍໆ​ສິ່ງ​ທີ່​ພຣະເຈົ້າ​ໄດ້​ສັ່ງ​ມາ ຂ້ອຍ​ເຮັດ​ຕາມ​ພຣະປະສົງ ບໍ່ແມ່ນ​ຕາມໃຈ​ຂ້ອຍ.

ເຢເຣມີຢາ 15:16

ພຣະອົງ​ໄດ້​ກ່າວ​ແກ່​ຂ້ານ້ອຍ ແລະ​ຂ້ານ້ອຍ​ກໍໄດ້​ເຊື່ອຟັງ​ພຣະອົງ​ທຸກ​ຖ້ອຍຄຳ. ຂ້າແດ່​ພຣະເຈົ້າຢາເວ ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່ ຂ້ານ້ອຍ​ເປັນ​ຂອງ​ພຣະອົງ; ສະນັ້ນ ຖ້ອຍຄຳ​ຂອງ​ພຣະອົງ​ຈຶ່ງ​ເຮັດ​ໃຫ້​ຈິດໃຈ​ຂອງ​ຂ້ານ້ອຍ ເຕັມ​ລົ້ນ​ໄປ​ດ້ວຍ​ຄວາມ​ຊົມຊື່ນ​ຍິນດີ​ແລະ​ຄວາມ​ສຸກໃຈ.

ເອເຊກຽນ 2:8

ມະນຸດ​ເອີຍ ຈົ່ງ​ຟັງ​ສິ່ງ​ທີ່​ເຮົາ​ບອກ​ເຈົ້າ. ຢ່າ​ເປັນ​ຄົນ​ກະບົດ​ເໝືອນດັ່ງ​ພວກເຂົາ. ຈົ່ງ​ອ້າ​ປາກ ແລະ​ກິນ​ສິ່ງ​ທີ່​ເຮົາ​ຈະ​ໃຫ້​ເຈົ້າ.”

ເອເຊກຽນ 3:14

ຣິດອຳນາດ​ຂອງ​ພຣະເຈົ້າຢາເວ​ໄດ້​ລົງ​ມາ​ສູ່​ຂ້າພະເຈົ້າ​ເຕັມ​ກຳລັງ ແລະ​ຂະນະທີ່​ພຣະວິນຍານ​ໄດ້​ຍົກ​ຂ້າພະເຈົ້າ​ຂຶ້ນ​ນັ້ນ ຂ້າພະເຈົ້າ​ກໍ​ຮູ້ສຶກ​ວ່າ​ຂົມຂື່ນ ແລະ​ຄຽດແຄ້ນ​ຫລາຍ.

ໂກໂລຊາຍ 3:6

ເພາະ​ສິ່ງ​ເຫຼົ່ານີ້ ຄວາມ​ໂກດຮ້າຍ​ຂອງ​ພຣະເຈົ້າ​ຈະ​ມາ​ຖືກ​ຄົນ​ທັງຫລາຍ​ທີ່​ບໍ່​ເຊື່ອຟັງ​ພຣະອົງ.

ພຣະນິມິດ 10:10

ຂ້າພະເຈົ້າ​ໄດ້​ຈັບ​ເອົາ​ໜັງສື​ມ້ວນ​ນ້ອຍ ຈາກ​ມື​ຂອງ​ເທວະດາ ແລ້ວ​ເອົາ​ມາ​ກິນ ໃນ​ປາກ​ຂອງ​ຂ້າພະເຈົ້າ ມັນ​ກໍ​ຫວານ​ດັ່ງ​ນໍ້າເຜີ້ງ, ເມື່ອ​ຂ້າພະເຈົ້າ​ກິນ​ລົງ​ໄປ​ແລ້ວ ທ້ອງ​ຂອງ​ຂ້າພະເຈົ້າ​ກໍ​ຂົມ.