ພຣະນິມິດ 10:3 - ພຣະຄຳພີສັກສິ

³ ເພິ່ນ​ຮ້ອງ​ສຽງດັງ​ເໝືອນ​ໂຕ​ສິງ​ຮ້ອງ​ຄຳຣາມ ຫລັງຈາກ​ເພິ່ນ​ຮ້ອງ​ແລ້ວ ສຽງ​ຟ້າຮ້ອງ​ທັງ​ເຈັດ​ກໍ​ດັງ​ຂຶ້ນ.

ພຣະຄຳພີລາວສະບັບສະໄໝໃໝ່

³ ເພິ່ນ​ຮ້ອງ​ສຽງ​ດັງ​ເໝືອນດັ່ງ​ສຽງຮ້ອງ​ຂອງ​ສິງ. ເມື່ອ​ເພິ່ນ​ຮ້ອງ​ຂຶ້ນ, ສຽງ​ຟ້າຮ້ອງ​ທັງ​ເຈັດ​ກໍ​ກ່າວ​ຂຶ້ນ,

ພຣະນິມິດ 10:3 Jak'a apnaqawi uñst'ayäwi

ເພງ^ສັນລະເສີນ 29:3

ສຽງ​ຂອງ​ພຣະເຈົ້າຢາເວ​ດັງ ກ້ອງ​ກັງວານ​ອອກ​ໄປ​ເທິງ​ໜ້າ​ນໍ້າ​ມະຫາສະໝຸດ​ເລິກ ສະຫງ່າຣາສີ​ຂອງ​ພຣະເຈົ້າ​ເປັນ​ສຽງ​ດັງ​ກ້ອງ​ກັງວານ ສຽງ​ຂອງ​ພຣະເຈົ້າຢາເວ​ກໍ​ດັງ​ທົ່ວ​ທັງ​ມະຫາສະໝຸດ​ດ້ວຍ.

ສຸພາສິດ 19:12

ຄວາມ​ໂກດຮ້າຍ​ຂອງ​ກະສັດ​ເປັນ​ດັ່ງ​ສຽງ​ໂຕສິງ​ແຜດສຽງ, ແຕ່​ຄວາມ​ເມດຕາ​ຂອງເພິ່ນ​ກໍ​ເປັນ​ດັ່ງ​ນໍ້າ​ຄ້າງ​ເທິງ​ຫຍ້າອ່ອນ.

ເອຊາຢາ 31:4

ພຣະເຈົ້າຢາເວ​ໄດ້ກ່າວ​ແກ່​ຂ້າພະເຈົ້າ​ວ່າ, “ເຖິງ​ແມ່ນ​ຜູ້ລ້ຽງແກະ​ຈະ​ຮ້ອງ​ສຽງດັງ​ປານໃດ​ກໍຕາມ ລາວ​ກໍ​ເຮັດ​ໃຫ້​ໂຕສິງ​ຢ້ານກົວ ແລະ​ແລ່ນ​ໜີ​ຈາກ​ແກະ​ທີ່​ມັນ​ຂ້າ​ນັ້ນ​ບໍ່ໄດ້; ດັ່ງນັ້ນ ກໍ​ບໍ່ມີ​ຫຍັງ​ທີ່​ກີດກັ້ນ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ບໍ່​ໃຫ້​ຄຸ້ມຄອງ​ພູເຂົາ​ຊີໂອນ​ໄດ້.

ເອຊາຢາ 42:13

ພຣະເຈົ້າຢາເວ​ອອກ​ສູ່​ສະໜາມ ດັ່ງ​ນັກຮົບ​ຜູ້ໜຶ່ງ ຕຽມ​ເຂົ້າ​ສູ່​ສົງຄາມ ແລະ​ຫ້າວຫັນ​ເພື່ອ​ສູ້ຮົບ. ພໍ​ພຣະອົງ​ຮ້ອງ​ຕໍ່ສູ້​ກໍ​ມີ​ສຽງ​ສູ້ຮົບ​ໃນ​ສະໜາມ ເປັນ​ສົງຄາມ​ສູ້ຮົບ​ສັດຕູ​ດ້ວຍ​ຣິດທານຸພາບ.

ເອຊາຢາ 5:29

ພວກ​ທະຫານ​ຕ່າງ​ກໍ​ຄວນຄາງ ສຽງດັງ​ຄື​ສຽງ​ໂຕສິງ​ທີ່​ໄດ້​ຂ້າ​ເຫຍື່ອ ແລະ​ຄາບ​ໄປ​ສູ່​ບ່ອນ​ທີ່​ບໍ່ມີ​ຜູ້ໃດ​ຍາດ​ເອົາ​ຈາກ​ມັນ​ໄດ້.

ເຢເຣມີຢາ 25:30

“ເຢເຣມີຢາ​ເອີຍ ເຈົ້າ​ຕ້ອງ​ປະກາດ​ທຸກໆສິ່ງ​ທີ່​ເຮົາ​ໄດ້​ກ່າວ​ນັ້ນ. ເຈົ້າ​ຕ້ອງ​ບອກ​ປະຊາຊົນ​ເຫຼົ່ານີ້​ອີກ​ວ່າ: ‘ພຣະເຈົ້າຢາເວ​ຈະ​ເປັ່ງສຽງ​ຮ້ອງ​ຈາກ​ສະຫວັນ ຈາກ​ທີ່​ສູງສຸດ​ບ່ອນ​ພຣະອົງ​ຢູ່ ກ້ອງ​ກັງວານ​ໄປ​ທົ່ວ. ພຣະອົງ​ຈະ​ເປັ່ງສຽງ​ຮ້ອງ ຕໍ່ສູ້​ປະຊາຊົນ​ຂອງ​ພຣະອົງ; ພຣະອົງ​ຈະ​ຮ້ອງ ດັ່ງ​ຄົນ​ຢຽບ​ໝາກອະງຸ່ນ​ເຮັດ​ເຫຼົ້າ.

ເອເຊກຽນ 10:5

ສຽງ​ປີກ​ຂອງ​ເຄຣຸບ​ທີ່​ກະທົບ​ກັນ​ໄດ້ຍິນ​ໄປຮອດ​ເດີ່ນ​ຂ້າງ​ນອກ. ສຽງ​ນັ້ນ​ດັງ​ກ້ອງສະໜັ່ນ​ເໝືອນ​ສຽງ​ຂອງ​ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່.

ໂຮເສອາ 11:10

ພວກເຂົາ​ຈະ​ຕິດຕາມ​ພຣະເຈົ້າຢາເວ​ໄປ ເມື່ອ​ເຮົາ​ຮ້ອງ​ຄຳຣາມ​ເໝືອນ​ສິງ ໃສ່​ສັດຕູ​ຂອງ​ພວກເຂົາ. ພວກເຂົາ​ຈະ​ຟ້າວ​ມາ​ຫາ​ເຮົາ​ຈາກ​ທິດ​ຕາເວັນຕົກ.

ໂຢເອນ 3:16

ພຣະເຈົ້າຢາເວ​ເປັ່ງ​ສຽງ​ຮ້ອງ​ຈາກ​ພູເຂົາ​ຊີໂອນ ສຽງ​ພຣະອົງ​ດັງ​ສະໜັ່ນ​ຈາກ​ນະຄອນ​ເຢຣູຊາເລັມ​ພຸ້ນ; ຈັກກະວານ ແລະ​ແຜ່ນດິນ​ໂລກ​ກໍ​ສັ່ນ​ສະທ້ານ​ຫວັ່ນໄຫວ ແຕ່​ພຣະເຈົ້າຢາເວ​ຈະ​ປ້ອງກັນ​ປະຊາຊົນ​ຂອງ​ພຣະອົງ​ໄວ້.

ອາໂມດ 1:2

ອາໂມດ​ໄດ້​ກ່າວ​ວ່າ, “ພຣະເຈົ້າຢາເວ​ສົ່ງ​ສຽງ​ກຶກກ້ອງ​ມາ​ຈາກ​ພູເຂົາ​ຊີໂອນ ຈາກ​ນະຄອນ​ເຢຣູຊາເລັມ​ສຽງ​ພຣະອົງ​ດັງ​ກ້ອງສະໜັ່ນ ສະນັ້ນ ທົ່ງຫຍ້າ​ຈຶ່ງ​ຫ່ຽວແຫ້ງ​ໄປ​ໝົດ ຫຍ້າຂຽວ​ເທິງ​ຈອມພູ​ກາເມນ​ລ່າເຫລືອງ​ໄປສິ້ນ.”

ອາໂມດ 3:8

ເມື່ອ​ໄດ້ຍິນ​ໂຕສິງ​ຮ້ອງ​ແຜດສຽງ​ຄຳຣາມ ຜູ້ໃດ​ເດ​ຈະ​ລະງັບ​ຄວາມ​ຢ້ານກົວ​ໄວ້​ໄດ້? ເມື່ອ​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ຈາ ຜູ້ໃດ​ແດ່​ຈະ​ກ້າ​ປະຕິເສດ​ຖ້ອຍຄຳ​ຂອງ​ພຣະອົງ​ໄດ້?

ພຣະນິມິດ 14:2

ແລ້ວ​ຂ້າພະເຈົ້າ​ກໍ​ໄດ້​ຍິນ​ສຽງ​ໜຶ່ງ​ຈາກ​ສະຫວັນ ດັງ​ເໝືອນ​ສຽງ​ນໍ້າ​ໄຫລ​ແຮງ ແລະ​ເໝືອນ​ສຽງ​ຟ້າຮ້ອງ​ກ້ອງສະໜັ່ນ ສຽງ​ນັ້ນ​ເໝືອນ​ສຽງ​ພິນ​ທີ່​ພວກ​ນັກດົນຕຼີ​ກຳລັງ​ບັນເລງ​ຢູ່.

ພຣະນິມິດ 15:1

ແລ້ວ​ຂ້າພະເຈົ້າ​ໄດ້​ເຫັນ​ໝາຍສຳຄັນ​ອັນ​ໃຫຍ່ຫລວງ ແລະ​ໜ້າ​ອັດສະຈັນ​ໃນ​ສະຫວັນ​ອີກ​ຢ່າງ​ໜຶ່ງ ຄື​ມີ​ເທວະດາ​ເຈັດ​ຕົນ​ຖື​ໄພ​ອັນຕະລາຍ​ເຈັດ​ຢ່າງ ເປັນ​ໄພ​ອັນຕະລາຍ​ຄັ້ງ​ສຸດທ້າຍ ເພາະວ່າ​ຄວາມ​ໂກດຮ້າຍ​ຂອງ​ພຣະເຈົ້າ​ກໍ​ເປັນ​ການ​ສິ້ນສຸດ​ລົງ.

ພຣະນິມິດ 15:7

ແລ້ວ​ກໍ​ມີ​ສິ່ງທີ່ມີ​ຊີວິດ​ຕົນ​ໜຶ່ງ​ໃນ​ສີ່​ຕົນ​ນັ້ນ ເອົາ​ຂັນ​ຄຳ​ເຈັດ​ໜ່ວຍ​ໃຫ້​ແກ່​ເທວະດາ​ເຈັດ​ຕົນ​ນັ້ນ ເປັນ​ຂັນ​ທີ່​ເຕັມ​ໄປ​ດ້ວຍ​ຄວາມ​ໂກດຮ້າຍ​ຂອງ​ພຣະເຈົ້າ ອົງ​ຊົງພຣະຊົນ​ຢູ່​ຊົ່ວ​ນິຣັນດອນ.

ພຣະນິມິດ 4:5

ຈາກ​ບັນລັງ​ນັ້ນ ມີ​ຟ້າ​ແມບເຫຼື້ອມ​ທັງ​ສຽງ​ຟ້າຮ້ອງ​ດັງ​ສະໜັ່ນ​ຢູ່​ບໍ່​ຂາດ. ຕໍ່ໜ້າ​ບັນລັງ​ນັ້ນ ມີ​ຕະກຽງ​ໄຕ້​ໄວ້​ຢູ່​ເຈັດ​ໜ່ວຍ ຄື​ວິນຍານ​ທັງ​ເຈັດ​ຂອງ​ພຣະເຈົ້າ.

ພຣະນິມິດ 8:5

ແລ້ວ​ເທວະດາ​ຕົນ​ນັ້ນ ໄດ້​ຖື​ໝໍ້​ໄປ​ເອົາ​ໄຟ​ຈາກ​ແທ່ນບູຊາ​ໃສ່​ຈົນ​ເຕັມ ແລ້ວ​ໂຍນ​ໝໍ້​ນັ້ນ ລົງ​ເທິງ​ແຜ່ນດິນ​ໂລກ ແລ້ວ​ກໍ​ເກີດ​ມີ​ຟ້າຮ້ອງ ສຽງ​ແຕກ​ສະໜັ່ນ ຟ້າ​ແມບເຫຼື້ອມ ແລະ​ແຜ່ນດິນ​ຫວັ່ນໄຫວ.