ເພງ^ສັນລະເສີນ 92:2 - ພຣະຄຳພີສັກສິ

² ໃນ​ທຸກໆເຊົ້າ​ຈະ​ໄດ້​ປະກາດ​ຄວາມຮັກ​ອັນ​ໝັ້ນຄົງ ແລະ​ທຸກໆ​ຄືນ​ຈະ​ໄດ້​ປະກາດ​ຄວາມສັດຊື່​ຂອງ​ພຣະເຈົ້າ

ເພງ^ສັນລະເສີນ 92:2 Jak'a apnaqawi uñst'ayäwi

1 ຂ່າວຄາວ 25:1

ກະສັດ​ດາວິດ​ແລະ​ບັນດາ​ຜູ້ນຳ​ຂອງ​ຊາວ​ເລວີ​ໄດ້​ເລືອກ​ຫົວໜ້າ​ຕະກຸນ ເພື່ອ​ໃຫ້​ນຳ​ການ​ນະມັດສະການ ມີ​ດັ່ງນີ້: ອາສັບ, ເຮມານ ແລະ​ເຢດູທູນ. ພວກເຂົາ​ປະກາດ​ຖ້ອຍຄຳ​ຂອງ​ພຣະເຈົ້າ ປະສົມ​ປະສານ​ກັບ​ການ​ບັນເລງ​ພິນ ແລະ​ຕົບແສ່ງ. ລາຍຊື່​ຂອງ​ບຸກຄົນ​ທີ່​ໄດ້​ຖືກ​ຄັດເລືອກ​ໃຫ້​ນຳ​ການ​ນະມັດສະການ ພ້ອມ​ກັບ​ໜ້າທີ່​ຂອງ​ແຕ່ລະ​ກຸ່ມ​ທີ່​ຕົນ​ສັງກັດ​ຢູ່​ມີ​ດັ່ງນີ້:

ພຣະທຳ​ໂຢບ 35:10

ແຕ່​ພວກເຂົາ​ບໍ່​ກັບ​ມາ​ຫາ​ພຣະເຈົ້າ ພຣະ​ຜູ້​ສ້າງ​ພວກເຂົາ ຜູ້​ທີ່​ໃຫ້​ຄວາມຫວັງ​ແກ່​ພວກເຂົາ ໃນ​ຍາມ​ມືດມົນ​ນັ້ນ.

ເພງ^ສັນລະເສີນ 101:1

ຂ້າແດ່​ພຣະເຈົ້າຢາເວ ຂ້ານ້ອຍ​ຈະ​ຮ້ອງເພງ​ເຖິງ​ຄວາມສັດຊື່ ແລະ​ຄວາມ​ເປັນທຳ​ຂອງ​ພຣະອົງ.

ເພງ^ສັນລະເສີນ 145:2

ຂ້ານ້ອຍ​ຈະ​ໂມທະນາ​ຂອບພຣະຄຸນ​ພຣະອົງ​ທຸກໆ​ວັນ ແລະ​ຈະ​ຍົກຍໍ​ພຣະອົງ​ສືບໆໄປ​ເປັນນິດ.

ເພງ^ສັນລະເສີນ 147:1

ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ. ການ​ຮ້ອງເພງ​ຍ້ອງຍໍ​ສັນລະເສີນ​ພຣະເຈົ້າ​ຂອງ​ພວກເຮົາ​ນັ້ນ​ເປັນ​ການດີ ການ​ຍ້ອງຍໍ​ສັນລະເສີນ​ພຣະອົງ​ເປັນ​ທີ່​ຍິນດີ​ແລະ​ຖືກຕ້ອງ.

ເພງ^ສັນລະເສີນ 42:8

ຂໍ​ພຣະເຈົ້າຢາເວ​ຊົງ​ໂຜດ​ສຳແດງ ຄວາມຮັກ​ອັນ​ໝັ້ນຄົງ​ຂອງ​ພຣະອົງ ໃນ​ເວລາ​ກາງເວັນ​ແກ່​ຂ້ານ້ອຍ​ດ້ວຍ ເພື່ອ​ຈະ​ໄດ້​ຮ້ອງເພງ​ເວລາ​ກາງຄືນ ຄື​ຄຳພາວັນນາ​ອະທິຖານ​ເຖິງ​ພຣະເຈົ້າ ທີ່​ຊົງ​ໃຫ້​ຊີວິດ​ແກ່​ຂ້ານ້ອຍ​ນັ້ນ.

ເພງ^ສັນລະເສີນ 71:15

ຂ້ານ້ອຍ​ຈະ​ກ່າວ​ເຖິງ​ພຣະຄຸນ​ຄວາມດີ ແລະ​ຈະ​ເວົ້າ​ເຖິງ​ຄວາມພົ້ນ​ຢູ່​ຕະຫລອດ​ວັນ ຄື​ຄວາມ​ຊ່ວຍ​ໃຫ້​ພົ້ນໄພ​ຂອງ​ພຣະອົງ ເຖິງ​ແມ່ນ​ວ່າ​ຂ້ານ້ອຍ​ບໍ່​ສາມາດ​ເຂົ້າໃຈ​ໄດ້​ທັງໝົດ​ກໍຕາມ.

ເພງ^ສັນລະເສີນ 77:2

ເມື່ອ​ຢູ່​ໃນ​ຄາວ​ລຳບາກ​ເດືອດຮ້ອນ​ຂັດສົນ ຂ້ານ້ອຍ​ກໍໄດ້​ພາວັນນາ​ອະທິຖານ​ຕໍ່​ອົງພຣະ​ຜູ້​ເປັນເຈົ້າ ຂ້ານ້ອຍ​ຍົກ​ມື​ຂຶ້ນ​ພາວັນນາ​ອະທິຖານ​ຫາ​ພຣະອົງ​ທັງຄືນ ແຕ່​ຄວາມ​ເລົ້າໂລມ​ໃຈ​ກໍ​ບໍ່​ເຫັນ​ມາ​ປານ​ນີ້.

ເພງ^ສັນລະເສີນ 9:3

ເມື່ອ​ພຣະອົງ​ມາ​ປາກົດ ເຫຼົ່າ​ສັດຕູ​ຂອງ​ຂ້ານ້ອຍ​ກໍ​ຖອຍໜີ​ໄປ, ພວກເຂົາ​ລົ້ມລົງ​ແລະ​ສູນຫາຍ​ຕາຍໄປ​ສິ້ນ.

ເອຊາຢາ 63:7

ເພາະ​ທຸກສິ່ງ​ທີ່​ພຣະເຈົ້າຢາເວ​ໄດ້​ເຮັດ​ເພື່ອ​ພວກເຮົາ ຂ້ອຍ​ຈະ​ຍ້ອງຍໍ​ສັນລະເສີນ​ພຣະເຈົ້າຢາເວ; ຂ້ອຍ​ຈະ​ບອກ​ເຖິງ​ຄວາມຮັກ​ອັນ​ໝັ້ນຄົງ​ຂອງ​ພຣະເຈົ້າຢາເວ ເພາະ​ພຣະອົງ​ໄດ້​ອວຍພອນ​ແກ່​ປະຊາຊົນ​ຢ່າງ​ບໍ່​ອັ້ນ ຄື​ປະຊາຊົນ​ອິດສະຣາເອນ ເພາະ​ຄວາມ​ເມດຕາ ແລະ​ຄວາມຮັກ​ອັນ​ໝັ້ນຄົງ​ຂອງ​ພຣະອົງ.

ໂຢຮັນ 1:17

ພຣະເຈົ້າ​ໄດ້​ໃຫ້​ກົດບັນຍັດ​ໂດຍ​ທາງ​ໂມເຊ ສ່ວນ​ພຣະຄຸນ​ແລະ​ຄວາມຈິງ​ນັ້ນ ໄດ້​ມາ​ໂດຍ​ທາງ​ພຣະເຢຊູ​ຄຣິດເຈົ້າ.

ກິດຈະການ 16:25

ປະມານ​ທ່ຽງ​ຄືນ ໂປໂລ​ແລະ​ຊີລາ ກໍ​ພາກັນ​ພາວັນນາ​ອະທິຖານ ຮ້ອງເພງ​ສັນລະເສີນ​ພຣະເຈົ້າ, ພວກ​ນັກໂທດ​ຄົນອື່ນໆ​ກໍ​ຟັງ​ທ່ານ​ທັງສອງ​ຢູ່.