ເພງ^ສັນລະເສີນ 81:5 - ພຣະຄຳພີສັກສິ

⁵ ພຣະອົງ​ໄດ້​ຕັ້ງ​ໃຫ້​ເປັນ​ຂໍ້ຄຳສັ່ງ​ຂອງ​ໂຢເຊັບ ເມື່ອ​ພຣະອົງ​ໄດ້​ໂຈມຕີ​ດິນແດນ​ຂອງ​ເອຢິບ​ນັ້ນ. ຂ້ອຍ​ໄດ້ຍິນ​ສຽງ​ໜຶ່ງ​ທີ່​ບໍ່ມີ​ຜູ້ໃດ​ຮູ້ຈັກ ສຽງ​ນັ້ນ​ໄດ້​ກ່າວ​ຈາ​ອອກ​ມາ​ດັ່ງນີ້:

ເພງ^ສັນລະເສີນ 81:5 Jak'a apnaqawi uñst'ayäwi

ເພງ^ສັນລະເສີນ 114:1

ເມື່ອ​ປະຊາຊົນ​ອິດສະຣາເອນ​ອອກ ມາ​ຈາກ​ເອຢິບ ເມື່ອ​ເຊື້ອສາຍ​ຢາໂຄບ ອອກ​ໜີ​ຈາກ​ດິນແດນ​ຄົນຕ່າງຊາດ.

ເພງ^ສັນລະເສີນ 77:15

ດ້ວຍ​ພຣະ​ກຳລັງ ພຣະອົງ​ໄດ້​ຊົງໄຖ່​ປະຊາຊົນ​ຂອງ​ພຣະອົງ ຄື​ບັນດາ​ເຊື້ອສາຍ​ຂອງ​ຢາໂຄບ​ແລະ​ຂອງ​ໂຢເຊັບ.

ເພງ^ສັນລະເສີນ 78:6

ເພື່ອ​ວ່າ​ເຊື້ອສາຍ​ຕໍ່ໆ​ມາ​ນັ້ນ​ຈະ​ໄດ້​ຮຽນຮູ້​ເອົາ ແລະ​ບອກ​ລູກຫລານ​ຕໍ່ໄປ​ຕາມ​ຜຽນ​ຂອງ​ເຂົາເຈົ້າ.

ອົບພະຍົບ 11:4

ແລ້ວ​ໂມເຊ​ກໍໄດ້​ກ່າວ​ຕໍ່​ກະສັດ​ຟາໂຣ​ວ່າ, “ພຣະເຈົ້າຢາເວ​ກ່າວ​ດັ່ງນີ້: ‘ໃນ​ຕອນ​ປະມານ​ທ່ຽງຄືນ ເຮົາ​ຈະ​ຜ່ານ​ໄປ​ທົ່ວ​ປະເທດ​ເອຢິບ

ອົບພະຍົບ 12:12

ໃນ​ຄືນ​ນັ້ນ ເຮົາ​ຈະ​ຜ່ານ​ດິນແດນ​ປະເທດ​ເອຢິບ​ໄປ ເພື່ອ​ຂ້າ​ລູກຊາຍກົກ​ຂອງ​ມະນຸດ ແລະ​ລູກ​ສັດ​ໂຕ​ເຖິກ​ຫົວປີ​ທຸກໆ​ໂຕ ແລະ​ເພື່ອ​ລົງໂທດ​ບັນດາ​ພະ​ທັງໝົດ​ຂອງ​ຊາວ​ເອຢິບ. ເຮົາ​ແມ່ນ​ພຣະເຈົ້າຢາເວ.

ອົບພະຍົບ 12:27

ໃຫ້​ພວກເຈົ້າ​ຕອບ​ວ່າ, ‘ແມ່ນ​ພິທີ​ສະຫລອງ​ປັດສະຄາ ເພື່ອ​ຖວາຍ​ແກ່​ພຣະເຈົ້າຢາເວ ເພາະວ່າ​ພຣະອົງ​ໄດ້​ຜ່ານ​ເວັ້ນ​ເຮືອນ​ຂອງ​ຊາວ​ອິດສະຣາເອນ​ຢູ່​ໃນ​ປະເທດ​ເອຢິບ. ພຣະອົງ​ໄດ້​ຂ້າ​ຊາວ​ເອຢິບ ແຕ່​ໄດ້​ໄວ້​ຊີວິດ​ພວກເຮົາ.”’ ຈາກ​ນັ້ນ ຊາວ​ອິດສະຣາເອນ​ກໍໄດ້​ພາກັນ​ຄຸເຂົ່າ​ລົງ​ແລະ​ນ້ອມ​ນະມັດສະການ.

ອົບພະຍົບ 12:29

ແລ້ວ​ໃນ​ຕອນ​ທ່ຽງຄືນ ພຣະເຈົ້າຢາເວ​ກໍໄດ້​ຂ້າ​ລູກຊາຍກົກ​ທັງໝົດ​ໃນ​ປະເທດ​ເອຢິບ ຕັ້ງແຕ່​ລູກຊາຍກົກ​ຂອງ​ກະສັດ​ຟາໂຣ​ຜູ້​ທີ່​ຈະ​ສືບ​ບັນລັງ ເຖິງ​ລູກຊາຍກົກ​ຂອງ​ນັກໂທດ​ຜູ້​ທີ່​ຖືກ​ຄຸມຂັງ​ຢູ່​ໃນ​ຄຸກ​ມືດ; ລູກ​ສັດ​ໂຕ​ເຖິກ​ຫົວປີ​ກໍໄດ້​ຖືກ​ຂ້າ​ຄື​ກັນ.

ເອຊາຢາ 28:11

ຖ້າ​ພວກເຈົ້າ​ບໍ່​ຍອມ​ຟັງ​ຂ້າພະເຈົ້າ ແລ້ວ​ພຣະເຈົ້າ​ກໍ​ຈະ​ໃຊ້​ພວກ​ຕ່າງຊາດ ທີ່​ເວົ້າ​ພາສາ​ອື່ນ​ມາ​ສັ່ງສອນ​ບົດຮຽນ​ໃຫ້.

ເຢເຣມີຢາ 5:15

ພຣະເຈົ້າຢາເວ​ກ່າວ​ດັ່ງນີ້​ວ່າ, “ປະຊາຊົນ​ອິດສະຣາເອນ​ເອີຍ ເຮົາ​ກຳລັງ​ນຳ​ເອົາ​ຊົນຊາດ​ໜຶ່ງ​ຈາກ​ທີ່​ຫ່າງໄກ​ມາ​ໂຈມຕີ​ພວກເຈົ້າ. ເປັນ​ຊົນຊາດ​ທີ່​ເຂັ້ມແຂງ ແລະ​ແຕ່ດຶກດຳ​ບັນ ເປັນ​ຊົນຊາດ​ໜຶ່ງ​ທີ່​ພວກເຈົ້າ​ບໍ່​ຮູ້ຈັກ​ພາສາ.

ເອເຊກຽນ 20:20

ຈົ່ງ​ເຮັດ​ໃຫ້​ວັນ​ຊະບາໂຕ​ເປັນ​ວັນ​ສັກສິດ ເພື່ອ​ວ່າ​ວັນ​ນັ້ນ​ຈະ​ເປັນ​ໝາຍສຳຄັນ​ແຫ່ງ​ພັນທະສັນຍາ​ທີ່​ສອງ​ຝ່າຍ​ໄດ້​ເຮັດ​ຕໍ່ກັນ ແລະ​ວັນ​ນັ້ນ​ຈະ​ເຕືອນ​ພວກເຈົ້າ​ວ່າ ເຮົາ​ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ.

ອາໂມດ 6:6

ພວກເຈົ້າ​ໃຊ້​ຈອກ​ໃຫຍ່​ດື່ມ​ເຫຼົ້າ​ອະງຸ່ນ ແລະ​ທາ​ນໍ້າຫອມ​ຢ່າງດີ; ແຕ່​ພວກເຈົ້າ​ບໍ່ໄດ້​ໄວ້ທຸກ​ໃຫ້​ແກ່​ອານາຈັກ​ອິດສະຣາເອນ ທີ່​ຢູ່​ໃນ​ສະພາບ​ຮົກຮ້າງ​ເພພັງ.

ພຣະບັນຍັດສອງ 28:49

ພຣະເຈົ້າຢາເວ​ຈະ​ນຳ​ຊົນຊາດ​ທີ່​ຢູ່​ສຸດປາຍ​ແຜ່ນດິນ​ໂລກ ຊຶ່ງ​ພວກເຈົ້າ​ບໍ່​ຮູ້ຈັກ​ພາສາ ມາ​ຕໍ່ສູ້​ພວກເຈົ້າ. ພວກເຂົາ​ຈະ​ບຸກ​ຖະຫຼົ່ມ​ໂຈມຕີ​ພວກເຈົ້າ ເໝືອນ​ດັ່ງ​ນົກອິນຊີ​ບິນ​ລົງ​ຈັບ​ເຫຍື່ອ.

ພຣະບັນຍັດສອງ 4:45

ແມ່ນ​ຫລັງຈາກ​ທີ່​ພວກເຂົາ​ໄດ້​ອອກ​ມາ​ຈາກ​ປະເທດ​ເອຢິບ ແລະ​ຢູ່​ໃນ​ຮ່ອມພູ​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ ກົງກັນຂ້າມ​ກັບ​ເມືອງ​ເບັດເປອໍ ທີ່​ເພິ່ນ​ໄດ້​ມອບ​ກົດບັນຍັດ​ເຫຼົ່ານີ້​ໃຫ້​ພວກເຂົາ. ເມືອງ​ເບັດເປອໍ​ນີ້​ຢູ່​ໃນ​ເຂດແດນ​ຂອງ​ເຈົ້າ​ສີໂຫນ ກະສັດ​ຂອງ​ຊາວ​ອາໂມ ຜູ້​ທີ່​ໄດ້​ປົກຄອງ​ຢູ່​ໃນ​ນະຄອນ​ເຮັດຊະໂບນ. ໂມເຊ​ກັບ​ປະຊາຊົນ​ອິດສະຣາເອນ​ໄດ້​ຊະນະ​ເພິ່ນ ເມື່ອ​ພວກເຂົາ​ອອກ​ມາ​ຈາກ​ປະເທດ​ເອຢິບ.