ເພງ^ສັນລະເສີນ 8:5 - ພຣະຄຳພີສັກສິ

⁵ ແຕ່​ພຣະອົງ​ໄດ້​ສ້າງ​ພວກເຂົາ​ໃຫ້​ຕໍ່າກວ່າ​ພຣະເຈົ້າ​ໜ້ອຍດຽວ ມີ​ຖານະ​ຮອງ​ຈາກ​ພຣະອົງ ພຣະອົງ​ໄດ້​ສວມ​ມົງກຸດ​ອັນ​ມີ​ກຽດຕິຍົດ ແລະ​ສະຫງ່າຣາສີ​ໃຫ້​ພວກເຂົາ​ດ້ວຍ.

ເພງ^ສັນລະເສີນ 8:5 Jak'a apnaqawi uñst'ayäwi

ປະຖົມມະການ 2:7

ແລ້ວ​ພຣະເຈົ້າຢາເວ​ພຣະເຈົ້າ​ກໍ​ເອົາ​ຂີ້ດິນ​ແຕ່​ພື້ນດິນ ມາ​ປັ້ນ​ເປັນ​ຊາຍ ແລະ​ເປົ່າ​ລົມຫາຍໃຈ​ໃສ່​ຮູ​ດັງ​ຂອງ​ຊາຍ​ທີ່​ຖືກ​ປັ້ນ​ຂຶ້ນ​ມາ​ນັ້ນ​ໃຫ້​ມີ​ຊີວິດ ແລະ​ຊາຍ​ທີ່​ຖືກ​ປັ້ນ​ນັ້ນ​ກໍໄດ້​ເລີ່ມ​ມີ​ຊີວິດ.

2 ຊາມູເອນ 14:29

ແລ້ວ​ອັບຊາໂລມ​ກໍ​ສົ່ງ​ຄົນ​ໄປ​ຫາ​ໂຢອາບ​ເພື່ອ​ໃຫ້​ລາວ​ໄປ​ພົບ​ກະສັດ​ໃຫ້​ຕົນ ແຕ່​ໂຢອາບ​ບໍ່​ຍອມ​ມາ. ອັບຊາໂລມ​ຈຶ່ງ​ສົ່ງ​ຄົນ​ໄປ​ຫາ​ໂຢອາບ​ເທື່ອ​ທີ​ສອງ​ອີກ ແຕ່​ໂຢອາບ​ກໍ​ຍັງ​ບໍ່​ຍອມ​ມາ​ອີກ.

ພຣະທຳ​ໂຢບ 7:17

ເປັນຫຍັງ​ມະນຸດ​ຈຶ່ງ​ສຳຄັນ​ຕໍ່​ພຣະອົງ​ແທ້ນໍ? ເປັນຫຍັງ​ຈຶ່ງ​ເອົາໃຈໃສ່​ຕໍ່​ສິ່ງ​ທີ່​ພວກເຂົາ​ເຮັດ​ນັ້ນ?

ເພງ^ສັນລະເສີນ 103:20

ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ​ເຖີດ ພວກ​ເທວະດາ​ຜູ້​ແຂງແຮງ​ແລະ​ມີ​ຣິດອຳນາດ​ຍິ່ງໃຫຍ່​ເອີຍ ຄື​ຜູ້​ທີ່​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ ຜູ້​ທີ່​ຍອມ​ຟັງ​ສິ່ງ​ທີ່​ພຣະອົງ​ຊົງ​ກ່າວ.

ເພງ^ສັນລະເສີນ 103:4

ພຣະອົງ​ຮັກສາ​ຂ້ານ້ອຍ​ໄວ້​ຈາກ​ຂຸມຝັງສົບ ທັງ​ອວຍພອນ​ດ້ວຍ​ຄວາມຮັກ​ແລະ​ຄວາມ​ເມດຕາ.

ເພງ^ສັນລະເສີນ 144:3

ຂ້າແດ່​ພຣະເຈົ້າຢາເວ ມະນຸດ​ແມ່ນ​ຜູ້ໃດ​ທີ່​ພຣະອົງ​ຕ້ອງ​ເອົາໃຈໃສ່​ ມະນຸດ​ທຳມະດາ​ເປັນຫຍັງ​ພຣະອົງ​ຈຶ່ງ​ເອົາໃຈໃສ່​ພວກເຂົາ?

ເພງ^ສັນລະເສີນ 45:6

ອານາຈັກ​ທີ່​ພຣະເຈົ້າ​ມອບ​ໃຫ້​ທ່ານ ຈະ​ຄົງ​ຢູ່​ສືບໄປ ທ່ານ​ຈະ​ປົກຄອງ​ດ້ວຍ​ຄວາມ​ຍຸດຕິທຳ​ອັນ​ຍິ່ງໃຫຍ່.

ເອເຟໂຊ 1:21

ສູງ​ກວ່າ​ບັນດາ​ວິນຍານ​ທີ່​ຄອບຄອງ, ຜູ້​ມີ​ອຳນາດ, ຜູ້​ມີ​ຣິດເດດ, ຜູ້​ມີ​ອານຸພາບ ແລະ​ເໜືອ​ກວ່າ​ນາມຊື່​ທັງປວງ​ທີ່​ເຂົາ​ເອີ່ຍ​ຂຶ້ນ ບໍ່ແມ່ນ​ໃນ​ສະໄໝ​ນີ້​ເທົ່ານັ້ນ ແຕ່​ວ່າ​ໃນ​ສະໄໝ​ທີ່​ຈະ​ມາ​ເຖິງ​ດ້ວຍ.

ເຮັບເຣີ 2:16

ເປັນ​ສິ່ງ​ຈະແຈ້ງ​ວ່າ ພຣະອົງ​ບໍ່ໄດ້​ຊົງ​ເປັນຫ່ວງ​ນຳ​ຝູງ​ເທວະດາ ແຕ່​ພຣະອົງ​ໄດ້​ເປັນຫ່ວງ​ນຳ​ເຊື້ອສາຍ​ຂອງ​ອັບຣາຮາມ.

ເຮັບເຣີ 2:7

ພຣະອົງ​ຊົງ​ເຮັດ​ໃຫ້​ມະນຸດ​ຕໍ່າ​ກວ່າ ເທວະດາ​ພຽງ​ໜ້ອຍ​ໜຶ່ງ​ເທົ່ານັ້ນ ຊົງ​ເອົາ​ສະຫງ່າຣາສີ ແລະ​ກຽດຕິຍົດ​ເປັນ​ມົງກຸດ​ໃຫ້

ເຮັບເຣີ 2:9

ແຕ່​ພວກເຮົາ​ກໍ​ເຫັນ​ພຣະເຢຊູເຈົ້າ ຜູ້​ທີ່​ຖືກ​ເຮັດ​ໃຫ້​ຕໍ່າ​ກວ່າ​ເທວະດາ​ພຽງ​ຊົ່ວຄາວ​ນັ້ນ ຊົງ​ໄດ້​ຮັບ​ພຣະ​ສະຫງ່າຣາສີ ແລະ​ພຣະ​ກຽດຕິຍົດ​ເປັນ​ມົງກຸດ ເພາະ​ທີ່​ພຣະອົງ​ຊົງ​ຍອມ​ຕາຍ​ດ້ວຍ​ຄວາມ​ທໍລະມານ ໂດຍ​ພຣະຄຸນ​ຂອງ​ພຣະເຈົ້າ ພຣະອົງ​ຈຶ່ງ​ໄດ້​ຊົງ​ຊີມ​ຣົດ​ຄວາມ​ຕາຍ​ແທນ​ມະນຸດ​ທຸກຄົນ.