ເພງ^ສັນລະເສີນ 8:2 - ພຣະຄຳພີສັກສິ

² ພຣະອົງ​ໃຫ້​ປາກ​ຂອງ​ເດັກນ້ອຍ​ແລະ​ເດັກອ່ອນ​ທັງຫລາຍ​ສົ່ງ​ສຽງ​ສັນລະເສີນ. ເພື່ອ​ເຮັດ​ໃຫ້​ພວກ​ສັດຕູ​ຂອງ​ພຣະອົງ ແລະ​ພວກ​ທີ່​ກະທຳ​ການ​ແກ້ແຄ້ນ ມິດງຽບ​ໄປ.

ເພງ^ສັນລະເສີນ 8:2 Jak'a apnaqawi uñst'ayäwi

ເພງ^ສັນລະເສີນ 148:13

ຂໍ​ໃຫ້​ສິ່ງ​ທັງໝົດ​ເຫຼົ່ານີ້ ຈົ່ງ​ຍ້ອງຍໍ​ສັນລະເສີນ​ພຣະນາມ​ຂອງ​ພຣະເຈົ້າຢາເວ ເພາະ​ພຣະນາມ​ຂອງ​ພຣະອົງ​ຍິ່ງໃຫຍ່​ກວ່າ​ນາມ​ໃດໆ​ທັງສິ້ນ. ສະຫງ່າຣາສີ​ຂອງ​ພຣະອົງ​ສູງສົ່ງ​ເໜືອ​ແຜ່ນດິນ​ໂລກ ແລະ​ທັງ​ຢູ່​ເໜືອ​ຟ້າ​ສະຫວັນ.

ເພງ^ສັນລະເສີນ 4:4

ເຈົ້າ​ຈະ​ຮ້າຍ​ກໍ​ຮ້າຍ​ໄດ້ ແຕ່​ຢ່າ​ເຮັດ​ບາບ ຈົ່ງ​ຄິດເຖິງ​ເລື່ອງ​ນີ້​ໃຫ້​ເລິກເຊິ່ງ ເມື່ອ​ເຈົ້າ​ນອນ​ຢູ່​ເທິງ​ຕຽງ​ຢ່າງ​ມິດງຽບ.

ເພງ^ສັນລະເສີນ 44:16

ກໍ​ຍ້ອນ​ໄດ້ຍິນ​ຄຳເຍາະເຍີ້ຍ ຄຳ​ດູຖູກ​ນິນທາ ຈາກ​ສັດຕູ​ແລະ​ຄົນ​ທີ່​ກຽດຊັງ​ຂ້ານ້ອຍ​ນັ້ນ.

ເພງ^ສັນລະເສີນ 46:10

ພຣະອົງ​ຊົງ​ກ່າວ​ວ່າ, “ຈົ່ງ​ງຽບສະຫງົບ​ຢູ່ ແລະ​ຈົ່ງ​ຮູ້​ເຖີດ​ວ່າ​ເຮົາ​ຄື​ພຣະເຈົ້າ ເຮົາ​ເປັນ​ທີ່​ຍົກຍໍ​ໃນ​ທ່າມກາງ​ບັນດາ​ປະຊາຊາດ ເຮົາ​ເປັນ​ທີ່​ຍົກຍໍ​ເທິງ​ແຜ່ນດິນ​ໂລກ.”

ເພງ^ສັນລະເສີນ 57:6

ສັດຕູ​ໄດ້​ກາງ​ຕາໜ່າງ​ເພື່ອ​ຈັບ​ຂ້ານ້ອຍ​ໄປ ຂ້ານ້ອຍ​ຈຶ່ງ​ໝູບ​ລົງ​ເປັນທຸກໃຈ​ຫຼາຍ. ພວກເຂົາ​ຂຸດ​ຫລຸມ​ໃສ່​ທາງ​ທີ່​ຂ້ານ້ອຍ​ໄປ ແຕ່​ແມ່ນ​ພວກເຂົາ​ເອງ​ທີ່​ຕົກ​ໃນ​ຫລຸມ​ນັ້ນ.

ອົບພະຍົບ 11:7

ແຕ່​ໃນ​ໝູ່​ບ້ານ​ຂອງ​ຊາວ​ອິດສະຣາເອນ ແມ່ນແຕ່​ສຽງ​ໝາ​ເຫົ່າ​ຄົນ​ແລະ​ສັດ​ກໍ​ຈະ​ບໍ່ມີ. ແລ້ວ​ເຈົ້າ​ກໍ​ຈະ​ຮູ້​ວ່າ​ພຣະເຈົ້າຢາເວ​ໄດ້​ໃຫ້​ມີ​ຄວາມ​ແຕກຕ່າງ​ກັນ ລະຫວ່າງ​ຊາວ​ເອຢິບ​ແລະ​ຊາວ​ອິດສະຣາເອນ.’

ອົບພະຍົບ 15:16

ຂ້າແດ່​ພຣະເຈົ້າຢາເວ ພວກເຂົາ​ເສຍຂວັນ​ແລະ​ຢ້ານກົວ​ໃຫຍ່ ເມື່ອ​ພວກເຂົາ​ເຫັນ​ພຣະ​ເດຊານຸພາບ; ພວກເຂົາ​ຢືນ​ຢ່າງ​ສິ້ນ​ທ່າ​ດ້ວຍ​ຄວາມ​ຢ້ານກົວ ຈົນກວ່າ​ປະຊາຊົນ​ຂອງ​ພຣະອົງ​ຜ່ານ​ໄປ​ໄດ້; ຄື​ປະຊາຊົນ​ທີ່​ພຣະອົງ​ປົດປ່ອຍ​ໃຫ້​ມີ​ອິດສະຫລະ​ເສລີ ຈາກ​ການ​ເປັນ​ທາດຮັບໃຊ້.

ເອຊາຢາ 40:31

ແຕ່​ພວກ​ທີ່​ລໍຄອຍ​ໄວ້ວາງໃຈ​ໃນ​ພຣະເຈົ້າຢາເວ ຈະ​ໄດ້​ຮັບ​ການ​ເສີມກຳລັງ​ເຮື່ອແຮງ​ຂຶ້ນ​ໃໝ່ ພວກເຂົາ​ຈະ​ບິນ​ຂຶ້ນ​ດ້ວຍ​ປິກ​ດັ່ງ​ນົກອິນຊີ​ບິນ​ໄປ; ພວກເຂົາ​ຈະ​ແລ່ນ​ໄດ້​ແລະ​ບໍ່​ອິດເມື່ອຍ​ອ່ອນແຮງ, ພວກເຂົາ​ຈະ​ຍ່າງ​ໄປ ແລະ​ບໍ່​ອ່ອນເພຍ​ລົງ​ອີກ.

ເອຊາຢາ 6:3

ເສຣາຟິມ​ເຫຼົ່ານີ້​ເອີ້ນ​ໃສ່​ກັນແລະກັນ​ວ່າ, “ບໍຣິສຸດ ບໍຣິສຸດ ບໍຣິສຸດ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ຊົງ​ບໍຣິສຸດ ພຣະ​ສະຫງ່າຣາສີ​ກໍ​ແຜ່​ກະຈາຍ​ໄປ​ທົ່ວໂລກ.”

ອາໂມດ 5:9

ພຣະອົງ​ນຳ​ກຳລັງ​ການທຳລາຍ​ມາ​ສູ່​ຜູ້​ມີ​ກຳລັງ ແລະ​ສະພາບ​ຮົກຮ້າງ​ເພພັງ​ມາ​ສູ່​ເມືອງ​ມີ​ທີ່​ໝັ້ນ.

ຮາບາກຸກ 2:20

ແຕ່​ພຣະເຈົ້າຢາເວ​ສະຖິດ​ຢູ່​ໃນ​ພຣະວິຫານ​ອັນ​ສັກສິດ; ຈົ່ງ​ໃຫ້​ມະນຸດ​ທຸກໆຄົນ​ຢູ່​ທີ່​ເທິງ​ແຜ່ນດິນ​ໂລກ​ນີ້ ມິດງຽບ​ຢູ່​ຊ້ອງໜ້າ​ພຣະອົງ​ເທີ້ນ.

ມັດທາຍ 11:25

ໃນ​ເວລາ​ນັ້ນ ພຣະເຢຊູເຈົ້າ​ໄດ້​ກາບ​ທູນ​ວ່າ, “ຂ້າແດ່​ພຣະບິດາເຈົ້າ ຜູ້​ເປັນ​ເຈົ້າ​ຂອງ​ສະຫວັນ​ແລະ​ແຜ່ນດິນ​ໂລກ ຂ້ານ້ອຍ​ຂໍ​ສັນລະເສີນ​ພຣະອົງ ທີ່​ພຣະອົງ​ໄດ້​ປິດບັງ​ສິ່ງ​ເຫຼົ່ານີ້​ໄວ້​ຈາກ​ຜູ້​ສະຫລາດ ແລະ​ຜູ້​ມີ​ສະຕິປັນຍາ, ແຕ່​ຊົງ​ເປີດເຜີຍ​ແກ່​ຜູ້​ທີ່​ບໍ່ໄດ້​ຮຽນຮູ້.

ມັດທາຍ 21:16

ດັ່ງນັ້ນ ພວກເຂົາ​ຈຶ່ງ​ຖາມ​ພຣະອົງ​ວ່າ, “ເຈົ້າ​ໄດ້ຍິນ​ຄຳ​ທີ່​ພວກເຂົາ​ກຳລັງ​ຮ້ອງ​ນັ້ນ​ບໍ?” ພຣະເຢຊູເຈົ້າ​ຕອບ​ພວກເຂົາ​ວ່າ, “ໄດ້ຍິນ​ແລ້ວ ພວກເຈົ້າ​ບໍ່ເຄີຍ​ອ່ານ​ຈັກເທື່ອ​ບໍ​ໃນ​ຄຳ​ທີ່​ວ່າ, ‘ພຣະອົງ​ຊົງ​ຈັດ​ໃຫ້​ຄຳ​ສັນລະເສີນ​ອັນ​ແທ້ຈິງ ອອກ​ມາ​ຈາກ​ປາກ​ຂອງ​ເດັກນ້ອຍ​ອ່ອນ ແລະ​ຜູ້​ທີ່​ຍັງ​ກິນ​ນໍ້ານົມ​ຢູ່.”’

ລູກາ 10:21

ໃນ​ເວລາ​ໂມງ​ນັ້ນ ພຣະເຢຊູເຈົ້າ​ຊົງ​ມີ​ຄວາມ​ຊື່ນຊົມ​ຍີນດີ ດ້ວຍ​ພຣະວິນຍານ​ບໍຣິສຸດເຈົ້າ ຈຶ່ງ​ຊົງ​ກ່າວ​ວ່າ, “ຂ້າແດ່​ພຣະບິດາເຈົ້າ ອົງ​ເປັນ​ອົງພຣະ​ຜູ້​ເປັນເຈົ້າ​ຂອງ​ສະຫວັນ ແລະ​ແຜ່ນດິນ​ໂລກ, ຂ້ານ້ອຍ​ສັນລະເສີນ​ພຣະອົງ ເພາະ​ພຣະອົງ​ໄດ້​ຊົງ​ປົກບັງ​ສິ່ງ​ເຫຼົ່ານີ້​ໄວ້ ຈາກ​ຜູ້​ມີ​ປັນຍາ ແລະ​ຜູ້​ສະຫລາດ, ແຕ່​ໄດ້​ຊົງ​ສຳແດງ​ໃຫ້​ແກ່​ພວກ​ເດັກນ້ອຍ​ຮູ້ ຂ້າແດ່​ພຣະບິດາເຈົ້າ ພຣະອົງ​ຊົງ​ເຫັນ​ຊອບ​ດັ່ງນັ້ນ.”

1 ໂກຣິນໂທ 1:27

ແຕ່​ພຣະເຈົ້າ​ໄດ້​ຊົງ​ເລືອກ​ເອົາ​ສິ່ງ​ທີ່​ມະນຸດ​ຖື​ວ່າ​ໂງ່ ເພື່ອ​ໃຫ້​ຄົນ​ສະຫລາດ​ຖືກ​ອັບອາຍ ແລະ​ພຣະອົງ​ໄດ້​ຊົງ​ເລືອກ​ເອົາ​ສິ່ງ​ທີ່​ມະນຸດ​ຖື​ວ່າ​ອ່ອນ​ກຳລັງ ເພື່ອ​ໃຫ້​ຄົນ​ທີ່​ມີ​ກຳລັງ​ຖືກ​ອັບອາຍ.

1 ຊາມູເອນ 2:9

ພຣະອົງ​ຄຸ້ມຄອງ​ຊີວິດ​ຄົນ​ທີ່​ສັດຊື່​ຕໍ່​ພຣະອົງ ສ່ວນ​ຄົນຊົ່ວຮ້າຍ​ຈະ​ຖືກ​ດັບສູນ​ໃນ​ທີ່​ມືດ; ມະນຸດ​ບໍ່​ຫ່ອນ​ໄຊຊະນະ​ໄດ້​ດ້ວຍ​ກຳລັງ ຄື​ໂດຍ​ກຳລັງ​ຂອງ​ຕົນເອງ​ທີ່​ມີ​ຢູ່​ນັ້ນ.