ເພງ^ສັນລະເສີນ 71:3 - ພຣະຄຳພີສັກສິ

³ ໂຜດ​ເປັນ​ບ່ອນ​ລີ້​ອັນ​ປອດໄພ​ສຳລັບ​ຂ້ານ້ອຍ ແລະ​ໂຜດ​ເປັນ​ປ້ອມ ອັນ​ໝັ້ນຄົງ ເພື່ອ​ຄຸ້ມຄອງ​ຂ້ານ້ອຍ ເພາະ​ພຣະອົງ​ເປັນ​ທີ່​ເພິ່ງ ແລະ​ທີ່​ປ້ອງກັນ​ຂອງ​ຂ້ານ້ອຍ.

ເພງ^ສັນລະເສີນ 71:3 Jak'a apnaqawi uñst'ayäwi

ເພງ^ສັນລະເສີນ 144:2

ພຣະອົງ​ເປັນ​ຜູ້​ປົກປ້ອງ ແລະ​ຜູ້​ຄຸ້ມຄອງ​ຂ້ານ້ອຍ ເປັນ​ຜູ້​ຊ່ວຍ​ໃຫ້​ພົ້ນໄພ ແລະ​ເປັນ​ທີ່​ກຳບັງ​ດ້ວຍ. ຂ້ານ້ອຍ​ປອດໄພ​ໄດ້​ໂດຍ​ໄວ້ວາງໃຈ​ໃນ​ພຣະອົງ ແລະ​ປາບ​ຊົນຊາດ​ທັງຫລາຍ​ໃຫ້​ຢູ່​ໃຕ້​ອຳນາດ​ຂອງ​ພຣະອົງ.

ເພງ^ສັນລະເສີນ 18:2

ພຣະເຈົ້າຢາເວ​ເປັນ​ຫີນດານ​ຂອງ​ຂ້ານ້ອຍ ເປັນ​ປ້ອມ​ອັນ​ແໜ້ນໜາ​ຂອງ​ຂ້ານ້ອຍ​ດ້ວຍ. ພຣະເຈົ້າ​ເປັນ​ຫີນ​ສີລາ​ທັງ​ເປັນ​ທີ່​ລີ້ໄພ​ຂອງ​ຂ້ານ້ອຍ ແລະ​ຂ້ານ້ອຍ​ກໍ​ພົບ​ຄວາມ​ປອດໄພ​ໃນ​ພຣະອົງ ດັ່ງ​ໂລ້​ຕ້ານທານ​ນັ້ນ​ພຣະອົງ​ປົກປ້ອງ​ຂ້ານ້ອຍ ຄຸ້ມຄອງ​ຮັກສາ​ຂ້ານ້ອຍ​ໃຫ້​ປອດໄພ​ໄດ້.

ເພງ^ສັນລະເສີນ 18:3

ຂ້ານ້ອຍ​ຮ້ອງ​ຫາ​ພຣະເຈົ້າຢາເວ ຜູ້​ສົມຄວນ​ແກ່​ການ​ສັນລະເສີນ ແລະ​ພຣະອົງ​ກໍ​ຊ່ວຍ​ຂ້ານ້ອຍ​ໃຫ້​ພົ້ນໄພ ຈາກ​ສັດຕູ​ໝູ່ມານ.

ເພງ^ສັນລະເສີນ 42:8

ຂໍ​ພຣະເຈົ້າຢາເວ​ຊົງ​ໂຜດ​ສຳແດງ ຄວາມຮັກ​ອັນ​ໝັ້ນຄົງ​ຂອງ​ພຣະອົງ ໃນ​ເວລາ​ກາງເວັນ​ແກ່​ຂ້ານ້ອຍ​ດ້ວຍ ເພື່ອ​ຈະ​ໄດ້​ຮ້ອງເພງ​ເວລາ​ກາງຄືນ ຄື​ຄຳພາວັນນາ​ອະທິຖານ​ເຖິງ​ພຣະເຈົ້າ ທີ່​ຊົງ​ໃຫ້​ຊີວິດ​ແກ່​ຂ້ານ້ອຍ​ນັ້ນ.

ເພງ^ສັນລະເສີນ 44:4

ພຣະອົງ​ເປັນ​ກະສັດ​ຂອງ​ຂ້ານ້ອຍ ແລະ​ເປັນ​ພຣະເຈົ້າ​ຂອງ​ຂ້ານ້ອຍ ຈຶ່ງ​ໃຫ້ ຄວາມມີໄຊ​ແກ່​ປະຊາຊົນ​ຂອງ​ພຣະອົງ​ດ້ວຍ

ເພງ^ສັນລະເສີນ 68:28

ຂ້າແດ່​ພຣະເຈົ້າ ຂໍ​ຊົງ​ໂຜດ​ສຳແດງ​ຣິດອຳນາດ​ຂອງ​ພຣະອົງ; ຂ້າແດ່​ພຣະເຈົ້າ ດັ່ງ​ທີ່​ພຣະອົງ​ເຄີຍ​ກະທຳ​ເພື່ອ​ນຳພາ​ພວກ​ຂ້ານ້ອຍ​ນັ້ນ.

ເພງ^ສັນລະເສີນ 89:27

ເຮົາ​ຈະ​ເຮັດ​ໃຫ້​ລາວ​ເປັນ​ລູກຊາຍກົກ​ຂອງເຮົາ ເປັນ​ຜູ້​ຍິ່ງໃຫຍ່​ກວ່າ​ບັນດາ​ກະສັດ​ທັງ​ສິ້ນ.

ເພງ^ສັນລະເສີນ 90:1

ຂ້າແດ່​ອົງພຣະ​ຜູ້​ເປັນເຈົ້າ ພຣະອົງ​ເປັນ​ທີ່ເພິ່ງ ຂອງ​ພວກ​ຂ້ານ້ອຍ​ຕະຫລອດໄປ.

ເພງ^ສັນລະເສີນ 91:9

ເຈົ້າ​ໄດ້​ຮັບ​ເອົາ​ພຣະເຈົ້າຢາເວ​ເປັນ​ຜູ້​ປ້ອງກັນ​ຂອງເຈົ້າ ຄື​ຮັບ​ເອົາ​ພຣະເຈົ້າ​ອົງ​ສູງສຸດ​ເປັນ​ຜູ້​ຄຸ້ມຄອງ​ເຈົ້າ.

ສຸພາສິດ 18:10

ພຣະນາມ​ຂອງ​ພຣະເຈົ້າຢາເວ​ເປັນ​ດັ່ງ​ປ້ອມ​ທີ່​ເຂັ້ມແຂງ ຄື​ບ່ອນ​ທີ່​ຄົນ​ຊອບທຳ​ໄປ​ຢູ່​ຢ່າງ​ປອດໄພ​ໄດ້.

ເອຊາຢາ 33:16

ແລ້ວ​ພວກເຈົ້າ​ກໍ​ຈະ​ປອດໄພ; ພວກເຈົ້າ​ຈະ​ໝັ້ນຄົງ​ດັ່ງ​ຢູ່​ໃນ​ປ້ອມ​ປ້ອງກັນ​ອັນ​ເຂັ້ມແຂງ. ພວກເຈົ້າ​ຈະມີ​ອາຫານ​ກິນ ແລະ​ຈະ​ມີ​ນໍ້າ​ດື່ມ.

ເອເຊກຽນ 9:6

ຈົ່ງ​ຂ້າ​ຄົນ​ເຖົ້າ, ຊາຍໜຸ່ມ, ຍິງ​ໜຸ່ມ, ບັນດາ​ແມ່ ແລະ​ພວກ​ເດັກນ້ອຍ. ແຕ່​ຢ່າ​ແຕະຕ້ອງ​ຜູ້ໃດ​ທີ່​ມີ​ເຄື່ອງໝາຍ​ທີ່​ໜ້າຜາກ. ຈົ່ງ​ເລີ່ມ​ແຕ່​ພຣະວິຫານ​ຂອງເຮົາ​ໄປ.” ສະນັ້ນ ພວກເຂົາ​ຈຶ່ງ​ໄດ້​ເລີ່ມ​ສັງຫານ​ບັນດາ​ຜູ້ປົກຄອງ​ທີ່​ກຳລັງ​ຢືນ​ຢູ່​ໃນ​ພຣະວິຫານ.

ພຣະບັນຍັດສອງ 33:27

ພຣະເຈົ້າ​ຄຸ້ມຄອງ​ໄດ້​ຢູ່​ບໍ່​ຂາດ​ຕະຫລອດໄປ ອູ້ມ​ຊູ​ເຈົ້າ​ສືບ​ໄປ​ດ້ວຍ​ແຂນ​ອັນ​ຊົງ​ຣິດອຳນາດ ພຣະອົງ​ໄດ້​ໄລ່​ສັດຕູ​ອອກ​ເມື່ອ​ເຈົ້າ​ບຸກລຸກ​ເຂົ້າ​ໄປ ແລະ​ບອກ​ເຈົ້າ​ໃຫ້​ທຳລາຍ​ພວກເຂົາ​ຈົນ​ດັບ​ສິ້ນ.