ເພງ^ສັນລະເສີນ 7:8 - ພຣະຄຳພີສັກສິ

⁸ ໂອ ຂ້າແດ່​ພຣະເຈົ້າຢາເວ​ເອີຍ ພຣະອົງ​ເປັນ​ຜູ້ຕັດສິນ​ມະນຸດສະໂລກ​ທຸກຄົນ. ພຣະເຈົ້າຢາເວ ຂໍ​ຊົງ​ໂຜດ​ຕັດສິນ​ເຂົ້າຂ້າງ​ຂ້ານ້ອຍ​ດ້ວຍ ເພາະ​ຮູ້​ວ່າ​ຂ້ານ້ອຍ​ບໍ່ໄດ້​ເຮັດ​ຜິດ​ຫຍັງ.

ເພງ^ສັນລະເສີນ 7:8 Jak'a apnaqawi uñst'ayäwi

ປະຖົມມະການ 18:25

ແນ່ນອນ​ທີ່ສຸດ ພຣະອົງ​ຈະ​ບໍ່​ຂ້າ​ຄົນ​ຊອບທຳ​ພ້ອມ​ກັບ​ຄົນ​ອະທຳ ເປັນ​ໄປ​ບໍ່ໄດ້ ພຣະອົງ​ຈະ​ບໍ່​ເຮັດ​ເຊັ່ນ​ນັ້ນ. ຖ້າ​ພຣະອົງ​ເຮັດ ຄົນ​ຊອບທຳ​ກໍ​ຈະ​ຖືກ​ລົງໂທດ ເຊັ່ນດຽວ​ກັນ​ກັບ​ຄົນ​ອະທຳ ເປັນ​ໄປ​ບໍ່ໄດ້. ຜູ້​ພິພາກສາ​ໂລກ​ຕ້ອງ​ເຮັດ​ທຸກສິ່ງ​ຢ່າງ​ຍຸດຕິທຳ.”

ປະຖົມມະການ 31:53

ພຣະເຈົ້າ​ຂອງ​ອັບຣາຮາມ ແລະ​ພຣະເຈົ້າ​ຂອງ​ນາໂຮ ຈະ​ເປັນ​ຜູ້ຕັດສິນ​ລະຫວ່າງ​ພວກເຮົາ​ທັງສອງ.” ແລ້ວ​ຢາໂຄບ​ກໍ​ສາບານ​ໃນ​ນາມ​ຂອງ​ພຣະເຈົ້າ ອົງ​ທີ່​ອີຊາກ​ພໍ່​ຂອງຕົນ​ນະມັດສະການ.

2 ຂ່າວຄາວ 20:12

ພຣະອົງ​ເປັນ​ພຣະເຈົ້າ​ຂອງ​ພວກ​ຂ້ານ້ອຍ ຈົ່ງ​ລົງໂທດ​ພວກເຂົາ​ເຖີດ ສຳລັບ​ພວກ​ຂ້ານ້ອຍ​ນັ້ນ​ເຮັດ​ຫຍັງ​ບໍ່ໄດ້​ແລ້ວ​ກັບ​ກອງທັບ​ອັນ​ໃຫຍ່ໂຕ ຊຶ່ງ​ກຳລັງ​ມາ​ໂຈມຕີ​ພວກ​ຂ້ານ້ອຍ. ພວກ​ຂ້ານ້ອຍ​ບໍ່​ຮູ້ຈັກ​ຈະ​ເຮັດ​ຢ່າງໃດ ໄດ້​ແຕ່​ຂໍ​ເພິ່ງ​ພຣະອົງ​ໃຫ້​ຊ່ວຍເຫລືອ​ເທົ່ານັ້ນ.”

ເພງ^ສັນລະເສີນ 11:4

ພຣະເຈົ້າຢາເວ​ຢູ່​ໃນ​ພຣະວິຫານ​ອັນ​ສັກສິດ​ຂອງ​ພຣະອົງ ພຣະເຈົ້າຢາເວ​ປະທັບ​ເທິງ​ພຣະ​ບັນລັງ ຢູ່​ໃນ​ສະຫວັນ ພຣະອົງ​ເຝົ້າເບິ່ງ​ມະນຸດ​ທຸກແຫ່ງ​ທຸກຫົນ ແລະ​ທັງ​ຮູ້ວ່າ​ຄົນ​ກຳລັງ​ເຮັດ​ຫຍັງ​ຢູ່​ດ້ວຍ.

ເພງ^ສັນລະເສີນ 25:21

ຂໍ​ຄວາມດີ​ແລະ​ຄວາມສັດຊື່​ນັ້ນ​ປົກປັກ​ຮັກສາ ເພາະວ່າ​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າ.

ເພງ^ສັນລະເສີນ 26:1

ຂ້າແດ່​ພຣະເຈົ້າຢາເວ ຂໍ​ຊົງ​ພິສູດ​ຂ້ານ້ອຍ​ດ້ວຍ​ເຖີດ ເພາະວ່າ​ຂ້ານ້ອຍ​ດຳເນີນ​ຊີວິດ​ຢ່າງ​ບໍ່ມີ​ຕຳໜິ ແລະ​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ ໂດຍ​ປັດສະຈາກ​ຄວາມ​ຫວັ່ນໄຫວ.

ເພງ^ສັນລະເສີນ 26:11

ແຕ່​ສຳລັບ​ຂ້ານ້ອຍ​ດຳເນີນ​ຊີວິດ​ໃນ​ຄວາມ​ຖືກຕ້ອງ ຂໍ​ຊົງ​ໂຜດ​ເມດຕາ​ແລະ​ໄຖ່​ເອົາ​ຂ້ານ້ອຍ​ໄວ້​ດ້ວຍ.

ເພງ^ສັນລະເສີນ 41:12

ພຣະອົງ​ຈະ​ຊ່ວຍ​ຂ້ານ້ອຍ ເພາະ​ຂ້ານ້ອຍ​ເຮັດ​ສິ່ງ​ທີ່​ຊອບທຳ ແລະ​ຈະ​ໃຫ້​ຂ້ານ້ອຍ​ຢູ່​ຕໍ່ໜ້າ​ພຣະອົງ​ສືບໄປ​ເປັນນິດ.

ເພງ^ສັນລະເສີນ 43:1

ຂ້າແດ່​ພຣະເຈົ້າ ໂຜດ​ປະກາດ​ວ່າ​ຂ້ານ້ອຍ​ບໍ່ມີ​ຄວາມຜິດ ຂໍ​ຊົງ​ໂຜດ​ຊ່ວຍ​ແກ້​ຄະດີ​ໃຫ້​ຂ້ານ້ອຍ​ດ້ວຍ ຄົນ​ບໍ່​ເຊື່ອ​ພຣະເຈົ້າ​ໄດ້​ກ່າວ​ຕໍ່ສູ້​ຂ້ານ້ອຍ ໂຜດ​ຊ່ວຍກູ້​ຂ້ານ້ອຍ​ຈາກ​ຄົນ​ຂີ້ຕົວະ​ແລະ​ຊົ່ວຮ້າຍ.

ເພງ^ສັນລະເສີນ 78:72

ດາວິດ​ໄດ້​ດູແລ​ດ້ວຍ​ໃຈ​ທ່ຽງທຳ​ແລະ​ບໍ່​ເຫັນແກ່ຕົວ ແລະ​ນຳພາ​ດ້ວຍ​ພິກໄຫວ​ອັນ​ສະຫລາດ.

ເພງ^ສັນລະເສີນ 82:1

ພຣະເຈົ້າ​ຊົງ​ປົກຄອງ ໃນ​ສະພາ​ແຫ່ງ​ສະຫວັນ​ນັ້ນ ພຣະອົງ​ພິພາກສາ​ໃນ​ທ່າມກາງ​ບັນດາ​ພະ​ທັງຫຼາຍ​ວ່າ,

ເພງ^ສັນລະເສີນ 9:8

ພຣະອົງ​ປົກຄອງ​ໂລກ​ດ້ວຍ​ຄວາມ​ສັດຊື່ ຊົງ​ຕັດສິນ​ບັນດາ​ຊົນຊາດ​ຢ່າງ​ຍຸດຕິທຳ.

ເພງ^ສັນລະເສີນ 96:13

ເມື່ອ​ພຣະເຈົ້າຢາເວ​ມາ​ປົກຄອງ​ຄົນ​ໂລກນີ້ ພຣະອົງ​ຈະ​ປົງຄອງ​ຢ່າງ​ສັດຊື່​ແລະ​ເປັນທຳ ແລະ​ຈະ​ຕັດສິນ​ປະຊາຊົນ​ທັງຫລາຍ​ດ້ວຍ​ຄວາມຈິງ​ຂອງ​ພຣະອົງ.

ເພງ^ສັນລະເສີນ 98:9

ຕໍ່ໜ້າ​ພຣະເຈົ້າຢາເວ ເພາະ​ພຣະອົງ​ກຳລັງ​ຈະມາ​ຕັດສິນ​ແຜ່ນດິນ​ໂລກ ເພື່ອ​ພິພາກສາ​ຕັດສິນ​ໂລກ​ດ້ວຍ​ຄວາມ​ຊອບທຳ​ແລະ​ຊົນຊາດ​ທັງຫຼາຍ​ດ້ວຍ​ຄວາມ​ສັດຊື່.

ສຸພາສິດ 19:1

ເປັນ​ຄົນ​ທຸກຈົນ​ທີ່​ສັດຊື່​ກໍ​ດີກວ່າ​ຄົນ​ໂງ່ຈ້າ​ທີ່​ກ່າວ​ຄຳຕົວະ.

ກິດຈະການ 17:31

ເພາະວ່າ ພຣະອົງ​ໄດ້​ຊົງ​ກຳນົດ​ວັນ​ໜຶ່ງ​ໄວ້ ຊຶ່ງ​ໃນ​ວັນ​ນັ້ນ ພຣະອົງ​ຈະ​ຊົງ​ພິພາກສາ​ໂລກ​ຕາມ​ຄວາມ​ຍຸດຕິທຳ ໂດຍ​ມະນຸດ​ຜູ້ໜຶ່ງ ຊຶ່ງ​ພຣະອົງ​ໄດ້​ຊົງ​ຕັ້ງ​ໄວ້ ແລະ​ພຣະເຈົ້າ​ໄດ້​ຊົງ​ໂຜດ​ໃຫ້​ຄົນ​ທັງປວງ​ມີ​ຄວາມ​ແນ່ໃຈ​ໃນ​ເລື່ອງ​ນີ້ ໂດຍ​ຊົງ​ບັນດານ​ໃຫ້​ມະນຸດ​ຜູ້ນັ້ນ​ເປັນ​ຄືນ​ມາ​ຈາກ​ຕາຍ.”

2 ໂກຣິນໂທ 1:12

ນີ້​ແຫຼະ ແມ່ນ​ສິ່ງ​ທີ່​ພວກເຮົາ​ເອກອ້າງ​ໄດ້​ຄື: ໃຈ​ສຳນຶກ​ຜິດແລະຊອບ​ຂອງ​ພວກເຮົາ​ກໍ​ເປັນ​ພະຍານ​ວ່າ, ການ​ດຳເນີນ​ຊີວິດ​ຂອງ​ພວກເຮົາ​ຢູ່​ໃນ​ໂລກນີ້ ດ້ວຍ​ຄວາມ​ບໍຣິສຸດ​ໃຈ​ແລະ​ດ້ວຍ​ຄວາມ​ຈິງໃຈ​ທີ່​ມາ​ຈາກ​ພຣະເຈົ້າ ບໍ່ແມ່ນ​ໂດຍ​ປັນຍາ​ຂອງ​ມະນຸດ ແຕ່​ເປັນ​ມາ​ໂດຍ​ພຣະຄຸນ​ຂອງ​ພຣະເຈົ້າ.

1 ເທສະໂລນິກ 2:10

ພວກເຈົ້າ​ເປັນ​ພະຍານ​ໃຫ້​ພວກເຮົາ​ໄດ້ ແລະ​ພຣະເຈົ້າ​ກໍ​ເຊັ່ນດຽວ​ກັນ​ວ່າ, ຄວາມ​ປະພຶດ​ຂອງ​ພວກເຮົາ​ຕໍ່​ພວກເຈົ້າ​ຜູ້​ທີ່​ເຊື່ອ​ນັ້ນ ແມ່ນ​ບໍຣິສຸດ, ຖືກຕ້ອງ, ທ່ຽງທຳ ແລະ​ປາສະຈາກ​ຄວາມຜິດ.