ເພງ^ສັນລະເສີນ 5:1 - ພຣະຄຳພີສັກສິ

¹ ຂ້າແດ່​ພຣະເຈົ້າຢາເວ ໂຜດ​ຟັງ​ຖ້ອຍຄຳ​ຂອງ​ຂ້ານ້ອຍ ແລະ​ສຽງ​ຄໍ່າຄວນ​ຂອງ​ຂ້ານ້ອຍ​ດ້ວຍ.

ເພງ^ສັນລະເສີນ 5:1 Jak'a apnaqawi uñst'ayäwi

ເພງ^ສັນລະເສີນ 17:1

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຟັງ​ຂ້ານ້ອຍ​ດ້ວຍ ໂຜດ​ຟັງ​ຄຳພາວັນນາ​ອະທິຖານ​ຮ້ອງ​ຂໍ​ຄວາມ​ຍຸດຕິທຳ​ດ້ວຍ ໂຜດ​ເອົາໃຈໃສ່​ຕໍ່​ສິ່ງ​ທີ່​ຂ້ານ້ອຍ​ຂໍ​ໃຫ້​ຊ່ວຍເຫລືອ ໂຜດ​ຟັງ​ຄຳພາວັນນາ​ອະທິຖານ​ຢ່າງ​ຈິງໃຈ​ດ້ວຍ.

ເພງ^ສັນລະເສີນ 19:14

ໂຜດ​ໃຫ້​ຄຳເວົ້າ​ແລະ​ຄວາມຄິດ​ຂອງ​ຂ້ານ້ອຍ​ເປັນ​ທີ່​ພໍໃຈ​ພຣະອົງ ຂ້າແດ່​ພຣະເຈົ້າຢາເວ ອົງ​ເປັນ​ສີລາ​ຂອງ​ຂ້ານ້ອຍ​ແລະ​ເປັນ​ພຣະຜູ້ໄຖ່​ຂອງ​ຂ້ານ້ອຍ.

ເພງ^ສັນລະເສີນ 54:2

ຂ້າແດ່​ພຣະເຈົ້າ ເມື່ອ​ຂ້ານ້ອຍ​ກ່າວ​ທູນ​ຂໍ ໂຜດ​ຟັງ​ຄຳ​ພາວັນນາ​ອະທິຖານ​ຂອງ​ຂ້ານ້ອຍ​ດ້ວຍ.

ເພງ^ສັນລະເສີນ 64:1

ຂ້າແດ່​ພຣະເຈົ້າ ຂ້ານ້ອຍ​ເດືອດຮ້ອນ​ແລ້ວ ໂຜດ​ຟັງ​ຄຳພາວັນນາ​ອະທິຖານ​ຂອງ​ຂ້ານ້ອຍ​ດ້ວຍ ເພາະ​ຂ້ານ້ອຍ​ຢ້ານກົວ​ເຫຼົ່າ​ສັດຕູ ໂຜດ​ຊ່ວຍກູ້​ເອົາ​ຊີວິດ​ຂອງ​ຂ້ານ້ອຍ​ດ້ວຍ.

ເພງ^ສັນລະເສີນ 80:1

ໂອ ພຣະຜູ້ລ້ຽງ​ຂອງ​ອິດສະຣາເອນ​ເອີຍ ຂໍ​ຊົງ​ໂຜດ​ຮັບ​ຟັງ​ພວກ​ຂ້ານ້ອຍ​ດ້ວຍ​ເຖີດ ຜູ້ລ້ຽງ​ຝູງແກະ​ຂອງ​ພຣະອົງ​ເອີຍ ໂຜດ​ຟັງ ຄື​ຜູ້​ນັ່ງ​ເທິງ​ບັນລັງ​ເໜືອ​ບັນດາ​ເຄຣຸບ

ເພງ^ສັນລະເສີນ 86:1

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຟັງ​ແລະ​ຕອບ​ຂ້ານ້ອຍ​ດ້ວຍ ເພາະ​ຂາດ​ທີ່ເພິ່ງ​ແລະ​ອິດອ່ອນ​ກຳລັງ.

ໂຣມ 8:26

ທຳນອງ​ດຽວກັນ​ນັ້ນ​ແຫຼະ ພຣະວິນຍານ​ກໍ​ຊ່ວຍຊູ​ພວກເຮົາ​ເມື່ອ​ພວກເຮົາ​ອ່ອນ​ກຳລັງ, ເພາະ​ພວກເຮົາ​ບໍ່​ຮູ້​ວ່າ ພວກເຮົາ​ຄວນ​ຈະ​ພາວັນນາ​ອະທິຖານ​ຂໍ​ຢ່າງ​ໃດ, ແຕ່​ອົງ​ພຣະວິນຍານ​ນັ້ນ​ເອງ ວິງວອນ​ຂໍ​ກັບ​ພຣະເຈົ້າ​ແທນ​ພວກເຮົາ ດ້ວຍ​ຄຳ​ໂອ່ຍຄາງ​ທີ່​ຫາ​ຄຳ​ອະທິບາຍ​ບໍ່ໄດ້.

1 ເປໂຕ 3:12

“ພຣະເນດ​ຂອງ​ອົງພຣະ​ຜູ້​ເປັນເຈົ້າ ຊົງ​ເຝົ້າ​ເບິ່ງ​ຄົນ​ຊອບທຳ ແລະ​ພຣະອົງ​ກໍ​ຊົງ​ຮັບ​ຟັງ​ຄຳ​ພາວັນນາ​ ອະທິຖານ​ຂອງ​ເຂົາ ແຕ່​ພຣະພັກ​ຂອງ​ພຣະອົງ ຊົງ​ຕໍ່ສູ້​ບັນດາ​ຄົນ​ທີ່​ເຮັດ​ການ​ຊົ່ວ.”

1 ຊາມູເອນ 1:13

ນາງ​ພາວັນນາ​ອະທິຖານ​ຢູ່​ໃນ​ໃຈ ປາກ​ຂອງ​ນາງ​ເໜັງຕີງ​ແຕ່​ບໍ່ໄດ້ຍິນ​ສຽງ. ດັ່ງນັ້ນ ເອລີ​ຈຶ່ງ​ຄິດ​ວ່າ​ນາງ​ເມົາເຫລົ້າ;

1 ຊາມູເອນ 1:16

ຢ່າ​ຄິດ​ວ່າ​ຂ້ານ້ອຍ​ເປັນ​ຍິງ​ຊົ່ວຮ້າຍ​ເລີຍ ຂ້ານ້ອຍ​ພາວັນນາ​ອະທິຖານ​ຄວນຄາງ​ຢູ່​ຢ່າງ​ນີ້​ເພາະ​ຂ້ານ້ອຍ​ເປັນທຸກ​ໜັກໃຈ​ຫລາຍ​ທີ່ສຸດ​ຈົນເຖິງ​ບັດນີ້.”