ເພງ^ສັນລະເສີນ 4:5 - ພຣະຄຳພີສັກສິ

⁵ ຈົ່ງ​ຖວາຍ​ບູຊາ​ສິ່ງ​ຖືກຕ້ອງ​ແກ່​ພຣະເຈົ້າຢາເວ​ສາ ຈົ່ງ​ໄວ້ວາງໃຈ​ໃນ​ພຣະອົງ​ເຖີດ.

ເພງ^ສັນລະເສີນ 4:5 Jak'a apnaqawi uñst'ayäwi

2 ຊາມູເອນ 15:12

ແລະ​ໃນຂະນະທີ່​ອັບຊາໂລມ​ຖວາຍ​ເຄື່ອງ​ບູຊາ​ຢູ່​ນັ້ນ ລາວ​ກໍໄດ້​ສົ່ງ​ຄົນ​ໄປ​ທີ່​ເມືອງ​ກີໂລ ເພື່ອ​ນຳ​ເອົາ​ອາຮີໂຕເຟນ​ທີ່ປຶກສາ​ຄົນ​ໜຶ່ງ​ຂອງ​ກະສັດ​ດາວິດ. ການ​ກະບົດ​ຕໍ່​ກະສັດ​ກໍ​ໜັກ​ຫລາຍ​ຂຶ້ນ ແລະ​ຜູ້​ຕິດຕາມ​ອັບຊາໂລມ​ກໍ​ເພີ່ມ​ຈຳນວນ​ຂຶ້ນ​ເລື້ອຍໆ.

ເພງ^ສັນລະເສີນ 26:1

ຂ້າແດ່​ພຣະເຈົ້າຢາເວ ຂໍ​ຊົງ​ພິສູດ​ຂ້ານ້ອຍ​ດ້ວຍ​ເຖີດ ເພາະວ່າ​ຂ້ານ້ອຍ​ດຳເນີນ​ຊີວິດ​ຢ່າງ​ບໍ່ມີ​ຕຳໜິ ແລະ​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ ໂດຍ​ປັດສະຈາກ​ຄວາມ​ຫວັ່ນໄຫວ.

ເພງ^ສັນລະເສີນ 37:3

ຈົ່ງ​ໄວ້ວາງໃຈ​ໃນ​ພຣະເຈົ້າຢາເວ​ແລະ​ເຮັດ​ດີ ຈົ່ງ​ອາໄສ​ຢູ່​ໃນ​ດິນແດນ​ຢ່າງ​ປອດໄພ​ເຖີດ.

ເພງ^ສັນລະເສີນ 50:14

ຈົ່ງ​ຖວາຍ​ໂມທະນາ​ຂອບພຣະຄຸນ​ເປັນ​ເຄື່ອງ​ບູຊາ​ແກ່​ພຣະເຈົ້າ ຖວາຍ​ແກ່​ຜູ້​ຊົງຣິດ​ອຳນາດ​ຍິ່ງໃຫຍ່​ຕາມ​ທີ່​ເຈົ້າ​ສາບານ​ໄວ້.

ເພງ^ສັນລະເສີນ 51:19

ແລ້ວ​ພຣະອົງ​ກໍ​ຈະ​ເພິ່ງພໍໃຈ​ໃນ​ເຄື່ອງບູຊາ​ທີ່​ເໝາະສົມ ແລະ​ເຄື່ອງ​ເຜົາບູຊາ​ທີ່​ພວກ​ຂ້ານ້ອຍ​ນຳ​ມາ​ນັ້ນ ງົວເຖິກ​ຫລາຍໂຕ​ຈະ​ຖືກ​ຂ້າ​ແລະ​ຖວາຍ ທີ່​ເທິງ​ແທ່ນບູຊາ​ຂອງ​ພຣະອົງ.

ເພງ^ສັນລະເສີນ 62:8

ຈົ່ງ​ໄວ້ວາງໃຈ​ໃນ​ພຣະເຈົ້າ​ໄດ້​ທຸກ​ເວລາ ປະຊາຊົນ​ຂອງຂ້ອຍ​ເອີຍ. ຈົ່ງ​ທູນ​ຄວາມ​ເດືອດຮ້ອນ​ທຸກຢ່າງ​ໃຫ້​ພຣະອົງ​ຟັງ ເພາະ​ພຣະອົງ​ເປັນ​ທີ່​ເພິ່ງ​ຂອງ​ພວກເຮົາ.

ເພງ^ສັນລະເສີນ 77:7

“ອົງພຣະ​ຜູ້​ເປັນເຈົ້າ​ຈະ​ປະ​ພວກເຮົາ​ເລື້ອຍໆ​ຊັ້ນບໍ? ພຣະອົງ​ຈະ​ບໍ່​ພໍໃຈ​ນຳ​ອີກ​ຕໍ່ໄປ​ຫລືນີ້?

ເອຊາຢາ 50:10

ຂໍ​ໃຫ້​ທຸກຄົນ​ຈົ່ງ​ຢຳເກງ​ພຣະເຈົ້າຢາເວ ເຊື່ອຟັງ​ຄຳສັ່ງສອນ​ຂອງ​ຜູ້ຮັບໃຊ້​ພຣະເຈົ້າ ເຖິງ​ວ່າ​ທາງ​ທີ່​ເດີນ​ໄປ​ນັ້ນ​ມືດມົວ​ກໍ​ຈິງ ແຕ່​ຈົ່ງ​ໄວ້ວາງໃຈ​ໃນ​ພຣະນາມ​ແຫ່ງ​ພຣະເຈົ້າຢາເວ ແລະ​ເພິ່ງ​ພຣະເຈົ້າ​ແຫ່ງຕົນ.

ເອຊາຢາ 61:8

ພຣະເຈົ້າຢາເວ​ກ່າວ​ວ່າ, “ເຮົາ​ຮັກ​ຄວາມ​ຍຸດຕິທຳ ເຮົາ​ກຽດຊັງ​ການກົດຂີ່ ແລະ​ອາຊະຍາກຳ​ດ້ວຍ. ເຮົາ​ຈະ​ໃຫ້​ບຳເໜັດ​ແກ່​ປະຊາຊົນ​ຂອງເຮົາ​ຢ່າງ​ສັດຊື່ ທັງ​ຈະ​ເຮັດ​ສັນຍາ​ອັນ​ຖາວອນ​ກັບ​ພວກເຂົາ.

ມາລາກີ 1:8

ເມື່ອ​ພວກເຈົ້າ​ນຳ​ສັດ​ຕາບອດ ຫລື​ສັດ​ເຈັບໂຊ ຫລື​ສັດ​ຂາ​ພິການ ມາ​ຖວາຍ​ແກ່​ເຮົາ ພວກເຈົ້າ​ຄິດວ່າ​ເປັນ​ການ​ຖືກຕ້ອງ​ແລ້ວ​ບໍ? ຈົ່ງ​ລອງ​ນຳ​ສັດ​ເຊັ່ນນັ້ນ​ໄປ​ໃຫ້​ຜູ້ປົກຄອງ​ຂອງ​ພວກເຈົ້າ​ເບິ່ງດູ ເພິ່ນ​ຈະ​ພໍໃຈ​ນຳ​ພວກເຈົ້າ​ບໍ? ຫລື​ພວກເຈົ້າ​ຈະ​ໄດ້​ຮັບ​ຄວາມດີ​ຄວາມຊອບ​ຫຍັງ​ແດ່​ຈາກ​ເພິ່ນ?” ພຣະເຈົ້າຢາເວ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນັ້ນແຫຼະ.

ມັດທາຍ 5:23

ດັ່ງນັ້ນ ເມື່ອ​ເຈົ້າ​ເອົາ​ເຄື່ອງ​ບູຊາ​ມາ​ຖວາຍ​ທີ່​ເທິງ​ແທ່ນບູຊາ ແລະ​ທີ່​ນັ້ນ ເຈົ້າ​ຄິດ​ໄດ້​ວ່າ​ອ້າຍ​ເອື້ອຍ​ນ້ອງ​ຂອງ​ເຈົ້າ​ມີ​ຂໍ້​ຂຸ້ນເຄືອງ​ໃຈ​ກັບ​ເຈົ້າ​ເພາະ​ເລື່ອງໃດ​ເລື່ອງໜຶ່ງ,

ພຣະບັນຍັດສອງ 33:19

ພວກເຂົາ​ເອີ້ນ​ປະຊາຊົນ​ທັງໝົດ​ມາ​ທີ່​ເທິງ​ພູເຂົາ ແລະ​ເຜົາ​ເຄື່ອງ​ຖວາຍບູຊາ​ອັນ​ຊອບທຳ​ຢູ່​ທີ່​ນັ້ນ. ເພາະ​ພວກເຂົາ​ຈະ​ດູດ​ຄວາມ​ອຸດົມ​ຈາກ​ທະເລ​ກວ້າງ ແລະ​ໄດ້​ຂຸມຊັບ​ທີ່​ຊ້ອນ​ຢູ່​ໃນ​ຫາດ​ຊາຍ​ຕາມ​ແຄມຝັ່ງ.”

1 ເປໂຕ 4:19

ເພາະສະນັ້ນ ໃຫ້​ຄົນ​ທັງຫລາຍ​ທີ່​ທົນທຸກ​ທໍລະມານ ຕາມ​ນໍ້າພຣະໄທ​ຂອງ​ພຣະເຈົ້າ ຈົ່ງ​ຝາກ​ຈິດ​ວິນຍານ​ຂອງຕົນ​ໄວ້​ກັບ​ພຣະອົງ ດ້ວຍ​ການ​ປະຕິບັດ​ອັນ​ດີ ຄື​ໃຫ້​ຝາກ​ໄວ້​ກັບ​ພຣະອົງ ຜູ້​ຊົງ​ສ້າງ​ຜູ້​ທ່ຽງທຳ.