ເພງ^ສັນລະເສີນ 4:4 - ພຣະຄຳພີສັກສິ

⁴ ເຈົ້າ​ຈະ​ຮ້າຍ​ກໍ​ຮ້າຍ​ໄດ້ ແຕ່​ຢ່າ​ເຮັດ​ບາບ ຈົ່ງ​ຄິດເຖິງ​ເລື່ອງ​ນີ້​ໃຫ້​ເລິກເຊິ່ງ ເມື່ອ​ເຈົ້າ​ນອນ​ຢູ່​ເທິງ​ຕຽງ​ຢ່າງ​ມິດງຽບ.

ເພງ^ສັນລະເສີນ 4:4 Jak'a apnaqawi uñst'ayäwi

ພຣະທຳ​ໂຢບ 28:28

ພຣະເຈົ້າ​ໄດ້​ກ່າວ​ອອກ​ເປັນຖ້ອຍ​ເປັນຄຳ​ ແກ່​ມວນ​ມະນຸດ​ທັງຫລາຍ​ດັ່ງ​ຕໍ່​ລົງ​ໄປ​ນີ້: ‘ເພື່ອ​ຈະ​ມີ​ປັນຍາ​ຕ້ອງ​ຢຳເກງ​ອົງພຣະ​ຜູ້​ເປັນເຈົ້າ ເພື່ອ​ຈະ​ເຂົ້າໃຈ​ຕ້ອງ​ຫັນໜີ​ຈາກ​ຄວາມ​ຊົ່ວຊ້າ.”’

ເພງ^ສັນລະເສີນ 119:161

ຄົນ​ທີ່​ມີ​ອຳນາດ​ໂຈມຕີ​ຂ້ານ້ອຍ​ຢ່າງ​ບໍ່​ຍຸດຕິທຳ ແຕ່​ຂ້ານ້ອຍ​ເຄົາຣົບ​ນັບຖື​ຖ້ອຍຄຳ​ຂອງ​ພຣະອົງ.

ເພງ^ສັນລະເສີນ 17:6

ຂ້າແດ່​ພຣະເຈົ້າ ຂ້ານ້ອຍ​ພາວັນນາ​ອະທິຖານ​ຫາ​ພຣະອົງ ເພາະ​ພຣະອົງ​ຕອບ​ຄຳພາວັນນາ​ອະທິຖານ​ຂອງ​ຂ້ານ້ອຍ​ແລ້ວ ສະນັ້ນ ໂຜດ​ຫັນ​ມາ​ຫາ​ຂ້ານ້ອຍ​ແດ່ທ້ອນ ແລະ​ຟັງ​ຄຳພາວັນນາ​ອະທິຖານ​ຂອງ​ຂ້ານ້ອຍ​ດ້ວຍ.

ເພງ^ສັນລະເສີນ 2:11

ຈົ່ງ​ຮັບໃຊ້​ພຣະເຈົ້າຢາເວ​ດ້ວຍ​ຄວາມ​ຢຳເກງ; ຈົ່ງ​ຂາບລົງ​ຢ່າງ​ສະທ້ານ​ຢ້ານຢຳ​ຕໍ່ໜ້າ​ພຣະເຈົ້າ; ຫລື​ຈະ​ໃຫ້​ຄວາມ​ໂກດຮ້າຍ​ຂອງ​ພຣະອົງ​ລຸກ​ຂຶ້ນ​ໄວ ພວກເຈົ້າ​ກໍ​ຈະ​ຕາຍ​ຢ່າງ​ກະທັນຫັນ​ໂລດ. ຄວາມສຸກ​ເປັນ​ຂອງ​ທຸກຄົນ​ທີ່​ໄດ້​ມາ​ຂໍ ການ​ປົກປ້ອງ​ຄຸ້ມຄອງ​ຈາກ​ພຣະອົງ.

ເພງ^ສັນລະເສີນ 3:2

ສັດຕູ​ເວົ້າ​ເຖິງ​ຂ້ານ້ອຍ​ໂດຍ​ກ່າວ​ອອກ​ມາ​ວ່າ, “ພຣະເຈົ້າ​ຈະ​ບໍ່​ຊ່ວຍເຫຼືອ​ຄົນ​ຢ່າງ​ລາວ​ດອກ.”

ເພງ^ສັນລະເສີນ 3:4

ຂ້ານ້ອຍ​ຮ້ອງ​ຫາ​ພຣະເຈົ້າຢາເວ​ໃຫ້​ຊ່ວຍເຫລືອ ຈາກ​ເນີນພູ​ສັກສິດ ພຣະອົງ​ຕອບ​ຂ້ານ້ອຍ​ແລ້ວ.

ເພງ^ສັນລະເສີນ 33:8

ທຸກສິ່ງ​ທົ່ວ​ແຜ່ນດິນ​ໂລກ ຈົ່ງ​ຢຳເກງ​ພຣະເຈົ້າຢາເວ ທຸກຄົນ​ໃນ​ໂລກ​ມະນຸດ ຈົ່ງ​ໃຫ້ກຽດ​ພຣະອົງ

ເພງ^ສັນລະເສີນ 46:10

ພຣະອົງ​ຊົງ​ກ່າວ​ວ່າ, “ຈົ່ງ​ງຽບສະຫງົບ​ຢູ່ ແລະ​ຈົ່ງ​ຮູ້​ເຖີດ​ວ່າ​ເຮົາ​ຄື​ພຣະເຈົ້າ ເຮົາ​ເປັນ​ທີ່​ຍົກຍໍ​ໃນ​ທ່າມກາງ​ບັນດາ​ປະຊາຊາດ ເຮົາ​ເປັນ​ທີ່​ຍົກຍໍ​ເທິງ​ແຜ່ນດິນ​ໂລກ.”

ເພງ^ສັນລະເສີນ 63:6

ເມື່ອ​ຂ້ານ້ອຍ​ນອນລົງ ຂ້ານ້ອຍ​ກໍ​ລະນຶກ​ຄິດເຖິງ​ພຣະອົງ ແລະ​ຄິດເຖິງ​ພຣະອົງ​ຕະຫລອດ​ທັງຄືນ

ເພງ^ສັນລະເສີນ 77:6

ຂ້ານ້ອຍ​ນອນ​ໃຊ້​ຄວາມ​ຄິດ​ຢ່າງໜັກ ທັງຄືນ ຂ້ານ້ອຍ​ຄິດ​ຕຶກຕອງ​ແລະ​ຖາມ​ຕົນເອງ​ດັ່ງນີ້:

ສຸພາສິດ 16:17

ຄົນດີ​ຜີກ​ໜີ​ຈາກ​ທາງຊົ່ວ​ໄດ້​ສັນໃດ ຜູ້​ທີ່​ເຝົ້າ​ລະວັງ​ທາງເດີນ​ກໍ​ຊ່ວຍ​ຊີວິດ​ຂອງຕົນ​ໄດ້​ສັນນັ້ນ.

ສຸພາສິດ 16:6

ຈົ່ງ​ສັດຊື່​ແລະ​ທ່ຽງທຳ​ແລະ​ພຣະເຈົ້າ​ກໍ​ຈະ​ຍົກ​ບາບ​ໃຫ້, ຈົ່ງ​ຢຳເກງ​ພຣະເຈົ້າຢາເວ​ແລະ​ສິ່ງ​ຊົ່ວຮ້າຍ​ຈະ​ບໍ່​ມາ​ຖືກ​ເຈົ້າ.

ສຸພາສິດ 3:7

ຢ່າ​ຄິດ​ເລີຍ​ວ່າ​ຕົນ​ເປັນ​ຄົນມີ​ປັນຍາ​ກວ່າ​ທີ່​ຕົນ​ມີ​ຢູ່ ຈົ່ງ​ຢຳເກງ​ພຣະເຈົ້າຢາເວ​ເທົ່ານັ້ນ ແລະ​ຈົ່ງ​ຫລີກ​ໜີ​ຈາກ​ຄວາມ​ຊົ່ວຮ້າຍ.

ເຢເຣມີຢາ 5:22

ເຮົາ​ແມ່ນ​ພຣະເຈົ້າຢາເວ ເປັນຫຍັງ​ພວກເຈົ້າ​ຈຶ່ງ​ບໍ່​ຢຳເກງ​ເຮົາ? ເປັນຫຍັງ​ພວກເຈົ້າ​ຈຶ່ງ​ບໍ່​ຢ້ານກົວ​ຕົວສັ່ນ​ຕໍ່ໜ້າ​ເຮົາ? ເຮົາ​ເປັນ​ຜູ້​ຈັດສັນ​ດິນ​ຊາຍ​ໄວ້​ເປັນ​ເຂດ​ອ້ອມ​ທະເລ ເພື່ອ​ໃຫ້​ເປັນ​ເຄື່ອງ​ກີດກັ້ນ​ອັນ​ຖາວອນ​ບໍ່​ໃຫ້​ນໍ້າ​ທະເລ​ຜ່ານ​ໄປ​ໄດ້. ນໍ້າ​ທະເລ​ອາດ​ໂຍກຂຶ້ນ​ໂຍກລົງ ແຕ່​ກໍ​ເລີຍ​ຂອບເຂດ​ນັ້ນ​ໄປ​ບໍ່ໄດ້; ຄື້ນ​ທະເລ​ອາດ​ດັງ​ກ້ອງສະໜັ່ນ ແຕ່​ກໍ​ຜ່ານ​ໄປ​ບໍ່ໄດ້.

ຮາບາກຸກ 2:20

ແຕ່​ພຣະເຈົ້າຢາເວ​ສະຖິດ​ຢູ່​ໃນ​ພຣະວິຫານ​ອັນ​ສັກສິດ; ຈົ່ງ​ໃຫ້​ມະນຸດ​ທຸກໆຄົນ​ຢູ່​ທີ່​ເທິງ​ແຜ່ນດິນ​ໂລກ​ນີ້ ມິດງຽບ​ຢູ່​ຊ້ອງໜ້າ​ພຣະອົງ​ເທີ້ນ.

2 ໂກຣິນໂທ 13:5

ຈົ່ງ​ພິຈາລະນາ​ເບິ່ງ​ຕົນເອງ​ວ່າ, ພວກເຈົ້າ​ຕັ້ງ​ຢູ່​ໃນ​ຄວາມເຊື່ອ​ຫລື​ບໍ? ຈົ່ງ​ພິສູດ​ຕົວ​ເອງ​ສາ ເຈົ້າ​ທັງຫລາຍ​ບໍ່​ຮູ້​ຫລື​ວ່າ ພຣະເຢຊູ​ຄຣິດເຈົ້າ​ຊົງ​ສະຖິດ​ຢູ່​ໃນ​ພວກເຈົ້າ ເວັ້ນ​ເສຍ​ແຕ່​ພວກເຈົ້າ​ຈະ​ຜ່ານ​ການ​ພິສູດ​ນັ້ນ​ບໍ່ໄດ້.

ເອເຟໂຊ 4:26

ຈະ​ຮ້າຍ​ກໍ​ຮ້າຍ​ໄດ້ ແຕ່​ຢ່າ​ໃຫ້​ຄວາມ​ຮ້າຍ​ເປັນ​ເຫດ​ໃຫ້​ເກີດ​ການ​ຜິດບາບ ຢ່າ​ຮ້າຍ​ຢູ່​ຈົນ​ຕາເວັນ​ຕົກ.