ເພງ^ສັນລະເສີນ 4:2 - ພຣະຄຳພີສັກສິ

² ພວກເຈົ້າ​ຈະ​ໝິ່ນປະໝາດ​ຂ້ອຍ​ໄປ​ດົນ​ປານໃດ? ພວກເຈົ້າ​ຈະ​ຮັກ​ສິ່ງ​ທີ່​ໄຮ້​ຄ່າ ທັງ​ຊອກຫາ​ຄຳ​ຕົວະຍົວະ​ຫລອກລວງ​ຢູ່ຫລື?

ເພງ^ສັນລະເສີນ 4:2 Jak'a apnaqawi uñst'ayäwi

ເພງ^ສັນລະເສີນ 106:20

ພວກເຂົາ​ເອົາ​ພຣະເຈົ້າ​ຜູ້​ເປັນ​ກຽດສັກສີ​ຂອງ​ພວກຕົນ ປ່ຽນ​ກັບ​ຮູບ​ສັດເດຍລະສານ​ທີ່​ກິນ​ຫຍ້າ​ໂຕໜຶ່ງ.

ເພງ^ສັນລະເສີນ 14:6

ຄົນຊົ່ວ​ຂັດຂວາງ​ແຜນການ​ຂອງ​ຄົນ​ຖ່ອມຕົວ ແຕ່​ພຣະເຈົ້າຢາເວ​ຊົງ​ຄຸ້ມຄອງ​ຄົນ​ຖ່ອມຕົວ​ໄວ້.

ເພງ^ສັນລະເສີນ 2:1

ເປັນຫຍັງ​ບັນດາ​ຊົນຊາດ​ທັງປວງ​ຈຶ່ງ​ກໍ່​ແຜນການ​ກະບົດ? ເປັນຫຍັງ​ປະຊາຊົນ​ຈຶ່ງ​ວາງ​ອຸບາຍ​ອັນ​ໄຮ້​ປະໂຫຍດ?

ເພງ^ສັນລະເສີນ 3:3

ຂ້າແດ່​ພຣະເຈົ້າຢາເວ ແຕ່​ພຣະອົງ​ເປັນ​ທີ່​ກຳບັງ​ຂອງ​ຂ້ານ້ອຍ ພຣະອົງ​ປົກປັກ​ຮັກສາ​ຂ້ານ້ອຍ​ຈາກ​ອັນຕະລາຍ​ເລື້ອຍໆ ພຣະອົງ​ໃຫ້​ຂ້ານ້ອຍ​ໄດ້​ຮັບ​ຄວາມມີໄຊ ແລະ​ຊ່ວຍຊູ​ໃຫ້​ມີ​ຄວາມ​ກ້າຫານ​ຂຶ້ນ​ໃໝ່.

ເພງ^ສັນລະເສີນ 31:6

ຜູ້​ທີ່​ຂາບໄຫວ້​ຮູບເຄົາຣົບ​ນັ້ນ ພຣະອົງ​ກຽດຊັງ​ຫລາຍ ແຕ່​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ.

ເພງ^ສັນລະເສີນ 5:6

ພຣະອົງ​ທຳລາຍ​ຄົນ​ຂີ້ຕົວະ​ທຸກຄົນ ແລະ​ພຣະເຈົ້າຢາເວ​ກຽດຊັງ​ຄົນຊົ່ວຮ້າຍ​ແລະ​ຄົນ​ຫລອກລວງ​ດ້ວຍ.

ເພງ^ສັນລະເສີນ 50:15

ເມື່ອ​ເຈົ້າ​ຖືກ​ເດືອດຮ້ອນ ຈົ່ງ​ຮ້ອງຫາ​ເຮົາ ເຮົາ​ຈະ​ຊ່ວຍ​ເຈົ້າ​ໃຫ້​ພົ້ນ ແລະ​ເຈົ້າ​ກໍ​ຈະ​ຍ້ອງຍໍ​ສັນລະເສີນ​ເຮົາ.”

ເພງ^ສັນລະເສີນ 57:4

ຂ້ານ້ອຍ​ຖືກ​ປິດລ້ອມ​ໂດຍ​ເຫຼົ່າ​ສັດຕູ ຜູ້​ເປັນ​ດັ່ງ​ໂຕສິງ​ທີ່​ກັດກິນ​ມະນຸດ. ແຂ້ວ​ມັນ​ນັ້ນ​ຄ້າຍ​ຄື​ຫອກ​ແລະ​ລູກສອນ ລີ້ນ​ມັນ​ຄ້າຍ​ຄື​ກັບ​ດາບ​ອັນ​ຄົມໆ.

ເພງ^ສັນລະເສີນ 58:1

ທ່ານ​ຕັດສິນໃຈ​ຖືກຕ້ອງ​ຫລື​ບໍ່? ບັນດາ​ຜູ້ປົກຄອງ​ເອີຍ ທ່ານ​ຕັດສິນ​ທຸກຄົນ​ຢ່າງ​ເປັນທຳ​ຫລືບໍ່?

ເພງ^ສັນລະເສີນ 58:3

ຄົນຊົ່ວຮ້າຍ​ເຮັດ​ຜິດ​ຕະຫລອດ​ຊີວິດ​ຂອງ​ພວກເຂົາ ພວກເຂົາ​ເວົ້າຕົວະ​ຕະຫລອດ​ມາ​ຕັ້ງແຕ່​ມື້​ພວກເຂົາ​ເກີດ.

ເພງ^ສັນລະເສີນ 63:11

ສ່ວນ​ກະສັດ​ນັ້ນ​ກໍ​ຈະ​ຊົມຊື່ນ​ຍິນດີ ເພາະວ່າ​ພຣະເຈົ້າ​ໃຫ້​ໄຊຊະນະ​ແກ່​ເພິ່ນ. ຄົນ​ທັງຫລາຍ​ທີ່​ສັນຍາ​ໃນ​ພຣະນາມ​ຂອງ​ພຣະເຈົ້າ ກໍ​ຈະ​ຍ້ອງຍໍ​ສັນລະເສີນ​ພຣະອົງ ແຕ່​ປາກ​ຂອງ​ຄົນ​ຂີ້ຕົວະ​ຈະ​ຖືກ​ງັບ​ໄວ້.

ເພງ^ສັນລະເສີນ 72:2

ເພື່ອ​ວ່າ​ຈະ​ໄດ້​ປົກຄອງ​ຄົນ​ຂອງ​ເພິ່ນ​ຢ່າງ​ຍຸດຕິທຳ ແລະ​ພວກ​ທີ່​ຖືກ​ກົດຂີ່​ຂົ່ມເຫັງ​ດ້ວຍ​ຄວາມ​ຊອບທຳ​ໄດ້.

ອົບພະຍົບ 10:3

ສະນັ້ນ ໂມເຊ​ແລະ​ອາໂຣນ​ຈຶ່ງ​ໄດ້​ເຂົ້າ​ໄປ​ພົບ​ກະສັດ​ຟາໂຣ ແລະ​ກ່າວ​ຕໍ່​ເພິ່ນ​ວ່າ, “ພຣະເຈົ້າຢາເວ ພຣະເຈົ້າ​ຂອງ​ຊາວ​ເຮັບເຣີ​ກ່າວ​ວ່າ, ‘ເຈົ້າ​ຍັງ​ຈະ​ແຂງຂໍ້​ຕໍ່​ເຮົາ​ອີກ​ດົນນານ​ປານໃດ? ຈົ່ງ​ປ່ອຍ​ປະຊາຊົນ​ຂອງເຮົາ​ໄປ ເພື່ອ​ວ່າ​ພວກເຂົາ​ຈະ​ໄດ້​ນະມັດສະການ​ເຮົາ.

ສຸພາສິດ 1:22

“ຄົນໂງ່ຈ້າ​ເອີຍ ພວກເຈົ້າ​ຢາກ​ເປັນ​ຄົນໂງ່ຈ້າ​ຢູ່​ອີກ​ເຫິງ​ປານໃດ? ພວກເຈົ້າ​ຍັງ​ຈະ​ພໍໃຈ​ກັບ​ການ​ດູໝິ່ນ​ປະໝາດ​ຄວາມຮູ້​ຢູ່​ບໍ? ພວກເຈົ້າ​ຈະ​ບໍ່​ຮໍ່າຮຽນ​ເອົາ​ຈັກເທື່ອ​ບໍ?

ປັນຍາຈານ 8:11

ເປັນຫຍັງ​ຄົນ​ຈຶ່ງ​ພ້ອມ​ທີ່​ຈະ​ເຮັດ​ຊົ່ວ​ກັນ​ແທ້? ກໍ​ເພາະ​ຄົນ​ທີ່​ເຮັດ​ຊົ່ວ​ນັ້ນ​ບໍ່ໄດ້​ຖືກ​ລົງໂທດ​ໃຫ້​ໄວ​ທັນການ.

ປັນຍາຈານ 9:3

ຊາຕາກຳ​ອັນດຽວ​ມາ​ສູ່​ທຸກຄົນ​ສະເໝີ​ໜ້າ​ກັນ ແລະ​ອັນ​ນີ້​ແມ່ນ​ຜິດ​ຈາກ​ເຫດການ​ໃດໆ ທີ່​ເກີດຂຶ້ນ​ຢູ່​ໃຕ້​ດວງ​ຕາເວັນ. ຕາບໃດ​ທີ່​ມະນຸດ​ມີ​ຊີວິດ​ຢູ່ ຕາບນັ້ນ​ຄວາມຄິດ​ຂອງ​ເຂົາ​ກໍ​ເຕັມ​ໄປ​ດ້ວຍ​ຄວາມຊົ່ວ​ແລະ​ຄວາມ​ບ້າບໍ ແລະ​ພວກເຂົາ​ກໍ​ຕາຍໄປ​ໃນ​ທັນໃດນັ້ນ.

ເອຊາຢາ 20:5

ພວກໃດ​ທີ່​ໄວ້ວາງໃຈ​ປະເທດ​ເອທີໂອເປຍ ແລະ​ເວົ້າ​ອວດ​ໃຫ້​ແກ່​ປະເທດ​ເອຢິບ ພວກນັ້ນ​ກໍ​ຈະ​ຮູ້​ເມື່ອ​ວ່າ​ຕົນ​ຄິດ​ຜິດ​ໄປ​ສາ​ແລ້ວ ຄື​ຄວາມຫວັງ​ຂອງ​ພວກເຂົາ​ໄດ້​ແຕກ​ສະຫລາຍໄປ.

ເອຊາຢາ 45:17

ແຕ່​ພຣະເຈົ້າຢາເວ​ໄດ້​ຊ່ວຍຊູ​ຊາດ​ອິດສະຣາເອນ ແລະ​ຄວາມມີໄຊ​ຂອງ​ພວກເຂົາ​ກໍ​ດຳລົງ​ໄປ​ຕະຫລອດ; ພຣະອົງ​ຈະ​ບໍ່​ໃຫ້​ປະຊາຊົນ​ຂອງ​ພຣະອົງ ໄດ້​ຖືກ​ອັບອາຍ​ຂາຍໜ້າ​ອີກ​ຈັກເທື່ອ.”’

ເອຊາຢາ 59:4

ພວກເຈົ້າ​ໄປ​ສານ​ແຕ່​ຄວາມ​ຍຸດຕິທຳ​ຈະ​ບໍ່​ຢູ່​ຝ່າຍ​ພວກເຈົ້າ ເພາະ​ພວກເຈົ້າ​ເວົ້າ​ຕົວະ​ເພື່ອ​ເອົາ​ຊະນະ​ຄະດີ. ພວກເຈົ້າ​ໃຊ້​ອຸບາຍ​ເພື່ອ​ທຳຮ້າຍ​ຄົນອື່ນ.

ເຢເຣມີຢາ 2:11

ບໍ່ມີ​ຊົນຊາດ​ອື່ນໃດ​ເຄີຍ​ສັບປ່ຽນ​ພຣະ​ຂອງຕົນ ເຖິງ​ວ່າ​ພວກມັນ​ບໍ່ແມ່ນ​ພຣະ​ແທ້​ກໍຕາມ. ແຕ່​ປະຊາຊົນ​ຂອງເຮົາ​ໄດ້​ສັບປ່ຽນ​ເຮົາ​ເດີ ພຣະເຈົ້າ​ຜູ້​ທີ່​ໄດ້​ນຳ​ສະຫງ່າຣາສີ​ມາ​ສູ່​ພວກເຂົາ ກັບ​ບັນດາ​ພະ​ທີ່​ບໍ່​ສາມາດ​ເຮັດ​ຫຍັງ ແລະ​ທີ່​ຊ່ວຍເຫລືອ​ພວກເຂົາ​ຫຍັງ​ບໍ່ໄດ້.

ເຢເຣມີຢາ 2:5

ພຣະເຈົ້າຢາເວ​ກ່າວ​ດັ່ງນີ້: “ບັນພະບຸລຸດ​ຂອງ​ພວກເຈົ້າ​ມີ​ຂໍ້​ກ່າວຫາ ພວກເຂົາ​ມີ​ຂໍ້​ກ່າວຫາ​ຫຍັງ​ຕໍ່ສູ້​ເຮົາ​ຢ່າງນີ້​ນໍ ແມ່ນ​ຫຍັງ​ທີ່​ເຮັດ​ໃຫ້​ພວກເຂົາ​ຫັນໜີ​ຈາກ​ເຮົາ​ໄດ້? ພວກເຂົາ​ໄດ້​ຂາບໄຫວ້​ຮູບເຄົາຣົບ​ທີ່​ບໍ່ມີ​ປະໂຫຍດ​ຫຍັງ ແລະ​ພວກເຂົາ​ເອງ​ກໍໄດ້​ກາຍເປັນ​ຄົນ​ບໍ່ມີ​ປະໂຫຍດ.

ເຢເຣມີຢາ 9:3

ພວກເຂົາ​ຕຽມພ້ອມ​ທີ່​ຈະ​ເວົ້າ​ຕົວະ​ຢູ່​ສະເໝີ ຄວາມ​ບໍ່​ສັດຊື່​ແທນ​ຄວາມຈິງ​ປົກຄອງ​ດິນແດນ​ນີ້.” ພຣະເຈົ້າຢາເວ​ກ່າວ​ວ່າ, “ປະຊາຊົນ​ຂອງເຮົາ​ເຮັດ​ຊົ່ວ​ແລ້ວ​ເຮັດ​ຊົ່ວ​ອີກ ທັງ​ບໍ່ໄດ້​ຮັບຮູ້​ເຮົາ​ວ່າ​ເປັນ​ພຣະເຈົ້າ​ຂອງ​ພວກເຂົາ.”

ໂຮເສອາ 4:7

ພວກເຈົ້າ​ຜູ້​ເປັນ​ປະໂຣຫິດ​ມີ​ຈຳນວນ​ຫລາຍ​ຂຶ້ນ​ເທົ່າໃດ ພວກເຈົ້າ​ກໍ​ຍິ່ງ​ເຮັດ​ບາບ​ຕໍ່ສູ້​ເຮົາ​ຫລາຍ​ຂຶ້ນ​ເທົ່ານັ້ນ ເຮົາ​ຈະ​ໃຫ້​ກຽດຕິຍົດ​ຂອງ​ພວກເຈົ້າ​ກາຍເປັນ​ຄວາມ​ອັບອາຍ.

ໂຢນາ 2:8

ພວກ​ທີ່​ຂາບໄຫວ້​ຮູບເຄົາຣົບ​ອັນ​ບໍ່ມີ​ປະໂຫຍດ​ຫຍັງ ກໍໄດ້​ປະຖິ້ມ​ຄວາມສັດຊື່​ຕໍ່​ພຣະອົງ​ສາ​ແລ້ວ.

ຈົດບັນຊີ 14:11

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ປະຊາຊົນ​ເຫຼົ່ານີ້​ຍັງ​ຈະ​ໝິ່ນປະໝາດ​ເຮົາ​ອີກ​ດົນນານ​ປານໃດ? ເຖິງແມ່ນ​ວ່າ ເຮົາ​ໄດ້​ເຮັດ​ການ​ອັດສະຈັນ​ຫລາຍ​ຢ່າງ​ໃນ​ທ່າມກາງ​ພວກເຂົາ​ແລ້ວ ພວກເຂົາ​ກໍ​ຍັງ​ປະຕິເສດ​ທີ່​ຈະ​ໄວ້ວາງໃຈ​ໃນ​ເຮົາ​ຕະຫລອດໄປ​ບໍ?

ກິດຈະການ 24:9

ພວກ​ຢິວ​ຕ່າງ​ກໍ​ສະໜັບ​ສະໜູນ​ຄຳ​ກ່າວຫາ​ນີ້ ແລະ​ຢືນຢັນ​ວ່າ​ເລື່ອງລາວ​ທັງໝົດ​ນັ້ນ​ເປັນ​ຄວາມຈິງ.

1 ໂກຣິນໂທ 1:31

ເພື່ອ​ໃຫ້​ເປັນ​ໄປ​ຕາມ​ທີ່​ມີ​ຄຳ​ຂຽນ​ໄວ້​ແລ້ວ​ວ່າ, “ຜູ້​ຢາກ​ອວດອ້າງ​ນັ້ນ ຈົ່ງ​ເອົາ​ອົງພຣະ​ຜູ້​ເປັນເຈົ້າ​ມາ​ອວດອ້າງ.”

ເອເຟໂຊ 4:25

ດັ່ງນັ້ນ, ເຈົ້າ​ທັງຫລາຍ​ຈົ່ງ​ເຊົາ​ເວົ້າ​ຕົວະ ທຸກຄົນ​ຈົ່ງ​ເວົ້າ​ແຕ່​ຄວາມຈິງ​ຕໍ່​ກັນ ເພາະ​ພວກເຮົາ​ທຸກຄົນ​ເປັນ​ອະໄວຍະວະ​ຂອງ​ກັນແລະກັນ ຢູ່​ໃນ​ພຣະກາຍ​ອັນ​ດຽວກັນ.

1 ຊາມູເອນ 12:21

ຢ່າ​ຫລົງ​ໄຫລ​ໄປ​ນຳ​ພະທຽມ; ມັນ​ຊ່ວຍເຫລືອ​ຫຍັງ​ພວກເຈົ້າ​ບໍ່ໄດ້ ເພາະ​ມັນ​ບໍ່ແມ່ນ​ພຣະ​ແທ້.