ເພງ^ສັນລະເສີນ 26:12 - ພຣະຄຳພີສັກສິ

¹² ຂ້ານ້ອຍ​ຢືນ​ຢູ່​ເທິງ​ບ່ອນ​ທີ່​ປອດໄພ ທີ່​ຊຸມນຸມຊົນ​ຂອງ​ພຣະອົງ ຂ້ານ້ອຍ​ຈະ​ຍ້ອງຍໍ​ສັນລະເສີນ​ພຣະເຈົ້າຢາເວ.

ເພງ^ສັນລະເສີນ 26:12 Jak'a apnaqawi uñst'ayäwi

ເພງ^ສັນລະເສີນ 107:32

ພວກເຂົາ​ຕ້ອງ​ປະກາດ​ຄວາມ​ຍິ່ງໃຫຍ່​ໃນ​ທີ່​ຊຸມນຸມຊົນ ແລະ​ຍ້ອງຍໍ​ສັນລະເສີນ​ພຣະອົງ​ຕໍ່​ກອງ​ປະຊຸມ​ພວກຜູ້ນຳ.

ເພງ^ສັນລະເສີນ 111:1

ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ. ຂ້ານ້ອຍ​ຈະ​ໂມທະນາ​ຂອບພຣະຄຸນ​ພຣະເຈົ້າຢາເວ ດ້ວຍ​ສຸດຈິດ​ສຸດໃຈ​ຂອງ​ຂ້ານ້ອຍ ໃນ​ທີ່​ຊຸມນຸມຊົນ​ຂອງ​ພຣະອົງ.

ເພງ^ສັນລະເສີນ 122:4

ທີ່ນີ້​ເປັນ​ບ່ອນ​ບັນດາ​ເຜົ່າ​ຂອງ​ພຣະເຈົ້າຢາເວ ມາ​ຖວາຍ​ຂອບພຣະຄຸນ​ແດ່​ພຣະນາມ​ຂອງ​ພຣະເຈົ້າຢາເວ ຕາມ​ທີ່​ກຳນົດ​ໄວ້​ແກ່​ຊາດ​ອິດສະຣາເອນ.

ເພງ^ສັນລະເສີນ 26:7

ຂ້ານ້ອຍ​ຮ້ອງເພງ​ກ່າວ​ເຖິງ​ການ​ໂມທະນາ​ຂອບພຣະຄຸນ ແລະ​ການກະທຳ​ອັນ​ອັດສະຈັນ​ຂອງ​ພຣະອົງ​ດ້ວຍ.

ເພງ^ສັນລະເສີນ 27:11

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ສັ່ງສອນ ສິ່ງ​ທີ່​ພຣະອົງ​ຢາກ​ໃຫ້​ຂ້ານ້ອຍ​ກະທຳ​ນັ້ນ ໂຜດ​ນຳພາ​ໄປ​ໃນ​ທາງ​ທີ່​ປອດໄພ ເພາະ​ຂ້ານ້ອຍ​ມີ​ສັດຕູ​ຫລາຍ.

ເພງ^ສັນລະເສີນ 40:2

ພຣະອົງ​ດຶງ​ຂ້ານ້ອຍ​ອອກ​ຈາກ​ຂຸມ​ອັນຕະລາຍ ຄື​ຈາກ​ບຶງ​ດິນ​ຊາຍ​ຊຶ່ງ​ບໍ່ມີ​ພື້ນ. ແລ້ວ​ພຣະອົງ​ກໍ​ໃຫ້​ນັ່ງ​ຢູ່​ເທິງ​ໂງ່ນຫີນ​ຢ່າງ​ປອດໄພ ແລະ​ເຮັດ​ໃຫ້​ມີ​ຄວາມ​ໝັ້ນຄົງ​ຫລາຍ​ຂຶ້ນ.

ເພງ^ສັນລະເສີນ 68:27

ເບັນຢາມິນ​ເປັນ​ເຜົ່ານ້ອຍ​ທີ່ສຸດ​ໃຫ້​ມາ​ກ່ອນ ແລ້ວ​ຜູ້ນຳ​ເຜົ່າຢູດາ​ພ້ອມ​ໝວດ​ໝູ່​ຂອງ​ພວກຕົນ ທັງ​ພວກຜູ້ນຳ​ເຜົ່າ​ເຊບູໂລນ​ແລະ​ເນັບທາລີ ກໍ​ໃຫ້​ພາກັນ​ເດີນ​ຕິດຕາມ​ໄປ​ນຳ​ດ້ວຍ.

ສຸພາສິດ 10:9

ຄົນ​ສັດຊື່​ກໍ​ປອດໄພ​ແລະ​ໝັ້ນຄົງ, ແຕ່​ຄົນ​ທີ່​ບໍ່​ຊື່ກົງ ກໍ​ຈະ​ຖືກ​ຈັບ​ໄດ້.

ເຮັບເຣີ 2:12

ໂດຍ​ພຣະອົງ​ຊົງ​ກ່າວ​ວ່າ, “ເຮົາ​ຈະ​ປະກາດ​ພຣະນາມ ຂອງ​ພຣະອົງ​ແກ່​ອ້າຍ​ເອື້ອຍ​ນ້ອງ​ຂອງເຮົາ ເຮົາ​ຈະ​ຮ້ອງເພງ​ສັນລະເສີນ​ພຣະອົງ ໃນ​ທ່າມກາງ​ຊຸມຊົນ.”

1 ຊາມູເອນ 2:9

ພຣະອົງ​ຄຸ້ມຄອງ​ຊີວິດ​ຄົນ​ທີ່​ສັດຊື່​ຕໍ່​ພຣະອົງ ສ່ວນ​ຄົນຊົ່ວຮ້າຍ​ຈະ​ຖືກ​ດັບສູນ​ໃນ​ທີ່​ມືດ; ມະນຸດ​ບໍ່​ຫ່ອນ​ໄຊຊະນະ​ໄດ້​ດ້ວຍ​ກຳລັງ ຄື​ໂດຍ​ກຳລັງ​ຂອງ​ຕົນເອງ​ທີ່​ມີ​ຢູ່​ນັ້ນ.