ເພງ^ສັນລະເສີນ 26:1 - ພຣະຄຳພີສັກສິ

¹ ຂ້າແດ່​ພຣະເຈົ້າຢາເວ ຂໍ​ຊົງ​ພິສູດ​ຂ້ານ້ອຍ​ດ້ວຍ​ເຖີດ ເພາະວ່າ​ຂ້ານ້ອຍ​ດຳເນີນ​ຊີວິດ​ຢ່າງ​ບໍ່ມີ​ຕຳໜິ ແລະ​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ ໂດຍ​ປັດສະຈາກ​ຄວາມ​ຫວັ່ນໄຫວ.

ເພງ^ສັນລະເສີນ 26:1 Jak'a apnaqawi uñst'ayäwi

2 ກະສັດ 20:3

“ຂ້າແດ່​ພຣະເຈົ້າຢາເວ ພຣະອົງ​ຈົດຈຳ​ບໍ​ວ່າ​ຂ້ານ້ອຍ​ໄດ້​ບົວລະບັດ​ຮັບໃຊ້​ພຣະອົງ ດ້ວຍ​ຄວາມສັດຊື່ ແລະ​ຈົງຮັກ​ພັກດີ; ຂ້ານ້ອຍ​ໄດ້​ພະຍາຍາມ​ປະຕິບັດ​ຕາມ​ຄວາມປະສົງ​ຂອງ​ພຣະອົງ​ສະເໝີມາ.” ແລ້ວ​ເພິ່ນ​ກໍ​ຮ້ອງໄຫ້​ຢ່າງ​ຂົມຂື່ນ.

ພຣະທຳ​ໂຢບ 2:3

ພຣະເຈົ້າຢາເວ​ຖາມ​ມານຊາຕານ​ວ່າ, “ເຈົ້າ​ໄດ້​ສັງເກດ​ເບິ່ງ​ໂຢບ ຜູ້ຮັບໃຊ້​ຂອງເຮົາ​ບໍ? ໃນ​ໂລກນີ້​ບໍ່ມີ​ຜູ້ໃດ​ທີ່​ສັດຊື່​ແລະ​ດີ​ເທົ່າ​ລາວ. ລາວ​ຢຳເກງ​ພຣະເຈົ້າ ແລະ​ລະມັດ​ລະວັງຕົວ​ບໍ່​ເຮັດ​ຊົ່ວ. ເຈົ້າ​ໄດ້​ຊັກຊວນ​ເຮົາ​ໃຫ້​ເຈົ້າ​ໂຈມຕີ​ລາວ ໂດຍ​ບໍ່ມີ​ເຫດຜົນ​ຫຍັງ​ແຕ່​ໂຢບ​ກໍ​ຍັງ​ສັດຊື່​ຕໍ່​ເຮົາ.”

ພຣະທຳ​ໂຢບ 4:6

ເຈົ້າ​ຢຳເກງ​ພຣະເຈົ້າ​ແລະ​ຊີວິດ​ກໍ​ບໍ່​ດ່າງພອຍ, ສະນັ້ນ ເຈົ້າ​ຈົ່ງ​ໝັ້ນໃຈ ແລະ​ຫວັງໃຈ​ເອົາ​ໄວ້.

ເພງ^ສັນລະເສີນ 121:3

ພຣະອົງ​ຈະ​ບໍ່​ຍອມ​ໃຫ້​ເຈົ້າ​ພະລາດ​ລົ້ມ​ລົງ​ໄປ ພຣະຜູ້​ຄຸ້ມຄອງ​ຈະ​ປົກປັກ​ຮັກສາ​ເຈົ້າ​ໄວ້.

ເພງ^ສັນລະເສີນ 15:2

ຄື​ພວກ​ທີ່​ເຊື່ອຟັງ​ພຣະເຈົ້າ​ໃນ​ທຸກສິ່ງ ແລະ​ເຮັດ​ໃນ​ສິ່ງ​ທີ່​ຖືກຕ້ອງ​ຢູ່​ສະເໝີ ທັງ​ເປັນ​ຄົນ​ເວົ້າ​ຄວາມຈິງ​ຈາກ​ຈິດໃຈ​ດ້ວຍ

ເພງ^ສັນລະເສີນ 21:7

ກະສັດ​ໄວ້ວາງໃຈ​ໃນ​ພຣະເຈົ້າຢາເວ ຍ້ອນ​ຄວາມຮັກ​ອັນ​ໝັ້ນຄົງ​ຂອງ​ອົງ​ຍິ່ງໃຫຍ່​ສູງສຸດ ທ່ານ​ຈະ​ບໍ່​ຫວັ່ນໄຫວ.

ເພງ^ສັນລະເສີນ 25:2

ພຣະເຈົ້າ​ຂອງ​ຂ້ານ້ອຍ​ເອີຍ ຂ້ານ້ອຍ​ໄວ້ວາງໃຈ​ໃນ​ພຣະອົງ ຂໍ​ຊົງ​ໂຜດ​ຊ່ວຍ​ໃຫ້​ຂ້ານ້ອຍ​ພົ້ນ​ຈາກ​ຄວາມ​ພ່າຍແພ້​ອັນ​ອັບອາຍ ແລະ​ຢ່າ​ໃຫ້​ສັດຕູ​ໄດ້​ຫົວ​ເຍາະເຍີ້ຍ​ໃສ່​ຂ້ານ້ອຍ

ເພງ^ສັນລະເສີນ 25:21

ຂໍ​ຄວາມດີ​ແລະ​ຄວາມສັດຊື່​ນັ້ນ​ປົກປັກ​ຮັກສາ ເພາະວ່າ​ຂ້ານ້ອຍ​ໄວ້ວາງໃຈ​ໃນ​ພຣະເຈົ້າ.

ເພງ^ສັນລະເສີນ 26:11

ແຕ່​ສຳລັບ​ຂ້ານ້ອຍ​ດຳເນີນ​ຊີວິດ​ໃນ​ຄວາມ​ຖືກຕ້ອງ ຂໍ​ຊົງ​ໂຜດ​ເມດຕາ​ແລະ​ໄຖ່​ເອົາ​ຂ້ານ້ອຍ​ໄວ້​ດ້ວຍ.

ເພງ^ສັນລະເສີນ 28:7

ພຣະເຈົ້າຢາເວ​ເປັນ​ປ້ອມ​ປ້ອງກັນ​ອັນ​ເຂັ້ມແຂງ​ຂອງ​ຂ້ານ້ອຍ ແລະ​ເປັນ​ໂລ້​ຕ້ານທານ​ຂອງ​ຂ້ານ້ອຍ. ສະນັ້ນ ຂ້ານ້ອຍ​ຈຶ່ງ​ໄວ້ວາງໃຈ​ໃນ​ພຣະອົງ. ພຣະອົງ​ຊ່ວຍເຫລືອ​ຂ້ານ້ອຍ​ແລະ​ເຮັດ​ໃຫ້​ຂ້ານ້ອຍ​ຊົມຊື່ນ​ຍິນດີ ດັ່ງນັ້ນ ຂ້ານ້ອຍ​ຈຶ່ງ​ສັນລະເສີນ​ພຣະອົງ​ດ້ວຍ​ບົດເພງ​ອັນ​ອອນຊອນ.

ເພງ^ສັນລະເສີນ 31:14

ຂ້າແດ່​ພຣະເຈົ້າຢາເວ ແຕ່​ຂ້ານ້ອຍ​ໄວ້ວາງໃຈ​ໃນ​ພຣະອົງ ພຣະອົງ​ເປັນ​ພຣະເຈົ້າ​ຂອງ​ຂ້ານ້ອຍ.

ເພງ^ສັນລະເສີນ 35:24

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ພຣະອົງ​ນັ້ນ​ຊົງ​ຊອບທຳ ໂຜດ​ປະກາດ​ວ່າ​ຂ້ານ້ອຍ​ບໍ່ມີ​ຄວາມຜິດ​ດ້ວຍ ຂໍ​ຢ່າ​ປ່ອຍ​ໃຫ້​ສັດຕູ​ຂອງ​ຂ້ານ້ອຍ ດູຖູກ​ຢຽບຫຍາມ​ຂ້ານ້ອຍ​ເລີຍ.

ເພງ^ສັນລະເສີນ 37:31

ກົດບັນຍັດ​ຂອງ​ພຣະເຈົ້າ​ກໍ​ຢູ່​ໃນ​ຈິດໃຈ​ຂອງ​ພວກເຂົາ ພວກເຂົາ​ບໍ່ເຄີຍ​ຫ່າງເຫີນ​ຈາກ​ກົດບັນຍັດ.

ເພງ^ສັນລະເສີນ 4:5

ຈົ່ງ​ຖວາຍ​ບູຊາ​ສິ່ງ​ຖືກຕ້ອງ​ແກ່​ພຣະເຈົ້າຢາເວ​ສາ ຈົ່ງ​ໄວ້ວາງໃຈ​ໃນ​ພຣະອົງ​ເຖີດ.

ເພງ^ສັນລະເສີນ 43:1

ຂ້າແດ່​ພຣະເຈົ້າ ໂຜດ​ປະກາດ​ວ່າ​ຂ້ານ້ອຍ​ບໍ່ມີ​ຄວາມຜິດ ຂໍ​ຊົງ​ໂຜດ​ຊ່ວຍ​ແກ້​ຄະດີ​ໃຫ້​ຂ້ານ້ອຍ​ດ້ວຍ ຄົນ​ບໍ່​ເຊື່ອ​ພຣະເຈົ້າ​ໄດ້​ກ່າວ​ຕໍ່ສູ້​ຂ້ານ້ອຍ ໂຜດ​ຊ່ວຍກູ້​ຂ້ານ້ອຍ​ຈາກ​ຄົນ​ຂີ້ຕົວະ​ແລະ​ຊົ່ວຮ້າຍ.

ເພງ^ສັນລະເສີນ 54:1

ຂ້າແດ່​ພຣະເຈົ້າ ຂໍ​ຊ່ວຍ​ຂ້ານ້ອຍ​ໃຫ້​ພົ້ນ​ໂດຍ​ພຣະນາມ​ຂອງ​ພຣະອົງ​ແດ່​ ແລະ​ໂຜດ​ໃຫ້​ເປັນ​ອິດສະລະ​ໂດຍ​ພຣະ​ກຳລັງ​ຂອງ​ພຣະອົງ.

ເພງ^ສັນລະເສີນ 62:2

ພຣະອົງ​ເທົ່ານັ້ນ​ທີ່​ປົກປ້ອງ​ແລະ​ຊ່ວຍ​ຂ້ານ້ອຍ​ໃຫ້​ພົ້ນໄພ ເມື່ອ​ພຣະອົງ​ເປັນ​ຜູ້​ປ້ອງກັນ​ຂ້ານ້ອຍ​ໄວ້ ຂ້ານ້ອຍ​ຈະ​ບໍ່​ພ່າຍແພ້​ຈັກເທື່ອ.

ເພງ^ສັນລະເສີນ 62:6

ພຣະອົງ​ເປັນ​ສີລາ​ແລະ​ຄວາມພົ້ນ​ຂອງ​ຂ້ານ້ອຍ ພຣະອົງ​ເທົ່ານັ້ນ​ເປັນ​ຜູ້​ປ້ອງກັນ​ຂ້ານ້ອຍ​ໄວ້ ຂ້ານ້ອຍ​ຈະ​ບໍ່​ພ່າຍແພ້.

ເພງ^ສັນລະເສີນ 7:8

ໂອ ຂ້າແດ່​ພຣະເຈົ້າຢາເວ​ເອີຍ ພຣະອົງ​ເປັນ​ຜູ້ຕັດສິນ​ມະນຸດສະໂລກ​ທຸກຄົນ. ພຣະເຈົ້າຢາເວ ຂໍ​ຊົງ​ໂຜດ​ຕັດສິນ​ເຂົ້າຂ້າງ​ຂ້ານ້ອຍ​ດ້ວຍ ເພາະ​ຮູ້​ວ່າ​ຂ້ານ້ອຍ​ບໍ່ໄດ້​ເຮັດ​ຜິດ​ຫຍັງ.

ເພງ^ສັນລະເສີນ 94:18

ຂ້າແດ່​ພຣະເຈົ້າຢາເວ ຂ້ານ້ອຍ​ກຳລັງ​ລົ້ມ ແຕ່​ຄວາມຮັກ​ອັນ​ໝັ້ນຄົງ​ຂອງ​ພຣະອົງ ກໍ​ຊ່ວຍຊູ​ຂ້ານ້ອຍ​ໃຫ້​ລຸກ​ຂຶ້ນ.

ສຸພາສິດ 20:7

ເມື່ອ​ມີ​ພໍ່​ທີ່​ສັດຊື່​ແລະ​ເຮັດ​ໃນ​ສິ່ງ​ທີ່​ຖືກຕ້ອງ ເຮັດ​ໃຫ້​ລູກ​ຂອງຕົນ​ໄດ້​ຮັບ​ພຣະພອນ.

ສຸພາສິດ 29:25

ຜູ້​ທີ່​ກັງວົນ​ນຳ​ຄົນ​ເວົ້າ​ໃຫ້ ກໍ​ເປັນ​ອັນຕະລາຍ, ແຕ່​ຜູ້​ທີ່​ໄວ້ວາງໃຈ​ໃນ​ພຣະເຈົ້າຢາເວ ກໍ​ມີ​ຄວາມ​ປອດໄພ.

2 ໂກຣິນໂທ 1:12

ນີ້​ແຫຼະ ແມ່ນ​ສິ່ງ​ທີ່​ພວກເຮົາ​ເອກອ້າງ​ໄດ້​ຄື: ໃຈ​ສຳນຶກ​ຜິດແລະຊອບ​ຂອງ​ພວກເຮົາ​ກໍ​ເປັນ​ພະຍານ​ວ່າ, ການ​ດຳເນີນ​ຊີວິດ​ຂອງ​ພວກເຮົາ​ຢູ່​ໃນ​ໂລກນີ້ ດ້ວຍ​ຄວາມ​ບໍຣິສຸດ​ໃຈ​ແລະ​ດ້ວຍ​ຄວາມ​ຈິງໃຈ​ທີ່​ມາ​ຈາກ​ພຣະເຈົ້າ ບໍ່ແມ່ນ​ໂດຍ​ປັນຍາ​ຂອງ​ມະນຸດ ແຕ່​ເປັນ​ມາ​ໂດຍ​ພຣະຄຸນ​ຂອງ​ພຣະເຈົ້າ.

ເຮັບເຣີ 10:23

ຈົ່ງ​ຢຶດໝັ້ນ​ຢູ່​ກັບ​ຄວາມຫວັງ​ທີ່​ພວກເຮົາ​ປະກາດ​ຕົວ​ວ່າ ໄດ້​ຮັບ​ໄວ້​ແລ້ວ​ນັ້ນ ຢ່າ​ໃຫ້​ຫວັ່ນໄຫວ, ເພາະວ່າ ພຣະອົງ​ຜູ້​ຊົງ​ປະທານ​ພຣະສັນຍາ​ນັ້ນ​ກໍ​ຊົງ​ສັດຊື່.

1 ເປໂຕ 1:5

ຊຶ່ງ​ເປັນ​ຜູ້​ທີ່​ຣິດອຳນາດ​ຂອງ​ພຣະເຈົ້າ ຊົງ​ເຝົ້າ​ຮັກສາ​ໄວ້​ດ້ວຍ​ຄວາມເຊື່ອ ຈົນ​ໄດ້​ເຖິງ​ຄວາມ​ພົ້ນ ຊຶ່ງ​ພ້ອມແລ້ວ​ທີ່​ຈະ​ປາກົດ​ໃນ​ວັນ​ສຸດທ້າຍ.

2 ເປໂຕ 1:10

ເພາະ​ສະນັ້ນ ພີ່ນ້ອງ​ທັງຫລາຍ​ເອີຍ, ຈົ່ງ​ອົດສາ​ພະຍາຍາມ​ຫລາຍກວ່າ​ເກົ່າ ເຮັດ​ໃຫ້​ຕົນເອງ​ເປັນ​ໄປ​ຕາມ​ທີ່​ພຣະເຈົ້າ​ຊົງ​ເອີ້ນ​ແລະ​ຊົງ​ເລືອກ​ໄວ້​ນັ້ນ. ເພາະວ່າ ຖ້າ​ເຮັດ​ຢ່າງ​ນັ້ນ​ແລ້ວ ພວກເຈົ້າ​ກໍ​ຈະ​ບໍ່​ສະດຸດ​ລົ້ມ​ລົງ​ຈັກເທື່ອ.

1 ຊາມູເອນ 2:9

ພຣະອົງ​ຄຸ້ມຄອງ​ຊີວິດ​ຄົນ​ທີ່​ສັດຊື່​ຕໍ່​ພຣະອົງ ສ່ວນ​ຄົນຊົ່ວຮ້າຍ​ຈະ​ຖືກ​ດັບສູນ​ໃນ​ທີ່​ມືດ; ມະນຸດ​ບໍ່​ຫ່ອນ​ໄຊຊະນະ​ໄດ້​ດ້ວຍ​ກຳລັງ ຄື​ໂດຍ​ກຳລັງ​ຂອງ​ຕົນເອງ​ທີ່​ມີ​ຢູ່​ນັ້ນ.

1 ຊາມູເອນ 24:15

ພຣະເຈົ້າຢາເວ​ຈະ​ຕັດສິນ​ດອກ​ວ່າ ໃນ​ເຮົາ​ທັງສອງ​ຄົນ​ນີ້​ແມ່ນ​ຜູ້ໃດ​ເປັນ​ຝ່າຍ​ຜິດ. ຂໍ​ໃຫ້​ພຣະອົງ​ພິຈາລະນາ​ເບິ່ງ​ໃນ​ເລື່ອງນີ້​ເພື່ອ​ປ້ອງກັນ​ຂ້ານ້ອຍ ແລະ​ຊ່ວຍຊູ​ຂ້ານ້ອຍ​ໃຫ້​ພົ້ນ​ຈາກ​ກຳມື​ຂອງທ່ານ​ດ້ວຍ​ເທີ້ນ.”