ເພງ^ສັນລະເສີນ 24:2 - ພຣະຄຳພີສັກສິ

² ພຣະອົງ​ໄດ້​ຊົງ​ສ້າງ​ແຜ່ນດິນ​ໂລກ ແລະ​ຕັ້ງ​ມັນ​ໄວ້​ຢູ່​ເທິງ​ໜ້າ​ນໍ້າ ທັງ​ຝັງ​ຮາກຖານ​ໂລກ​ໄວ້​ຢູ່​ພື້ນ​ທະເລ​ເລິກ.

ເພງ^ສັນລະເສີນ 24:2 Jak'a apnaqawi uñst'ayäwi

ປະຖົມມະການ 8:22

ຕາບໃດ​ທີ່​ໂລກ​ຍັງ​ຄົງ​ດຳລົງ​ຢູ່ ລະດູ​ຫວ່ານ​ກັບ​ລະດູ​ເກັບກ່ຽວ​ກໍ​ຍັງ​ມີ​ຢູ່​ຕໍ່ໄປ ຈະ​ມີ​ໜາວ​ມີ​ຮ້ອນ​ຮ່ວມ​ກັນ​ຢູ່​ສະເໝີ​ໄປ ຍາມຮ້ອນ​ແລະ​ຍາມ​ໜາວ ກາງເວັນ​ແລະ​ກາງຄືນ​ດ້ວຍ.”

ພຣະທຳ​ໂຢບ 38:4

ເມື່ອ​ເຮົາ​ສ້າງ​ຈັກກະວານ​ນັ້ນ ເຈົ້າ​ຢູ່​ບ່ອນ​ນັ້ນ​ບໍ? ຖ້າ​ເຈົ້າ​ຮູ້​ຫລວງຫລາຍ ຈົ່ງ​ບອກ​ເຮົາ​ມາ​ເບິ່ງ.

ເພງ^ສັນລະເສີນ 136:6

ພຣະອົງ​ໄດ້​ສ້າງ​ແຜ່ນດິນ​ໂລກ​ເໜືອ​ນໍ້າ​ເລິກ​ທັງຫລາຍ ຄວາມຮັກ​ໝັ້ນຄົງ​ຂອງ​ພຣະອົງ​ດຳລົງຢູ່​ສືບໄປ​ເປັນນິດ.

ເພງ^ສັນລະເສີນ 33:6

ພຣະເຈົ້າຢາເວ​ໄດ້​ສ້າງ​ຟ້າ​ສະຫວັນ​ດ້ວຍ​ຖ້ອຍຄຳ​ຂອງ​ພຣະອົງ ຕາເວັນ, ເດືອນ​ແລະ​ດາວ​ກໍ​ໂດຍ​ລົມປາກ​ຂອງ​ພຣະອົງ.

ເພງ^ສັນລະເສີນ 89:12

ພຣະອົງ​ໄດ້​ສ້າງ​ທິດໃຕ້​ທິດເໜືອ​ພູ​ຕາໂບ​ກັບ​ເຮີໂມນ ຕ່າງ​ກໍ​ຮ້ອງ​ຢ່າງ​ຊົມຊື່ນ​ຍິນດີ​ຍົກຍໍ​ພຣະອົງ​ດ້ວຍ.

ເພງ^ສັນລະເສີນ 93:1

ພຣະເຈົ້າຢາເວ​ຊົງ​ເປັນ​ກະສັດ ພຣະເຈົ້າຢາເວ​ຊົງ​ຫົ່ມ​ດ້ວຍ​ພຣະ​ສະຫງ່າຣາສີ​ແລະ​ພະລັງ. ແຜ່ນດິນ​ໂລກ​ຕັ້ງ​ຢູ່​ບ່ອນ​ເກົ່າ​ຢ່າງ​ໝັ້ນຄົງ​ດີ ແລະ​ບໍ່​ສາມາດ​ເໜັງຕີງ​ຍ້າຍ​ໄປມາ​ໄດ້.

ເພງ^ສັນລະເສີນ 95:4

ພຣະອົງ​ປົກຄອງ​ຢູ່​ເໜືອ​ແຜ່ນດິນ​ໂລກ​ທັງໝົດ ຈາກ​ຖໍ້າ​ເລິກສຸດ​ຈົນເຖິງ​ຍອດພູ​ສູງສຸດ​ພຸ້ນ.

ເພງ^ສັນລະເສີນ 96:10

ຈົ່ງ​ກ່າວ​ແກ່​ຊົນຊາດ​ທັງປວງ​ວ່າ, “ພຣະເຈົ້າຢາເວ​ເປັນ​ຈອມຣາຊາ ແຜ່ນດິນ​ໂລກ​ໄດ້​ຖືກ​ຕັ້ງ​ໄວ້​ຢູ່​ບ່ອນ​ເກົ່າ ຢ່າງ​ໝັ້ນຄົງ​ແລະ​ບໍ່​ຫວັ່ນໄຫວ. ພຣະອົງ​ຈະ​ຕັດສິນ​ປະຊາຊົນ​ທັງປວງ ດ້ວຍ​ຄວາມ​ຍຸດຕິທຳ.”

ເຢເຣມີຢາ 5:22

ເຮົາ​ແມ່ນ​ພຣະເຈົ້າຢາເວ ເປັນຫຍັງ​ພວກເຈົ້າ​ຈຶ່ງ​ບໍ່​ຢຳເກງ​ເຮົາ? ເປັນຫຍັງ​ພວກເຈົ້າ​ຈຶ່ງ​ບໍ່​ຢ້ານກົວ​ຕົວສັ່ນ​ຕໍ່ໜ້າ​ເຮົາ? ເຮົາ​ເປັນ​ຜູ້​ຈັດສັນ​ດິນ​ຊາຍ​ໄວ້​ເປັນ​ເຂດ​ອ້ອມ​ທະເລ ເພື່ອ​ໃຫ້​ເປັນ​ເຄື່ອງ​ກີດກັ້ນ​ອັນ​ຖາວອນ​ບໍ່​ໃຫ້​ນໍ້າ​ທະເລ​ຜ່ານ​ໄປ​ໄດ້. ນໍ້າ​ທະເລ​ອາດ​ໂຍກຂຶ້ນ​ໂຍກລົງ ແຕ່​ກໍ​ເລີຍ​ຂອບເຂດ​ນັ້ນ​ໄປ​ບໍ່ໄດ້; ຄື້ນ​ທະເລ​ອາດ​ດັງ​ກ້ອງສະໜັ່ນ ແຕ່​ກໍ​ຜ່ານ​ໄປ​ບໍ່ໄດ້.