ເພງ^ສັນລະເສີນ 21:4 - ພຣະຄຳພີສັກສິ

⁴ ທ່ານ​ຂໍ​ຊີວິດ​ຈາກ​ພຣະເຈົ້າ ພຣະອົງ​ກໍ​ໂຜດ​ໃຫ້​ຕາມ​ທີ່​ໄດ້​ຂໍ​ມາ ເປັນ​ຊີວິດ​ທີ່​ຍືນຍາວ​ແລະ​ຕະຫລອດໄປ.

ເພງ^ສັນລະເສີນ 21:4 Jak'a apnaqawi uñst'ayäwi

1 ກະສັດ 2:33

ໂທດ​ຂ້າ​ຄົນ​ນີ້​ກໍ​ຈະ​ຕົກ​ຖືກ​ໂຢອາບ​ກັບ​ລູກຫລານ​ຂອງ​ລາວ​ຕະຫລອດໄປ. ແຕ່​ພຣະເຈົ້າຢາເວ​ຈະ​ໃຫ້​ລູກຫລານ​ຂອງ​ກະສັດ​ດາວິດ ຂຶ້ນ​ຄອງ​ບັນລັງ​ສືບແທນ​ເພິ່ນ​ຕໍ່ໄປ.”

1 ກະສັດ 2:45

ແຕ່​ພຣະອົງ​ຈະ​ອວຍພອນ​ເຮົາ ແລະ​ຈະ​ເຮັດ​ໃຫ້​ອານາຈັກ​ຂອງ​ກະສັດ​ດາວິດ​ໝັ້ນຄົງ​ຢູ່​ຕໍ່ໜ້າ​ພຣະເຈົ້າຢາເວ​ຕະຫລອດໄປ.”

2 ກະສັດ 11:12

ແລ້ວ​ເຢໂຮຍອາດາ​ກໍ​ພາ​ໂຢອາດ​ອອກ​ມາ, ສວມ​ມົງກຸດ​ໃສ່​ຫົວ​ໃຫ້​ເພິ່ນ ແລະ​ມອບ​ກົດບັນຍັດ​ການປົກຄອງ ຊຶ່ງ​ເປັນ​ເອກະສານ​ສະແດງ​ເຖິງ​ຕຳແໜ່ງ​ຂອງ​ກະສັດ​ໃຫ້​ເພິ່ນ. ໂຢອາດ​ໄດ້​ຮັບ​ການ​ຫົດສົງ​ແຕ່ງຕັ້ງ​ໃຫ້​ເປັນ​ກະສັດ. ປະຊາຊົນ​ພາກັນ​ຕົບມື ແລະ​ຮ້ອງໂຮ​ຂຶ້ນ​ວ່າ, “ຂໍ​ໃຫ້​ກະສັດ​ຈົ່ງ​ໝັ້ນຍືນ.”

ເພງ^ສັນລະເສີນ 119:175

ຂໍ​ຊົງ​ໂຜດ​ຮັກສາ​ຊີວິດ​ຂອງ​ຂ້ານ້ອຍ​ໄວ້​ດ້ວຍ ເພື່ອ​ຈະ​ສາມາດ​ຍ້ອງຍໍ​ສັນລະເສີນ​ພຣະອົງ ຂໍ​ໃຫ້​ຂໍ້​ຄຳແນະນຳ​ຂອງ​ພຣະອົງ​ຊ່ວຍເຫຼືອ​ຂ້ານ້ອຍ​ດ້ວຍ.

ເພງ^ສັນລະເສີນ 119:77

ຂໍ​ຊົງ​ໂຜດ​ເມດຕາ​ຂ້ານ້ອຍ​ດ້ວຍ​ເພື່ອ​ຂ້ານ້ອຍ​ຈະ​ມີ​ຊີວິດ​ຢູ່ ຍ້ອນ​ກົດບັນຍັດ​ຂອງ​ພຣະອົງ​ນັ້ນ​ຂ້ານ້ອຍ​ຈຶ່ງ​ພົບ​ຄວາມສຸກ.

ເພງ^ສັນລະເສີນ 13:3

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ໂຜດ​ຫລຽວເບິ່ງ​ຂ້ານ້ອຍ ແລະ​ຕອບ​ຂ້ານ້ອຍ​ດ້ວຍ. ຂໍ​ຊົງ​ໂຜດ​ປະທານ​ໃຫ້​ຕາ​ຂອງ​ຂ້ານ້ອຍ​ສະຫວ່າງ​ຂຶ້ນ​ໃໝ່ ຂໍ​ຊົງ​ໂຜດ​ຢ່າ​ປ່ອຍ​ໃຫ້​ຂ້ານ້ອຍ​ຕ້ອງ​ຕາຍໄປ.

ເພງ^ສັນລະເສີນ 133:3

ເປັນ​ດັ່ງ​ນໍ້າໝອກ​ຄ້າງ​ທີ່​ເທິງ​ພູເຂົາ​ເຮີໂມນ ຕົກລົງ​ອາບ​ຊີໂອນ​ເມືອງ​ທີ່​ຕັ້ງ​ຢູ່​ເນີນພູ​ນັ້ນ ຊຶ່ງ​ພຣະເຈົ້າຢາເວ​ໄດ້​ສັນຍາ​ເຖິງ​ພຣະພອນ​ຂອງ​ພຣະອົງ ທີ່​ໃຫ້​ມີ​ຊີວິດ​ດຳລົງຢູ່​ຢ່າງ​ບໍ່​ສຸດສິ້ນ.

ເພງ^ສັນລະເສີນ 72:17

ຂໍ​ໃຫ້​ນາມ​ກະສັດ​ນັ້ນ​ຢ່າ​ເປັນ​ທີ່​ລືມໄລ​ໄປ ຂໍ​ໃຫ້​ຊື່ສຽງ​ເພິ່ນ​ຍືນຍົງ​ດັ່ງ​ດວງອາທິດ ຂໍ​ໃຫ້​ທຸກ​ຊົນຊາດ​ຂໍ​ພຣະເຈົ້າ​ອວຍພອນ​ພວກຕົນ ເໝືອນ​ດັ່ງ​ທີ່​ພຣະອົງ​ໄດ້​ອວຍພອນ​ແກ່​ກະສັດ​ນັ້ນ.

ເພງ^ສັນລະເສີນ 89:29

ຜູ້ໜຶ່ງ​ໃນ​ເຊື້ອສາຍ​ຂອງ​ລາວ​ຈະ​ເປັນ​ກະສັດ​ປົກຄອງ​ເລື້ອຍໄປ ແລະ​ເຊື້ອສາຍ​ຂອງ​ລາວ​ກໍ​ຈະ​ຍືນຍົງ​ຢູ່​ທີ່​ຟ້າ​ສະຫວັນ.

ເພງ^ສັນລະເສີນ 91:16

ເຮົາ​ຈະ​ໃຫ້​ອາຍຸ​ຍືນໝັ້ນ​ເປັນ​ລາງວັນ​ແກ່​ພວກເຂົາ ແລະ​ເຮົາ​ຈະ​ຊ່ວຍ​ພວກເຂົາ​ໃຫ້​ໄດ້​ພົ້ນ.

ເຊກາຣີຢາ 6:13

ລາວ​ຈະ​ເປັນ​ຜູ້​ສ້າງ​ພຣະວິຫານ​ຂອງ​ພຣະເຈົ້າຢາເວ ແລະ​ຈະ​ໄດ້​ຮັບ​ກຽດ​ສົມກັບ​ເປັນ​ກະສັດ ແລະ​ລາວ​ຈະ​ປົກຄອງ​ປະຊາຊົນ​ຂອງຕົນ. ຈະ​ມີ​ປະໂຣຫິດ​ຄົນ​ໜຶ່ງ​ຢືນ​ຢູ່​ທີ່​ຂ້າງ​ບັນລັງ​ຂອງ​ລາວ ແລະ​ພວກເຂົາ​ຈະ​ປົກຄອງ​ຮ່ວມກັນ​ຢ່າງ​ສັນຕິສຸກ ແລະ​ມີ​ຄວາມ​ເຂົ້າໃຈ​ຊຶ່ງກັນແລະກັນ.’

ພຣະນິມິດ 1:18

ແລະ​ເຮົາ​ເປັນ​ຜູ້​ມີ​ຊີວິດ​ຢູ່ ເຮົາ​ໄດ້​ຕາຍໄປ​ແລ້ວ ແຕ່​ເບິ່ງແມ! ເຮົາ​ກໍ​ມີ​ຊີວິດ​ຢູ່​ນິຣັນດອນ. ເຮົາ​ຖື​ລູກ​ກະແຈ​ແຫ່ງ​ຄວາມຕາຍ​ແລະ​ແດນ​ມໍຣະນາ.