ເພງ^ສັນລະເສີນ 20:2 - ພຣະຄຳພີສັກສິ

² ຈາກ​ພຣະວິຫານ​ນັ້ນ ຂໍ​ພຣະອົງ​ສົ່ງ​ຄວາມ​ຊ່ວຍຊູ ຈາກ​ພູເຂົາ​ຊີໂອນ ຂໍ​ພຣະອົງ​ຊ່ວຍເຫລືອ​ທ່ານ​ເຖີດ.

ເພງ^ສັນລະເສີນ 20:2 Jak'a apnaqawi uñst'ayäwi

2 ຊາມູເອນ 5:7

ແຕ່​ກະສັດ​ດາວິດ​ຢຶດເອົາ​ປ້ອມ​ປ້ອງກັນ​ແຫ່ງ​ຊີໂອນ​ໄດ້ ເພິ່ນ​ຈຶ່ງ​ໃສ່​ຊື່​ໃຫ້​ບ່ອນ​ນີ້​ວ່າ, “ເມືອງ​ຂອງ​ດາວິດ.”

2 ຊາມູເອນ 6:17

ຫີບ​ຂອງ​ພຣະເຈົ້າຢາເວ​ໄດ້​ຖືກ​ຫາມ​ມາ​ວາງ​ໄວ້​ຢູ່​ໃນ​ຫໍເຕັນ ບ່ອນ​ທີ່​ກະສັດ​ດາວິດ​ໄດ້​ຈັດຕຽມ​ໄວ້. ແລ້ວ​ກະສັດ​ດາວິດ​ກໍ​ຖວາຍ​ເຄື່ອງ​ບູຊາ​ເພື່ອ​ຄວາມ​ສາມັກຄີທຳ​ຊ້ອງ​ພຣະພັກ​ພຣະເຈົ້າຢາເວ.

1 ກະສັດ 6:16

ຫ້ອງ​ທາງ​ໃນ​ເອີ້ນ​ວ່າ ຫ້ອງ​ສັກສິດ​ທີ່ສຸດ​ໄດ້​ສ້າງ​ຢູ່​ທາງຫລັງ​ພຣະວິຫານ​ຊຶ່ງ​ຍາວ​ໄດ້​ເກົ້າ​ແມັດ ແລະ​ຂັ້ນ​ດ້ວຍ​ແປ້ນ​ໄມ້ແປກ​ຕັ້ງແຕ່​ພື້ນ​ຈົນ​ຈຸ​ເພດານ.

ເພງ^ສັນລະເສີນ 3:4

ຂ້ານ້ອຍ​ຮ້ອງ​ຫາ​ພຣະເຈົ້າຢາເວ​ໃຫ້​ຊ່ວຍເຫລືອ ຈາກ​ເນີນພູ​ສັກສິດ ພຣະອົງ​ຕອບ​ຂ້ານ້ອຍ​ແລ້ວ.

ເພງ^ສັນລະເສີນ 54:3

ຄົນ​ຈອງຫອງ​ຕ່າງ​ກໍ​ພາກັນ​ຫັນ​ມາ ເພື່ອ​ໂຈມຕີ​ຂ້ານ້ອຍ​ໃຫ້​ໄດ້ ແລະ​ຄົນ​ໂຫດຮ້າຍ​ກໍ​ຊອກ​ສັງຫານ​ເຊັ່ນກັນ ເປັນ​ຄົນ​ທີ່​ບໍ່​ສົນໃຈ​ໃນ​ເລື່ອງ​ພຣະເຈົ້າ.

ເພງ^ສັນລະເສີນ 73:17

ຈົນກວ່າ​ຂ້ານ້ອຍ​ໄດ້​ເຂົ້າ​ໄປ​ໃນ​ວິຫານ​ຂອງ​ພຣະເຈົ້າ ແລ້ວ​ຂ້ານ້ອຍ​ກໍ​ເຂົ້າໃຈ​ສິ່ງ​ທີ່​ຈະ​ເກີດ​ກັບ​ຄົນຊົ່ວຮ້າຍ.

ສຸພາສິດ 18:10

ພຣະນາມ​ຂອງ​ພຣະເຈົ້າຢາເວ​ເປັນ​ດັ່ງ​ປ້ອມ​ທີ່​ເຂັ້ມແຂງ ຄື​ບ່ອນ​ທີ່​ຄົນ​ຊອບທຳ​ໄປ​ຢູ່​ຢ່າງ​ປອດໄພ​ໄດ້.

ເອຊາຢາ 12:6

ຈົ່ງ​ໃຫ້​ທຸກຄົນ​ທີ່​ອາໄສ​ຢູ່​ເທິງ​ພູເຂົາ​ຊີໂອນ ຮ້ອງໂຮ​ຍິນດີ ແລະ​ຮ້ອງລຳ​ທຳເພງ​ເຖີດ ອົງ​ຊົງ​ຍິ່ງໃຫຍ່​ແລະ​ຊົງ​ບໍຣິສຸດ​ຂອງ​ຊາດ​ອິດສະຣາເອນ ຢູ່​ທ່າມກາງ​ພວກເຈົ້າ​ແລ້ວ.”

ເອຊາຢາ 14:32

ພວກເຮົາ​ຈະ​ຕ້ອງ​ຕອບ​ພວກ​ຜູ້ນຳຂ່າວ ທີ່​ມາ​ຈາກ​ຟີລິດສະຕິນ​ນັ້ນ​ຢ່າງໃດ? ພວກເຮົາ​ຈະ​ບອກ​ພວກເຂົາ​ວ່າ, “ພຣະເຈົ້າຢາເວ​ໄດ້​ຕັ້ງ​ພູເຂົາ​ຊີໂອນ​ຂຶ້ນ​ແລ້ວ ແລະ​ປະຊາຊົນ​ຂອງ​ພຣະອົງ​ຜູ້​ທີ່​ທົນທຸກ​ຈະ​ໄດ້​ພົບ​ຄວາມ​ປອດໄພ​ໃນ​ທີ່ນັ້ນ.”