ເພງ^ສັນລະເສີນ 2:4 - ພຣະຄຳພີສັກສິ

⁴ ແຕ່​ຜູ້​ປະທັບ​ເທິງ​ຟ້າ​ສະຫວັນ​ໄດ້​ຫົວຂວັນ ແລະ​ພຣະເຈົ້າຢາເວ​ຫຍໍ້ຫຍັນ​ພວກເຂົາ.

ເພງ^ສັນລະເສີນ 2:4 Jak'a apnaqawi uñst'ayäwi

2 ກະສັດ 19:21

ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ກ່ຽວກັບ​ລາວ​ເປັນ​ດັ່ງນີ້: ‘ເຊັນນາເກຣິບ​ເອີຍ ນະຄອນ​ເຢຣູຊາເລັມ​ຫົວຂວັນ​ໃສ່​ເຈົ້າ.

ເພງ^ສັນລະເສີນ 11:4

ພຣະເຈົ້າຢາເວ​ຢູ່​ໃນ​ພຣະວິຫານ​ອັນ​ສັກສິດ​ຂອງ​ພຣະອົງ ພຣະເຈົ້າຢາເວ​ປະທັບ​ເທິງ​ພຣະ​ບັນລັງ ຢູ່​ໃນ​ສະຫວັນ ພຣະອົງ​ເຝົ້າເບິ່ງ​ມະນຸດ​ທຸກແຫ່ງ​ທຸກຫົນ ແລະ​ທັງ​ຮູ້ວ່າ​ຄົນ​ກຳລັງ​ເຮັດ​ຫຍັງ​ຢູ່​ດ້ວຍ.

ເພງ^ສັນລະເສີນ 115:3

ພຣະເຈົ້າ​ຂອງ​ພວກ​ຂ້ານ້ອຍ​ຢູ່​ເທິງ​ຟ້າ​ສະຫວັນ ພຣະອົງ​ປາຖະໜາ​ສິ່ງໃດ​ກໍ​ກະທຳ​ສິ່ງນັ້ນ.

ເພງ^ສັນລະເສີນ 123:1

ຂ້ານ້ອຍ​ແຫງນ​ໜ້າ​ແນມຫາ​ພຣະອົງ ຂ້ານ້ອຍ​ແຫງນ​ສູ່​ຟ້າ​ສະຫວັນ ບ່ອນ​ທີ່​ພຣະອົງ​ປົກຄອງ​ຢູ່​ນັ້ນ.

ເພງ^ສັນລະເສີນ 37:13

ແຕ່​ພຣະເຈົ້າຢາເວ​ຫົວຂວັນ​ໃສ່​ຄົນຊົ່ວຮ້າຍ​ທັງຫລາຍ ເພາະ​ພຣະອົງ​ຮູ້ວ່າ​ໃນ​ບໍ່ດົນ​ພວກເຂົາ​ຈະ​ຖືກ​ທຳລາຍ.

ເພງ^ສັນລະເສີນ 53:5

ແຕ່​ແລ້ວ​ຄົນຊົ່ວຮ້າຍ​ກໍ​ຈະ​ຢ້ານກົວ​ຫລາຍ ເໝືອນ​ກັບ​ວ່າ​ພວກເຂົາ​ບໍ່ເຄີຍ​ເປັນ​ມາ​ກ່ອນ ດ້ວຍວ່າ, ພຣະເຈົ້າ​ຈະ​ເຮັດ​ໃຫ້​ກະດູກ​ຂອງ​ເຫຼົ່າ​ສັດຕູ ຂອງ​ປະຊາຊົນ​ຂອງ​ພຣະອົງ​ຊະຊາຍ​ໄປສິ້ນ. ພຣະເຈົ້າ​ຈະ​ຊົງ​ໃຫ້​ພວກເຂົາ​ອັບອາຍ, ເພາະວ່າ​ພຣະເຈົ້າ​ຊົງ​ປະຖິ້ມ​ພວກເຂົາ​ແລ້ວ.

ເພງ^ສັນລະເສີນ 59:8

ຂ້າແດ່​ພຣະເຈົ້າຢາເວ ແຕ່​ພຣະອົງ​ຫົວຂວັນ​ໃສ່​ພວກເຂົາ ເຍາະເຍີ້ຍ​ໃສ່​ທຸກຄົນ​ທີ່​ບໍ່​ນັບຖື​ພຣະອົງ.

ເພງ^ສັນລະເສີນ 59:9

ຂ້ານ້ອຍ​ເຊື່ອໝັ້ນ​ໃນ​ຣິດອຳນາດ​ຂອງ​ພຣະອົງ ໂອ ຂ້າແດ່​ພຣະເຈົ້າ​ເອີຍ ພຣະອົງ​ຊົງ​ເປັນ​ປ້ອມ​ປ້ອງກັນ.

ເພງ^ສັນລະເສີນ 68:33

ຜູ້​ໃຊ້​ຟ້າ​ສະຫວັນ​ເປັນ​ພາຫະນະ ຄື​ຜູ້​ໃຊ້​ຟ້າ​ສະຫວັນ​ແຕ່​ດຶກດຳບັນ. ຈົ່ງ​ຟັງ​ຜູ້​ທີ່​ເປັ່ງ​ສຽງ​ຮ້ອງ​ດ້ວຍ​ຣິດອຳນາດ.

ສຸພາສິດ 1:26

ສະນັ້ນ ເມື່ອ​ເຈົ້າ​ຕົກ​ຢູ່​ໃນ​ຄວາມ​ເດືອດຮ້ອນ ເຮົາ​ຈະ​ຫົວຂວັນ​ໃສ່​ເຈົ້າ. ເມື່ອ​ເຈົ້າ​ຢ້ານກົວ​ຂວັນເສຍ ເຮົາ​ຈະ​ເຍາະເຍີ້ຍ​ເຈົ້າ

ເອຊາຢາ 40:22

ພຣະອົງ​ທີ່​ນັ່ງ​ເທິງ​ບັນລັງ​ຂອງ​ພຣະອົງ ຢູ່​ເໜືອ​ແຜ່ນດິນ​ໂລກ​ເຮົາ ແລະ​ຢູ່​ເທິງ​ທ້ອງຟ້າ; ພຣະອົງ​ໄດ້​ສ້າງ​ໂລກນີ້​ດ້ວຍ​ສີມື​ຂອງ​ພຣະອົງ​ເອງ ພຣະອົງ​ຫລຽວເຫັນ​ມະນຸດ​ຄື​ໂຕ​ຕັກແຕນ​ຢູ່​ເທິງ​ໂລກ. ພຣະອົງ​ກາງ​ຟ້າ​ສະຫວັນ​ດັ່ງ​ກາງ​ຜ້າກັ້ງ​ອອກ​ມາ ດັ່ງ​ຄົນ​ກາງ​ຜ້າເຕັນ​ເພື່ອ​ຈະ​ອາໄສ​ຢູ່.

ເອຊາຢາ 57:15

ເຮົາ​ເປັນ​ພຣະເຈົ້າ​ອົງ​ສູງສຸດ, ອົງ​ບໍຣິສຸດ, ແລະ​ອົງ​ຊົງ​ຊີວິດ​ຢູ່​ຕະຫລອດໄປ. ເຮົາ​ຢູ່​ໃນ​ສະຖານທີ່​ສູງສຸດ​ແລະ​ບໍຣິສຸດ; ແຕ່​ເຮົາ​ຢູ່​ນຳ​ປະຊາຊົນ​ຜູ້​ທີ່​ຖ່ອມໃຈ​ແລະ​ຜູ້​ທີ່​ກັບໃຈໃໝ່ ເພື່ອ​ວ່າ​ເຮົາ​ຈະ​ໄດ້​ຟື້ນຟູ​ຈິດວິນຍານ ແລະ​ຄວາມຫວັງ​ຂອງ​ພວກເຂົາ​ຂຶ້ນ​ໃໝ່.

ເອຊາຢາ 66:1

ພຣະເຈົ້າຢາເວ​ກ່າວ​ວ່າ, “ສະຫວັນ​ເປັນ​ບັນລັງ​ຂອງເຮົາ ແລະ​ແຜ່ນດິນ​ໂລກ​ເປັນ​ທີ່​ຮອງ​ຕີນ​ຂອງເຮົາ. ແລ້ວ​ພວກເຈົ້າ​ຈະ​ສ້າງ​ຫໍໂຮງ​ຊະນິດ​ໃດ​ສຳລັບ​ເຮົາ ຈະ​ສ້າງ​ວັງ​ຊະນິດ​ໃດ​ໃຫ້​ເຮົາ​ຢູ່?