ເພງ^ສັນລະເສີນ 16:1 - ພຣະຄຳພີສັກສິ

¹ ຂ້າແດ່​ພຣະເຈົ້າ ຂໍ​ຊົງ​ໂຜດ​ຄຸ້ມຄອງ​ຂ້ານ້ອຍ​ໃຫ້​ປອດໄພ​ດ້ວຍ ເພາະ​ຂ້ານ້ອຍ​ໄວ້ວາງໃຈ​ໃນ​ພຣະອົງ.

ເພງ^ສັນລະເສີນ 16:1 Jak'a apnaqawi uñst'ayäwi

ເພງ^ສັນລະເສີນ 116:6

ພຣະເຈົ້າຢາເວ​ປົກປ້ອງ​ຜູ້​ຂາດ​ທີ່ເພິ່ງພາ ເມື່ອ​ຂ້ານ້ອຍ​ຢູ່​ໃນ​ອັນຕະລາຍ​ພຣະອົງ​ໄດ້​ຊ່ວຍ​ໄວ້.

ເພງ^ສັນລະເສີນ 125:1

ຜູ້​ທີ່​ໄວ້ວາງໃຈ​ໃນ​ພຣະເຈົ້າຢາເວ ກໍ​ເປັນ​ດັ່ງ​ພູເຂົາ​ຊີໂອນ ທີ່​ບໍ່ມີ​ຫຍັງ​ເຮັດ​ໃຫ້​ສະເທືອນ ແລະ​ເຄື່ອນຍ້າຍ​ໄດ້.

ເພງ^ສັນລະເສີນ 146:5

ຄວາມສຸກ​ເປັນ​ຂອງ​ຜູ້​ທີ່​ພຣະເຈົ້າ​ຂອງ​ຢາໂຄບ​ຊ່ວຍເຫຼືອ ຜູ້​ທີ່​ເພິ່ງ​ໃນ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ

ເພງ^ສັນລະເສີນ 17:5

ຂ້ານ້ອຍ​ເດີນ​ຕາມ​ທາງ​ທີ່​ພຣະອົງ​ສັ່ງສອນ​ສະເໝີ ແລະ​ບໍ່ເຄີຍ​ຫລີກ​ໜີ​ຈາກ​ທາງນັ້ນ​ຈັກເທື່ອ.

ເພງ^ສັນລະເສີນ 17:8

ຂໍ​ຊົງ​ໂຜດ​ຄຸ້ມຄອງ​ຂ້ານ້ອຍ​ໄວ້​ດັ່ງ​ແກ້ວຕາ​ຂອງ​ພຣະອົງ ຂໍ​ຊົງ​ໂຜດ​ປົກບັງ​ຂ້ານ້ອຍ​ໄວ້​ໃຕ້​ຮົ່ມ​ປີກ​ຂອງ​ພຣະອົງ ແລະ​ຊົງ​ປົກປ້ອງ​ຂ້ານ້ອຍ​ໄວ້​ຈາກ​ການ​ໂຈມຕີ​ຂອງ​ຄົນຊົ່ວຮ້າຍ​ດ້ວຍ.

ເພງ^ສັນລະເສີນ 22:8

ພວກເຂົາ​ເວົ້າ​ວ່າ, “ເຈົ້າ​ຜູ້ເພິ່ງ​ພຣະເຈົ້າຢາເວ​ເອີຍ ເປັນຫຍັງ​ພຣະອົງ​ບໍ່​ມາ​ຊ່ວຍກູ້​ເອົາ​ເຈົ້າ? ຖ້າ​ພຣະອົງ​ພໍໃຈ​ໃນ​ຕົວ​ເຈົ້າ​ແທ້ນັ້ນ ເປັນຫຍັງ​ພຣະອົງ​ບໍ່​ມາ​ຊ່ວຍເຫຼືອ​ເອົາ​ເຈົ້າ​ໄວ້?”

ເພງ^ສັນລະເສີນ 25:20

ຂໍ​ຄຸ້ມຄອງ​ແລະ​ຊ່ວຍ​ຂ້ານ້ອຍ​ໃຫ້​ພົ້ນໄພ ຂໍ​ຢ່າ​ໃຫ້​ຂ້ານ້ອຍ​ພ່າຍແພ້​ເລີຍ ຂ້ານ້ອຍ​ມາ​ຫາ​ພຣະອົງ​ເພື່ອ​ຄວາມ​ປອດໄພ.

ເພງ^ສັນລະເສີນ 31:23

ທຸກຄົນ​ທີ່​ມີ​ໃຈ​ສັດຊື່​ເອີຍ ຈົ່ງ​ຮັກ​ພຣະເຈົ້າຢາເວ ພຣະເຈົ້າຢາເວ​ຊົງ​ຄຸ້ມຄອງ​ຮັກສາ​ຄົນ​ທີ່​ມີ​ໃຈ​ສັດຊື່ ສ່ວນ​ຄົນ​ຈອງຫອງ​ນັ້ນ​ພຣະອົງ​ຈະ​ລົງໂທດ​ທັນ ຕາມ​ທີ່​ພວກເຂົາ​ສົມຄວນ​ຈະ​ໄດ້​ຮັບ.

ເພງ^ສັນລະເສີນ 37:28

ສຳລັບ​ພຣະເຈົ້າຢາເວ​ພຣະອົງ​ຮັກ​ຄວາມ​ເປັນທຳ ແລະ​ບໍ່​ປ່ອຍປະ​ລະເລີຍ​ຄົນ​ທີ່​ສັດຊື່​ຕໍ່​ພຣະອົງ​ນັ້ນ. ພຣະອົງ​ຄຸ້ມຄອງ​ເຂົາເຈົ້າ​ຕະຫລອດໄປ ແຕ່​ເຊື້ອສາຍ​ຂອງ​ຄົນຊົ່ວ​ຈະ​ຖືກ​ໄລ່​ໃຫ້​ໜີໄປ​ສິ້ນ.

ເພງ^ສັນລະເສີນ 56:1

ຂ້າແດ່​ພຣະເຈົ້າ ຂໍ​ຊົງ​ໂຜດ​ເມດຕາ​ຂ້ານ້ອຍ ເພາະ​ຖືກ​ສັດຕູ​ໂຈມຕີ​ແລະ​ຖືກ​ຂົ່ມເຫັງ​ເລື້ອຍ​ມາ.

ເພງ^ສັນລະເສີນ 60:1

ຂ້າແດ່​ພຣະເຈົ້າ ພຣະອົງ​ປະຕິເສດ​ພວກ​ຂ້ານ້ອຍ ພຣະອົງ​ໃຫ້​ພວກ​ຂ້ານ້ອຍ​ພ່າຍແພ້ ພຣະອົງ​ໄດ້​ໂກດຮ້າຍ​ພວກ​ຂ້ານ້ອຍ ບັດນີ້​ໂຜດ​ເຊົາ​ແລະ​ຄືນ​ມາ​ຫາ​ພວກ​ຂ້ານ້ອຍ​ເຖີດ.

ເພງ^ສັນລະເສີນ 7:1

ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ຂ້ານ້ອຍ​ມາ​ຫາ​ເພື່ອ​ຂໍ​ໃຫ້​ພຣະອົງ​ປົກປ້ອງ​ຄຸ້ມຄອງ ໂຜດ​ຊ່ວຍ​ເອົາ​ຂ້ານ້ອຍ​ໃຫ້​ພົ້ນ ຈາກ​ທຸກຄົນ​ທີ່​ໄລ່​ຕາມລ່າ​ຂ້ານ້ອຍ​ດ້ວຍ

ເພງ^ສັນລະເສີນ 7:2

ຖ້າບໍ່​ດັ່ງນັ້ນ ພວກເຂົາ​ຈະ​ລາກ​ຂ້ານ້ອຍ​ໄປ​ດັ່ງ​ໂຕສິງ​ຂົບ​ຈີກ​ເຫຍື່ອ ກັດກິນ​ເປັນ​ຕ່ອນໆ ໂດຍ​ບໍ່ມີ​ຜູ້ໃດ​ຊ່ວຍກູ້​ໄວ້​ໄດ້.

ເພງ^ສັນລະເສີນ 84:12

ຂ້າແດ່​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ເອີຍ ຄວາມສຸກ​ເປັນ​ຂອງ​ຜູ້​ທີ່​ໄວ້ວາງໃຈ​ໃນ​ພຣະອົງ.

ເພງ^ສັນລະເສີນ 9:10

ຜູ້​ທີ່​ຮູ້ຈັກ​ພຣະນາມ​ຂອງ​ພຣະອົງ​ກໍ​ວາງໃຈ​ໃນ​ພຣະອົງ ຜູ້​ທີ່​ມາ​ຫາ​ພຣະເຈົ້າຢາເວ​ຈະ​ບໍ່​ຖືກ​ປະຖິ້ມ​ຈັກເທື່ອ.

ເພງ^ສັນລະເສີນ 97:10

ພຣະເຈົ້າຢາເວ​ຮັກ​ພວກ​ທີ່​ກຽດຊັງ​ຄວາມຊົ່ວ ພຣະອົງ​ຄຸ້ມຄອງ​ຊີວິດ​ປະຊາຊົນ​ຂອງ​ພຣະອົງ​ໄວ້ ພຣະອົງ​ຊ່ວຍກູ້​ເອົາ​ພວກເຂົາ​ອອກ​ຈາກ​ຄວາມ​ຊົ່ວຮ້າຍ.

ສຸພາສິດ 2:8

ພຣະອົງ​ຊົງ​ປົກປ້ອງ​ທາງ​ຂອງ​ຄວາມ​ຍຸດຕິທຳ ແລະ​ເຝົ້າ​ຮັກສາ​ທາງ​ຂອງ​ຄົນ​ທີ່​ເຊື່ອ​ໃນ​ພຣະອົງ.

2 ໂກຣິນໂທ 1:9

ຕາມ​ທີ່​ຈິງ ພວກເຮົາ​ຄິດ​ວ່າ ໂທດ​ເຖິງ​ຕາຍ​ໄດ້​ຕົກ​ຖືກ​ພວກເຮົາ​ແລ້ວ ເຖິງ​ປານ​ນັ້ນ​ກໍຕາມ ເຫດການ​ນີ້​ໄດ້​ເກີດຂຶ້ນ ເພື່ອ​ບໍ່​ໃຫ້​ພວກເຮົາ​ເຊື່ອໝັ້ນ​ໃນ​ຕົວ​ເອງ ແຕ່​ໃຫ້​ພວກເຮົາ​ເຊື່ອໝັ້ນ​ໃນ​ພຣະເຈົ້າ ອົງ​ທີ່​ບັນດານ​ໃຫ້​ຄົນ​ຕາຍ​ເປັນ​ຄືນ​ມາ​ສູ່​ຊີວິດ.

2 ຕີໂມທຽວ 1:12

ເພາະ​ເຫດ​ນີ້​ແຫຼະ ເຮົາ​ຈຶ່ງ​ຍອມ​ທົນທຸກ​ຕໍ່​ສິ່ງ​ເຫຼົ່ານີ້ ແຕ່​ເຖິງ​ປານ​ນັ້ນ ເຮົາ​ກໍ​ບໍ່​ລະອາຍ ເພາະວ່າ​ເຮົາ​ຮູ້ຈັກ​ພຣະອົງ ຜູ້​ທີ່​ເຮົາ​ໄດ້​ເຊື່ອ​ແລະ​ໄວ້ວາງໃຈ​ນັ້ນ ແລະ​ເຮົາ​ເຊື່ອໝັ້ນ​ວ່າ​ພຣະອົງ​ຊົງ​ສາມາດ​ຮັກສາ ຊຶ່ງ​ເຮົາ​ໄດ້​ມອບ​ໄວ້​ກັບ​ພຣະອົງ ຈົນເຖິງ​ວັນ​ນັ້ນ.